渝味曉宇重慶老火鍋 (渣甸中心)

在銅鑼灣陪逛街完畢，終於可以大吃一頓。如常的先來鴛鴦麻辣鍋（$38/位），今天全場爆滿也要略等一會兒。自製洛神花茶（$58 渣）不會加了冰弄淡，也不會過甜，不錯。鮮活海蟶（$78）大大隻又夠新鮮，希望變成長期菜式。韭菜豬肉水餃（$62）有8粒，韭菜味也算濃。皇帝菜（$32）我們下在番茄那邊，健康又夠好味。鮮黃喉（$108）及牛心椗（$108）都是吃重慶麻辣火鍋的必點，全部夠爽口，超級好吃呢！最後我們還加了一個即點即炸的現炸豆皮（$59），煮軟了還是特別有口感，又吸收盡了火鍋湯底的味道，好吃！…查看更多

雖然天氣漸漸熱番，但是打邊爐呢家野，真係一年四季都係咁O岩既~同埋每次都可以食到好多唔如款式既野，都係令人沉迷火鍋的原因。今次朋友帶路，第一次來到呢家在渣甸街的重慶麻辣火鍋店。因為有朋友唔太好麻辣，所以就叫左大骨滋補鍋及皮蛋香菜鍋。個鍋好大個，太極形狀好有氣勢呢~湯底每位$38，另$20茶水及醬油收費。紐西蘭精品羊肉卷$106全份，呢到既好處係可以點半份，就算人少少來都可以食多幾款。黑豚腩肉$82曉宇嫩牛肉$82呢三款肉都好新鮮，高質食材~!!!!曉宇十大必點之一:鮮鵝腸$118，超爽呀另一款必點就係鮮黃喉$108，原來係PIG THROAT，豬喉嚨，1分鐘就食得，好爽又滑︿第一次食好味~!田園菜籃$82，有四款菜，仲有皇帝菜~好好食因為又香又嫩。仲有呢個鮮炸豆皮$59，又係呢到既特別產品。…查看更多

上個星期吃完麻辣火鍋今天又想吃了，剛好在銅鑼灣買完東西，便來這家渝味曉宇吃吃看。樓下保安先替我們量體溫，上來又有店員幫我們再量。店員也在外面的熱水幫我們消毒碗碟，感覺安心。雙拼鴛鴦鍋 $38/位這次點了山珍菌湯鍋配重慶辣大紅鍋，重慶辣終於有想像中的辣度，適合愛辣，想念正宗麻辣鍋的人。稻田毛肚 $118毛肚爽口大大片，配上辣鍋剛好！鮮黃喉 $108黃喉夠脆身爽口，依然是我最喜歡的菜式。牛心椗 $32 半份第一次吃牛心椗，是連著牛心的血管，也是比較爽脆但我覺得比豬黃喉較厚身及軟一點，也是很不錯的選擇！珊瑚蚌 $129珊瑚蚌夠厚身，口感豐富，一流！曉宇苕粉 $52上次吃過這個就念念不忘，即使會特別飽肚也忍不住吃了一條又一條。現炸豆皮 $59現炸我忍不住直接吃了一塊，建議煮一分鐘，但我比較喜歡帶點口感便煮得短時間一點，也是不錯呢！…查看更多

