熊野日本料理

豬小姐今晚想食最愛嘅日本菜 但又唔想出到咁遠食 心情極之矛盾最後近近地去左大圍逛下睇下有嘜選擇 竟然幸運地發掘了小驚喜 係性價比不錯嘅「熊野日本料理」地理位置相當方便就腳 大圍站A出口行不到五分鐘即達晚上八時 又幾旺場喎 好彩等左十分鐘左右就安排入座了環境都算舒服闊落 有日本小裝飾 酒櫃等等增強和式感 燈光暗暗的 幾岩三五知己尼邊食邊傾同咀刁v左諗右諗 終於諗掂食嘜啦先上三文魚腩刺身 嘩！一睇油脂分佈就知肥美到不得了 切上花紋嘅三文魚更顯其厚度入口果然無令人失望 魚脂豐富肥美令人滿足新鮮又夠冰凍 好牛油果鰻魚卷係頗特別嘅新嘗試鰻魚嘅嫩滑同牛油果嘅幼滑理應好夾 但鰻魚汁過多過甜及牛油果未夠熟透而影響評分都係牛油果軟殼蟹卷深得豬小姐歡心上壽司拼盤一共有八件壽司 餐牌上無詳細寫明係咩款式 所以就碰碰運氣試試結果都是比較普遍常見嘅款式 例如三文魚 鯛魚 帆立貝 赤貝 蟹籽等等 但只索價百二大洋 都可接受啦雖然如此 但簡單得尼又幾美味喲鹽燒牛舌薄燒成六圓片 燒得惹味香口 調味剛剛好 加入檸檬汁提味更是不錯 口感偏為爽身帶嚼勁 咀刁v吃個不停呢同咀刁v一人一隻芥末醬燒蠔 是晚最推介此燒蠔大粒蠔肉味道惹味 醬汁突出開胃 加上些少精華汁液一同入口 好match令人回味 encore首選澱粉質怪豬小姐緊係要叫番個炒飯啦三文魚炒飯炒至飯粒粒粒分明 夠乾身 每顆飯粒都有著咬口色澤金黃 並不太油膩 三文魚及雜菜粒分佈均勻 令每啖入口嘅炒飯都口感平均 豬小姐like爆自此豬小姐多左一個又就腳又好食嘅日式飯堂啦 好野…查看更多

家住大圍，成日經過見到但一直無機會試，前兩日家母突然興起話要去食返餐好既，就諗下哩間新開既日本野喇！係大圍開既日本餐廳一向為數不算太多，質素也不算非常驚喜，所以一開始對無話對熊野有太大期望平日夜晚八點多先去食，唔洗排隊直接入得！初頭以為舖頭好細得一層，但咁岩地下無位就安排左坐樓上，估唔到樓上都幾大，而且樓底不算低，位置之間亦見闊落。哩樣野比起其他係大圍既日本餐廳算係比較優勝，試問有得揀，邊個想坐到窄一窄咁享受晚餐一坐低侍應就會倒熱茶同簡單講下今日有咩新鮮海鮮推介。仲記得食到一半，有位客人自己一個黎食，侍應好有耐性咁推介之外，又建議左啲岩一個人食量既配搭比客人，感覺好貼心，所以整體都對熊野既侍應們有幾好既印象野食方面都算多選擇，一般既壽司、卷物、炸物、鍋物都有，價錢屬中上，與其他大圍既日本餐廳價錢不相伯仲先上菜的是安格斯牛肉壽喜燒($198)鍋物來說中規中距，材料係一向的蔬菜、豆腐，還有我最愛的粉絲！鍋物必備吧！安格斯牛肉不會太肥，雖然只有大概四五片，但勝在重質不重量湯底壽喜燒黎講，味道好濃郁但係有點過甜，我覺得還好但家母就覺得有點愈食愈咸如果湯底可以濃得黎但不過甜，再配返一隻生雞蛋既話，一定更加加分！始終真正既壽喜燒還得有隻生雞蛋先完滿！第二道菜就係鹽燒牛舌($68) (後面就係壽喜燒既安格斯牛肉)不得不說哩個牛舌好驚喜！跟一般放題或是日式燒烤的牛舌不同，燒得剛剛好而且好Juicy!!!!調味無好花巧既辣醬或者味增，只係最普通既鹽同少許黑椒，同埋伴碟既一少舊檸檬牛舌本身既肉香，伴隨檸檬汁既清新，真係好夾！雖然哩道菜的確屬於小巧，但食過後更加感到廚師對佢既專注，令人回味而最後一道菜為左想飽肚啲就叫左海鮮丼($198)首先一上枱已經覺得賣相好吸引，成個畫面都好和諧分別有海膽、三文魚籽、牡丹蝦、三文魚腩、帶子，咁岩幾樣都係我鐘意食既刺身嘻嘻當中最令我印象深刻既分別係牡丹蝦同埋海膽！牡丹蝦好厚肉彈牙而且好新鮮鮮甜，雖然話平時放題啲蝦刺身都好唔錯，但一食完哩個真係好感受到單點同任食既級數差距哈哈 ，可惜得一隻，真係好想食多隻啊至於海膽亦都非常鮮甜，打破一貫係香港食海膽好易中伏既設定，單食定同飯一齊食都咁正三文魚腩夠肥美、帶子厚身鮮甜、三文魚籽唔會腥，整體係一碗很討人喜歡既海鮮丼，推介推介！對熊野很有驚喜，雖然價格屬中上，但不論環境、員工質素及最重要既食物都好滿意而且讓人回味，好想快啲食多次！聽過朋友話午餐性價比幾高，決定要快啲再去試！…查看更多

