肚餓了串燒烤焗專門店

放工有時攰攰地好想食下串燒飲杯啤酒，但好多串燒店都好大陣味，食完返屋企洗頭洗3次都唔掂！朋友推薦尖沙咀嘅肚餓了食完唔會有燒物味道，今晚就去試一試嚕～串燒叫左雞肉、免治雞肉棒&鹽燒牛舌，每串睇落脹卜卜，非常巨型！睇見好開心，心諗一定唔會乾噌噌～牛舌燒到剛剛好好嫩滑，完全唔韌有肉汁！雞肉調味特別，配有炭火燒嘅香味好食😋雞肉棒就有少少軟骨混喺肉棒，咬落脆口咁唔會膩豬頸肉肉質易咬，調味唔濃，但可能本身鍾意食泰式燒豬頸肉，如果有酸辣汁就正到爆啦！海鮮類叫左金黃醬廣島蠔同冬陰功錫紙包蜆，蠔好大隻燒完都無縮水，燒蠔係另一種食法，呢甜味同蠔味同生蠔🦪完全唔同蜆每粒細細粒但粒粒都有肉，有時殼多過蜆肉好鬼嬲！冬陰功湯底好清，唔會辣到食唔到，怕辣嘅朋友友都可以試試！呢個送酒一流！串燒必叫嘅茄子又點少得？！呢個茄子🍆係孜然粉嘅辣，肉碎微甜，茄子燒得很好，茄子肉夠腍重好甜～正吖！呢間嘅黃金薯條出哂名我又點會點漏～不過一碟超大盤！黃金做得好靚，每條薯條都有黃金醬～非常好食！我凈係食過黃金蝦，估唔到黃金+薯條都咁夾！呢個薯條重大份到食得飽兩個人喔～呢餐食到無敵飽，真係唔好睇少串燒嘅威力！食完衫同頭完成無味，又無油淋淋咁，下次想飲杯酒一定會再去吖！…Read More

今日為慶祝丫妹離職脫苦海第一天, 知道佢最中意食串燒, 於是book左尖沙咀一間樓上主打串燒餐廳同佢食返餐。餐廳面積不大, 地方企理,多款串燒、小食供選擇。【鹽燒牛舌】HK$68一串有五件超厚切牛舌,  牛舌口感超爽, 帶有原本肉汁, 表面有少少孜然粉調味, 驚喜惹味!【金菇牛肉卷】HK$39肥牛卷住串串金菇, 牛表面煎至焦香, keep到肉汁唔太乾, 肉汁再滲左落金菇入面, 正!【香燒餃子雞翼】HK$49雞翼已被去骨, 釀入了明太子, 賣相脹卜卜, 鹹鹹地又有層次【燒雞軟骨串】HK$39軟骨爽脆, 表面有少少焦香, 灑左有少少鹽調味, 提升味道【免治雞肉棒】HK$38雞肉棒表面有少少燒汁, 燒得濃濃地, 但內裡keep到肉汁, 包含左少許軟骨碎, 食落有層次【芝士蟹籽燒玉子】HK$38熱辣辣時可拉起長長芝士絲, 面層加上大量蟹籽, 整體甜甜地, 但蛋味同芝士味都唔太濃郁。食落唔會好漏。【忌廉蟹肉餅】HK$22炸皮鬆脆不油膩, 入面嘅流心忌廉超軟滑, 忌廉味突出, 但唔太食到有蟹肉。【黃金墨魚咀】HK$69墨魚咀爽彈, 鹹蛋黃味濃郁, 份量很大, 兩個人食都覺得好漏。【微辣肉碎茄子】HK$49茄子keep到juicy, 面層肉碎似被炸過, 微微脆身, 同時亦混入左香蒜, 整體食落唔覺辣, 反而食到清甜茄子同時又有肉碎香口惹味, 配搭perfect match。 【牛油栗米】HK$38掃上了燒汁燒, 粟米清甜, 又有些少燒汁調味, 味道不單調。…Read More

