Burgeroom (Fashion Walk)

同事成日都勁力推介呢間burgeroom, 今日經過銅鑼灣分店，就入去試試去，呢間又係用QR Code 落單好方便，一打menu，咩都有咁花多眼亂，有牛肉類🍔、魚/海鮮類🐟、雞🐔、鴨類🦆、素食類🌱🌱、all day breakfast🥙🥪、Salad 🥗 都有！我平時初一十五係食齋，我嗰兩日又可以多個美味選擇了🤩🤩！好，今次第一次食，就叫返個最邪惡嘅burger 🍔試下佢嘅龍與鳳先🤩！Foie Gras Soft Shell Crab Burger 世一，邪惡之最最最....鵝肝軟殼蟹漢堡🦆🦀🍔：睇個名已經夠晒邪惡，估唔到上枱一睇，我忍唔住大叫咗 “嘩” 一聲 😝😝！！！！成個包嘅size超級巨型🤤🤤，件鵝肝係原件超大件, 勁厚身咁上碟，最誇張係隻軟殼蟹原隻上碟，隻軟殼蟹係我一生人見過最大隻嘅！！！軟殼蟹酥脆又唔油膩😋😋，整個包配上半溶嘅芝士、新鮮生菜、蕃茄片，再搭配佢哋嘅特制醬汁，十分滋味，真係每一口都有罪惡感但又令人回味無窮😍🤩，除咗burger 🍔裡面有菜之外，上碟仲有Salad 🥗 side dish喺側面，中和一下，夠晒誠意💯👏👍，以呢個價錢真心好抵食🥰，必食推介👍👍👏👏💯💯Melted Cheese Twister Fries 🍟香濃芝士旋風薯條 🍟呢兜嘢都係超級大兜😋😋，一個人一定會食唔晒，融化嘅芝士配上脆卜卜嘅旋風薯條，簡直係一流😍😍👍餐廳環境都好舒服同舒適，整體食物質素好有驚喜，會同d friends 成日嚟開心下先得🤩🤩🤩😋😋😋…Read More

就黎聖誕同朋友都係d唔太鍾意多人但又想感受下節日氣氛的人，於是就決定在聖誕d餐廳貴死之前食好d同時又感受下聖誕氣氛😆😂一開始去到呢間餐廳，見佢外面有火爐，同時又幾有feel，雖然個日落雨但都決定坐出面😝朋友係一個好鍾意食burger的人，當我問佢是否食呢間時佢就不斷點頭😂😂我地各人叫左1個burger share食D野食一黎到俾我的感覺係... wo有d誠意，佢幫我地切開左一半，令我地可以分得好方便😍（但當然也可能係佢一向都會分定一半俾人方便食？🤔）第一個黎的burger係鵝肝軟殼蟹漢堡😍😍 一聽就知不得了🤤 價錢 $195 單睇以呢個食材黎講唔叫貴都還好然後... 見到實物... 隻🦀大到呢... 真係令我有d驚豔到，比一般餐廳食的軟殼蟹大左成個碼呢😱😱 食落隻🦀好食，夠鮮，有膏，以炸物來說唔算油膩卻有炸物個種鹹香鵝肝佢食的唔係個種外脆的焦香感（通常咁樣整的鵝肝味會好濃但會好油膩熱氣😰 我不太鍾意）佢整的係外香內嫰的方式，裡面熟度剛好，食得出個肝係夠新鮮的，也食得出佢的“肉質”。味道雖無上一種濃厚但卻不會感到油膩熱氣，我鍾意佢呢種製法😆另一個係菠蘿燒烤汁雞柳漢堡🐣 因為叫左個較heavy的，呢個就係專登叫得fresh少少同健康少少的😝 菠蘿好吃，夠汁夠fresh唔干👍🏻 雞柳方面，唔知是咪因為佢本身選用雞柳是為了著重健康人士而提供的🤔 個雞柳調味比一般的雞扒漢堡都無咁重手（一般食雞的漢堡通常係會用雞扒而唔會用雞柳，因為雞扒油脂較高，會更香，也更邪惡😈）若只考慮味道，呢個漢堡味道其實都不錯，各配菜的組合味道層次都不錯。但若考慮埋健康，其實佢花了不少心思😌 用較清淡同少油的方式整漢堡，值得一讚👍👍…Read More

