砂煲兄弟 (悅來坊) (已結業)

今日唔煮飯成家出街食😆黎到荃灣嘅悅來坊餐廳嘅特飲原來真係好特別😆陳年柑桔檸蜜：真係唔簡單，唔算好甜，但柑桔味好突出，味道好有層次透心涼紅豆冰奶茶：紅豆大大粒，香甜軟糯，奶茶嘅茶味好香濃、好幼滑，有傳統茶餐廳嘅味道👍🏻透心涼紅豆冰咖啡：紅豆同奶茶嘅一樣好味，但咖啡則有咖啡好香嘅烘焙味🤤黑椒蘋果牛柳粒：水果餸令人感覺清新啲，減輕油膩感，而且仲帶爽脆口感。牛柳粒好滑，火候控制得剛剛好😋梅菜蒸芥蘭：呢款真係要好傳統嘅中菜餐廳先食得到！估唔到餐廳咁新潮，又整得幾好食喎😄麥皮雞翼：麥皮做面層炸醬，令炸雞翼都變得清爽同健康左👍🏻脆皮豬手：好大盤！無錯！唔係好大碟，而係好大盤😂😂😂真係原隻嫁，比埋條骨你睇😆豬手嘅皮好脆好脆🤤肉質鹹香😍就算連配角嘅炸薯角都整得好好味🤗鵝肝慢煮牛柳煲仔飯：店員放底煲仔飯時教我地要將鵝肝搞拌係飯當中，仲話咁食先最好味😏起初我覺得咁樣食好似好浪費，點知食落又幾好味喎🙂每一啖飯都有鵝肝嘅香味🤤牛柳勁滑，而且煲仔飯有好多飯焦，正係正到震🤪🤪西班牙臘腸排骨煲仔飯：又係一個fusion煲仔飯🙃真係估唔到西班牙臘腸同排骨會同煲仔飯咁夾😆😆…查看更多

今日提早做冬，就返長輩方便，一家人去咗位於荃灣悅來坊嘅「砂煲兄弟」食煲仔飯同特色小菜。黑椒蘋果牛柳粒：水果菜式出面都好多，例如菠蘿生炒骨，士多啤梨骨... 蘋果牛柳粒反而第一次食。牛柳粒好嫩滑，牛肉味都好香。蘋果粒就較為有趣，一開始望落去以為係菠蘿，入口咬開咗先知原來夾咗蘋果。蘋果炒完都仍然好鮮甜。梅菜蒸芥蘭：出面比較少見嘅菜式。我本身都驚驚地芥蘭嗰陣草青味，無諗過原來用梅菜嚟蒸芥蘭都可以去到嗰陣味，而且仲好香悔菜味好好食添。脆炸麥皮雞翼：雞翼大大隻，包住層麥皮嚟炸，面頭脆口、雞肉則滑溜嫩滑多汁。最好嘅係雞翼係一字骨，食起上嚟方便好多。鵝肝慢煮牛柳煲仔飯：一個好中西fusion嘅煲仔飯。「砂煲兄弟」建議要趁熱食，將鵝肝㩒碎、撈混成個煲仔飯，同埋唔使加豉油。店舖咁樣講，我哋當然跟住依個建議食法嚟撈好個煲仔飯，每啖飯都充滿鵝肝香味，再配上嫩滑嘅慢煮牛柳，同埋煲仔飯最緊要嘅飯焦，正！西班牙臘腸排骨煲仔飯：依個煲仔飯最特別之處就係用西班牙臘腸取代咗傳統嘅臘腸。西班牙臘腸比起傳統臘腸鮮甜，而且食落無傳統臘腸咁咸，排骨亦都好嫩滑。脆皮豬手：好驚人嘅份量，無4-6人真係唔建議點嚟食。豬手皮脆到同燒乳豬一樣，肉好軟淋淋，再點埋佢哋自家調配嘅芥末醬，非常之好食。另外仲跟有一大份嘅香脆薯角。簡直係雙重滿足。…查看更多