原來已經有一段時間沒有吃串燒， 昨晚與朋友想搵個地方一邊食串燒一邊傾計， 突然想起肚餓了串燒烤焗專門店， 就即興去食。 大家揀自己喜歡的串燒，鹽燒牛舌$68、金菇牛肉捲$39、雞肉串$39、香燒餃子雞翼$49、蒜蓉廣島蠔$68、 蒜蓉茄子$49、燒韮菜$25、蜜糖廣島蠔$68、罐裝烏龍茶$18、罐裝檸七樂$18。🍡蜜糖廣島蠔🦪～ 稍為有點燒過時間， 廣島蠔乾了少少。🍡蒜蓉廣島蠔🦪～ 入口juicy又肥美， 新鮮。🍡鹽燒牛舌～ 牛舌厚切， 食串燒最鍾意點牛舌。🍡蒜蓉茄子🍆～ 每次必點蒜蓉茄子， 蒜蓉和茄子兩者的味道是最夾的。🍡香燒餃子雞翼🍗～ 明太子餃子雞翼， 少少微辣 最惹味。🍡雞肉串～ 啖啖肉， 入口嫩滑好味。🍡金菇牛肉捲～ 燒得剛剛好有肉汁， 有三件份量都唔少。🍡燒韮菜～ 朋友很喜歡吃燒韮菜， 這裏燒得很嫩滑。🥤罐裝烏龍茶～ 我飲烏龍茶， 可以去膩。🥤罐裝檸七樂～ 朋友的檸七樂， 不太甜幾好。約埋三五知己吃串燒，一邊傾計一邊飲嘢， 過了一個開心的晚上。…Read More

最近去咗一間尖沙咀既串燒小店, 座位喺高枱和椅, 店內地方寬敞, 幾岩朋友聚會吹水啤下幾relax! 牆身有好多酒樽做裝飾, 幾有氣氛!🍺我地先點左佢最吸睛就係佢既粗口手工啤, 有5款唔同口味, 揀左"吊" (為免被ban, 原字請睇圖XD), 酒精濃度唔高, 飲落麥味幾出, 少少偏苦, 另外點左Sapporo生啤, 夠晒大杯, 岩晒同朋友啤啤佢🍻~🍴黎到食物方面, 選擇都幾多, 最出色既係雞肉串, 有2串, 肉質嫩滑, 加埋掃上雞肉既甜醬汁好夾, 必點😋! 每次食串燒都會食牛舌, 呢到牛舌喺厚切, keep到彈牙, 不過上枱前, 已經撒滿孜然粉, 略嫌落得太多, 有d蓋過左牛舌原味道, 建議店員可以改為提醒食客自己落孜然粉, 咁就可以自行控制想落嘅分量~ 金菇肥牛卷, 肥牛燒到岩岩好, 唔會乾身, 金菇幾足料, 數量好多又夠濕潤, 咬落去爆汁, 好惹味!燒豬頸肉切得薄身, 肉質結實, 燒至金黃色岩岩好, 唔會太乾身, 皮邊燒得香口脆身!🍟黃金薯條係加左咸蛋黃, 薯條有少少乾身overcook左, 略嫌咸蛋味唔夠香, 但咸蛋分佈平均, 岩晒配啤酒一路飲一路食🍺~🍆蒜蓉茄子係開邊焗, 好大條, 蒜蓉很多, 如果茄子肉再飽滿D就更好!…Read More

