鮮蝦水餃皇

一次滿足兩種口味的渴望，刺身與火鍋可以同時享用，新鮮度十足，味道層次豐富。這間名為𤅗鍋的餐廳，結合了日式「瀛」風與中式火鍋兩大主題，座落於九龍城，已經營超過15年，由一位住在附近的朋友推薦。朋友育有小孩又養狗，表示這裏特別適合家庭聚餐。餐廳2樓設有寬敞的包廂，方便攜同兒童與寵物共享美食時光；而地下樓層設有迷你遊樂角，小朋友吃飽後可以玩煮飯仔遊戲，不會感到無聊。我們當日的餐點選擇如下：**小食：🏅椒鹽三文魚骨腩——這道小食外脆內嫩，魚骨腩部分油脂豐富，加上椒鹽調味，香口惹味，配啤酒一流。**刺身：🏅原條海花金鼓魚——魚肉細緻，帶有天然甜味，口感清新。 🏅三文魚——肉質肥美，油脂分布均勻，是經典人氣之選。 🏅冰鎮鮑魚——口感爽脆，鮮味突出。**火鍋：🏅鮮味卜卜蜆鍋——滿滿的花甲蜆，每一口都充滿海水的鮮甜，再加入蘿蔔、粟米提升湯底的層次感；粉絲吸收了鮮味湯汁後格外好吃。 🏅手切鴛鴦牛——包括本地牛與霜降牛兩款，口感一軟一彈，牛味濃郁。 🏅雜餃拼盤——餐廳自家製的鮮蝦水餃皇特別出色，水餃內有整隻蝦，口感飽滿彈牙；此外還有傳統雲吞與魚皮餃等，種類多樣。 🏅皇帝菜——爽口帶點甘味，是火鍋中不可缺的蔬菜選擇。**主食：🏅稻庭烏冬——烏冬幼滑有彈性，下鍋後吸附湯汁，簡單卻令人回味。…查看更多

冬天真係成日都想打邊爐，呢一日又癮起，想食港式邊爐，喺bookmark list度搵間試！！呢間打邊爐近九龍城廣場嗰邊，門口有咪錶位方便泊車❤️一坐低緊係揀咗個湯底先，店員問我哋有冇興趣試吓 #菜膽鮮魚濃湯鍋 $238每日限定2鍋，本身要提前訂！咁啱有人取消咗訂檯，所以有（聽到後面嗰檯想叫都無喇😂）用梭羅魚、九棍魚 、菜膽、豆腐 、類似炸魚片滾，成個湯底奶白色🤤🤤 超正勁鮮甜又唔腥，本身我係好怕魚腥嘅人，我都飲咗好多碗，飲到唔捨得叫佢加湯😌佢哋慶祝14周年，龍蝦刺身或者椒鹽龍蝦做緊優惠，叫咗嚟試下 ，#椒鹽原隻龍蝦 $688龍蝦新鮮彈牙，多肉，椒鹽好香口，好夠火喉另外仲叫咗 #刺身 ，好新鮮！鮑魚又大隻又好味彈牙#北寄貝 $68/2隻#三文魚 $98/4件#冰鎮鮑魚 $88/隻#全天然霜降肥牛肉 $288/細油脂靚，牛味濃，唔鞋口❤️ 好食#鮮蝦水餃皇 $15/隻勁大隻，足料，煮完都有接近半隻碗咁大😂#酥炸蝦餅 $78個面炸到金黃色，個面脆，入面彈牙👍嘢飲叫咗 #有機洛神花茶 $38/杯地方算幾大，有個area俾小朋友玩😮😮勁窩心，平時打個邊爐都要2個鐘，呢度小朋友有嘢玩，大人細路都開心🥰作為E人+活動搞手，同店員傾開計，知道上面有一層，即刻問下收費同可唔可以上去望吓，都有好幾間房，私密度高，又有電視睇，最低消費$500/人，最大間嗰間可以容納廿多個人！過幾日話天氣會凍，係時候約人去打邊爐！！…查看更多

瀛鍋，位於九龍城，美食集中地，裝修唔錯，舒服既坐位😎早左入座唔係好多人店員仲帶我行左個圈，依度有好多獨立房可以book，二人起，傾野開會生日聚餐慶功二人sweet都啱，仲要幾靚🩵超級多特色湯底，揀好耐，主要都係做高質手工火鍋料，相當吸引🤩有機番茄薯仔鮮牛鍋，好足料，可以先飲下個番茄薯仔湯，正👍🏻啲鮮牛係牛肉條，極濃牛味😳唔止湯料咁簡單，今日既主角：海鮮盛盒🐳好爆既賣相，超豐富，蘇格蘭蟶子皇，好大隻，最勁既係淥完唔縮🫨夠晒鮮，口感⼀流，海蝦都好鮮好重蝦味，南非鮑魚⼀開二淥，30秒搞掂，真係唔好多，爽身而超鮮🤤強推，必食！生蠔好濃味，大蜆又⼀驚喜，好好味💟西班牙黑毛豬肉片，好靚既油花，夠薄身唔會油，但肉味濃，性價比高👍🏻鮮蝦水餃皇，以為普通水餃，仲諗點解要逐隻叫，上枱先知原來成個手掌心咁大🤣西利在淥佢又無爛，超大粒，成隻蝦係入面，好豐富而味道都幾好😇飲埋啤酒就係滿足！🍺以高質手工火鍋黎計瀛鍋性價比超高🥹海鮮係鮮到同你平時食到既有明顯分別🫶🏻真心勁，仲有得包房，正爆既火鍋店🙌🏻🙌🏻…查看更多