秋風起食個暖粒粒煲仔飯暖下身先。呢度裝修到好似大排檔甘，但比起大排檔而度座得舒服好多，乾淨企理好多。餐牌樣樣都想食，就嗌左(前菜)胡麻棒棒雞、（小菜）粟米魚柳、(特色)鵝肝慢煮牛柳煲仔飯。好肚餓食野先。胡麻棒棒雞($42)清新既青瓜白滑雞件胡麻醬，麻中帶辣。非常醒胃鵝肝慢煮牛柳煲仔飯($138)鵝肝嘅油滲左落白飯另整煲飯都好甘香，慢煮牛柳保留住肉汁，再來食埋個飯焦，不得了。如果汁可以多少少就prefect 粟米魚柳（$68）雖然魚柳比粟米汁浸住但舊舊都咬落卜卜聲非常脆口份量非常多。若果粟米汁濃郁些少就好好多，個日食淡左少少餐牌（1）餐牌（2） 餐具都幾特別似砂鍋煲蓋既碗…查看更多

今晚約咗個friend 到呢一間砂煲兄弟食煲仔飯。我哋兩個人點咗： 西班牙臘腸排骨煲仔飯 鵝肝慢煮牛柳煲仔飯 胡麻棒棒雞 馬拉盞時蔬 紅豆冰 陳年柑桔檸蜜西班牙臘腸排骨煲仔飯同埋鵝肝慢煮牛柳煲仔飯可算係新派和懷舊嘅結合，我覺得採用好似西班牙臘腸，鵝肝慢煮牛柳呢類西餐材料去做中式煲仔飯係非常大膽同有創意，亦正好俾食客在傳統煲仔飯之外有更多選擇。呢兩款煲仔飯本身已好夠味，唔使再添加醬油，值得一讚係飯焦煮得啱啱好，唔會太燶，只係薄薄一層嘅飯焦，好香口，完全保留傳統煲仔飯嘅特色。棒棒雞本來係四川菜，但呢個胡麻棒棒雞唔太辣，胡麻醬完全滲透在雞肉裏面，愈食愈開胃。馬拉盞時蔬係油麥菜，侍應介紹講餐廳會購買季節性蔬菜(唔係温室培植嗰啲), 而依家油麥菜當造，真心呢碟菜真係煮得新鮮好食。睇見飲品杯有時光倒流感覺，幾懷舊，紅豆冰好似加咗椰奶，好甜；陳年柑桔檸蜜有啲甘澀，唔知呢啲係唔係陳年柑桔嘅味道呢！…查看更多

係大窩口睇完人練滑板🛹，成班fd就話去食餐好嘅，於是就去咗🐼熊貓酒店🐼附近，睇吓有咩食，見到有間新開嘅🥘砂煲兄弟🥘，見佢個menu幾新穎，連鵝肝都可以用來做煲仔飯，咁就試吓啦！我地一行11人，叫左6個飯，2個麵，再加幾個餸，食到飽飽的💕先黎兩個小食😋🐥胡麻棒棒雞 ($58)本來以為，只係胡麻醬撈雞肉，不過有驚喜喎！原來除咗胡麻醬之外，仲有少少辣醬，加埋滑嘟嘟嘅雞肉，成個感覺好fresh，好醒胃！🍤蝦多士 ($28)最懷舊嘅小食，炸脆咗嘅多士，加上一層薄薄嘅蝦膠喺面，好似食薯條咁😋🥘再黎幾個撚手小菜🥘🐔四臣雲吞雞 ($188) （*荃灣店限定）四臣湯，其實就係淮山、芡實、蓮子同茯苓為主，係一種台灣傳統嘅藥膳，可以健脾固胃，加上4份1隻雞係鍋裡面，好吸精🤩唔好以為呢隻雞煲完之後會乾爭爭，呢隻雞先係精華，皮滑肉嫩，唔食就真係走寶💕🐂山藥牛筋腩煲 ($88)呢個牛腩炆得好淋，牛筋都特別鬆化👍🏻蘿蔔更加係精粹！分量多，但係略嫌牛腩砌得細舊d🤔🐷脆皮豬手 ($138)大大隻豬手連砂鍋上，igable~而味道都唔錯嘅，皮脆肉嫩，如果可以加埋個法芥醬就好啦！🦐黑白胡椒蝦 ($152)超惹味嘅一碟餸，胡椒味道好出，加上大大隻嘅大頭蝦，炒得好脆，而且蝦頭充滿蝦膏，送酒一流！講咁耐而家先講到主菜🤣就係煲仔飯！好啦，我哋實在食咗太多，等我重點講幾個啦！🦆鵝肝慢煮牛柳煲仔飯 ($138)估唔到鵝肝都可以係煲仔飯上面出現🤪，原來撈飯食嘅感覺都幾特別，鴨肝本身嘅油份，滲入飯裏面，就好似細個食豬油撈飯咁，慢煮牛柳令肉汁充分保持係肉裏面，上枱前煎一煎，特別香口😋🐟川味黃鱔煲仔飯 ($82)呢個黃鱔不得不提，因為係每日新鮮來貨，肉質鮮嫩，加上辣椒吊味，不過唔會太辣，啱晒啲鍾意香辣，但係又唔係太食得辣嘅人！🥦馬莎拉雜菜黃薑煲仔飯($78)食素嘅人，每一次同朋友食飯，通常都只係叫碟炒菜就自己食，不過嚟呢度就有一個雜菜煲仔飯！而且味道仲好正，黃薑飯暖胃，加上馬莎拉嘅香料，就好似食緊印度飯咁，而面頭嘅雜菜就可以balance番香濃嘅香料味，食晒成個都唔會太heavy 😋仲有更多估你唔到嘅新款煲仔飯：🦀黑松露蟹肉海膽煲仔飯 ($168)🐟鰻魚牛蒡煲仔飯 ($88)🐔海南雞煲仔飯 ($80)最後當然唔少得甜品啦！🍫邪惡金沙西多士 ($38)厚厚嘅西多士夾住花生醬，加上朱古力醬係面，成件事勁邪惡囉！…查看更多

