南小館 (青衣城2) (已結業)

我們於21/9（三）下午約三點到餐廳，人流不多。下午茶係點心+主食；飲品係紅豆薏米水；甜品額外加$15。我們叫了前菜：❶鮮肉小籠包 （3件）：內餡一般，外皮好痴住住筷子🥢❷上海風味春卷 （2件）：內是蔬菜🥬餡主菜：❶菜肉餛飩湯麵（$55）：湯底好清，4個小小的菜肉餛飩，面好吃❷大白菜肉絲年糕（$68）：整碟都好深色，但味道不夠甜品：❶茉莉花茶凍（$15）：好香茶味🍵，意外之喜，好滑好creamy以下午茶來吃，算抵吃…查看更多

細佬生日，例牌約埋一齊食餐飯簡單慶祝一下，舊年就因疫情無搞過，今年都諗住搞唔成，但最近除恢復番晚市有堂食外，仲可以4人一枱，所以，先決定約出嚟。其實，跟一眾老友嘅飯局基本上成年都無搞過，平時唔喺同老婆，就喺一支公，或者三幾個相熟嘅行山友行完山快閃一餐下午茶而已。呢晚，就約咗晌青衣城嘅「南小館」，我同老婆就順道晌UA睇場公餘場（後記：估唔到就喺同UA嘅告別之約，我手上仲有幾張戲票換領券呀）。 「南小館」無得訂枱，所以，細佬妹提早到場撳飛攞位，不過，就算星期六晚飯市高峰時段，由於疫情持續，都未有爆場。咪睇門口好似好多人，其實，不少喺等外賣。之但喺，目測都有八乘幾滿，而餐廳裝修簡約，一室以白色為主調。點菜紙亦喺等於餐牌，有咩選擇就晌晒點菜紙度，大致叫分為10類，小弟就唔嘥時間抄多次出嚟，掃描張點菜紙俾大家參考吓。點菜紙都有寫明，茶水就$6位，餐前小碟$9碟（1-4人），當然要收埋加一啦。 餐前小碟 $9晌大家仲研究緊想食咩之時，就邊食啲小食邊諗，小食喺鹹脆花生同香辣菜脯，前者鹹香清脆，後者就爽脆惹味。  南小館四小拼 $80冷盤小食有成十多款，嗌四小拼就最划算，晌指定7款冷盤中揀4款，樣樣少少，可以一次過試到多少少嘢。有部份已經無貨，最終我哋揀咗四喜烤麩、秋葵木耳、糖醋排骨及花彫白雞，睇落份量唔少喎。烤麩喺個人最鍾意食，軟腍有種麥香，木耳就爽爽脆脆，排骨就鬆化香濃，醉雞則清爽有酒香，肉質非常嫩滑。 鮮肉小籠包 $45一客有5個，外觀望落啲皮就唔喺好薄，摺位亦喺好厚吓，咬落外皮確喺有啲厚，令到口感差咗少少；還好喺啲肉餡鬆化，夠多肉汁，整體叫做還可以。 蘿蔔絲酥餅 $42蘿蔔絲酥餅最緊要喺即叫即做，入口熱辣辣先好食。外觀就幾對辦，入口層外皮都頗酥香鬆化，亦唔會有油膩感，裡面填滿蘿蔔絲，絲絲清甜，幾好食。  金網生煎窩貼 $45本來想點生煎包，但已經話賣晒，退二求其次，就要咗一客窩貼。鍋貼煎得個底焦香脆口，餃皮有咬口，餡肉鮮味爆汁，有水汁喎。 炸銀絲卷 $26都好耐無食過炸銀絲卷喇，啲銀絲卷炸得金黃，一咬皮脆甘香，內裡好軟綿綿，沾少少煉奶，都已經好唔錯。 醬爆腰果雞丁 $78賣相平實，濃油赤醬個皮，亦喺一貫上海菜風格。啲雞丁都嫩滑，濃香惹味，伴飯就最一流，不過，啲腰果唔脆喎，大大扣分！ 米湯時蔬 $52本來喺想叫腐皮小菠菜，點知又無，改嗌呢碟米湯時蔬，時蔬喺啲菜苗，都幾嫩口，而底下喺啲米湯，清清哋夠健康，又平衡番啲肉類菜式。 家常炒麵 $68比起點菜紙，啲炒麵出奇地好紅吓，唔知加入咩元素，會唔會喺紅菜頭汁呢？總之，食落唔會有咩特別嘅味道，雖然「整色整水」，但只喺加啲肉絲、菇菌炒埋一碟，都仲喺好「家常」。 細沙南瓜糰 $30樣子做得的骰又像真，夠晒可愛，南瓜糰外皮軟綿煙糯，卻又唔黏牙，淡淡南瓜味，襯晒內裡清甜啲紅豆沙餡。 桂花蜜拉糕 $30 拉糕做得精緻可人，仲唔手緊倒咗唔少桂花蜜糖，所以，入口桂花嘅香氣好突出，帶點甜蜜滋潤，齒頰留香，而拉糕本身口感煙韌，同樣喺唔黏牙，好食。 今晚所點嘅食物質素有高有低，但整體嘅評價屬中中等等咁啦，不過，人手明顯就有啲不足，見成場得3個侍應，其實，見佢哋都好落力招呼，亦好有禮貌，但唔夠人手就喺唔夠，唯有耐心等待吓。…查看更多

青衣城二期所開設的商舖，八成以上是食肆，補充了一期的不足，提供食客更多選擇。是晚光顧的是南小館。外觀不錯，但礙於地方不大，內部座位頗為擠迫，亦無舒適卡位提供。舖外將出品圖片貼上，令人對該店所提供的食物有一目了然之感。與兩位老友看過餐牌後，叫了下列食物及飲品。不叫自來的前菜，海鹽花生不太脆，而辣菜脯口感亦屬一般。南小館四小拼有7個選擇，我們叫的花雕鷄肉地尚算嫰滑有酒香。糖醋排骨亦算硬度適中，不靱易入口，調味亦可。秋葵木耳微酸有嚼頭頗開胃。馬蘭豆乾內裏的豆腐乾及馬蘭頭切得頗為用心及夠短，咬落口感亦佳。炒河蝦蝦肉徧淡且缺新鮮感，與冷藏蝦味道頗類似。除已有的少量黑松露外，如能加上其他具色彩的配材則賣相會較吸引。四季豆味道尚可，食落亦覺爽甜，但畧嫌徧咸及油膩。小籠包包皮畧嫌太厚，內裏肉汁尚算充足，肉料亦可接受。老重慶擔擔麵味帶麻辣，面頭舖滿紅油，食落辣度逐漸滲出，祇有慣吃濃辣的人才可接受，問過侍应，該麵只提供一種辣度，吃不慣太辣的吃過一次應該不會再叫了。始終多數香港人較喜愛辣度不高的四川擔擔麵，但該店未有提供。以位上的酸辣湯表現祗屬一般，價錢徧貴。黑芝麻豆漿製作粗疏，完全沒有自磨的感覺，與用坊間芝麻粉開水的頗類似，徧淡且完全沒有芝麻香味。五穀薏米水熱度不夠，用料份量亦不足，可能烹煮時間過短，欠缺五縠及薏米味道。縱觀當晚所嘗該店所提供的食物及飲品，表現祇屬一般，水準有待提高。…查看更多