今日同一位初相識嘅朋友會面，第一次見面總系會尷尬，這是常識吧？所以更加要揀選一個適合把酒談天嘅好地方🤤幾年前喺尖沙咀讀high dip，周不時都會同同學去近北京道同埋亞士厘道嘅一間日式餐廳食串燒同埋小食，諗番戈陣讀書真系relax好多⋯⋯出到黎做野完全系兩回事😟吾理咁多喇，好好relax埋呢一日先！裡面嘅枱櫈主要系木造，牆身又有好多酒樽做裝飾，都幾有氣氛喎。餐廳菜式以串燒為主，另外仲有不少小食，個人認為一大班人黎食系好適合嘅，當然同朋友或者情侶食又有另外一種風味。粗口啤喺呢度都夠曬特別🤣記得好似喺同區嘅另一間日式餐廳都有同款嘅啤酒？兩間餐廳應該系同一個老闆？見到呢間餐廳都幾多人推介燒雞肉，一於試吓雞肉係咪都可以整到咁好食先😆同朋友每人一串，雞肉真係幾有口感，肉質都嫩滑，呢樣係全餐最好食嘅菜式👍🏼牛舌喺串燒界都算佔一席位，黎到依度當然都不忘試試。呢度嘅牛舌比較乾身，唔似出面嗰啲咁有啲濕潤，不過口感都保持到有適當嘅嚼勁，都算OK啦。金菇肥牛卷好多串燒店都有，我本身都中意食呢樣野😋金菇嘅數量都多，同埋夠濕潤，吾會太乾身。肥牛反而同樣都系有點乾身，好彩有金菇嘅濕潤調和。豬頸肉不嬲都系好香口嘅菜，應該都好多人中意食。呢度嘅豬頸肉比想像中好食呢😋每一件嘅口感都結實，燒嘅味道幾明顯。最後飲咗一款粗口啤，味道其實應該一樣🤔不過系啲粗口吾一樣🤣入面戈隻系黑啤，不過濃度吾算好高，飲完都吾會太嗆。…Read More

呢間串燒即叫即燒 上枱熱辣辣 仲要燒得好靚 係值得推薦嘅黃店 大家可以去同fd啤啤佢 吹下水👻💛-1️⃣「微辣肉碎茄子🌶🍆($49)」肉碎肥瘦岩岩好超香口 唔再係🧄味都咁出色Grilled eggplant with spicy minced pork-2️⃣「鹽燒厚切牛舌👅🧂($68)」有5大舊 多汁爽口 Beef tongue with salt- 3️⃣ 「燒雞腎🐓($32)」極爽口 一定要試下！Grilled chicken kidneys-4️⃣「金菇牛肉卷🥩($39)」必食🤘🏻超juicy 燒汁香甜 牛肉香嫩 Grilled Enoki mushroom beef rolls-5️⃣「牛油粟米🌽🧈($38)」粟米香甜新鮮corn with butter-6️⃣ 「燒玉子🥚($38)」芝士蟹子味 Tamagoryaki with cheese crab roe-7️⃣「黃金墨魚嘴🦑($69)」金莎鹹蛋黃超多 夠油香 份量頗多💛 Deep-fried cutter-fish heads with salted egg yolk…Read More

夜晚冇book，但等左一陣就見有人走就有得入！環境比較暗，好岩small talk同飲野。但我係勁鐘意串燒既人，所以重點當然係串燒啦！茄子🍆 必叫開邊焗：好香，熟晒，皮都食埋，一啲都唔硬，蒜蓉均勻搽落成條茄子，乾蒜鋪面增加口感。雞肉串：好抵食，大大條兩條，甜既醬汁同雞好襯。肉質嫩滑。牛舌：上次黎食超正，今晚有兩舊略嫌少少窿，但都無阻牛舌既爽口同香味！玉子我見蟹子比較受歡迎，但我又想試下肉鬆，都不錯！好多木魚，個蛋好厚好正。肉鬆口感又正。鰻魚勁正，佢唔算好大條，但性價比好高，燒得岩岩好。雞腎好爽口。豬頸肉比較林身，但夠味，送酒會唔錯。…Read More

今晚唔係好肚餓,但又想搵個地方同啲朋友chill 吓，最岩就係黎食串燒，飲啤酒啦。而家仲優惠價，$88 就有2杯生啤啦鹽燒牛舌 📍$68切到細細粒，好厚身，燒得好平均，可以將肉汁鎖住，一啖咬落去好juicy肉汁香燒餃子雞翼 📍$49雞翼入面塞滿咗醉肉，塞到隻雞翼好肥美。餡料好入味，不過入面應該仲有其他嘢我食唔出白酒焗蜆 📍$58白酒味好重，仲粒粒都有肉架，好似一粒空殼都無蒜蓉扇貝 📍$68好大隻，好鮮甜，上面仲鋪滿曬蒜蓉，岩哂我甜薯串📍$22日本甜薯無端論幾時都係特別甜嘅 😁蒜蓉牛油雜菌 📍$48蒜蓉份量都一樣咁多麻吉燒 📍$22外層好似魚蛋咁嘅味，入面係年糕黎架。 外層好彈牙，入面煙煙靭靭好有咬口，yummy yummy雞泡魚乾 📍$49上面蘸上醬汁，令到魚乾一啲都唔乾，不過我覺得有少少偏咸日式燒餃子 📍$48一客4件，蘸埋個酸酸甜甜嘅醬汁，好開胃…Read More