小妹對吃一向都有要求，難得出街，當然要食好嘢啦！聽聞銅鑼灣有間漢堡店很出名，漢堡內還有鵝肝，當然要一探究竟！就在百德新街，很易便找到。店舖有分室內及室外，十分寫意！如果不能堂食，還可以外賣，做緊85折優惠呢！MENU上寫的全是明碼實價，不收加一，感覺很真。想不到漢堡都有42款，真是目不暇給！分為「牛肉類」、「素類」、「素肉類」、「魚、海鮮類」、「雞、鴨類」五大類，分類十分清晰，亦照顧到不同人士(吃肉、吃素)的需要。只要看看自己想吃什麼類別，便可以選擇到啦！今天小妹想吃「海鮮類」的漢堡，當然不少得要配上鵝肝啦！原來還有「雙鵝肝」的選擇，很矜貴！我怕吃不完，所以點了正常版的鵝肝軟殼蟹漢堡配$30轉套餐，加兩款小食和朋友分享，食物也很快送上。小妹是洋蔥圈的愛好者，食過不同店的洋蔥圈，最怕吃到內裡是蓉蓉粉粉的。值得一讚，這裡的洋蔥圈是有質素的！外面炸到脆卜卜，內裡是一圈圈真洋蔥，是「真洋蔥圈」！非常好！感覺很滿足！午市BURGER加$30便可變成套餐，有直薯條和飲品，幾超值！我選了自家製蜜桃冰茶，這款並不甜，配搭吃炸物很透心涼和舒暢！令人期待的鵝肝軟殼蟹漢堡到了！你沒有看錯，成個BURGER有2個手掌咁大啊！好豐富！好在餐廳很細心把BURGER分開兩邊，還用竹籤固定，否則真是不知道該從何入手啊！我很欣賞餐廳把鵝肝煎得外脆內軟，令整個漢堡都昇華了！軟殼蟹真材實料，大大隻，好正！實屬少見的超級BURGER，令我不禁打卡影相啊！沙律菜翠綠新鮮、清甜可口，伴有微微的醋汁，很好吃！連這個配菜也細心照顧到，不是一般西餐廳可做到。香脆雞塊一入口有驚喜，內裡十分JUICY和嫩滑。是真雞肉，有口感，並不是用粉漿弄成的雞塊呢！連芝士醬吃十分惹味！總括而言，這間餐廳食物質素高，用材新鮮，炸物又能做到新鮮炸起，BURGER選擇繁多，份量足，十分吸引！不止是打卡able，還非常好吃！我回到家仍念念不忘那個鵝肝軟殼蟹漢堡和洋蔥圈，很想再吃！絕對是值回票價，值得推介！…Read More

同朋友兩個人share, 可以一次過食到兩種唔同味道嘅Burgers 😝1 軟殼蟹沙律如果鍾意食軟殼蟹嘅，就千祈唔好錯過，因為佢嘅軟殼蟹Size係我見過最大份嘅😻 同出邊細細隻嘅唔同。而且炸粉金黃，裡面嘅餡料足夠👍🏻 但如果你已經叫咗軟殼蟹沙律，就唔鼓勵再叫一個軟殼蟹漢堡，因為沙律兩個人分，裏面隻蟹已經夠食沙律菜就咩都有啲，但生菜為主。2 鵝肝牛肉漢堡睇埋佢牛肉份量，我諗佢大概用外國人嘅食量出餐😹 好夠料，基本上都係肉汁足夠，同埋係似乎係新鮮牛肉，感覺都結實嘅3 鵝肝軟殼蟹漢堡鵝肝嘅味道係整個漢堡包裏面就唔係好突出，如果食過日本餐嘅焦糖鵝肝嘅話，可能會覺得呢度嘅鵝肝有啲被被下去。一試無妨、但我覺唔係好值得，我覺得唔使比多$20價錢叫嘅黎食🤔4 牛油果醬芝士薯條正因為佢個漢堡包已經係外國人嘅size，薯條其實就已經太多碳水化合物，基本上只係食到少少，點一點牛油果醬同芝士過吓口癮。但佢嘅牛油果應該只係，就唔係新鮮嘅牛油果嘅。5 奇異果汁與其叫snapple 我會建議+$8 叫果汁🍹飲，口感好好多～ 有啲果肉咁🤓 不過我問過收銀，佢有誠實講明都唔係鮮榨嘅…Read More

