和道屋

舊同學聚會, book咗尖沙咀一間日料居酒屋, 餐廳設於二樓, 從地面步入, 有個長走廊嘅打卡位, 天花掛了多個日式燈籠, 長椅上坐著一個《千與千尋》的角色---無面男。餐廳分成兩款座位, 有table seat仲有日本傳統嘅榻榻米位(需要除鞋入座), 食物款式選擇多, 包括有刺身、壽司、串燒、鍋物、和食等…【海膽甜蝦刺身杯】HK$198賣相精緻, 很適合打卡, 係一款既鮮甜又creamy嘅雙併刺身, 面層有入口即溶海膽, 排列係整齊嘅兩排甜蝦上, 雙重鮮甜!壽司系列質素同份量都唔差, 刺身足以覆蓋整件壽司飯【三文魚壽司】HK$48 三文魚有魚香, 以少少蔥漬點驟, 令味道更提升。【油甘魚壽司】HK$68油甘魚厚切, 甘香鮮味, 魚質仲幾爽。【帆立貝壽司】HK$98帆立貝肥美鮮甜, 完全滿足口感同味蕾。【火炙三文魚腩壽司】HK$58三文魚腩火灸後迫出些少魚油, 令口感軟綿, 魚油味很突出, 大愛!【白鱔鰻魚串】HK$68白鱔厚切彈牙, 表面有少少鹽提鮮, 食到鱔本身獨用鮮甜, 推介!【豚腩片白虎蝦卷】HK$42 薄薄嘅豚腩片包住了肥美飽滿白虎蝦, 虎蝦超爽彈又鮮甜, 腩片唔會太油, 整件入口還滲出些少油香。【鹽燒厚切牛舌】HK$68牛舌雖不算厚切, 燒後依然keep到肉汁, 而且好爽, 表面有少少鹽, 味道更提升。另外, 餐廳亦有供應多款清酒、無酒精飲品點了【白桃梳打】…查看更多

和道屋 Wado Izakaya 🏮 位於尖沙咀，地利位置方便，未上樓係地下已經感受到個和風🇯🇵好靚既燈籠仲有無面男俾你打卡，行過都見有人黎影下相咁，上到去居酒屋風裝修好舒服，見到個清酒櫃😍餐牌超多選擇，刺身、壽司、串燒、鍋物、和食等都有👍🏻飲杯烏龍茶，配埋個環境無得輸🤪淺嚐壽司，火炙三文魚腩壽司，上枱好香，食落係爆既三文魚油味，幾唔錯😌土佐豆腐，極力推介，唔油既炸豆腐，配醬汁及鰹魚絲好惹味，而豆腐極滑🥳明太子玉子燒，又一推介，明太子味超豐富好出，加埋滑滑既玉子就係一流😎飲返支清酒，風之森，生原酒，配食唔錯，享受❣️串燒時間🍢🍡一入嚟已經俾佢既串燒香親，有咩辦法唔試真啲😛鹽燒厚切牛舌，好香，牛味勁濃，牛舌真係無得輸，必食😇豚腩片白虎蝦卷，用燒豚腩包住隻蝦，幾特別，多重肉味，千歲米豚露荀卷，露荀好鮮多汁，配豚肉唔錯👍🏻鹽燒雞腿肉串+明太子雞腿肉串，雞腿肉嫩滑，個汁okay，而加左明太子就更出色，要食🙈自家製汁燒免治雞軟骨肉棒附月見，蛋汁正，成串味道幾好，日本青椒仔，我既必食，好味又特別🩵整體食物高質，味道唔錯，格調一流，最重要係服務💯又傾得又快又好，相當好既居酒屋，好難唔返食！😗…查看更多