今晚同男朋友到尖沙咀食這間香港人支持的串燒店，滿滿的客人，同心享受美食！環境整潔乾淨，以黑色枱子及舒適椅子為主，有個大大的時鐘及多種不同酒樽擺設作裝飾，有型的設計；牆上也有不同推薦的食材及啤酒作推介，播放著輕鬆的背景音樂，好舒適！是在餐紙上寫下點的串燒數量，餐紙上的串燒選擇幾多款，有肉類（牛、雞、豬、羊）、蔬菜、菇菌、飯類、小食！我們點了好多不同的串燒，每種不同口感及特色！ 1. 汁燒BB蘆筍以竹櫼串起幼身翠綠的BB蘆筍燒，健康又多汁又嫩身易咬，好味道！必食之選2. 鹽燒牛舌有咬口爽口微咸香的牛舌，厚身的質感好正好吸引，必食之選3. 燒羊架2件大大件的羊架，外脆內軟燒得剛剛好，喜歡這個羊的羊味超濃郁，愛羊者必食4. 自家製惹味醬汁雞肉串雞肉好大塊好多汁，燒得唔乾又雞肉軟滑香嫩5. 日式鰻魚焗飯熱辣辣送到，鰻魚好多好多片排得好靚，惹味香軟無骨鰻魚配上鰻魚汁好正好軟，而飯焗得好香脆配上鍋底的飯焦脆卜卜，好滋味！6.辣味黃金薯條好大籃喔！多人一齊食就好適合了！好脆口、濃郁蛋黃香味，辣味好強勁，辣得好過癮7. 手工啤酒Tangerine wheat有許多不同啤酒、手工啤選擇，而這樽手工啤酒酒精成分不會太高太濃烈、帶有香濃的橘子味，好易入口又足夠凍！配串燒好夾！啤酒更有超級優惠，$88有2杯1664啤酒，正喔！…Read More

今晚同朋友慶祝生日，揀左肚餓了串燒烤焗專門店，貪食串燒可以每樣試D，岩晒花心既我地侍應安排左我地坐係全場唯一望到街景既窗口位，lucky~餐廳座位舒適，燈光昏暗，播住音樂，好適合gathering我地見到menu好多選擇，不自覺地叫左好多野，哈哈~首先黎左芝士廣島蠔(2隻)，好多芝士鋪係面，蠔都唔細架~香燒餃子雞翼(2隻)，第一次食入而包餃子既雞翼，好特別~原條鰻魚，肉質嫩滑，好緊要冇骨~孜然羊仔柳，好好食，唔羶，肉質都好好咬又惹味~雞肉串(2串)，$39有兩串大大串，十分抵食，啖啖肉~鹽燒牛舌，厚身，仲有5粒甘多~肉鬆玉子燒，好中意食蛋，甜甜地，同肉鬆都幾夾~燒豬頸肉，超好食，份量多，燒得岩岩好，唔會太乾~黃金炸雞同黃金薯條，有好多咸蛋黃，新鮮炸起，熱辣辣~最佳捧住個肚走，好滿足依家仲有以$88優惠價享兩杯生啤既優惠，但太飽啦，冇飲到...…Read More

