琴日同朋友們喺灣仔完咗活動肚餓想搵嘢食，就揀咗佢去碰吓運氣，原來佢收12點！平時午餐嘅時間好多人排隊，唔會食到。門面裝修已經好靚，日頭行過去嘅時候冇咁明顯。入面亦有港式燈牌嘅元素。佢fusion嘅地方係仲有特飲或者酒精飲品可以選擇。我哋第一個嗌咗鮮蝦腐皮卷，大家食嘅時候要小心因為係即刻炸，唔會好油，腐皮亦都好脆。我哋嗌咗四色餃嘅款，普通蝦餃皮薄餡靚，松露餃適合素食人士食用，魚子蟹肉餃好好味，入面都食到蝦同蟹肉嘅香，留意橙色嗰隻應該係酸菜魚蝦餃，所以會有啲辣。肉鬆馬拉糕好特別，平時一般食嘅馬拉糕都淨係甜嘅，加咗肉鬆會係鹹食嘅馬拉糕，店員好細心已經幫我哋切好可以即刻返嚟食，而且佢平時傳統酒樓馬拉糕嘅咁甜好適合香港人嘅最高評價！叉燒包都算幾大個，皮薄餡靚，叉燒包嘅皮唔會好甜，叉燒汁就唔算好多。我哋食完都唔知個皮其實係乜嘢做㗎，但係佢嘅做法好特別，因為鹹香味好重，作為香港人好鍾意朋友們一致都好鍾意食。呢個芋角酥都係新鮮炸起，放落口要小心啲。炸皮唔會好厚，餡料同埋皮嘅比例都啱啱好。我哋估唔到鰻魚飯上面都會有金箔
個飯入面仲有蛋碎，食嘅時候仲充滿荷葉香味，鰻魚亦都好入味撈埋一齊好好食，但入面仲有啲肉碎同埋醬汁，非常足料！由於我冇食呢個，所以唔能夠作太多評論，注意呢個都有少少辣，平時鳳爪下面花生佢就用咗健康嘅紅腰豆。我哋最後唔夠喉，都係嗌咗個燒賣。記住攤檔先食，因為佢有少少爆漿，如果唔係會辣到口，點心都係好有心思個皮唔會好厚！
雖然平時好多人排隊，但係佢喺各樣嘅點心，Fusion 都好好食，希望下次有機會可以食到其他分別！
…查看更多
個飯入面仲有蛋碎，食嘅時候仲充滿荷葉香味，鰻魚亦都好入味撈埋一齊好好食，但入面仲有啲肉碎同埋醬汁，非常足料！由於我冇食呢個，所以唔能夠作太多評論，注意呢個都有少少辣，平時鳳爪下面花生佢就用咗健康嘅紅腰豆。我哋最後唔夠喉，都係嗌咗個燒賣。記住攤檔先食，因為佢有少少爆漿，如果唔係會辣到口，點心都係好有心思個皮唔會好厚！雖然平時好多人排隊，但係佢喺各樣嘅點心，Fusion 都好好食，希望下次有機會可以食到其他分別！…查看更多
❣️馬拉小籠包(4隻) $48創新小籠包採用馬來西亞肉骨茶風味 薄皮多汁💦豬肉餡充分吸收肉骨茶精華 令人眼前一亮❣️拉絲菠蘿包 $38港式菠蘿包包住芝士 包餡比例1:1 熱辣辣上枱即食享用甜酥脆軟 加上creamy濃郁芝士十分新穎🧀❣️一龍大滿足 $70一籠7款: 酸菜魚鳳眼餃 鹹蛋黃墨魚燒賣 蟹粉菠菜香蝦餃 松露野菌晶瑩餃 筍尖蝦餃皇 斑蘭麻蓉桃子🥟隻隻賣相都咁靚 啱晒攞嚟打卡📸呢啲味道出邊食唔到 帶外國朋友過嚟絕對大開眼界 我個人最鍾意蟹粉菠菜香蝦餃🦐蝦肉夠鮮加上蟹粉香氣成粒昇華晒❣️口水汁龍利魚 $48嚐辣嘅朋友呢個真係唔好錯過 龍脷魚加入腸粉皮無骨仲要啖啖肉
滑捋捋嘅龍脷柳同口水汁撞埋一齊好香好惹味❣️鳳爪排骨飯 $58排骨同鳳爪鋪滿成個飯面超足料好震撼 入口即化嘅鳳爪醃得相當入味 排骨疏爽滑口
❣️鰻魚荷葉飯 $82荷葉香滲透米飯中 搽咗鰻魚汁嘅鰻魚估唔到同荷葉飯一齊蒸更添獨特香氣
灣仔呢間點心店嘅點心，經師傅創意設計，人手即叫即整，可謂茶滾點心靚
原來燒賣係由蒙古引入，元朝南下，慢慢流入南方，足跡隔千里嘅燒賣傳承，inspire到燒賣都可以有fusion
呢一籠世界燒賣拼盤，有冬蔭功泰辣、黑蒜帶子、芝士墨魚、黑松露珍香、泡菜蒜辣同俄式羅宋共六款，每款有異國風味之餘，又不失燒賣本色，同埋小心爆汁，因為真係新鮮滾熱辣出爐
蝦餃原來都可以變裝，佢家下著綠色衫，外皮非常之綿，面頭有大量蟹籽，菠菜同蝦餃肉餡相唱和，整件事好配合
腸粉多數都係包住肉餡，好果食素嘅，都唔使夾硬食素材扮肉嘅，原來響鈴做餡一樣得，外綿內脆，綠色嘅外表蘊含卜卜脆嘅紫菜響鈴
蝦多士通常都大大嚿，粉粉地滿有澱粉感，呢間就滴滴骰骰，重點反而喺鳳尾蝦，炸至金黃爽脆唔油膩，蝦味更係主角
佢地嘅茶壺有好好嘅茶隔，斟茶飲唔會跌茶葉出嚟，更加盡情享受到壽眉嘅仙氣。埋完單先知做會員有88折，慳唔少喎，唯有下次再約啦