2019年3月30日。銅鑼灣。晴。火鍋獨特嘅魅力在於幾個人諗唔到食咩，烚下烚下就最啱啦～嗌啲咩緊有嘢啱食～呢日就嚟銅鑼灣食呢間聽過好多次嘅渝味曉宇店名好聽，九宮格火鍋亦好出名週末午餐時間尚早，所以冇乜人裝修非常雅緻，用咗好多木同磚點菜用點菜紙～雪耳糖水點餐後店員即刻送上呢個雪耳糖水清甜解暑，仲有解辣效果自製洛神花茶，$58一渣洛神花茶斟到四大杯，洛神花茶酸酸甜甜，仲飲到山渣嘅味道～呢個花茶好適合打邊爐飲，開胃又解辣～大骨滋補鴛鴦鍋，$38／位由於同行友人唔太食得辣，所以冇嗌九宮格鍋，嗌咗呢個鴛鴦鍋，除咗呢款之外，鴛鴦鍋仲有其他選擇～但呢個大骨滋補鍋滋補得來又滋味～味道鮮甜，唔錯～手打四寶丸，$119有墨魚丸、蝦丸、鯪魚丸同牛丸四個人每人兩粒～食咗墨魚丸同蝦丸，彈牙爽口～曉宇嫩牛肉，$81呢個嫩牛肉名乎其實！果然鮮嫩無比！點餐紙上面有教學要淥3分鐘，比一般肥牛淥耐啲，但係就算過咗3分鐘都唔會變嚡，依然滑捋捋～建議食得辣嘅朋友擺佢落麻辣湯底，會更加惹味！稻田毛肚，$112呢個毛肚都不得了！教學寫淥15秒即可，淥好之後會稍稍縮細，但無損爽脆程度！好味到食完一兜仲encore咗一兜！鮮黃喉，$99坊間少見嘅火鍋食材，乾淨無奇怪味道爽脆可口！重慶耗兒魚，$79呢個魚唔知香港有冇得買呢？見到個名咁得意就叫咗一份，肉質都好特別！教學寫要淥10分鐘，撈返上嚟之後，魚塊仲係好完整，肉質結實唔會散鮮味無窮～紅糖糍粑，$36／半份糍粑以前就聽過，但就冇食過～見到呢度有，即管點嚟試試～質地軟糯煙韌，甜味適中，好味～～…查看更多

今天考完試，終於大解放了，所以馬上就約了朋友吃飯慶祝。之前因為考試，不敢亂吃東西，所以考完了就要吃麻辣火鍋慶祝慶祝。店在銅鑼灣渣甸中心8樓，在老虎堂 幸福堂往前一點點就是了。店裏的裝修屬於木質風格，服務員都很貼心。坐下以後店員就會送上兩碗雪耳糖水，很濃稠，據說可以養胃，所以記得開涮前吃掉喔。鍋底我們選了鴛鴦鍋，$38一位。美國安格斯優質肥牛（$208）雪花很均勻，吃起來口感也很嫩，肉味足，而且肥牛比外面的厚一倍。稻田毛肚（$112）毛肚超大片，涮完口感很爽脆，上面的粒粒很吸附辣汁，吃起來超爽der~極品鵝腸（$87）鵝腸挺大條的，涮完也很爽口，下面有冰保鮮，吃起來沒有異味。重慶耗兒魚（$79）其實就是香港的剝皮羊，肉質緊實，骨是軟的，魚肉很香～鮮黃喉（$99）這是火鍋必點，口感爽脆，新鮮。曉宇嫩牛肉（$81）這是曉宇必點，無論煮多久還是很嫩，很滑，筷子功不好的要好好練習自製洛神花茶（$18）喝起來冰涼，酸酸甜甜，不錯。放了滿滿的一桌，噗嚕噗嚕的火鍋真是冬天恩物。…查看更多

