籠太子點心專門店

營業中

休息中

好少地方有夜茶飲，夜晚見到呢間平平地，就走左入去食。兩個人叫左五樣野：雪山叉燒包，熱辣辣，新鮮出爐；小籠包多湯汁，燒賣，點心必食；海鮮蘿蔔絲煎薄撐，好耐冇食過，香脆但比較油膩；糯米雞食完就飽晒。呢餐只係食左$104,可惜令我口渴左成晚，比較重口味。

早排應承過媽咪得閒帶佢飲茶食一盎兩件, 奈何平日要返工, 假日媽咪又唔想我破費食貴價點心。上網搵到間點心專門店, 唔洗等早茶至下午茶時段, 就連夜晚至凌晨時段都有即叫即蒸點心食。今晚放工就帶媽咪去飲餐茶, 店面不大, 整潔衛生, 打破傳統非一般酒樓格調既裝修。一看menu, 一般平時飲茶食到既點心種類都很齊, 當中更加入了新派款式點心吸引我地呢批年輕一派, 而且更是平民價, 全日仲免收加一tim~!飲茶必叫既當然係蝦餃燒賣, 【籠太子蝦餃皇】 HK$13 (2隻)蝦餃晶瑩剔透, 不會太厚, 接駁位既口感不會太硬, 亦不至於一夾即穿。入面有原隻既蝦肉, 鮮甜爽口。【原隻鮑魚燒賣】 HK$27豪氣一點食點心都要加隻鮑魚, 超迷你鮑魚不只是點驟, 不只是賣相貴氣一點, 迷你鮑魚還是帶點鮮甜味, 更有點點飽汁, 燒賣大大粒又飽滿, 除了豬肉, 同樣都是有鮮甜爽口既蝦肉。不喜歡食鮑魚既亦有傳統燒賣可以order 【鮮蝦燒賣皇】 HK$13 (2隻)【黑椒金錢肚】 HK$23金錢肚帶微辣, 很爽, 而且冇渣, 底下竟然是少量烏冬, 第一次見用烏冬墊底, 烏冬不會過份索油份, 所以食落都唔覺油膩。【

同朋友在太子旺角一帶行街,不知不覺走到太子對太子一帶不太熟識,離遠見這間店鋪很多人在等位相信有番咁上下質素,於是一試先黎一啲傳統啲 多汁小籠包真係好多汁,一夾起,入面啲汁就傾瀉而出肉質鮮嫩,但略嫌皮有少少厚籠太子蝦餃皇蝦幾爽口,彈牙,不過皮都係厚左少少鮮蝦燒賣皇燒賣幾大粒,蝦都幾爽口流沙奶黃包真係好流沙,一咬開流哂出黎糯米雞size好大隻,2個人其實食唔哂,入面仲有鵪鶉蛋這個比較少見煎蝦膠釀茄子茄子皮整到脆脆地,而上面蝦膠都幾爽口,唔錯香芒沙律盞沙律內全是生果,蘋果的數量很多順帶一提,其中有位服務員的態度不太友善,會串客人還會對客人說不滿意的說話但其他服務員的態度很親切

小編阿Tea一直都很喜歡上酒家吃點心，但礙於酒樓只會在早、午及下午茶時段提供，自己又因工作關係，沒可能在這些時段上酒樓，只好去找一下專門提供點心的店鋪。這間店鋪位於太子，只需花約五分鐘腳程就可以去到。今晚找了阿Jam一起在晚上尋找點心，二人一共點了八籠，非常滿足！雖然平均每人都八十多元，但店內裝修令人感到舒服，以綠色為主格調的食店配以鳥籠點綴彷彿讓食客置身於竹林園中。店家雖然沒有像一般茶樓詢問我們喝什麽茶，但端上一壺玄米茶放在餐桌上。不明就裡的我們後來發現，玄米茶本身有去油去脂功效，所以本身較肥膩的點心呷一杯玄米茶實在是絕配。值得一讚的是，店家端上來的點心都是熱騰騰令人食指大動！唯一要說的是，這家一直努力揉合傳統和創新的店子，在守護傳統方面還可以再多做一點。我自己覺得創新的背後，還是需要一定程度的傳統深度。籠太子蝦餃皇 ($24/ 4件)：阿Jam本身是忠實蝦餃粉絲，他相當滿意熱騰騰的蝦餃和豐富的蝦肉餡。我也相當喜歡這個蝦餃，唯一美中不足的是，它的澄面外皮較厚，皮不夠薄，要是皮能薄一點就真的能做到「皮薄餡靚」了。鮮蝦菜苗餃 ($20/3件)：我和阿Jam對於這道點心持不同意見。菜苗餃的