今次係第二次黎食，上一次食左classic burger ，覺得比BLT更出色，今日帶Mr Tea 黎試，我就轉戰海洋burger , 我叫左個鵝肝軟殼蟹漢堡，芝士粗薯條，田園沙津同homemade peach iced tea 其實係可以叫雙鵝肝，不過真係太邪惡喇，所以最終冇叫另外你可以自選toppings加入任何漢堡 , 如芝士，番茄片，菠蘿等等，任加唔嬲除咗嘢食好味之外，呢度環境都非常之好，喺百德新街fashion walk，感覺好悠閑，係拍拖好去處，最開心係呢度比較多外國人，乜大陸人yeah!…Read More

今日，我約左阿妹去食burgeroom。餐廳內佈置用石做牆壁，好有神秘的感覺;。我問侍應有有咩好介紹，佢就二話不說介紹大烤菇芝士牛肉漢堡，不過我最後叫左鵝肝軟殼蟹漢堡。本人見到軟殼蟹就發光。仲有一個帶子沙律，仲有杯蜜桃茶!由落單到上菜都唔到五分鐘。先講下個軟殼蟹，佢成軟殼蟹好大隻，差唔多一個掌心加十隻手指咁大隻;軟殼蟹炸到好脆，有啖啖肉外，仲食蟹膏味，軟殼蟹好甜;而鵝肝。。。我選擇切落去之後放入口，鵝肝好鬆化，仲要入口即溶。太美妙啦!之後講下個帶子沙律，帶子都幾大粒，沙律菜淋左醋;令到菜本身新鮮的再提高個鮮味。食帶子的時候有少少烤過的味的，帶子肉好滑，食落好甜好鮮;…Read More

久仰大名，終於黎試到啦漢堡好大份，兩個人食岩岩好👍鵝肝頗厚幾肥美，表面煎得香脆，內裡就好軟，入口即溶真系好正軟殼蟹都炸得好脆，蟹肉鮮甜而面包系有烘過既，所以都脆脆地~~~個包加$30蚊就有薯條同飲品~~🍟🍹另外，呢度好貼心，會預先將個包切開一半~~方便客人食👍👍另外仲叫左呢個雞翼，個燒烤醬聞落會幾剌鼻，食既時候都成日中伏被攻親😂 不過個汁好惹味，酸酸地好開胃。雞翼都好脆，新鮮炸起熱辣辣😗😗總結呢度值得再去…Read More

