梨滿園韓國料理

上次食不到醬油類食物，心心不憤今次一定要食到其中一樣...當入到店內，店員已遞上好味既前菜，雖然是送,但也很好味。你看有6碟給你...實在多款又好味食得燒物一定要有酒..我地決定要了這酒..很容易入口，即使第一次飲既朋友也覺很好味。主角終於黎啦鮮醬油鮑魚....本身未食過生鮑魚..但一試很有鮮味, 醬油也無令鮮未有影響更用醬油撈飯實在太好味.....好值得一去再去…查看更多

第一次試呢間新野，好易搵。而且環境好大，坐得舒服！佢啲前菜有幾款：白蘿蔔絲、南瓜、泡菜、芽菜、薯仔絲。仲可以refill，好正！我最鍾意食白蘿蔔 一開始waitress就俾左兩碟醬汁我地，一碟for無醃的食物，另一碟for醃製的。 佢個menu都好豐富好多野選擇，又有分醃同無醃。我地叫左特級牛肋骨、肉眼扒、五花腩、帶子、醬油蝦。特級牛肋骨就揀左無醃： 佢啲牛肋骨好好食！好重牛味！油脂分佈均勻！唔配生菜食都唔覺得油。店員仲好細心咁幫我地剪開一塊塊再來就係肉眼扒，好好食，都係好有牛味質素唔會比較貴的西餐差。好juicy根住就有五花肉（醃左）醃左之後辣辣地，都幾好食，包住生菜食就無咁油☺️鮮帶子好大粒，就算燒完都唔會縮哂水。不過建議要燒耐少少，我地以為食得 但中間都係涷的第一次食醬油蝦，佢個汁都好好食，唔會太咸。而且啲蝦膏都幾多…查看更多

朋友相約食韓國菜，推介呢間不錯，所以黎左試。地方比較難搵，但門面靚。店鋪size幾大，適合一班人黎食侍應好好招呼，食物質素好，特別係泡菜醃得味道剛剛好海鮮夠新鮮，值得一試…查看更多

真係好耐無係香港食過一間咁有韓國FEEL 既韓國餐廳，所以真係要寫一寫。話說上兩個星期同班friend gathering, 有朋友想食韓國野，於是就搵左梨滿園，近近地又唔太貴。一坐底已經上左六碟伴菜，同韓國果度D餐廳一樣，可以任添!對中意食泡菜既我來講真心幸福! 好入主題...(下文以SS級, S級 同 A級 標示推薦LEVEL)一班餓鬼一開斎緊係要叫肉!牛肋骨叫左醃既，醃得好入味﹐但又唔會太咸搶左牛肉既鮮味。(S級)特級紐西蘭羊架,無醃。侍應姐姐教我地要沾韓國麻油來食~ 果然，沾左麻油之後好食好多，本身唔中意食羊既我都食晒成件羊架(S級)韓式秘制豬手，熟食。侍應姐姐教要用生菜包住來食,好正!(S級)食韓國野一定要叫啤酒炸雞，但我地無叫啤酒, 叫左農酒同燒酒。炸雞比較普通,但果隻甜酸醬真心正，仲有原來食完要再食件泡蘿白,咁先解膩!!!(A級)之後8隻大胃王追加:人參雞湯，水準以上，未至於好有特色，但侍應姐姐幫手剪埋,加分!(A級)帶子非常新鮮，有D似火炙帶子加上韓式醬料，味道更有層次，食到帶子既鮮味同醬料既香味!(SS級)韓式牛肉八爪魚鍋味道雖然無一種食完嘩出來既感動﹐但勝在足料，牛肉同巨型八爪魚帶比我一份滿足感，食完加個辛拉面落去，個面吸左湯汁之後特別美味(S級)最後最後, 一定要講依個蛋包蝦，依個平凡既名字之下原來暗藏驚喜!!! 明明同炸蝦天婦羅一樣都係蛋同蝦但味道同口感都好唔同。依個一定要襯熱食，外皮蛋味很香,裡面既蝦好彈牙!蛋同蝦中間唔似天婦羅咁有空氣﹐所以咬落有種啖啖肉既感覺。(SS級)同埋我之所以覺得好有韓國FEEL 係因為D侍應會來問要唔要添伴菜，又會教我地D野點食最正! 其實咁先係一間對食物負責既餐廳。因為無論材料幾新鮮，廚師煮得幾好，但食客唔知點食法先係最好，就真係浪費食材又浪費廚師心機了!(SORRY, 有感而發)哈哈...8個大胃王食既野當然唔止咁少啦~ 寫寫下食評又肚餓添! 其他食物大家自己睇相啦!…查看更多

