顏府御膳 (已結業)

前菜青瓜海蜇頭 🥒 (8/10)我好鍾意嘅一款上海菜 海蜇頭好彈牙爽口 配埋青瓜份外清爽 青瓜醃得酸酸地 加埋木耳係好開胃嘅前菜🌟塩燒茄子 🍆 (9.5/10)齋睇賣相完全估唔到佢係茄子 我本來麻麻哋茄子 但係呢度菜真係非常有驚喜 椒鹽味好重做 有種椒鹽豆腐既口感 少少外脆內軟 茄子煎得好淋保健老火湯 🍲 (8/10)呢個青紅蘿蔔螺頭湯好有住家湯嘅感覺 因為都煲咗一段時間 所以味道幾突出幾清甜主菜鳳梨咕嚕肉伴炸雲吞 🥠 (8.5/10)咕嚕肉就食得多 但配炸雲吞就第一次試 咕嚕肉係用新鮮菠蘿炒 所以個酸味比較突出 酸度同甜度都取得平衡 咕嚕肉保持到肉汁 雲吞炸得好香好 唔會太厚粉 沾埋啲酸甜醬就更加開胃 🌟荷香蟲草花雲耳蒸雞 🐓 (9/10)份量非常大 適合幾個人分享 雞肉擺咗喺荷葉上面 吸收到少少味 配菜有蟲草 冬菇 雞粒 已經全部去咗骨 而且蒸得好淋 肉質好嫩滑OVERALL: 推薦😆 (8.5/10)餐廳裝修非常有中國風格 特別係牆上掛住嘅紅色吊燈好有氣派 燈光比較昏暗 幾有格調 雖然大部份菜式都係傳統中菜 但同時都結合左啲新穎嘅元素 食物選擇幾多 上菜速度好快 而且店員都會主動留意客人需要 餐廳唔算超級大 坐得幾闊落 平日大概七點幾都只有幾台客 環境唔會太嘈🌟為推薦…查看更多

自己真係極少會去食中菜，不過今日team lunch老細請去食高檔野就緊係乜都食下😂 ✨胡麻茄子 - 佢係去左皮嘅茄子，口感幾特別，有d似食緊菇😂 配埋胡麻醬幾好食✨川味手撕雞 - d雞幾嫩，不過我個人食唔到辣，食左少少就交俾其他同事處理✨精選老火湯 - 個湯好多料，有雞腳同合桃，味道幾清甜✨荷香鮮沙薑陳皮生煎雞焗飯 - 呢個配搭好特別，個雞滑得泥又有d陳皮香咁，加埋個飯有荷葉香味，整體夠惹味✨鳳梨咕嚕肉配炸雲吞 - 咕嚕肉夠淋好入味，佢仲有別於一般酒樓，加左士多啤梨，成個果味幾出；雲吞夠脆幾香口，係幾精緻，不過份量略嫌少左d~✨桂花雪梨燉蘆薈 - 幾滋潤，甜而不膩，啱晒女士~…查看更多

去了銅鑼灣開平道嘆了一下中菜💗這間中菜館主打精緻中式料理～裝潢高雅有情調，喜歡一盞盞紅色水晶燈💗帶點中西合璧的古典風格，又有氣派。我們中午到訪有午市套餐「顏府嚐味午餐菜譜」（＄180）🥳包含了顏府精選老火湯，另可選一款頭盤和一款主菜，另外會有白飯和甜品。◾️頭盤我們選了「川味手撕雞」💗入口充滿麻辣香，雞味很濃，辣辣的非常醒胃。還有選了「青瓜海蜇頭」，海蜇頭十分爽脆鮮香。◾️老火湯是日老火湯是「野葛菜煲生魚」，感覺很足料！入口好鮮甜滋味，清熱降火最啱我👍🏼◾️主菜我們選了「鳳梨咕嚕肉伴炸雲吞」，咕嚕肉肉質好嫩滑，真係外脆內嫩💗甜度酸度弄得很恰好，再配以脆卜卜的炸雲吞皮～蘸著甜酸汁～好滋味👍🏼另外選了「鮮淮山炒和牛」，炒得火喉剛好，和牛肉質非常嫩口，入口帶有油脂甘香💗◾️甜品最後以十分清潤的「桂花雪梨燉蘆薈」作結，充滿淡淡桂花香，清甜不膩。*茶水每位$20*另加一服務費…查看更多