這一晚，又到我們為食姊妹三人組的聚會時間，今次我們決定來到銅鑼灣的 Burgeroom，食傳說中的巨型漢堡。雖然門口出面有好多露天座位，但當時仲係大熱天時，於是我們決定坐在裡面的座位，裡面的桌和座位感覺有點狹小，我們當時叫了許多東西，幾乎都放不下，所以每次都拿拿臨食晒 d 小食，大碟的漢堡才可以放置到。見到 menu 咁多野食，雖然明知漢堡會好巨型，但都忍唔住叫多幾款小食。呢桶薯絲蝦，我覺得一般啦，無錯中間件蝦球都幾大件，但出面的薯絲稍嫌較稔唔夠脆。呢桶粗薯條很粗切，外面炸到脆卜卜，裡面留有薯仔的粉糯，好味道。仲叫多碟帶子沙律，食番 d 菜吸下油先啦。沙律菜都相當清新，預先混入黑醋汁，酸酸甜甜好開胃，帶子稍微煎過都幾香，而且仲大過件五蚊銀，肉質都相當軟稔彈牙，份量都很多啊，最好都係同人 share。我們各自叫一款漢堡，然後才 share 裡面的餡。咁我就叫了鵝肝軟殼蟹漢堡，好大件，真的驚為天人！餡料叠到好高，應該都有 10cm 吧，除了手掌般大的鵝肝、大過手掌的炸軟殼蟹之外，仲有幾層沙律菜、鮮蕃茄、芝士等，一啖真係咬唔晒呀！最頂的漢堡包，稍為烘過，滿佈香口的芝麻，口感脆脆地好香口。鵝肝煎得頗為香脆，入口即溶，香甜的油脂在口裡溶化，心裡有種奢侈的感動~ 比手掌還大的炸軟殼蟹，雖然脆卜卜，但咬幾下便完全溶入口中，味道都幾鮮甜。另外朋友的龍蝦漢堡，我試了少許，亦都相當推介啊！切開蝦頭後，一大堆蝦子和蝦膏爆出來，感覺非常澎湃，可是我因為怕肥，所以沒有試過。朋友 share 給我一大隻龍蝦鉗肉，肉質相當鮮甜而彈牙。另一位朋友的吉列蠔芝土漢堡，上菜的時候，蠔還剛炸好，仍是熱辣辣的。飲品的叫了抹茶 Latte，味道有淡淡的抹茶及奶香，口感都幾綿滑，水準不錯。呢度的漢堡飽咁大件，獨食一定會易肥，我建議最好連同三五知己一起開心 share。我們三個叫了那麼多東西，已經食到非常飽，最後捧住個大肚皮出門口。…Read More