其實因為屋企比較近將軍澳所以經常幫襯將軍澳店原來荃灣近排開一間新仲好似new menu同新廚師嘩痴線啊!居然用海膽鵝肝等等嘅矜貴食材做煲仔飯!我剩係睇到個名已經流曬口水唔係唔試下話!?本身將軍澳點嘅質素已經相當有保證估唔到荃灣店一樣唔輸蝕先同大家講下主角:煲仔飯有得食煲仔飯嘅地方已經唔多而且重要係煲仔飯專門店就更加少見真係有好多新鮮同埋新奇有趣嘅食材!!!配搭落去一啲都唔奇怪反而仲覺得好惹味打卡一流開頭完全未聽過咩叫"馬莎拉"原來同curry👳‍♂️個味道差唔多仲更香更濃實屬傳統印度香料之一好surprise 一個煲仔飯居然唔需要丁點肉已經可以咁惹味一打開蓋香味撲鼻勁鍾意個鵝肝牛柳煲仔飯雖然牛肉未去到入口即融嘅地步但已經相當鬆軟牛柳啖啖肉🐮加埋鵝肝更加唔洗講野牛肉嘅油香分佈得好平均一啲都唔會覺得滯同heavy另外用煲仔煎嘅米粉同面都係第一次食尤其是個面充滿邪惡嘅芝士點能夠抵擋!?蝦真係勁大隻好新鮮但你話我港女都好我就係唔鍾意自己搣蝦殼唯一嘅不足之處真係要盡快食用唔喺芝士好快"鯨"埋一舊麵都會變淋變凍(熱辣辣食當然冇問題啦）仲有就係我留意到啲飯焦得恰到好處既唔會太焦又唔會完全唔成型比起坊間所謂標榜飯焦既煲仔飯店好果啲鋪頭好多時都整到個飯焦黑曬咁樣根本就唔健康亦都影響左其他食材嘅味道而只係食到飯焦味最後梗係要講下大家都好期待嘅黑鬆露蟹肉海膽煲仔飯🦀🦀🦀🦀Like爆!!!開頭以為得個面一隻蟹鉗點知原來成個面都鋪滿左蟹肉海膽配買煲仔飯有一種唔同嘅口感係從來都未試過嘅有時食得多生冷野對腸胃唔喺咁好放咗落煲仔飯上面就唔使加重個胃嘅負擔啦睇到餐牌上面仲有好多小食呀，煲仔菜呀都相當吸引但係無奈我今次食飽左等我下次再嚟食過先…查看更多