尖沙咀一向多美食選擇，今次就試一試呢間串燒燒焗專門店。店名好得意，叫肚餓了，十分吸引人眼球。店內環境乾淨企理，值得一提是窗口位可以望到街景，仲可以望到小小幻彩詠香江，尖沙咀夜景真係幾靚!Menu有多款串燒烤焗肉類蔬菜，仲有啤酒，很適合約朋友來吹水,慢慢傾。食串燒店其中一個好處就是不用整到自己一身燒烤味，也可享受美味的燒烤。安格斯牛柳粒先上的是烤安格斯牛肉，牛肉juicy,好香牛肉味,簡單地用孜然同鹽吊味已很滋味!燒雞腎雞腎十分大粒，口感爽脆，雖然大粒，但內裡都烤熟透。孜然椒鹽調味，不太辣，但有種新疆風味～香燒餃子雞翼再黎是餃子雞翼，雞翼表面塗上燒汁，中間塞了滿滿明太子，味道十分惹味，食得辣既朋友要試試呢個，它比起平日釀滿糯米的餃子雞翼少了種‘滯’的感覺，味道更有層次。鹽燒牛舌下一樣是牛舌，牛舌很厚身，質地彈牙，一口咬下，牛油脂香味四溢，對於牛魔王的我來說是必吃的選擇！蒜蓉茄子燒茄子是很多人的至愛，茄子好巨型，茄子肉烤得軟綿綿，配上面頭滿滿的蒜蓉，重口味但係好惹味！茄子與出面不同是落了炸蒜在面，更多一重脆脆口感，更濃蒜味!黃金炸雞鹹蛋黃醬呢排好好hit，店內都有鹹蛋黃薯條、魚皮、炸雞等選擇，我地就揀了炸雞～上上枱已經聞到好香，雞肉分量十足，蛋黃醬佈滿雞塊面，賣相十分吸引！一入口熱辣辣，鹹蛋黃醬香濃，鹹鹹香香的味道配上香口的炸雞塊，十分邪惡😂👍🏻芝士煙肉焗大菌最後一道菜就芝士煙肉焗大菌，面頭芝士可以拉絲的😍，芝士下面店家毫不吝嗇地塞滿了煙肉，大啡菇面頭塗了薄薄一層燒汁，而大啡菇本身滑身多汁，一口咬下去味道很豐富！最後串燒同炸物，一定要配返罐可樂先啱…Read More

在不太肚餓的情況下找地方吃晚飯，串燒店是最好的選擇。位於尖沙咀的肚餓了串燒烤焗專門店只做晚市和宵夜，營業時間為晚上六時至凌晨一時。串燒的選擇不少，還提供多款焗飯和推介美食，窩夫對黃金薯條和黃金炸魚片很感興趣，可惜蝦子餅不太愛吃鹹蛋黃。打頭陣是燒韭菜($25)，燒完還保持濕潤，味道亦控制得剛剛好，好吃得要安歌多點一客。鹽燒牛舌($59)一串有四大粒，表層燒得有點脆，裡面很彈牙，充滿肉汁，驚喜之作。蒜蓉茄子($49)的金銀蒜份量很多，但稍嫌部分金蒜粒太硬。柚子雞翼($30)是全晚叫人最失望的，雞翼燒得不香不脆。芝士廣島蠔($59)的廣島蠔十分鮮味，芝士醬亦調得不錯。自家製醬燒黑豚肉($49)燒得過火了一點點，不過自家製醬汁的味道非常好，卻又不會蓋過黑豚肉本身的香濃肉味。蒜蓉扇貝($59)新鮮熱辣，都算大隻。珍寶帆立貝($69)很厚肉，簡單的調味便能帶出它的鮮味，而且火候控制得很好，值得一試。…Read More

唔止我有串燒癮, 阿媽都有。當她想在家開個迷李燒爐自己轉住來燒, 我, 立即找了間串燒店跟她二人世界! 今次選了肚餓了烤焗串燒專門店, 最起初原因是被其有趣名字吸引了我。臨進去, 堅肚餓, 感覺它很明白我的胃! 大食怪出動! 同媽媽興奮得意, 點了九款食物加一杯飲品, 食得滋味又滿足! 先要讚同推介是勁辣餃子雞翼: 辣汁帶點香甜, 雞翼中釀著滿滿的肉碎, 惹味無窮! 鹽燒牛舌一來有四大顆, 爽口又多汁, 牛味重! 必定要試其火辣牛丸, 彈牙爽口得來, 汁香味濃! 又是必點的肉鬆玉子燒, 其薄而實的甜蛋塊配上豬肉鬆和沙拉醬, 有新煮意有質素的玉子燒! 我們喜歡比目魚, 點了個香橙比目魚, 用心製作, 足料, 魚嫩滑, 入了橙汁味, 有趣好吃! 喜歡吃羊要點羊仔柳, 肉鬆香多汁, 再吃多件羊架, 吃羊慾望一定滿足! 最後, 如果喜歡燒蔬菜, 一定要食微辣肉碎燒茄子, 多汁得來, 味道清甜, 辣肉碎提昇了茄子鮮味! 若然唔怕邪惡, 石點黃金薯條, 滿滿的蛋黃醬淋在薯條每個角落, 加埋七味粉, 正! 怕熱氣?唔使怕! 我推介點杯熱柚子蜜滋潤一下, 降火降火! 要食! 我認為是抵食的串燒店! …Read More