今日星期日約了一班好姊妹去打邊爐，天氣明顯轉涼，約今日真是神最好的安排。我們訂了這間一值好想試的火爐店，之前想去，可惜病了所以取消了，今次終於有機會啦！這間有好多不同分店（灣仔、銅鑼灣、尖沙咀、西灣），我們今次去銅鑼灣這間在渣甸中心8樓的，主力是火鍋店，也有食小菜的，讓客人自由選擇！餐具好有懷舊中式feel，是一套的；更好貼心地為客人安排了一碗潤喉甜美好飲的雪耳紅棗糖水，為食麻辣的我們作了保護我們叫了一渣洛神花，好開胃酸酸甜甜又夠冰涼，配上火鍋好正喔調味料有：香油、蒜蓉、香蔥、豉油及醋的選擇；更加秘芳教我們調減辣的醬油（香油+蒜蓉）我就自己再加了香蔥，令口感及香味更好！火鍋湯底好重要，有九宮格麻辣火鍋、鴛鴦火鍋等，我們就選了鴛鴦的！選了麻辣+山珍菌湯鍋麻辣：好紅好多辣椒🌶🌶，莖蔥，火辣辣喔；中間的是山珍菌湯底，有好多不同菇類（秀珍菇、猴頭菇、松茸菇、茶樹菇等等），好香好濃郁的菇菇味，我們都好喜愛湯這個湯底另外，中間的是高了一點的位置，避免辣湯滾進了去，好好的設計）我們點了2個即食的，因為大家都肚餓（重慶炸酥肉）好香酥，肉條好野味又軟腍；有香麻子少少辣香味，好正！送酒一流哦（紅糖慈耙）好煙韌又熱辣辣，外脆內軟，更有芝麻香味！配上甜甜蜜糖，太正了我們當然都落好多不同款式火鍋料啦（手打四寶丸）蝦丸、墨魚丸、牛丸、鯪魚丸，每種2粒，下面有一片青瓜作底，唔怕痴碟蝦丸（彈牙又有蝦肉）墨魚丸（口感一流）牛丸（香牛味又爽口）鯪魚丸（軟腍無骨又香）（美國安格斯優質肥牛）好靚肥牛、紋理好正、肥瘦適中、口感好好、牛味香濃（曉宇嫩牛肉）嫩嫩牛肉，超級滑溜軟熟，好正喔！（重慶䄬兒魚）魚好大條、新鮮又少骨、只有中間的魚骨一條、好滑好嫩的魚肉！ 🐠🐠🐠（現炸豆皮）好香即炸、好大片、熱辣辣、好香酥，服務生告訴我們放在湯中大概3分鐘，好好豆片好滑好香（鮮黃喉）好大片，第一次食喔！唔係到到有得食，好爽脆哦！好特別的口感！朋友喜歡這口感！麻辣湯底浸一浸，更野味（極品鵝腸）好爽呀又乾淨喔！平時我們好少食鵝腸，因為怕肥膏，但這個去清肥膏又乾淨清潔，服務員講這是經特別處理，清理得好乾淨！好細心又美味！滾一滾麻辣鍋，辣辣香香又爽口我們更點了田園蔬菜籃，好多不同蔬菜，如娃娃菜、生菜、菠菜等，以山珍菌湯底好配合，超鮮甜健康！…查看更多