今日同朋友去開九龍城個頭，平時嚟九龍城好自然就會諗起泰國餐廳，而今次我哋比熱情嘅職員喺餐廳外面嘅招徠吸引咗，嚟咗呢一間叫「瀛鍋」嘅海鮮火鍋店打邊爐。餐廳有兩層，下層座位闊落，充滿空間感，特別之處係竟然有一個好大又好多玩具嘅兒童玩樂區，一班爸媽喺度打邊爐敘舊嘅時候，小朋友亦都可以喺隔離呢一個親子區入面玩，喺而家租金咁貴嘅香港竟然有一間餐廳會撥咁大個空間出嚟做玩樂區而唔係座位，真係好少見。二樓有好多間包廂，四人、六人、八人、十二人，甚至係廿幾人嘅聚會，都有相應嘅包廂，充滿私隱度。我哋嗌咗椒鹽三文魚骨腩、原條深海石蚌魚刺身、瑤柱滋補潤肺白肺鍋、鮮蝦水餃皇、正脆鯇魚腩、手打四寶丸同娃娃菜。適逢餐廳開業14周年，係10/4-31/5期間晚上六時後光顧堂食，就可以一人送一隻冰鎮南非鮑魚，鮑魚都幾大隻，咬落去爽口彈牙，味道鮮甜，喺一道唔錯嘅開胃菜；椒鹽三文魚骨腩每一件都唔會切到好大嚿，炸到魚皮外脆而魚肉內嫩，椒鹽嘅味道亦都啱啱好唔會太辣但又好惹味；原條深海石蚌魚刺身一上枱已經好驚艷，賣相非常吸引，睇得出師傅刀工好好，每一片都好薄身，口感爽口，食材新鮮，配搭酸汁一齊食可以提升出佢嘅鮮味；瑤柱滋補潤肺白肺鍋呢個湯底都好正，湯料豐富，用咗牛肺同豬肺去煲，味道濃郁；鯇魚腩好少魚骨，食落魚肉爽口而味道又唔腥；手打四寶丸有牛丸、墨魚丸、鯪魚丸同蝦丸，全部口感都好彈牙！📍九龍城福佬村道82-84號福成閣地下A-B號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

呢日路經九龍城，突然落大雨，同大少、小妹去咗食嘢避雨，啱啱好就去咗呢間親子打邊爐餐廳。間餐廳非常寬敞，仲有個兒童遊戲區，可以俾小朋友玩，家長可以邊食邊睇住佢哋，真係好方便。鮮味卜卜蜆鍋：這道菜以鮮蜆、粟米和蘿蔔為主要材料，湯底濃郁鮮美。脆鯇魚片：魚片切得薄而寬，質感鮮嫩。每一片魚片滾完之後，都帶有微妙的甜味，入口後在口腔中融化。手切霜降肥牛：霜降肥牛切得薄片，鮮嫩多汁，入口即溶，好正~鮮蝦水餃皇：大大隻，水餃皮薄而有彈性，內餡多汁鮮美。蝦肉的鮮甜與水餃皮的口感相得益彰，每一口都充滿了滿滿的鮮蝦香氣。椒鹽三文魚骨：三文魚骨經過椒鹽炸至金黃酥脆，外層酥脆，內裏鮮嫩多汁。椒鹽的調味帶來了微辣和微咸的風味，開胃美味。有機洛神花茶：具有獨特的花香和酸甜口感。洛神花有助於解渴，清新怡人。…查看更多