長大了就要帶家人吃好點😚顏府的精緻中菜及氣派裝橫都令爸爸讚不絕口🥰佢食得開心，我都開心😄$20餐前小吃🥜琥珀核桃以麥芽糖同芝麻炒製而成，甜甜地又夠脆口🤤令人不斷一粒一粒放入口😋$78尖椒皮蛋🥚皮蛋精瑩，非常香口🤤但略嫌尖椒太多，我作為嗜辣者都覺得太辣😖$88保健老火湯🍲原盅野葛菜煲生魚滿佈精華但又不會油膩👍🏻湯味濃郁😋$198鳳梨咕嚕肉伴炸雲吞🐷咕嚕肉外皮酥脆，外脆內軟！豬肉超稔👍🏻放耐咗都仲好脆口👍🏻炸雲吞一樣熱辣辣超酥脆，碟中間菠蘿好甜好甜🤤🤤🤤第一次見加士多啤梨炒菜🍓覺得幾特別☺️芡汁調得好，唔會太酸或太甜👍🏻$138砂鍋XO醬蝦乾肉碎芥蘭🥬原鑊上菜好有鑊氣，炸炸聲🤤有多隻大蝦乾😋肉碎唔係乾柴瘦肉碎，反而用豬肉砌粒，有少少肥肉😋仲有絲絲金華火腿👍🏻芥蘭超嫩，嫩到以為食緊露荀👏🏻$168肉絲煎兩面黃🧇爸爸最欣賞雙面黃這道耗功夫的潮州菜👍🏻幼麵炸至十分乾身，連內裡都炸到脆卜卜😋香脆又可口👍🏻冇油抑味👍🏻👍🏻淋上肉絲和芽菜絲澆頭，兩者非常之夾👍🏻總括而言，餐廳可以尋回複雜菜式的滋味，上菜亦視乎食客進食進度，不慌不忙，員工亦細心添茶水、講解每道菜式👍🏻高質菜式🤤高級享受💯…查看更多

好耐無出去食晚飯，揀左食中菜，呢間係銅鑼灣區嘅高級中菜廳，食精緻中菜，設計帶點d西式，但價錢又唔算太昂貴，得禮之選。環境入到去燈光同設計都較西式，望到枱面更有紅酒，望真啲舖左枱布，樣貌較西式嘅茶具餐具其實都係中菜之用，設計有心思。餐牌除左傳統中菜款式，當然唔少得一啲crossover菜式，例如有慢煮牛肋排、黑豚肉等等。 鮑汁鳳爪 $88份量好多，鮑汁醃至入味不至過鹹，煮到好焾，唔洗點咬已經骨肉分離，做前菜啱哂。 花膠瑤柱羹 $158/位非常足料，啖啖真材實料，清甜，飲完其實都真係飽左一半。 鳳梨咕嚕肉伴炸雲吞 $198上枱已經聞到酸甜味，估唔到又係大大份！色彩鮮艷光澤，咕嚕肉炸至外層脆香，粉層不厚，肉裡肉質正常，而炸雲吞夠哂大舊！美中不足係酸度較高，少食多滋味，否則喉糖會頂唔順。 羊肚耳珍菌濃湯浸時蔬 $148以雞湯烹調，味道清甜，羊肚耳珍菌十分爽口，又可索湯汁，菠菜翠綠新鮮，安排係咕嚕肉後上可解酸甜之刺激。 顏府酸辣粉 $68每人一碗，酸度足夠，辣度就可更高，食完唔會口渴。總括而言，同朋友/另一半想食中菜但又唔想去傳統酒樓，又想嘆到西餐廳格調，呢到就係好好嘅地方。…查看更多

OPENRICE 搞左個 - 約你半價食飯既活動, 訂座指定餐廳輸入優惠碼就可享有半價。所以今日就黎到呢間有JOIN到呢個活動既餐廳。餐廳面積不大, 只有大概10張枱。裝修頗為高尚雅緻。可惜當日負責樓面的男侍應服務欠佳, 影響了我對這間餐廳的整體觀感。首先, 一坐底我就CONFIRM佢我地JOIN左個半價食飯, 男侍應呆左一呆, 然後我再重覆講多一次, 然後佢就同我講: 你開個📱電話SHOW比我睇。然後佢就望左我個電話好耐好仔細。唔....我之後有懐疑佢應該係新入職, 未係好清楚公司的運作。因為之後我地點餐, 其中一個 - 原籠荷香鮮沙薑陳皮生煎雞焗飯, 佢好疑惑, 問左我兩次, 然後再要睇MENU。我相信呢間餐廳既定位係走中高檔路線, 這樣不太專業的服務實在扣分, 尤其要睇我既OPENRICE訂座紀錄, 令客人感覺被質疑, 我認為OPENRICE一定有通知餐廳, 客人的訂座資訊, 因為我已經用過好多次OPENRICE既訂座優惠, 有時仲要唔記得, 係餐廳員工話返比我知。我地點左原籠荷香鮮沙薑陳皮生煎雞焗飯, 黑松露醬帶子餃同鳳梨咕嚕肉伴炸雲吞。黑松露醬帶子餃 - 用料新鮮, 皮薄煙韌。最好味呢個, 只係略嫌SIZE偏小。 鳳梨咕嚕肉伴炸雲吞 - 咕嚕肉鬆化但偏肥。新鮮鳳梨大多偏酸, 呢個都唔例外。見網上個個都話炸雲吞好食, 可能當日廚師失手? 我覺得雲吞皮好乾好硬, 尤其入面既肉餡, 口感鬆散無肉味, 怪。原籠荷香鮮沙薑陳皮生煎雞焗飯 - 沙薑味足, 煎雞肉質鮮嫩, 但可惜並沒有荷葉香。到埋單, 同一位男侍應又再發作, 話: 比張信用卡我, 幫你做半價。點解唔係你比張單我先呢? 當然, 而亦都估到, 佢最後，就算拎將單比我地既時候都無同我地講一聲多謝, 連BYEBYE 都無。…查看更多