約左老友打波，出到太子，見時間尚早，一齊去醫左肚先，我地黎左呢到食點心，裹面裝飾幾特別，用雀籠做燈飾，地方算大，可以坐好多人。又系我最愛的鮮蝦燒賣皇，咬落去啖啖肉，用左原隻鮮蝦，有鮮味同埋好彈牙，正呀!魚肚水餃，水餃皮薄餡靚，配搭埋魚肚一流，D湯有鮮味，沒有味精，最後我都一滴不漏飲哂D湯。香滑反斗糕，迷你的反斗糕，個糕真系想跳出來，質感很鬆軟，而且又不太甜，唔錯。多汁小籠飽，皮薄又多肉汁，咬落去咇晒出來!煎蝦膠釀茄子，蝦膠同茄子是很好的配搭，蝦膠彈牙新鮮，煎得幾香脆，再配上醬汁，惹味得很!香芒沙律盞，賣相相當吸引，只系用左少少士多啤梨來點綴及香芒醬之外，其餘全部都係蘋果肉，覺得可以改善一下，如再加埋其他生果，咁仲會更加好味!古法糯米雞，真材實料，裹面有鴨胸、臘腸同雞肉等，D雞肉大件又好滑，真係頂呱呱!同老友食飽飽就出發去打波消下脂，過幾日再來過!

入座時間係平日的1830左右，不用排隊呢個時間既食客唔多，都係得幾台...我地都好快就落左單啦雪山叉燒包>>個咪都ok，不過係叮番熱，個包低仲係濕濕地鮮蝦燒賣皇>>個人對燒賣要求都幾高，呢個燒賣只係普通，沒有特別香滑反斗糕>>個名同個賣相的確係吸引的，但係一d都唔鬆軟，個感覺就係好似食果d傳統發糕咁，失望鮮蝦菜苖餃>>賣相都唔錯，菜苖方面係菜"逛"比較多不是炸兩>>值得讚好有口感 (有西芹的，唔愛西芹既朋友仔要諗下啦)海皇芝士千絲卷>>呢個都好食不過芝士味不夠濃鳳爪排骨飯>>沒有特別，但份量很足煎蘿蔔糕>>蘿蔔糕較軟身，而且仲見到有蘿蔔絲，都有臘肉味~是不錯的食左個半鐘左右，即20:00左右店內都full得8899，不過環境都唔會好嘈，而且食物都夠熱，份量都足~所以都值得一試

難得星期一中午集合到３個都得閒嘅朋友出到黎就腳嘅太子食lunch！幾個後生女去茶樓飲茶又好似怪怪地…就搵到依間籠太子點心專門店喇！門口同裝修都係青BB好清新，好放鬆呀！冇平時去飲茶嘅嚴肅隆重感覺。一坐低就黎壺茶先，飲落淡淡米香…大家都好奇佢係咩茶呢？一問之下…原來係韓國玄米茶，不寒不燥！邊飲邊畫紙仔…睇下食咩好呢？最後我地４個女仔竟然點左１３個樣野，食力驚人呀。哈哈哈哈首先我地點左門口推介嘅老火靚湯－眉豆花生蠔豉雞腳煲豬骨。果然係無味精，飲落清清甜甜，好香豬骨味！雞腳岩晒我地４個女仔補下骨膠原，正！蜜味叉燒腸，皮薄叉燒靚！比起大酒樓果D疑似工場交黎嘅腸粉好食一百倍！鳳爪排骨飯！對於遲起身嘅我黎講平時飲茶係好難食得到…因為我去到已經過左供應嘅時間…點心店嘅好處就係食點心唔洗早起！排骨偏多肉少骨，肉汁應該係蒸時落左個飯度，D飯好香呀！香滑反斗糕！我食完發現應該係一啖一個嘅奶皇馬拉糕…對於唔食得太甜嘅我黎講岩岩好！籠太子蝦餃皇！重頭戲黎喇…人人愛吃的大蝦餃！一粒入面竟然係有唔止一隻爽脆鮮味嘅蝦…正到想搶埋朋友果粒黎食呢！鮮蝦燒賣皇！有蝦餃又點可以唔食埋燒賣…一樣係蝦肉大大粒，加埋豬肉冬菇鮮味

