滾得囍宮廷火鍋小炒

🥚🥚🐷高檔宮廷風火鍋✨性價比：5.5/10🍳食物：6/10🌏環境：7/10🕺🏻服務：7.5/10💰是次消費：人均 $ 432#蛋蛋豬 🏝地點分類: #蛋蛋豬在北角🍰食物分類: #蛋蛋豬吃火鍋————————北角滙附近有間火鍋專門店，走高檔單點路線，華麗宮廷風裝修，內裡的一事一物都和皇宮朝代有關，享受「聖旨到」的氣派。韋小寶特濃沙嗲湯鍋 配雞湯 ($198)盛載濃湯的鐵鍋有兩條龍作把手，高尚設計。湯底內雖然一點湯料都沒有，不過沙嗲湯果然特濃，煮多久，加湯多次都不影響味道，而且愈煮愈濃味，單靠湯底不用點醬都可以。手切頂級安格斯牛肉 ($368/大)牛肉有一盤冰墊著保鮮，肥瘦均勻，有牛味，牛肉細切快熟，一下鍋搖兩搖就可以吃。鹿兒島日本黑豚肉 ($168)像衣架般掛起了所有豚肉，十分吸引。油脂分層明顯，脂肪部分較多，入口綿密。滾得囍宮廷手打丸拼盤 ($138)拼盤中有五款丸子，包括黑松露野菌鮮蝦丸、珍珠帶子墨魚丸、菠菜豬肉丸、墨汁墨魚丸和芝心牛肉丸，賣相吸引，手打丸口感彈牙，芝士流心，味道稍為被濃湯蓋過。御膳房秘製滑雙併 ($128)雙併我們選了黑松露墨魚滑及墨汁瑤柱滑，爽口彈牙，滾得囍蔬菜拼盤 ($78)好大的一盤蔬菜，拼砌得很美，有最想吃的唐生菜、娃娃菜、油麥菜、菜心甚至沙律菜，混入沙嗲湯底浸透入味。薯粉 ($38)足料竹蔗茅根 ($68)和朋友同飲一渣，份量剛剛好，在熱辣辣的火鍋中同時解渴。要讚的是：裝修優雅，流露古典美。食物選擇多，湯底選擇更加多得令人不知所措，選擇困難症全晚發作。滾得囍宮廷火鍋小炒 Big Boils Club🚦北角馬寶道33號寶馬花園1樓116-125號舖(北角站 A2 出口, 步行約2分鐘)🕰營業時間：12:00 – 22:00…查看更多

武漢肺炎之後都會盡量避免一D 不必要既飯局, 但係有D 飯都係要食既~ 我地首選緊係打邊爐啦~ 我地本來揀咗呢間, 但係佢FULL 咗, 冇得食, 我地已經諗定PLAN B.... 點知surprisingly 食嗰日打黎, 話有位~ YEAH!!!! 我地可以食返PLAN A 喇!  呢間都係FRIEND 介紹, 佢話食過好好食, 尤其是佢個響鈴~我地去到, 見到佢裝修都幾特別, 好宮廷FEEL, 我地坐卡位, 都夠位, 幾舒服~ 我地叫咗佢個椰子藏雞濃湯鍋, 上枱既時候, 真係好啱打卡, 好似有乾冰咁既效果, 好正~ 影相一流~   我地仲叫咗好多嘢食, 當然唔少得FRIEND 推介既黃金響鈴啦~ 我地仲叫咗黃金炸魚皮, 細既手切頂級安格斯牛肉, 鹿兒島日本黑豚肉, 黃沙靚豬潤, 手打珍珠帶子墨魚丸,  新鮮手打鳳尾鮮蝦丸, 日本廣島蠔, 脆肉鯇魚, 海鮮拼盤, 蓮藕片, 竹笙, 鮮淮山, 南京鴨血, 皇帝菜~ 真係好多嘢食..... 難得出黎打邊爐, 緊係想食乜就叫乜啦~佢個海鮮拼盤真係好抵食, 398 都有幾多海鮮, 又好新鮮喎, 佢個黃金炸魚皮超級好食~ 其實佢全部嘢都好好食, 真係正~ 個FRIEND 冇介紹錯~佢仲有得JOIN 埋MEMBER, SCAN QR CODE 入資料, 好簡單, 咁就有85折, 仲有個黃金響鈴送, 真係正~ 佢唔係好平既打邊爐, 但係論食材黎講, 佢真係高質, 有85 折, 都慳唔少~ 下次BOOK 到都可以再黎~ …查看更多