今日在大埔玩了大半天，回程時大少嗌肚餓，老婆又話累唔想煮。唯有轉入大圍搵食，可惜一位難求。兜呀，兜呀！终於食神光顧，在熊野門口找到一個路邊位，見餐廳內有大窗可以望到架車，唔驚抄牌，梗喺即刻入去開餐啦入門即發覺有點像居酒屋，裝修簡约，感覺舒適。老婆和大少一坐下便馬上點菜，與居酒屋不同，這裏有多類常見的日本菜，一於樣樣試試啦上菜了新鲜肥美的三文魚腩，為美味日本晚餐揭開序幕，可惜已点了其他菜餚，否则一定添食。這個雜錦刺身相當新鲜，質素上佳兩碟上桌便香味四溢，牛舌肉質爽滑，雞肉外皮香脆，肉質嫩滑。兩者都應是送酒佳品，可惜要揸車不能盡興，下次再試吧！這雜錦天婦羅可見廚師功力深厚，當中的炸茄子真是一試難忘。晚上不想吃太多澱粉質，只點了炒飯和烏冬。個人對炒飯一向嘛嘛，吃了兩口，不過不失啦，但大少就大讚好味，很快便整碟掃清。烏冬湯底清甜，海鲜及配料豐富，烏冬滑中帶有咬口，上品。飯後甜品：大少話太飽不吃了，奇！我和老婆一人一個紅豆雪糕，好好味，完美结局。下次唔揸車搭火車來，便可飲番杯了！…查看更多

難得今晚一家人一起吃頓飯，有人提議試一試熊野日本料理，於是就來這裡吃吧！熊野就位於大圍火車站對面，駕車來也非常方便！餐牌上選擇十分多，有套餐和散餐，前菜、沙律、卷物、刺身、壽司、揚物、鍋物、燒物、丼…悉隨尊便，我們當然想試多幾款食物！年青人最喜歡嘗新，所以由他來發辦刺身選了三文魚腩🍣，嘩，三文魚腩好吃得不得了，新鮮肥美，軟滑甘香，一流！香蔥拖羅蓉丼，拖羅薄薄的鋪在飯面上，胭脂紅色，加上香蔥，味道融和，賣相一流！安格斯牛肉壽喜燒，煲內滿載豐富的蔬菜，加上濃郁的湯汁，好入味，牛肉片只需放入湯內拖一拖，肉質嫩滑，味道豐腴， 一試難忘！如果有生雞蛋蘸著吃更好！小食則選了鹽燒雞上脾和牛舌，燒得皮脆肉香什錦天婦羅，外脆內嫩，最好吃的是南瓜和茄子天婦羅，腍甜皮脆最後當然是以甜品為這頓晚餐作結。整體來説，能在這種類繁多的出品中，樣樣都算做到水準以上，實屬難得，但是能專注於幾個類別的料理或許會有更驚喜的結果！…查看更多