點心我還是比較喜歡吃懷舊的，每次吃都好像回到小時間的家人帶到我茶樓飲茶的感覺。不過現今慢慢興起像餐廳的點心專門店，為想飲個靚茶既朋友造就方便。更加慢慢變成正餐，早、午、晚也能隨心而吃～這裡裝修雖用上鮮色的綠色，加上天花吊著多個鳥籠燈飾，相當有特色。點心妁紙雖沒有圖片選擇，但卻細心地分開了件數（某些款式），客人可以多吃一點其他喜歡的款式。香滑反斗糕其實就是馬拉糕的味道，改變舊式的外觀，但味道丫是原始的，呵呵～視覺上還算新奇～流心奶皇包可算是一流之作，包不會糊口，皮薄餡多，一撕開便湧出滿滿的奶黃流沙，香滑濃郁，必吃之選～！鮮蝦燒賣皇是飲茶的例牌小菜，以豬肉碎制成，有原粒大鮮蝦，味道鮮美，肉質嫩口～雪山叉燒包其實就是西餐包藏著叉燒，加上菠蘿包脆皮，一次滿足晒３個願望，非常豐富～但缺點是油份偏多～海皇芝士千絲卷以幼麵炸至金黃色，香脆感覺要用上鬆化來形容，裡頭包著一顆大大的原粒鮮蝦，不需要任何調味都極為好吃！香芒沙律盞原本以為是很清新的一味菜，但吃下去丫是口味較重的沙津，酸酸甜甜的女生特別喜歡～加上香芒醬可當作甜品吃～一個甜品又點夠？我還點了椰汁桂花糕，非常欣賞這種一層一屠的藝術品，上層透明是桂

黎到太子附近，聽朋友講呢間d 點心唔錯，其實都係第一次晚餐係食點心。內裡裝修不錯，十分整齊，一點也不是傳統的中式裝修。最令我估唔到居然要等位，因為這裡的位置其實不算太好，附近周圍都好靜。但要等位其實都真係有原因，因為一睇餐牌，請留意下有邊樣野係過30蚊!? 普遍都係15至20蚊碟，平過好多酒樓，而且仲要係晚餐。食完之後，更加明白人多的原因，平民價錢、好味既點心。食點心點可以唔叫蝦蛟燒賣!?蝦蛟皮夠薄但最正係舊蝦既size...好大粒，食落口、啖啖蝦肉、口感好full，蝦又夠彈牙爽口，呢個不可不叫。燒賣就不過不失，其實也算不錯，可惜比蝦蛟蓋過風頭 小籠包絕對係高點心。。我咬左一啖，湯汁飛出黎、彈到件衫，但湯汁真係好多，食到落口之後，啖啖湯汁流出，而且皮也夠薄，口感很好。又係好流既點心，又係要小心，因為個包d 奶皇真係熱辣辣流出黎，好過好多酒樓。 初初以為黎左個灌湯餃，原來上面係豬皮、下面係瑤柱水餃，水餃索完d湯之後，十分入味、皮又夠薄、仲有瑤柱粒係裡面架，食個陣連湯一齊食更加正。 聞到陣味，已經知道呢個係馬拉糕既味!! 佢係呢度既推介之一，但食落口感比傳統馬拉糕更加滑同鬆軟。 這個還可以