究極堂 (蜆殼街)

營業中

休息中

食物還好，但待應態度超級惡劣。依間餐廳係屋企附近，見佢環境ok，屋企附近無咩其他日本餐廳，所以都才想試下。之前有一次晚市想過嚟，個似乎係經理嘅人話要等位，但其他咩都冇講，當過客係孤兒咁，企喺門口都唔知佢想點，但其實入邊明明有張枱，啲職員全部掛住傾偈唔執枱。真係佩服個老闆請咁多喺度倒米嘅員工。今日lunch經過見佢有位，附近其他餐廳又排緊隊，咁就入去試吓啦。點知啲服務態度更加嚇死人，問個男待應有關餐牌嘅問題，佢答咗兩句就想同你嘈交咁，不斷用極差嘅語氣不斷重複同一句說話，我去茶餐廳都冇啲咁嘅情況。食物質素就OK嘅，叫咗個究極丼同個麻婆豆腐蛋包飯，叫做正正常常囉，但食完個魚生飯即刻肚痛。叫咗杯咖啡好耐都未到，跟住問返嗰個上次唔執枱嘅經理，佢話OK但又即刻走返去同其他人傾偈，再問多次先真係喺部咖啡機度整出嚟。應該試完一次都唔會再幫襯，附近冇乜日本餐廳，所以食物都叫正正常常嘅，冇比較。但咁嘅服務態度，真係大排檔茶餐廳都好佢哋好多，咁嘅價錢我去第二度算喇。