以前跟親戚家人黎打邊爐，最正就係2樓有vip房，私隱度高！ 無黎一段時間，原來pet-friendly 外，仲多左親子玩樂區！ 可以玩煮飯仔，又可以扮醫生😆🥢點了餐前小食-椒鹽海蝦🦐超香惹味，圓潤蝦身炸得金黃，蝦肉鮮爽又咸香。蝦殼外層沾滿蒜椒粒，脆卜卜連殼都可以食埋，夠風味，蝦頭仲有羔添，驚喜！ 🐟日本池魚王$288/一份 魚肌透亮有光澤，質感細緻。入口爽脆味道清甜，油脂甚豐不膩口!🥢三文魚一客8件，非常厚切大件，肥美綿滑。🥘鮮味卜卜蜆鍋蜆鍋温和不燥，最適合做火鍋湯底。大滾熄火飲啖熱海鮮湯，蜆肉嫩滑冇砂。鍋底除有大量蘿蔔片、粟米、大葱外，加上蜆汁本身精華，煮出湯頭特別鮮甜，跟個粉絲底一流。🥓霜降肥牛肉牛脂跟紅肉分佈呈霜降雪花狀，以雙飛手切法，入口特別嚼勁。放湯灼久都唔韌，肉味相對濃厚純鮮，牛油脂香平均，唔會滿口油腻感覺！🥢鮮蝦水餃皇 $15/一粒水餃巨大化，大粒漲卜卜，皮薄到入面豬肉餡、鮮蝦肉、木耳都可以隱約睇見。熟透水餃皇好挺身，份量大要分幾口食，鮮味又有紮實口感，一粒經已滿足…查看更多

今晚係2024年最凍既晚上，一定要黎個打邊爐應下節，好有氣氛呀有好多款湯底揀，我地女士既當然鍾意花膠雞湯底啦（有竹笙、花膠、半隻雞同魚唇）$368，一滾起，黎返兩碗充滿骨膠原既湯飲下先，非常黏嘴夠骨膠原，又好濃郁鮮甜、竹笙仲好大塊呀！好肚餓，叫咗個炸椒鹽三文魚骨腩小食 $78啲三文魚骨腩炸起一啲都唔油，脆漿夠薄，食落好鬆化，仲想上一層椒鹽七味粉，更添惹味！田園菜籃 $88店員話呢度啲菜係有機㗎，所以食落都好放心。有粟米、秀珍菇、生菜、油麥菜同蕃茄，樣樣都好新鮮，粟米亦都好甜。手打四寶丸 $78一上碟就知道呢幾粒丸一定係師傅自己手打嘅。不論係蝦丸、墨魚丸、牛肉丸、豬肉丸，粒粒都好彈牙，鮮味十足。鮮蝦水餃皇（兩粒） $15/粒呢個堪稱係舖頭嘅招牌，係人手自家包製嘅。雲吞外型飽滿，入面包咗好多餡料，有原隻鮮蝦、木耳絲、新鮮豬肉、筍絲等，所以食一粒都好飽肚，唔怪得要斷粒計😆😆好正！兩個人食呢個份量都已經好飽，所以今晚我哋都冇叫麵類、肉類。呢間唔入黎都唔知原來係間寵物共融既中日式火鍋店，樓上有一間間房俾養寵物既主人包間房去打邊爐，咁就唔需要擔心自己既寵物會打搞到隔離檯既食客啦，地下層既一個corner仲係兒童遊樂天地，咁就好啱充滿能量既小朋友食食下嘢過黎玩下放電！…查看更多

晚市？Don’t worry，午市都可以打邊爐。九龍城除了出名泰菜，仲有好多火鍋店，之前九龍城之友帶路食過灜鍋，原來午市都有開，所以是日第一餐就係打邊爐！堅持「有得食，就要食好啲」的原則，朋友話要叫埋刺身，務求令肚皮得到百分之二百的滿足！雖然是火鍋店，但刺身絕不失色，賣相鮮甜兼備，點都要留少少「胃」置試呀！店員都好親切，介紹美食之餘，仲會教埋要淥幾耐，唔肯定食材要淥的時間可以問下～  ◽ 正宗川式麻辣鍋 + 椰子孖寶雞鍋  打邊爐最緊要係湯底，嗜辣的當然要食麻辣鍋，上桌聞到辣香，入口不會只有死鹹，愈滾愈有層次，食材吸收辣味精華超正！另一邊就要返個清少少的湯底，清甜的椰香配滑溜雞肉，為這一餐帶來滋潤。 ◽ 霜降肥牛肉 $228（細） 麻辣的最佳拍檔！牛肉望落已經好吸引，油花分怖好均勻，輕輕淥至變色就食得，同時嘗到肉味及油花，食肉人士絕對可以encore！ ◽ 特灜刺身 $138有北寄貝2隻、珍寶帶子 1隻、紋甲魷魚1隻、希靈魚4件，款款都好新鮮，帶子超級鮮甜；魷魚有黏帶咬口；北寄貝又彈牙，呢個CP值超高！◽ 海膽 $268（半板）加拿大海膽，每一瓣都好厚身，食落creamy又濃郁，配上搞瓜更突顯海膽的鮮味。◽ 牡丹蝦 $68@大大隻的牡丹蝦，蝦肉黏口且鮮甜湧出，蝦頭的膏都好鮮香，記得要啜埋呀！◽ 游水海鱲魚 $398哇～～係咪好誇張？本人同在座人士都有同感，但味道好有驚喜，每一片都好甘甜清新，肉質則爽口柔韌帶咬口，蘸少少醬油更有提鮮作用，值得叫呀！◽ 鮮蝦水餃皇 $12/隻 超級大大粒，食落有肉的鮮香，仲有彈牙的鮮蝦，店員話是店家自己包製，難怪特別好食。  ◽ 紫菜炸響鈴 $68 即叫即炸超脆身，裡面仲夾著紫菜，淥3秒就食得，口感保持酥脆又吸收到湯底口味，仲食到紫菜味，豐富的味道層次，重點係食完唔會一口油！  ◽ 滋潤魚唇 $108 較少見的火鍋配料，口感軟滑又帶爽，仲食得出含豐富膠質同蛋白質，食得夠滋補！ ◽ 花雕法式鵝肝 $98上桌已經花雕香撲鼻，估唔到落麻辣湯底後，依然嘗到酒香，鵝肝慢慢在口中融化，好回味。◽ 頂級野生竹笙 $68超厚身，淥完口感依然脆嫩鲜爽，同兩款湯底都好夾，可以揀自己口味。除了午市有堂食外，火鍋店更設火鍋配料外賣，而且有不同配搭，相當方便，不想動腦袋的話，可以揀套餐（本人覺得象拔蚌肥牛套餐及海鮮肥牛套餐好鬼抵），而所有套餐及火鍋配料外賣自取仲有85折，推介畀繼續想打邊爐的大家。…查看更多