我十分嗜辣，而且都愈黎愈食得辣，但身邊朋友一係唔食辣，一係就只食到小辣，所以有啲店都未試到，渝味都開左一段時間，終於拉到朋友同我去！渝味曉宇都大有來頭！曾經係2014年《舌尖上的中國2》被推介，中國已經有200幾間分店當然要食佢既招牌「麻辣大紅鍋」！選用左重慶最辣既「朝天紅」、茂汶大紅袍同埋金陽青花椒，再加入石柱辣椒、郫縣豆瓣等等十幾種香料，一定要試下！墊枱紙都有介紹餐廳以及食既方法都有圍裙供應，唔怕彈污糟件衫所有野未到之際，店員會先上雪耳紅棗糖水，先上糖水係比較少見既做法，可能要為挑戰辣打定個底先湯底以人頭收費 $38/位我揀左鴛鴦鍋，鴛鴦固定一隻係「麻辣大紅鍋」，另一隻就自己揀，我地揀左「特色香果鍋」，用上蘋果雪莉做鍋底。另外，醬料及茶水$20/位，再另加一服務費。「麻辣大紅鍋」揀左普通辣，怕太辣試唔真佢既麻、辣、香，一上枱超級紅當當，聞落去已經有啲攻鼻，一呷，帶股肉羶味，先辣後麻，最後又帶點甜，好多重既味道，點解咁紅，唔係冇原因！而「特色香果鍋」以為咁清會冇乜味？錯啦！估唔到蘋果雪莉都可以清得黎咁入味！每款食物都會沾上蘋果雪莉既味道，食下辣，想抖下果陣食清少少清下個口再食辣，好完美而配料方面嗌左6樣，全部都有1份或者半份可選，首先有火鍋既好拍檔牛肉！美國安格斯優質肥牛　$198/份點餐紙上每款都有教你烚既時間要幾耐，肥牛只需5-10秒。可以見到每塊條紋清晰，而且顏色夠紅潤光澤，都算厚身，肉質嫩，索哂啲辣汁，必點！稻田毛肚　$108/份必點！用冰鎮上枱，毛肚只需烚15秒，每塊都又薄身又大塊，食落爽脆又有嚼勁，又索到麻辣湯底重慶耗兒魚　$78/份食魚最怕又「鞋」又多骨，自己未食過耗兒魚都怕，但網上見好評甚多，一於試下，果然冇介紹錯。耗兒魚需要長少少時間10分鐘，骨肉容易分離，但又唔會係湯入面散哂，魚吸到哂湯既精華，如放在辣湯，入口會先係甜味！鮮黃喉　$98/份黃喉即係豬心管，真係又係好少會食到既一樣火鍋配料。烚2分鐘就可以食，超級爽脆！食落硬硬地但又好易咬得開，打邊爐食真係一流曉宇苕粉　$48/份打邊爐點可以唔食啲麵/粉類既食物，苕粉係紅苕既粉條製品(紅苕又名紅薯)。每條都好寬身，烚5分鐘等佢焾哂就食到，好煙韌，QQ彈牙既口感，無論放咩湯底都好食。紅糖糍粑  $68/份紅糖糍粑係漢族既甜點，呢個可以即食亦可以放入鍋烚一陣再食，我中意就咁食，條條都炸到金黃色，外脆內軟粘，配上紅糖汁，煙韌得黎又唔會太硬，而且紅糖汁有畫龍點睛既效果。放入鍋到就好似烚年榚咁，口感更軟糯，入口冇咩味，但愈較愈滲出辣汁，都幾得意，但我覺得就咁食更滋味。洛神花茶  $18/杯以為係淡淡花香，原來飲落似酸梅湯咁，我自己不嬲好討厭酸梅湯，呢個唔岩我口味……可能自己偏好食落辣，而且都真係可以食到比較辣既程度，所以對四川、重慶菜等有一種情意結，今次好滿意，食得好盡興，全部食物都好岩我胃口(飲品另談，自己嗌錯)，而且店員服務都好好，不停會自動加茶加水，絕對係一間我會再黎既有高質素火鍋店(前提要有人同我咁食得辣)！（P.S.好少打私人感情係食評到，但好想講下，由於身邊冇咩朋友食辣既程度同我一樣，今次食呢間店令我想起剛剛分開不久既前度，佢同我口味十分相似，比我更食得辣！直程好似四川、重慶人咁食得辣，假如同佢黎食，可以食中辣，大家一定食得好開心……不過唔知仲有冇呢個機會lu）…查看更多

重慶火鍋50強- 第1️⃣位‼️渝味曉宇重慶老火鍋🌶🍲超級開心又有人陪我食辣啦🙈先有一碗糖水打打底😛🌶湯底 曉宇麻辣大紅鍋x山珍菌湯鍋 $38/位有分清湯 普通辣 同重慶辣 當然要試試重慶辣啦 超多紅辣椒 紅卜卜🤩仲好香香料同牛油味 love love love 💓珍菌湯好多菇菇呀 我真係好中意菇🙈叫鴛鴦鍋係驚食到太辣 頂唔順😝🌶油碟 正宗重慶火鍋係點麻油嘅 保護返個胃我再加啲蒜同蔥 超香呢到好特別 可以叫半碟架🙈🌶 大刀牛肝 $88牛肝真好食 係我全晚最愛😍😍😍切得好薄 混合埋蛋黃 令牛肝變得滑一滑💓之後再沾啲辣椒乾 好正呀‼️🌶 稻田毛肚 $108分量好多 大概汋十五秒左石就食得 好爽口呀👍🏻🌶 鮮黃喉 $98 同樣係爽口類別 非常新鮮👍🏻👍🏻🌶 極品鵝腸 $85好乾淨 好大條 又爽口🌶 紅糖滋粑 $68可以即食嘅 又可以落湯甜甜地 口感煙韌 好味道💓🌶 美國安格斯優質肥牛 $198紋路好靚 牛肉味都好濃架💓呢到環境好靜 幾好坐👍🏻喜歡食辣嘅 唔可以錯過喔🍽 渝味曉宇重慶老火鍋 🔎 銅鑼灣渣甸街50號渣甸中心8樓…查看更多