今日去了 北角 一間餐樓上餐廳「滾得囍宮廷火鍋小炒」食火鍋🍲，餐廳依家有一個68折優惠 (優惠時間為中午12:00至下午5:00)，最後我哋叫了：1️⃣ 順治特色卜卜蜆鍋 $1982️⃣ 海鮮拼盤 $3983️⃣ 鹿兒島日本黑豚肉 $1684️⃣ 滾得囍宮延丸拼盤 $1385️⃣ 萵筍 $426️⃣ 醬介 (2 x $28) $56整體來講：用料新鮮，味道唔錯價格💰：$798 ($1,000 + 優惠 -$302 + 加一服務費$100)味道😋：OK…查看更多

疫情後好耐冇打過邊爐 今次見到openrice 68折優惠就book咗北角滾得起星期日4PM入到嚟因為5係食飯時間所以客量比較少環境好古色古香好靚最中意嘅係上菜嘅擺設同個煲都好靚對於想打邊爐又想打卡嘅我 呢間就啱晒順治特色卜卜蜆煲 $198成個煲都係蜆 洗得好乾淨 蜆肉夠肥夠大隻 仲要一粒沙都冇和牛一口餃(半份4粒)$68黑松露野菌餃(半份4粒)$62黑松露就冇乜特別 但和牛就比較推薦好重牛味黃金雙拼 $88 係蛋黃魚皮同響鈴 響鈴真係好好味 但個人就食两三舊就好膩桂花蚌 $138 好爽好鮮 呢個係我encore必選鹿兒島日本黑豚肉 $168重點係佢擺得好靚本地牛頸脊(騸牯牛 大)$398黑松露墨魚滑 $118手打丸拼盤 $138…查看更多

又到左打邊爐嘅時候喇😼朋友介紹咗呢間打邊爐店，提供好多新鮮又高質既食材🤤🤤一上枱店員已經好貼心咁提供濕紙巾，水同埋醬汁同配料，唔錯唔錯———————🐽 一嚟到梗係要試下啲海鮮！果然冇介紹錯，柱花蚌食得出十分新鮮，好有咬口，一啲都唔腥！騸牯牛出名大家都知，用黎打邊爐真係好小見！今次試咗呢個牛頸脊，果然同平時食開嘅肥牛差天共地，一食落口好嫩口！牛味適中，油花都十分均勻🤩🤩日本豚肉食落口比美國豚肉林身，煮耐左都唔會話好硬好鞋口，油脂分布啱啱好，食得多都唔會膩。和牛芝士餃又係一個驚喜，首先上枱見到餃子嘅size已經比普通嘅餃子大，而食落口d和牛味好重🥰配埋少少芝士喺裏面，味道好豐富😆有齊新鮮油麥菜、白菜、菜心、娃娃菜同埋生菜。睇得出蔬菜洗得好乾淨同埋好新鮮，食落都好鮮甜嫩口😊…查看更多

良朋相聚最佳選擇莫過於滾一滾今次來到北角滾得囍來一頓宮廷火鍋湯底選了崇德芫茜皮蛋豆腐馬蹄鍋上鍋時以乾冰製造吞雲吐霧效果貴氣十足湯底味道挺清新的能襯托而不遮蓋食材本身鮮味材料十足皮蛋和馬蹄都不缺本地牛頸脊價錢不便宜但貨真價實牛肉片擺放有心思每一塊厚度大小均等並用碎冰墊底以保持新鮮不同於普通肥牛脂肪比例不高肉質嫩滑而彈牙牛肉味很濃不用沾醬油也風味絕佳鹿兒島日本黑豚肉擺盤有心思油脂分布平均肉質爽口味道濃蛋黃炸魚皮拼響鈴是必點的魚片炸得夠香脆表面鹹蛋黃勁香滾湯燙三秒的響鈴外軟內脆蛋黃香濃郁黑松露魚滑一碟兩份上份量剛好入口紮實彈牙黑松露味濃服務員態度也值得一讚上菜時都用甜美的聲音細心介紹經常守候在旁有需要時即時上前幫忙。下次到北角的話一定會再翻啅…查看更多