呢日搵咗呢間新開嘅日式居酒屋食晚飯 一入門口已經見到個無面男嘅靚靚打卡位啦📸 餐廳慶祝新店開張 每檯都會有個代幣可以出去扭蛋🙈 扭到返嚟嘅現金券或者獎品仲可以即場使用㗎👍🏻 芒果蟹籽沙律呢個係一份好好嘅前菜✌🏻 芒果有成足足半個🥭 酸酸甜甜非常開胃 底下嘅青瓜絲都好 唔會預先同沙律醬攪拌好 咁就比較新鮮同冇出水嘅情況🥗 鹽燒厚切牛舌呢個牛舌真係同佢個名一樣啊 真係好厚切 而且食落口仲好軟腍👅 都幾Juicy 黑椒香味好吊到牛舌嘅味道汁燒免治雞軟骨肉棒附月見呢個仲配上一隻日本生蛋🍳 未點生蛋液之前雞軟骨肉棒配上咗照燒汁 所以味道有少少甜甜地🐥 點埋生蛋液真係Perfect Match 雞軟骨肉棒仲食到細細粒嘅雞軟骨 幾有口感明太子雞翼兩隻非常飽滿嘅雞翼 入面釀住大量嘅明太子餡料☺️ 外層炸得好脆 厚切吉列芝士千歲米豚呢個吉列豚口感幾特別 外層炸得好香脆 炸粉唔算好厚 入面嘅豬扒一啲都唔韌 而且仲保留咗好多肉汁🐷 入面仲有芝士添呀 雖然有啲邪惡但係到抵抗唔到🧀 旁邊仲有椰菜絲解膩㗎鹽燒三文魚頭呢個係一個好巨型嘅三文魚頭 油脂感滿滿🐟 上枱時熱辣辣食就冇咁油膩 仲可以配埋檸檬汁同埋酸汁👍🏻鵝肝多士多士烘得好香脆☺️ 配埋軟綿綿嘅鵝肝真係好正🤤 外脆內軟 仲有入口即溶嘅感覺 鵝肝更有兩片 大片到可以完美咁覆蓋多士燒飯團雖然飯團入面冇其他餡料 淨係醬油同埋炙燒嘅口感已經非常可口🍙 燒過嘅飯團外層好似煲仔飯嘅飯焦一樣飲品日本巨峰提子梳打 呢個就甜度冰度都預設咗 但係完全唔會覺得太甜😉 日本波子汽水 真係小朋友嘅最愛啊 飲完仲可以拎粒波子返屋企😆呢間餐廳雖然新開 但係都已經好多客人幫襯啦 餐廳仲有榻榻米座位 十分有日式感覺㗎😎…查看更多

店舖分咗地下同樓上，沿住地下嘅長走廊行，會見到大大個打卡位，係宮崎駿電影「千與千尋」入面嘅無臉男阿🤩！坐咗係度等大家同佢打卡咁🤭 上樓梯到樓上🚶🏻🚶🏻‍♀️，有兩人枱、四人枱、吧枱位同榻榻米用餐位，我地坐榻榻米位🍵，旁邊有大大小小嘅達摩🪆同鳥居擺設⛩️。整間店舖都充滿日本風情🇯🇵，彷似去咗日本用餐咁☺️🌸 另外，呢度嘅服務態度好好，值得一試！海膽生蠔杯 $88海膽鮮甜甘香，生蠔肥美飽滿🦪，邊位有少少脆脆嘅口感，可配上酸汁啫喱、蘿蔔蓉同香蔥食。拖羅海膽刺身杯 $88拖羅蓉香滑新鮮肥美😋，配上芝麻粒、香蔥、三文魚籽、海膽，鮮味散發住整個口腔✨。白燒鰻魚串 $68魚皮烤到脆身🐟，魚肉有厚度，口感軟嫰彈牙，調味恰到好處，唔會過咸。鹽燒厚切牛舌 $68厚度切得剛好🔪，容易咀嚼。肉味濃郁🐮，口感爽口有肉汁。明太子雞翼 $48燒到雞皮香脆，雞肉嫩滑多汁🐤，入面有滿滿嘅明太子，啖啖香辣惹味🌶️。厚切吉列芝士黑豚 $128用咗北海道千歲米豚🐷，因為豬仔食北海道大米嘅飼料養殖而成🍚，所以叫做米豚🐷。豬肉肉質柔軟而且肥瘦均勻，最重要係冇羶味👍🏻！吉列外皮酥脆可口✨，加埋拉絲芝士更加滋味🧀！燒飯團 $28飯團燒到香脆，內裏飯粒入口咀嚼即化，味道香甜☺️。📍 和道屋 (尖沙咀)尖沙咀加連威老道46-48號恆隆銀行大廈地舖及閣樓…查看更多