一直想試試渝味曉宇的麻辣火鍋，只因曉宇火鍋曾在中國電視節目«舌尖上的中國2»被選為重慶火鍋的代表，在中國已有200多家分店，非常出名。甫入座，侍應親切地送上熱茶及兩碗滋潤的雪耳糖水，未吃心裡便甜一甜餐牌精簡，食物選擇沒有太多花巧，相對地內臟較多。每款食物名稱下方都有註明燙煮所需時間，非常細心我們點了山珍菌湯鴛鴦鍋 $38位，火鍋浸滿紅彤彤的辣椒，香辣刺激！鍋內的辣椒均由曉宇火鍋集團在國內的自家種植場內用心培植，嚴格控制辣椒品質，確保火鍋的靈魂材料新鮮優質經理建議先倒滿1/3碗麻油，再按個人喜好加入適量豉油、蒜和香蔥，蘸麻油吃不但令食物更香更滋味，也可以降火保護腸胃。每枱必點毛肚，選用薄身且面積寬大的上好葉瓣部份，以冰鎮方式處理，保持毛肚的爽脆口感，在滾燙的紅湯中短暫汆燙後，吸盡麻辣香味，入口是一種帶有韌性的脆！牛肝十分特別，拌勻蛋黃後下鍋，口感粉綿帶牛香味，煮熟攤開後如手掌般大薄片，再蘸上秘製辣粉，更加香辣惹味。鮮黃喉是禽畜心室出來的大動脈血管，火鍋常用豬和牛的大動脈血管，口感非常爽脆! 吃麻辣火鍋的最佳拍檔耗兒魚又稱剝皮魚，是一種價廉物美的食用魚類。耗兒魚魚肉緊緻鮮嫩、無腥味、不易煮化，是涮重慶火鍋必點的一種魚。而且魚骨小而明顯，不用擔心被魚骨卡到喉嚨。鵝腸最宜涮紅湯，極致爽脆口感加上麻香刺激的辣湯，讓人忍不住一口接一口珊瑚蚌、牛筋丸和蔬菜類也不錯，全部可選半份或全份。食物有水準外，員工服務態度亦十分友善，重慶火鍋代表之名當之無愧…查看更多

重慶火煱喺香港最近好hit, 愈來愈多過江龍，今晚就任去曾經上「舌尖上的中國」既渝味曉宇一嚐正宗既味道揀緊野食既時候店員先附上蓮子雪耳糖水，竟然係飯前甜品 可能等我地潤下喉準備陣間既麻辣打邊爐醬料就必備咖啦，除左平常既豉油，仲會有麻油同埋醋。鴛鴦鍋 大骨滋補鍋因為怕淨係麻辣會頂唔順，所以都係揀左鴛鴦。大骨湯除左有大大舊豬骨，仲會有紅蘿蔔同埋粟米。至於麻辣，揀左普通辣，都幾辣下，不過愈辣愈過癮美國安格斯優質肥牛入口即溶，牛肉及脂肪分佈均勻，無論麻辣定清湯都一樣咁正。鮮黃喉黃喉其實就係豬既大血管，淥幾分鐘就食得，口感好爽稻田毛肚就係黑栢葉，雖然外表黑忟忟，但其實係好鮮甜，菜牌寫住15秒就食得，一啲都唔會靭重慶耗兒魚係一款唔算多骨既魚，魚肉相對較實，但魚既鮮味好出。重點係條魚就等淥耐左，都唔會散晒極品鵝腸洗得好乾淨 而且每條都好長，就算無夾住佢，都唔會唔見左曉宇嫩牛肉無改錯名，真係超嫩。滑到sh一聲就落左喉嚨，完全唔駛咬食到咁上下就要食返本身湯底粒粟米，超鮮甜洛神花茶味道酸酸甜甜，解渴一流。而且感覺係健康飲品，飲多幾杯都唔會內疚…查看更多