回顧那個速食文化盛行的年頭，麥叔叔、漢堡王、哈迪斯、Wendy’s等等的漢堡專門店鬥個你死我活，作為消費者的我們，一個月總會吃三兩個漢堡。那時漢堡店雖然五花八門，究其餡料都是離不開薄薄的漢堡牛肉、洋蔥青瓜、芝士生菜，還有芝麻。時至今日，連鎖漢堡店早已歿了一半，換來的是一些走gimmic路線、講究食材，總之是要有話題性的小店。搬了寫字樓後，與我家那位見面的時間少了一截，難得見面，當然要吃好一點。這夜我們吃的是鵝肝、漢堡牛扒、蟹……的漢堡，而且是大份得要用刀叉吃的漢堡，甚具話題。穿過百德新街的繁華，來到寧靜點的轉角，吃的是近日挺具人氣的Burgeroom。店內空間不算小，但為了加強外國風格?!，小店也開闢了戶外座位。夏日炎炎，還好我們坐的是室內。餐牌雖然只有簡單4頁，已包含了32款漢堡。除了牛肉、海鮮及雞鴨類，小店還照顧到素食者的需要，體貼十足。鵝肝牛肉漢堡 $158厚厚的牛肉拼鵝肝，還有那芝麻滿滿的麵包，觀感立體豐富。吃漢堡最享受是拿著整個吃，可惜嘗試失敗。難怪店員奉餐前先給我們餐具。輕烘過的芝麻麵包入口滿是芝麻香氣，雖然烘過，口感仍然鬆軟。鵝肝的羶香及牛肉的豐腴肉汁，還以為二者走在一起會是很膩，但卻因那自家製的醬汁中和了二者的膩度。醬汁吃起來帶點果香(我家那位卻吃不到)，似是添了點水果製作。如斯濃味，重口味人士至愛。鵝肝軟殼蟹漢堡 $185平時吃軟殼蟹，賣相不是一團炸物，就是像炸魷魚的那些，但這夜卧在漢堡上的卻是輪廓分明的軟殼蟹。除了外形，這隻軟殼蟹的蟹膏及蟹肉之多，絕對教人懷疑它是否真是軟殼蟹？雖然炸得有點乾身，但由蟹鉗至蟹身，全是啖啖肉的口感，教人回味。芝士旋風薯條 $48用煎pan盛著的旋風薯條早早就在香港出現，但淋上一層芝士卻又是另一翻風味。帶丁點鹽味的薯條在芝士味的帶領下香口惹味，不過吃光表面的薯條後卻發現底下的沒芝士，有點失色。Iced Hazelnut Cappuccino $44色澤分明的榛子味卡布奇諾，入口盡是榛子的獨特香氣，惟咖啡味較普通。冰粒也溶得太快，越飲越淡。Iced Green Tea Latte $42相對卡布奇諾，綠茶拿鐵則顯得較甜。淡淡綠茶味的拿鐵，喝至冰粒溶後甜味卻仍在。看來卡布奇諾也該弄甜一點？若然在十多二十年前跟其他人說軟殼蟹漢堡或鵝肝漢堡，想必會換來一句「發神經」的吧。但在現今crossover盛行的年代，基本上能吃的都可以放進漢堡裡。雖然這店的漢堡用料不算是甚麼創新，但軟殼蟹之厚肉卻讓我大開眼界。離開小店，在百德新街的愛侶，面上不見顧昐自豪，只有一絲絲滿足。(還記得這歌詞，感覺很old school)…Read More