📢聖旨到：看看誰要被我寵幸😌 好耐無出去食餐好嘅，最近去左呢間好有玩味嘅餐廳打邊爐，店內裝潢、餐牌連餐具都好宮廷風😂 設計好古色古香 (仲有皇座🤣)🔹順治特色卜卜蜆鍋 ($198)先揀咗呢個招牌湯底，本身呢個湯底會有少少BB辣，好少量嘅辣椒粒，但如果驚辣都可以好似我咁走辣～成個鍋好有宮廷特色，仲冒晒煙咁送上枱，視覺效果加晒分，唔止岩打卡仲勁足料！一打開見到勁多肥美又大粒嘅蜆，好鮮甜又新鮮，分量勁多，目測有5-6十粒，真係食蜆食飽😂 呢個鍋絕對超值呀！🔸清酒鮮牛肉 ($148)呢到嘅牛肉都唔平，但真係真材實料同分量多嫁，肥牛打邊爐就食得多，清酒鮮牛肉真係第一次見，梗係要試吓，就算放落湯底烚，食落都有好出嘅清酒味道，勁有驚喜，而牛肉脂肪分布平均，完全唔膩，如果有3-4人黎食既話，建議可以點手切牛拼盤，見到隔離枱勁大盤😂！🔹鹿兒島日本黑豚肉 ($148)賣相吸睛，肉質爽口，油脂分布平均，味道濃郁🔸黑松露墨魚滑 ($98) 一份有兩條，墨魚肉爽彈，黑松露味香濃🔹鬼馬油炸鬼 ($58)將墨魚滑釀入油炸鬼中，一樣都紮實彈牙，淥完都依然有脆酥香，必食呀！🔸手打丸拼盤-10粒 ($128) 拼盤有五種唔同口味嘅手打丸，全部都好彈牙，黑松露鮮蝦丸、芝心牛肉丸、珍珠帶子墨魚丸、鯪魚肉丸、菠菜豬肉丸，最鍾意食頭3款，芝心丸一咬開好流心又唔會掩蓋牛肉味！🔹日本稻庭烏冬 ($32)連烏冬都唔馬虎，口感順滑彈牙！.🔸竹蔗茅根 ($68)呢個係一大渣計，好足料，食完成餐都仲未飲晒，入口好清潤，唔會好甜，打邊爐飲啱晒！.P.S: 發現OpenRice訂座可以全單58折起，抵好多，醬芥就$26/人～…查看更多

好耐之前黎過呢間火鍋店，戈次試完比我嘅印象非常難忘，因為真系睇得又食得自從前排夜晚堂食禁令延長到9點，今日開始更可以去到10點。多咗勁多人出街食野，我都當然吾例外今次就吾過海喇，近近哋去咗北角呢間滾得囍，所以今次系第2️⃣次到訪✌🏼以呢家飲食界嘅趨勢黎講，放題系最吃香嘅其中一個範疇，點解？一個字：抵囉！但又試諗吓，用一個價錢就可以任食咁多食物，質素真系未必間間都咁好🤔反而散點嘅火鍋店就比到客人一定嘅信心。系就系貴啲，但啲野食多數都吾會差得去邊。個鍋真系好有宮廷feel🤣勁有玩味重點好想喺度推介呢道嘅卜卜蜆鍋，第1次食卜卜蜆鍋就奉獻咗比呢間食店😬佢入面啲蜆真系多到一個點！仲要每一粒都好大粒！淨系食蜆都食咗半粒中🙊滿足曬我呢個海鮮控。平時喺火鍋店好少會突登叫豬肉黎食，因為多數質素都一般🧐不過喺OpenRice見到都幾多人推介呢道菜式就不妨試試。好耐未食過呢個價錢嘅豬肉🙈不過一分錢一分貨，比得呢個價錢，啲豬肉睇落真系淺粉紅色，整熟之後系淺白色，感覺結實得黎好有口感。本身好中意食黑松露，喺度當然都不忘點一份黑松露墨魚滑。整咗一粒粒出黎，每一粒嘅黑松露味都好濃郁😍墨魚味香濃。靚嘅牛喺打邊爐黎講，多數整熟之後仍然可以好清晰咁見到佢嘅條紋，呢度嘅牛肉就做到喇👍🏼呢種牛肉嘅脂肪吾多，即油脂吾多，但質感吾會因為呢個原因而好硬，食落系啱啱好💯鹹蛋黃系呢兩年真系太流行，好多間火鍋店呢家都有鹹蛋黃嘅菜式，真系為之瘋狂黃金雙拼即系鹹蛋黃魚皮同埋響鈴，影落吾似好多鹹蛋黃，但數量吾少，食落口好脆卜卜，鹹蛋黃同埋鹹蛋黃、魚皮融為一體好邪惡呀。呢度竟然有一個手打丸拼盤，個手打丸拼盤仲好抵玩，$128有10粒，仲有5款丸，分別系鯪魚丸、芝心牛肉丸、菠菜豬肉丸、珍珠帶子墨魚丸、黑松露野菌鮮蝦丸。幾款都好特別啊，喺出面好少食到😳…查看更多