渝味曉宇係中國大陸非常之出名，因為佢曾經上過舌尖上的中國依個著名的飲食節目更加係麻辣火鍋林立嘅四川入面拎到第一名所以難得過江黎到香港，鐘意食辣嘅我又點可以唔黎踩踩點呢首先要一讚嘅係依度嘅服務，當日我電話冇咩電所以就問下店員餐廳有冇叉電結果店員好快手就借左充電器比我啦，服務態度一流加上餐廳係會圍巾比客人，咁就唔怕整污糟件衫好細心嘅服務野食黎之前梗係點野飲先啦今次揀左自製落神花 $58 一渣少少甜味足以解辣九宮格麻辣大紅鍋 - $38/位九宮格火鍋就唔怕搵唔返自己塊肥牛，同埋比朋友搶野食方便客人搵返自己碌嘅食物如果覺得紅卜卜嘅湯底都唔夠辣嘅話，可以隨時叫店員幫你地加辣又係值得一讚嘅服務醬料就只有傳統重慶火鍋嘅蒜、麻油、蔥同鼓油如果唔係好慣食辣嘅朋友記得要落麻油，因為有保護腸胃嘅作用大合照證明今餐真係好豐富先介紹孝禹十味，亦係佢地鋪頭最招牌嘅菜式稻田毛肚    $108/份毛肚姐係牛柏葉，但毛肚係新鮮嘅牛柏葉黎所以先呈黑色，記住口缺「七上八落」食落口個陣就會好爽口嫁啦鮮黃喉   $98/份姐係豬嘅大動脈，同樣唔可以落太耐如果唔係就會冇左彈牙嘅感覺曉宇嫩牛肉 $78/份肉質超嫩滑，整頭可以唔洗咬就可以吞落喉嚨極品鵝腸  $85/份依間餐廳同傳統重慶火鍋一樣都係主打動物嘅內臟並且經過人手努力清洗，所以食個陣先可以咁爽口，彈牙曉宇苕粉  $48/份食個陣好黏韌，好有口感同埋佢比出面嘅苕粉更厚更大，令口感更佳紅糖滋粑 $68/份類似糯米糍一樣，有少少甜味現炸豆皮  $58/份鐘意食辣嘅朋友必點，並記得叫店員加辣放落麻辣湯度食，絕對過癮以上就係招牌菜式，不過其他食物一樣咁出色香鹵豬大腸  $68/份血旺  $45/份兩款同樣係動物內臓，絕對係依間餐廳嘅信心保證手打蝦滑 - $88/份手打四寶丸 - $118/份兩款手打食物都好出色，蝦滑記得要撈均先放落鍋咁個味道先會出到黎美國安格斯優質肥牛  $198/份超靚嘅雪花❄️同埋唔會有太多肥膏，食多幾塊都唔會怕肥麻辣牛肉   $78/份 同樣鐘意食辣嘅朋友必點，同上面肥牛嘅味道好唔同食完之後，嘴脣會有少少麻痺嘅感覺食到大家都好過癮鮮菇拼 $88/份鮮木耳  $30/份甜玉米  $28/份做左全晚食肉獸都要點返些少蔬菜幫助消化大家記得要均衡飲食呀下火枇杷凍  $30最終仲點左一份甜品食幫手下下火，去走熱氣香港好難得有一間正宗嘅重慶火鍋，仲要係上過舌尖上的中國所以絕對大家值得一試…查看更多