是日同honey 落銅鑼灣行街，行到攰攰地諗住食少少野，最後我地去左試burgeroom。可能唔係繁忙時間，好快就有位，好好彩仲係坐入面添！我地決定嗌一個burger同一個小食—鵝肝軟殼蟹漢堡及芝士扭扭薯條加杯peach fruit tea。呢度環境幾好，暗暗黃黃既燈光，令人好relax，可以慢慢享受美食。好快就有野食啦！先試少少鵝肝，鵝肝剛熟，外香內軟；而軟殻蟹脆卜卜，非常足料，成個burger有成隻蟹添！呢度好貼心，有埋刀叉，可以慢慢切黎食，事關我試過擘到個口太大整傷口角，又唔會食到跌到周圍都係。芝士扭扭薯條係用勁幼身薯條，炸到勁脆，加埋啲芝士，簡直係食到停唔到口啊！反而個peach fruit tea味道較淡口，但有飲到果肉，都ok啦！…Read More

提到漢堡，不少朋友就會推薦去一嚐BurgeRoom。可是沒有訂位服務，每次路過的時候都是一條長龍。不管是平日還是假日，這店保持人頭湧湧的盛況。看著那人龍，要排多久才能入座啊？　　這次我們有空，早到早得米是沒錯的。下午六時半左右來到，店家已經半滿座。天氣不錯，又不會太熱太冷，不如就一試室外座。環境頗舒適的，而且燈光還可以，拍照是沒問題的。　　餐牌（詳細見文末）選擇款式超多，雙併什麼的通通齊全。主要分漢堡、沙律、配菜及飲品四類，牛、海鮮、雞或是素食選擇種類繁多。中英對照，寫明漢堡所含配料，又有圖片參考。更可以加錢加配料，滿足客人不同需要。　　最近BurgeRoom和Kiehl's合作，慶祝在Fashion Walk的新分店開幕。推出Kiehl's Classic Burger　經典漢堡　$115，內有菠蘿、青瓜、牛油果、蕃茄以及牛肉餅。另外也有Kiehl's Thick Fries　粗薯條　$60，粗薯之上淋上芝士、牛油果及煙肉碎沾醬。消費會獲得一張換領卡，可以到新Kiehl's分店換潔膚沐浴啫喱的試用裝。不得不提，連漢堡簽都會有Kiehl's的蹤影。　　半自助式的方法，點餐後會有牌子，侍應會送上餐點。Portobello on Green　大烤菇沙律　$58　　大量的沙律生菜之上放上紫洋蔥圈，少不了焦點大烤菇。只說生菜就夠爽脆清甜了，沾滿黑醋汁，酸香帶甜又沒嗆感。要切開大烤菇時，輕輕的一下刀，裏頭水分源源流出。菇身香稔嫩滑，沒有苦味或霉味。可惜的是根本嚐不到有烤過的感覺，少許焦意亦無存。Mega Cheese Burger　特量芝士牛肉漢堡　$105　　首先送來的就是升級版的芝士牛堡，這可是用上了80克的車打芝士！對半切開之後芝士還是在中間搭起稠密厚郁的橘樑。當然不得忽視溢出外圍的那一大堆滿滿的半溶芝士。多層餡料整齊拼成色彩豐富的誘人漢堡，我們不客氣了:^p　　只看色水，牛肉餅整件呈均勻褐色，似乎是全熟了。沒有看到那嫩紅的色澤，我們不禁有點失望。可是也不能棄掉，唯有照吃下去。好在全熟的牛肉餅沒有我們以為的乾硬老柴，肉汁水分未抽乾。咬下去是稔香易嚼，沒有韌感，但配上本帶點鹹香的車打芝士就似乎濃味了點。　　尚有切片的清爽蕃茄以及新鮮生菜搭救，補足水分不乾涸。店方秘製的千島醬潤口酸甜，解膩又醒胃。配上各款食材，中和及平衡了鹹味和偏乾的感覺。Foie Gras Soft Shell Crab Burger　鵝肝軟殼蟹漢堡　$185　　店方端上來的一剎，我們不自覺地睜大雙眼。不是吧？竟然是這樣足料大份？跟我們想像中的還要大了一半，層層相疊之下屹立於桌上。看上去十分澎湃豐盛，連麵包也得要讓路，置於一旁。　　鵝肝及軟殼蟹這些主料之下，不得不加一點蕃茄及羅馬生菜。還有自家調配的他他醬，柔滑酸甜，開胃清新。讓整個漢堡吃下去都沒有膩感，就只是大份量的飽足。　　鵝肝表面是煎至深褐色的，完全封住油分。質感偏為紥實，內裏是嫩滑的膏狀，但鵝油實則不多。入口比較著重鵝肝本味，不苦澀，油香部分就是輕輕帶過。　　軟殼蟹炸過後都沒有泛起油光，還稍稍透出蟹殼的紅潤亮色。可見外頭的炸漿其實裹得薄身，不會喧賓奪主。炸軟殼蟹外皮酥香薄脆，輕易就可以咬開。軟殼蟹非常足料原版，裏面的蟹肉豐足飽滿，且保持濕潤微甜。調味是剛好的鹹香，不會重手過頭。　　漢堡包包面滿佈白芝麻，單說外皮則夠光滑完整。還有微微烘過底，反轉可見其焦香吸引。氣孔緊密但未算細緻，有少許乾身，不過麵粉香甜則是合格的。　　說實話名氣這東西不是一朝一夕衝出來。試食活動還是頻繁宣傳都是暫時推高人氣的方法。若要長久風行下去，著重的還是自身實力。以及新鮮感，這回事在香港是很重要的，不是嗎？…Read More