一入門口已經睇到裝修用咗作宮庭式設計好特別 ，一卷聖旨皇上要點菜首先揀咗湯底芫荽皮蛋湯底，湯底裏面有豆腐，皮蛋同埋勁多芫荽一啖落去清甜可口.❥ ❥ ❥滾得囍宮廷拼盤 $128拼盤係有5種唔同味道嘅手打丸✨芝心牛肉丸 ✨超爽口彈牙裏面包有流心芝士，芝士味不會掩蓋牛肉味，值得一試✨鯪魚肉丸 ✨超彈牙好重魚肉味道✨菠菜豬肉丸 ✨菠菜味重過豬肉味口感偏腍✨黑松露鮮蝦丸✨香濃黑松露配蝦餃丸夠晒彈牙.❥ ❥ ❥本地手切牛肩肉 $248牛肩肉放落湯底垥10秒到牛肉好快熟透，脂肪分布好平均肉質鮮嫩，食到香濃牛肉味.❥ ❥ ❥鹿兒島日本黑豚肉 $148每塊黑豚肉掛住一排賣相非常吸引，豚肉脂肪比較多，肉質嚟講比較爽口，有少少油脂滲透，豚肉味道比較偏淡.❥ ❥ ❥黑松露墨魚滑 $98香濃黑松露慢慢散發出嚟，仲有粒粒墨魚肉係裏面，食落爽彈有嚼勁 :).❥ ❥ ❥鳳尾鮮蝦餃 $88 原隻鮮蝦釀入餃子裏面皮薄肉質好腍，鮮蝦非常新鮮彈牙.❥ ❥ ❥油麥菜 $38 食完咁多肉類點少得要食蔬菜，新鮮油麥菜爽口鮮甜中和番油膩感…查看更多

📍 滾得囍 🎗📍 北角 • 馬寶道33號馬寶學林1樓116-125號舖好像是每年都要來一次的《滾得囍》！！太太太掛念他們的花膠雞湯還有火鍋配料了，所以來訪第三次！嗯... 可是這次的服務跟衛生程度都是最不好的🙈第一次來的時候，店員耐心跟我們介紹湯底、點了的湯底該怎麼煮、哪個配料該何時放／何時吃... 這次應該實在是太多客人了，店員有點招呼不暇～地下也有點濕答答🙈不過！食物實在是太好吃，完全抹掉了我的不愉快💛還有！當客人慢慢離開，店員的服務就回復貼心了，原來是因為太忙了啦～聖旨到！！看菜單咯！康熙花膠雞湯鍋 ($298)「御膳房」準備的菜餚當然用料高貴又好吃，看看這「康熙花膠雞湯鍋」！份量很大：有半隻雞，還有厚厚的花膠。湯底都已經夠果腹啦～雞湯味道鮮甜又濃郁，吃火鍋前一定要先嚐嚐湯底！雞肉嫩滑；雪白色的花膠帶點膠質，非常滋補養顏🥰手切頂級安格斯牛肉 ($268) (細)出場時氣勢迫人，仙氣十足🌬牛肉油花均勻，色澤鮮紅，牛味很濃，很有咬口👍鹿兒島日本黑豚肉 ($148)賣相很漂亮，黑豚肉一片片的掛起來，還有兩片折成花型🌸油脂分佈平均，豬的味道濃郁，而且不會羶。黃金雙拼 ($88)黃金炸魚皮 | 黃金響鈴這個必點啊！！✨魚皮和響鈴，以鹹蛋黃包裹，即點即炸。看起來金黃的顏色十分吸引；吃上來熱呼呼又酥脆，每口都有鹹蛋黃的鹹香，非常好吃！滾得囍蔬菜拼盤 ($78)蔬菜拼盤份量一樣足夠，有多種蔬菜，每一種都很合我胃口🥬正宗日本稻庭烏冬 ($32)湯不夠時店員會主動過來幫你添～宮廷醬芥 ($28/位)這個價錢應該有更多醬料選擇啦～足料竹蔗茅根 ($68)-Menu:…查看更多

