鳴虎

營業中

休息中

放工約會朋友去將軍澳新都城搵食，今次去位於新都城三期的日本拉麵店 - 鳴虎。店內提供鳴虎拉麵拼小食套餐，每份$128，可自選拉麵加小食加飲品各一份，自行用筆劃選。 推介鳴海老拉麵，好香濃的北海道鮮蝦味，濃郁的湯底，吸引非常，很推介給喜歡蝦的食客。肉餃子，一碟有5隻，金黃色的餃子外皮很脆口，一吃停不了。 朋友點了鳴虎拉麵，濃郁的豬骨湯底，味噌鹹中帶甜，也很不錯。芝士魚餅小食(兩件)，軟淋淋的魚餅入面包著香濃的芝士，也很推介。

屋企附近有2間拉麵店🍜，平時比較鍾意幫襯坐得舒服及有店員招呼嗰間，但係今次試吓坐吧枱嗰間「嗚虎」，因為曾經買過一次外賣，發現有個蝦湯底的拉麵非常美味😋，所以今次再試，原來是叫「鳴海老」，果然不負眾望，依舊好味😋，感覺今次的湯底比上次外賣較咸小小，因為我會飲拉麵的湯，拉麵還有一柸熱茶送。最美中不足的是每次收銀位置都沒有職員standby，而且職員每次都沒有留意收銀位置，所以客人都要大叫店員協助！

同朋友係新都城行街， 行到咁上下，嚟呢間性價比高嘅拉麵店醫下肚先，有個$128嘅鳴虎拉麵套餐，有拉麵有飲品有小食，幾抵，鳴海老 - 蝦味噌豬骨湯拉麵，湯底味道鮮甜，拉麵灑上櫻花蝦粉，更添鮮味，叉燒厚身啖啖肉。套餐小食揀咗胡麻菠菜，睇落好似細細碟，但其實份量頗多，新鮮翠綠的菠菜，淋上胡麻醬，惹味又不會過咸，茉莉花茶，味道清香， 一大杯好抵飲，赤虎 - 特濃辛口拉麵， 湯底味道香辣，拉麵爽口彈牙，勁正嘅原隻溏心蛋， 蛋黃半生熟，蛋香味濃，口感軟滑。總結：餐廳座位寬敞舒適，餐桌和餐具均乾淨衛生，侍應招呼主動殷勤，拉麵湯底濃而不膩，拉麵套餐抵食，性價比高，可以做飯堂。