大鄉里出城首次踏足大舞臺！位侍應阿嬸勁似大雄老母，因為近期有叮噹大電影上畫所以演繹潮流尖啄？我要求白酒，大雄老母比支汽酒我稱係白酒，您識唔識架？我要白葡萄酒，激死我！非常不專業，似茶記兼職，我都明白現時飲食界招聘困難。檢視一下餐單，全中文不太懂啊！高級餐廳何解不是中英文對照？鴻運脆皮乳豬、京蔥雜菌大蝦球、百花炸釀蟹拑、瑤柱金錢伴瓜脯、紅燒花膠雞絲翅、清蒸海石斑、蠔皇鮑魚扣花膠、脆皮吊燒雞、砂鍋海鮮炒飯、參菇海味伊麵、意式泡芙酥、蓮子百合紅豆糕，滿意滿意豐衣足食！全部菜色除甜品外都係由侍應分碟續份端上，唔怕無得食唔洗鬥搶又更加衛生！鴻運脆皮乳豬，配上白麵包大愛！夾饃還是饅頭來的？酒店式服務，所有佳餚分好一份份才送到賓客面前，夠衛生不用搶，不過我食得快兼大食就無用武之地了！鬆軟熱熱的麵包夾著乳豬件入口，狠狠地大啖咬落去！靚靚乳豬可遇不可求，薄脆豬皮搭著咸鮮滑滑瘦肉，油潤而不肥膩！京蔥雜菌大蝦球，不是蝦爽鹽醃明蝦，係天然爽彈充滿海蝦鮮甜味道巨型蝦碌，高質吸引！配菜蜜糖豆、百合、青椒全部爽脆香甜，全部美味出色！百花炸釀蟹鉗，每次飲宴都令我滿心期待！鬆化熱熱新鮮炸起，香噴噴咬落索索聲，輕煙四溢。鮮蟹肉鮮蝦膠鮮味非凡，巨蛋彈力十足！瑤柱金錢伴瓜脯，整舊瓜脯釀入口，嘴內爆破，汁液激射！節瓜煨得充滿高湯，滑滑爽甜一再回味。還有原粒味濃乾瑤柱，海味味出眾而濃郁。巨形特厚花菇滑嘟嘟，菇味強烈，餘韻久久不散，完成度極高！紅燒花膠雞絲翅，傳統正宗食法只食原味，享用完才呷點醋清清味蕾。湯汁晶凝剔透，雞湯香濃黏膠，翅針脆花膠爽，百感交集好味道！蠔皇鮑魚扣花膠，超特濃鮑魚鮮味，滑滑有咬口而帶黏，炆得極入味啊！大大厚厚半透明花膠，蠔汁味鮮完全滲透，膠黏滑溜拍爛手掌！品嚐完濃鮑濃膠，即來片爽甜生菜清新一下。清蒸海石斑，先來厚實啖啖肉特濃魚味的背脊肉，再來特滑魚肚肉，魚鮮味飄逸無得頂！難得每個部位都嬌嫩不鞋。脆皮吊燒雞，脆脆雞皮有趣可口不肥膩，醃味得宜不過咸，整體不過不失。參菇海味伊麵，不吃芽菜不吃韮黃，比麵還要多，不喜歡！砂鍋海鮮炒飯，炒飯好好味！搞到想添食多兩碗。叫大紅老母侍應幫我攞多碗炒飯，完全唔理我，當無件事！唔識聽廣東話？還是我太斯文太善良？意式泡芙酥，不吃甜品的我都感到驚喜！熱熱脆脆的外層包著凍凍的忌廉餡。蓮子百合紅棗糕，綿綿質地，清甜紅棗不膩不濁。…查看更多