打邊爐都可以滾出新意思，一直知道北角有間滾得囍有好多中式古風擺設供打卡今次嚟到北角終於可以一嘗批閱奏折。入到嚟門口，已率先見到大大張龍椅，而整體環境都係非常古色古香設計點完野食，可以一路等一路影下唔同打卡位，木質雕花墻同木製椅等裝修，舒服得嚟宛如置身古代宮廷醬芥 $28/1人前菜同醬料各有四款，未上菜前可邊食邊商議朝中大小事★★★★★順治特色卜卜蜆鍋 $188呢個鍋極有中國宮廷氣息，銅製鍋身有精緻的手繪龍紋，裝飾上已爆晒分D蜆又多份量，肉又夠大粒！由於我地走咗辣，令整個湯底味道更加清甜，就咁飲啖蜆湯已覺得好正最緊要蜆冇沙粒店員仲特登俾我地一個大碗，可以裝蜆殼，夠細心★★★★★手切頂級安格斯牛肉 $348首先就當然叫份牛打響頭炮，呢份安格斯牛肉同樣用龍紋鍋盛載，伴隨乾冰飄出煙霧，整體觀感又再矜貴一個檔次花紋﹑色澤分明，厚薄適中食落肉質鮮嫩，濃厚牛香★★★★★鹿兒島日本黑豚肉 $98黑豚肉同樣質素唔錯，賣相吸引用一千秋盛載，掛起塊塊色澤分明的黑豚肉食落新鮮幼嫩★★★★★黃金雙拼 $88打邊爐除咗必食牛豬，最鍾意嘅莫過於響鈴同炸魚皮，而呢度仲可以選擇埋黃金咸蛋口味，即叫即炸，新鮮上到已經聞到超香咸蛋味重點讚嘆黃金響鈴比較少見，就咁食都超酥脆，或者如常浸1~2秒湯，表皮已經瞬間吸到新鮮蜆湯內裏依然保持少少脆口，口感冇得頂★★★★★手打黑松露野菌鮮蝦丸 $68★★★★★手打黃金流心鮮蝦丸 $68手打丸可以選擇叫半份，我地就叫咗兩款蝦丸試下，大大粒夠份量，入口彈牙，黑松露味同黃金味都好出，同時又唔會遮蓋蝦丸本身嘅鮮味特別係黃金流心鮮蝦丸，入口時小心熱，一唔覺意D流心勁多爆晒出嚟★★★★★鬼馬油炸鬼 $58上到嚟我地以為係普通丸，面層滑到我地以為食緊蝦滑，超正點知咬落先知原來呢粒就係鬼馬油炸鬼😳！呢款真係非常特別，粒丸淥咗內裡嘅油炸鬼粒仲可以保持到脆酥香到底係點做到架～★★★★★和牛芝士一口餃 $68皮薄餡靚，包住大大粒既芝士味和牛，濃郁牛肉味又夠晒juicy★★★★★鮮淮山 $40好鍾意食淮山，淥過後就唔會滑潺潺，似少少薯仔口感得嚟，仲好健脾開胃，補陰生津★★★★★雜菜拼盤 $68雜菜拼盤超大一兜，成盤花咁，份量多款式多，都幾抵食滾得囍宮廷火鍋小炒整體評分★★★★地理環境★★★★★乾淨企理，古典中式宮廷風格，裝潢夠氣派，引人入勝服務★★★★會介紹特色菜品食物★★★★上菜速度快，食材新鮮價位＄＄＄…查看更多