夏至，又是罝新裝的時候，一連兩天在銅鑼灣購物，晚上便順道與友人飯聚吧!百德新街成了我近日的新歡。那天嚐過MINH & KOK 的下午茶後，發現了Burgeroom。猶記得跟友人在路過當時仍是小店的Burgeroom，當時我已嚷着想試它的鵝肝漢堡，可惜那天是full house，也只好擇日再試吧。遷往百德新街的Burgeroom感覺更就腳，不過致電查詢才知不設訂位，惟有與友人早早到達。七時過後已告Full House，真險，不過始終是Comfort food，相信要等也不會太久吧。設露天位置，似乎是百德新街的特色。不過入夜個人較愛選室內位置，感覺更有氣氛。特愛臨窗的位置，180度的街景，是一人用餐時的首選。餐牌並不複雜，主要是漢堡、小食、沙律、飲品。但漢堡內的配料搭配卻有不少選擇，而且極具特色。當中最吸引的是牛肉漢堡扒、鵝肝、軟殼蟹、龍利魚柳、龍蝦、蠔、大啡菇。看鄰桌的漢堡份量不少，兩個女生各點一份漢堡、一杯飲品已很飽肚呢。點餐是採自助形式，選好餐後到櫃位訂餐，問及配料的搭配，侍應都好耐心地提出建議，不錯呢。先上桌是我最期待的鵝肝軟殼蟹漢堡($158)，已分成兩份，真細心。這兒的漢堡賣相超震憾!長形大餐碟上，巨大的軟殼蟹平躺在漢堡裏。那片鵝肝其實份量不少，但相比之下便相形見拙了，其實豪得起是可以點雙鵝肝的。不過價錢就貴了近80元，值不值得就見仁見智了，順帶一提鄰桌的龍蝦漢堡也是超震撼的說呢。厚切鵝肝外層煎得焦香，咬下去軟軟的滲出鵝肝的酥香，這樣一口鵝肝，一口漢堡甚是滋味。軟殼蟹口感酥脆，蟹膏甚多，咬下時有不少蟹汁溢出，兩種配料都十分出色。相比之下麵包就淪為配角了，不過此包口感鬆軟，也不錯的。配上份量不少的生菜番茄，以及酸香的沙律醬，平衡了膩感。不過若不是友人不吃牛肉，個人認為鵝肝配牛肉會更佳呢!而隨後上桌的是大烤菇龍利魚柳漢堡($85)，這個賣相平實一點，但與一般鮮魚堡來比，還是極具視覺震憾。最初也擔心大啡菇會有出水的情況，但成品算是乾身，只是咬下才有菇汁溢出。雖然大啡菇感覺健康，但味道偏清淡，如能再烤得焦香一點會更加美味。而龍利柳裹上薄薄的吉列炸粉，外層金黃鬆脆，內層的魚柳熱辣辣，魚肉豐厚，甚有口感。不過始終不是鮮魚，缺了點魚味，與鵝肝軟殼蟹漢堡相比，這款較為一般。吃Burger最好是搭配啤酒或汽水，但看見這兒供應的是illy，這是我喜歡的咖啡品牌之一，於是我點了杯Rose Latte($32)。一般的Latte鮮奶味較重，這兒的咖啡味則較為突出，而玫瑰香氣也甚為討好，美式漢堡店來說水準不俗。而友人的Iced Peach Fruit Tea($35)是自家制的，友人也大讚茶香突出，很清新的感覺。喜歡這種無拘束的用餐環境，也喜歡這兒漢堡的食材配搭，吃着這兒的美式comfort food，既有特色又不失美味。吃厭了麥當勞，Burger King一類的快餐漢堡，偶爾對自己好一點，嚐嚐Burgeroom的特色漢堡也不錯呢。…Read More

人越大，壓力越多，卻又更珍惜和自己共同長大的戰友。平時工作太勞累，到了weekend絕對不會放過和妹妹出外放鬆放鬆的機會！知道好食的Burgeroom在銅鑼灣開了分店，終於不用走到這麼遠了，就和妹妹來個Saturday brunch吧！大概十一點到十二點來到，人真的是非常少，位置可以算是任你挑選。天氣不錯，就坐到室外吧！單份鵝肝軟殼蟹漢堡配薯條沙律這個真的是超邪惡的選擇！鵝肝油脂超豐腴，入口又滑又甘香。連平時不喜歡內臟的妹妹都說這個鵝肝真的超好吃。軟殼蟹又肥又大，超級多肉，而且還有蟹膏呢。炸的酥脆又不會太油，這是蘿拔妹第一次覺得漢堡沒有牛也一樣好吃的！薯條可是炸得不夠脆，薯肉雖然挺香的，但是不脆的薯條總是覺得不對版！漢堡加上的番茄、生菜和伴上的沙律都清甜爽脆，還有解膩之效。Buffalo Wings雖然這個雞翼不是又甜又sticky的那種，但也充滿spices的香味，而且非常juicy，肉質嫩滑！奇怪的是這雞翼十分細隻，而且還以為全部都是中翼，實情中間也夾雜不少雞膇呢。但這個也非常值得一試的！Rose Latte很少美式漢堡店會有這麼多咖啡選擇，看來水準都不錯，就點個玫瑰咖啡吧！用上illy的咖啡豆，咖啡味香度算是中等，可以更濃郁，但勝在玫瑰的味道頗突出，奶泡打得綿密，不會覺得不值。綜合食物質素、環境、服務等，Burgeroom在銅鑼灣的新店可以說是比舊店優勝。開在Fashion Walk食街價格當然不會便宜到哪裡，但如果想吃個有質素保證的burger，Burgeroom確實是一個好選擇！…Read More