金屋泰國菜館

喺荃灣街市街發現咗間幾唔錯嘅泰國菜，由泰國人主理，價錢親民👍。今次試咗幾款菜同飲品，款款都好食，埋單唔使$400，好抵食，推薦！【鮮菠蘿海鮮炒飯 🍍】一上枱就見到份量幾足，夠兩個人分享🥰。飯炒得幾有鑊氣，顏色金黃，食落乾身。海鮮料都幾新鮮，加埋肉鬆同菠蘿粒一齊食，味道同口感都唔錯，鮮菠蘿嘅甜味令成個炒飯更開胃😋。【泰式海南雞 🍗】海南雞賣相唔錯，雞皮金黃，食落爽滑唔肥。雞肉嫩滑😍。點埋佢哋嘅泰式薑蓉或者少少辣汁，味道更加好。【雙色芒果糯米飯 🥭】有白糯米同紫米兩種，口感煙韌，咬落軟糯。芒果幾甜，配埋椰汁一齊食，味道剛好，作為飯後甜品幾滿足🌟。【鹹魚茸炒芥蘭 🐟】呢個係幾有驚喜嘅選擇💡！炒得幾有鑊氣，鹹魚茸嘅香味好突出，但又唔會太鹹，反而帶到芥蘭嘅爽甜。食落脆口，好送飯🍚。…查看更多

📍荃灣 《金屋泰國菜館》•泰菜館餐廳位於荃灣最旺街市楊屋道隔離，環境都好舒服，最啱一班人坐低慢慢吹下水☺️鮮菠蘿海鮮炒飯 $𝟗𝟖.成日食菠蘿炒飯都會諗個菠蘿會唔會重用🤣 但佢個菠蘿殼顏色好新鮮，而且仲有汁，即刻放心哂，超中意食菠蘿炒飯，顏色金黃，有提子乾新鮮菠蘿，酸甜開胃😋泰式燒豬頸肉 $𝟖𝟖.豬頸肉做到燶邊焦脆既效果，厚度都切得夠簿，值得一讚👍🏻碎肉生菜包 $𝟖𝟖.呢到既碎肉唔會太重口味，比較淡身，有另一種風味，配埋生菜真係一人一舊食唔停口🤩椰奶雞湯（小）$𝟕𝟖.湯上枱都出哂煙，熱辣辣飲一啖舒服暖胃，湯底清甜微微帶酸加辣，配料雞髀菇口感豐富，但雞肉略厭鞋口同有少少雪藏味🤔芒果沙冰 $𝟑𝟎.沙冰大大杯，味道唔會好假，唔太甜又食到天然既芒果味，岩哂食重口味泰菜解膩🥭味道：𝟖/𝟏𝟎性價比： 𝟖/𝟏𝟎…查看更多

荃灣都有唔少泰國野食，呢到都幾正宗泰國人開同埋師傅全部都係泰國人。呢到就係楊屋道街市附近，好容易搵到睇個門口同環境都充滿住泰國風味食物款式都幾多，一般食開嘅泰菜款式都有齊，而且價錢唔貴碎肉生菜包🥬：肉碎都俾得幾多，好大碟，而且菜嘅份量都預得好好，啱啱好包得晒啲肉。入面加左九層塔、香茅同辣椒等等嘅香料，非常惹味又清新，用手包住黎食，口感十分豐富鮮菠蘿海鮮炒飯🍍：平時食泰國野必叫！呢到呢個菠蘿炒飯超足料，有青口、魷魚、大蝦滿滿咁放晒係個菠蘿上面，超抵食！絕對唔會出現蟹柳！飯加左黃薑粉炒到粒粒分明，顏色都好靚好均勻，配埋提子乾、腰果同埋肉鬆，食落有好多個層次。個飯成座山咁滿，兩個人都好夠食，推介原個鮮椰青🥥：椰青好大個，非常新鮮同夠凍！解渴一流芒果糯米飯🥭：呢個真係好好食！一定要嗌！啲飯整得夠熱，啲飯好軟糯，一半係紫糯米，一半白糯米。椰汁都煮得好香濃，甜而不膩，芒果亦都揀得好靚，好甜，兩個夾埋一齊真係一個好吸引嘅甜品，食完仲想再食整體黎講都好唔錯，員工都係即叫即到，上菜快，坐得舒服👍🏻…查看更多