朋友最近升職請打邊爐！揀咗嘅呢間火鍋店，係喺朋友公司附近，性價比高又好食，影相仲好靚！🌪宮廷醬芥 $28/位火鍋醬料有辣椒絲/芫荽/蒜蓉/蔥花；仲有4款開胃前菜，分別係酸菜/雲耳/小黃瓜/花生，當中花生最好味，咸香十足脆卜卜，食到停唔到口。🌪順治特色卜卜蜆鍋 $188同朋友想食海鮮，見有卜卜蜆鍋，就叫呢個啦！個鍋賣相霸氣又精美，上枱嗰陣仲有煙霧效果，用嚟影相呃like啱晒！更估唔到嘅係，鍋入面有好多蜆！簡直覺得啲蜆係塞滿哂個鍋！蜆肉飽滿，味道鮮甜，而且冇沙，卜卜蜆湯底仲有得揀辣度。🌪鹿兒島日本黑豚肉 $98又係賣相一流！黑豚肉肥瘦相間，肉味香濃冇騷味，肉質彈牙！🌪滾得囍餃子拼盤10粒 $128和牛芝士一口餃新鮮菜苗帶子餃韭菜豬肉餃黑松露野菌餃黃金沙葛餃五款餃子，粒粒都超大隻😂我最鐘意食黑松露野菌餃，黑松露味香濃，野菌爽口；朋友最鐘意黃金沙葛餃，咸蛋黃惹味，但唔會過咸，沙葛爽脆，味道好夾。🌪黃金雙拼 $88絕對係邪惡之選😏炸魚皮同響鈴再加上黃金流沙🤤諗返都流口水呀！上枱時新鮮滾熱辣！惹味脆口，就咁食定浸湯都一流！🌪黑松露蝦丸(半份) $68手打蝦丸足料彈牙，蝦丸好有彈性，十分鮮味，同時亦食到黑松露香味。🌪蜂巢豆腐 $48打邊爐最鐘意叫嘅蜂巢豆腐，已經完全解雪，可以充份吸收湯底嘅精華😋🌪雜菜拼盤 $68擺盤有花心思，成盤花咁拎出嚟，蔬菜非常新鮮乾淨，當中嘅粟米味道香甜，蓮藕爽脆👍🏻…查看更多

聖旨到~ 呢間火煱店裝修，餐牌，用具特別。兩人行，叫左順治卜卜蜆湯底。湯底我地走左辣(自己鐘意可以自己再加辣)，想試下啲蜆新唔新鮮。食落去又幾好味，又唔太細粒，無沙，仲幾多蜆，令到湯底幾鮮。牛肉色澤靚，薄切既牛，好快熟，少少淡淡清酒味。花雕雞件，酒味比清酒牛肉濃啲。仲叫左帶子墨魚丸，啲丸好大粒，入面真係有粒帶子bb入面，算係有驚喜。(原本以後佢係帶子絲。)日本黑豚肉，比較肥，本人覺得okay la ~ 鐘意既你可以試。野飲一罐可樂都要HKD 19:(所以試左佢地秘製野飲: 足料竹蔗茅根水。野食overall 都唔錯，如果多人食既抵啲，又試到多啲野。我見鬲黎枱order 左啲餃子，好大隻，好足料咁。由於今次兩個人食，試唔哂想食既野，呢間可以黎多次，試下其他餸，湯底…查看更多