灰暗全木裝修的小店, 全部用了高檯設計, 幾有特色.店內有手工啤酒, 用黎配串燒一流!檯面上有3樽調味料, 可以再自行調味!蒜蓉茄子 $49 - 整條茄子燒, 上面滿滿的蒜蓉, 好香!汁燒BB露筍 $39比BB露筍大條, 好林又無渣, 好好食!鹽燒牛舌 $59 - 超厚切, 超大粒!!!牛舌一定OVER 1寸厚, 唔UN呀, 仲幾JUICY!黃金墨魚咀 $69 - 用了大量咸蛋醬, 粒粒墨魚咀都好大粒, 好彈牙, 呢個好特別!餃子雞翼 $49 - 入面係明太子黎架, 啖啖肉好好食! 一碟2件添!金姑牛肉卷 $39 - 好入味的金姑牛肉卷!冬姑串 $25 - 較為乾身, 只有醬末的味道蒜蓉燒虎蝦 $59 - 呢個一定要食, 超大隻又好多肉, 燒得岩岩好, 蝦肉彈牙!黑椒牛仔骨 $59 - 超大碟, 份量好多, 而且燒得香口又入味!桂花蜜蕃茄 $32 - TOPPING係大量的桂花蜜, 好MATCH蕃茄的清甜, 好特別!香橙比目魚 $88 - 又係大份量, 成PACK比目魚, 好香的橙味, 應該用了橙汁去焗的.牛油粟米 (四件) $38 - 較為失望, 有蜜糖未沒有牛油味.…Read More

朋友話好想食串燒，聽講呢間唔錯，喺尖沙咀地理位置好方便，L5出口行幾步就到。有幸坐到近窗口位，風光無限好。睇睇menu，選擇頗多，餐牌都幾得意。牛 豬 羊 雞 海鮮 小菜 啤酒，只有你想不到。總共叫了12樣食物同1杯涼茶。可惜朋友唔飲酒，如果配啤酒應該更有feel【燒韭菜】四川風味但加左小小甜醬，可能為了就香港人口味，但如果係純四川風味應該更好。另外，韭菜真係好難咬斷，大家食嗰陣要小心，我差點噎住。【鹽燒牛舌】牛舌比較硬，但幾入味，雖然睇落黑蒙蒙，食落幾好味。同樣請注意不要噎住自己😿【勁辣跳舞雞亦】真的好辣！係勁辣！唔食辣嘅朋友要小心。雖然辣得黎條利都痛埋，但都幾爽。【汁燒翠玉瓜】清淡解辣，瓜燒得爽口，火候啱啱好。同韭菜一樣有啲甜汁。【火辣牛丸】又係好辣！同雞亦一樣，但辣得開心嘅，因為牛丸彈牙。【微辣肉碎茄子】肉碎好多，好大份，係微辣，茄子好林好入味，加蒜蓉肉碎一齊入口，很滿足【西京比目魚】魚肉鮮嫩，西京醬入味，淡口，最鍾意係呢款。【燒羊架】羊肉夠鮮嫩，多汁，大件，冇乜腥味，但美中不足唔知係咪大廚唔記得落調味料，食落係冇咩燒烤味，好似食緊plain羊肉，要自己落啲辣粉同孜然粉。【牛油粟米】粟米好甜，牛油味唔多，解下辣幾好。【燒菠蘿】菠蘿好大件，厚切，多汁，唔酸，推介。另外還叫了【蒜蓉扇貝】同【金黃醬廣島蠔】，幾大隻，都唔錯。兩人埋單計埋加一$651。…Read More