🍲凍到震最好打邊爐🍲推介指數 ❤️❤️❤️❤️❣️寒冷指數凍到震，宜打邊爐暖暖胃。朋友提起之前食過一間打邊爐好食又高質，一直都想去～早前知道餐館而家開放午市，正呀😍位於福佬村道地舖近九龍城廣場，裝潢中式感覺地道，店內卡位不少。秘製湯底、肉類、自製手作丸/餃類、有機蔬菜、麵食、小食、刺身、海鮮、河鮮等等，可惜一個人只有一個胃😂🐟 游水海𩶘魚刺身 HKD398 #推介 ✨擺盤吸睛又精緻，令人目不暇給，要瘋狂 #打卡 ✨片片都同樣味道鮮甜夾進魚脂甘香，食到魚肉纖維有口感；份量3個人食極都仲有；底層墊上大量冰塊，保鮮🌊至鮮刺身✨刺身選擇多又可以自由配搭，先點選北寄貝2隻、珍寶帶子 1隻、紋甲魷魚1隻、希靈魚4件只需HKD138的特瀛盛盒；加配一板4格的加拿大海膽HKD268，3隻牡丹蝦 HKD204✨鮮甜大隻的牡丹蝦好、軟滑珍寶帶子、爽口紋甲魷魚、新鮮帶淡淡海水味海膽配上爽脆青瓜雙重口感，樣樣都令人滿足✨後加多隻牡丹蝦，有個人寫真🦐🍲椰子孖寶雞鍋 + 正宗川麻辣鍋✨養生滋補椰子雞鍋，足足有半隻雞，雞肉嫩滑且脂肪少，湯底清甜椰香；嚴寒之下點選麻辣湯底保暖，邊滾邊聞到辣香，食落又無死辣同鹹，仲愈食愈滋味 🥩霜降肥牛肉 HKD228 (細)✨外觀油花平均，食落牛味濃郁且油脂剛好，淥一淥變色就食啦，medium rare 最啱食 #大愛🦢花雕法式鵝肝 HKD108✨上檯時已聞到酒香，嗜辣放到麻辣湯底後仍食到花雕味道，入口融化令人回味 🤍滋補魚唇 HKD108✨比較少見的火鍋食材，多用於湯羹/炆煮菜式。食落滑溜、爽口且充滿膠質。店員上菜時介紹含豐富蛋白質及膠質，上網睇資料仲有補虛潤肺，滋陰養顏功效🥰 🍄頂級野生竹笙 HKD68✨有別於坊間的竹笙，好大隻又厚身，淥完食落仍然爽脆🥟鮮蝦水餃皇 HKD12@✨大大隻自家製作水餃，食落爽口彈牙，餡料十足。彈牙鮮蝦、濃厚豬肉及爽脆木耳，層次口感兼備🔔紫菜響鈴 HKD68✨自家製之選，新鮮脆卜卜的響鈴中間夾住紫菜；淥一淥仍然酥脆且不油膩，中間紫菜令味道更豐富，正👍🏻總結：-食物 ❤️❤️❤️❤️❣️環境 ❤️❤️❤️❤️❣️服務 ❤️❤️❤️❤️❣️...🚪瀛鍋 🪑九龍城福佬村道82至84號福成閣地下A至B舖…查看更多