一年前嚟過滾得囍宮廷火鍋打邊爐，對佢仍然念念不忘，呢晚就帶咗個喺鰂魚涌返工嘅朋友嚟試多次～餐廳以具古代氣息嘅裝修、人手雕刻嘅清龍鍋爐、青花瓷器餐具、精緻嘅宮廷級佳餚令客人好似身處在古代宮廷享受美食咁又要接旨喇～宮廷醬芥 ($28/位)康熙花膠雞湯鍋 (半隻) ($298)雖然佢有成15個湯底可以揀，但我都係揀咗上次食嘅、對佢朝思暮想嘅康熙花膠雞湯鍋🤪雞湯好清好濃味，唔覺有咩味精～超級足料！個湯都會出幾多油，所以店員俾咗呢個容器我哋片油，好貼心♥️，而且好好用😛嗌到成枱嘢🤤黃金雙拼 ($88)黃金炸魚皮 黃金響鈴超級推薦呢個黃金雙拼！炸魚皮同響鈴用鹹蛋黃包住即炸，一上枱已經聞到好香，記得趁熱食！黃金炸魚皮超脆口👍🏽黃金響鈴好大舊，好多層，所以超鬆脆！不過呢碟嘢都幾heavy，好飽肚，兩個人未必食得晒🙍🏻‍♀️鹿兒島日本黑豚肉 ($98)記得上次食呢個啲肉有啲韌，今次有進步👍🏽 脂肪同肉嘅比例唔錯，唔會太肥，亦好有豬味🥰（嚟自日本應該唔怕有豬瘟掛哈哈哈🤣）滾得囍蔬菜拼盤 ($68)蔬菜拼盤有幾多種類嘅菜，生菜、菜心、娃娃菜、粟米、蓮藕，又新鮮，唔錯👍🏽黑松露墨魚滑 ($98)浸住乾冰上碟，好靚～墨魚滑好爽好彈牙手打黑松露野菌鮮蝦丸 ($68/半份)呢個鮮蝦丸嘅黑松露味比墨魚滑嘅重，不過就無咁彈牙，但都好味😜足料竹蔗茅根 ($58)打邊爐唔少得就係竹蔗茅根啦⭐️其他推薦菜式：半熟牛肋片 ($68)新鮮菜苗帶子餃 ($62/半份)新鮮粟米 ($40)山水滑豆腐 ($28)餐廳環境、食物質素、服務質素都十分出色，就算已經唔係第一次嚟，但仍然比到我想再嚟嘅衝動😍 大家都嚟試下🤘🏽Menu:…查看更多

喺北角返part-time已經三年，最近先知附近有間以皇宮為主題既火鍋店，不過位置比較隱蔽，係一間細細既商場入面。餐廳有屏風隔住每一枱客人，感覺私隱度高。而且屏風嘅pattern係「囍」，配合返餐廳嘅名字。最霸氣莫過於餐廳門口嘅龍椅同枱面上嘅聖旨。滾得囍有我最鍾意嘅生啤牌子1664，而且做緊買二送一嘅優惠，可惜我今晚返屋企要溫書。霎眼睇以為係茶具，其實入面係豉油，差啲倒左落茶杯度。不過由此反映餐廳對於餐具嘅要求一絲不苟，盡力展現宮廷氣派。首先湯底叫咗慈禧酒香麻油雞鍋湯底。上枱嘅時候只有成隻麻油雞，然後職員點一點火，猶如烈火烹油，視覺效果一流。順帶一提，湯底幾好飲，雖然湯底有酒香二字，但酒精遇熱會揮發，所以唔使驚醉，可以盡情咁飲。雞件非常高質，肉質一啲都唔「鞋」，浸左麻油更加香滑。之後重頭戲嚟啦！就係手切澳洲極級和牛。真係無人抵抗到和牛嘅魅力，特別係入口即溶嗰下既感覺。另外牛味非常濃郁。再嚟嘅係鹿兒島日本黑豚肉。餐廳將黑豚肉逐片掛起，比起平放更美觀。從照片中見到脂肪層層分佈，非常鬆化，比一般豬肉的確高級更多。食咗咁多肉當然要叫大量蔬菜平衡返，我哋叫咗蜂巢豆腐同雜菜拼盤，豆腐索晒湯底嘅精華，一個字，掂！女朋友麻麻哋海鮮，所以同佢打邊爐時，材料離不開三款：肉、菜同餃/丸。今次我哋叫咗餃子拼盤，總共有五種味道，包括黑松露野菌、黃金沙葛、菜苗帶子、韭菜豬肉同和牛芝士。款式比一般火鍋店更新穎。打邊爐一定要影返張「全家福」，呢三小時既晚餐猶如宮庭式嘅享受，值得再光顧。…查看更多