旺角區揾食，很多選擇。朋友推介呢間韓燒店。食完我都覺幾讚呀!大家都係食肉獸。紅燜牛肋骨(大)$158先來紅燜牛肋骨打底。牛肋骨超軟身、鬆化入味。有點驚為天人之感，餸飯必選。連蘿蔔也是極入味，停不了口，絕對必點!鮮帶子$128帶子有成7粒。超厚身又大大粒。又有蒜泥、牛油等，令它更惹味。好少韓燒有此質素的帶子，值得推介!烤無骨雞脾肉(不辣)$68無骨雞脾肉好入味。雖然不辣，但依然非常入味及滑嫩。不會只有外皮有味，而內裏無味。大大碟都係$68，好抵食。烤牛脷$88牛脷薄燒易熟。可以点韓式醬食，肥美又滋味。最緊要是晚朋友做大廚，全程燒得靚靚給我們食!好滿足的一班食肉獸! …查看更多

又來朝聖！大概梨滿園呢一間韓國餐廳我已經嚟過超過十次，最吸引我嘅地方係泥過咁多次水準依然，而且推出左好多唔同嘅菜式，唔單止有韓燒，仲有炸雞等等嘅嘢食！大家可以各有所好食多啲唔同品種嘅美食！開業一年幾嘅梨滿園由剛剛開業開始我已經來捧場啊，最欣賞嘅就係佢到現在燒肉燒烤同海鮮嘅水準依然係咁出色，唔會因為將貨就價！而每一次嚟食我都一定會點嘅就係無醃特選牛肋骨，帶子同埋牛脷！特選牛肋骨(無醃)＄168兩大條嘅價錢其實真係好抵，無業嘅牛肋骨更能夠突出牛肉的鮮味，只需要完條放響樓上邊煎好一面再反轉多一陣，好快呢個牛肋骨就已經燒好啦！肉質十分鮮嫩而且完全唔會銀鉤落去嘅時候感覺到牛肉嘅香味，其實乜嘢都唔加或者加一塊生菜一齊嚟食，已經食得出佢同其他韓國燒餐廳比較嘅優勝之處！厚薄剛好，而且口感軟身，正！燒牛脷係我另外一個食韓燒或者日燒必點嘅食物，梨滿園嘅燒牛脷呢切得薄身，而且冇醃製過嘅，只係需要喺路上面燒大概40秒左右其實已經熟透啦有落去唔會有韌嘅感覺而且富彈性口感好好！紅酒醃五花腩片今次總是咗個紅酒五花腩，其實呢我自己就對紅酒嘅感覺麻麻嘅，因為個味道有啲怪但係跟朋友話試吓新野，所以我就今次試吓啦！用過紅酒醃過之後呢燒出嚟嘅五花籃冇咗紅酒嗰種味道，返而帶點嘅特別香味，聞落去嘅紅酒未仲會有，但食落去呢就同普通五花籃分別幾大，味道更加有層次，而且口感都好好架！再來必點鮮帶子一客七粒，帶子超大隻，很豐滿啊！燒完都唔會縮水，依然都係咁豐滿，脹卜卜，食落去鮮味十足，而且十分之彈牙！頂級水準必點美食啊！還有鮮大蝦一客四隻，四隻大蝦已經佔咗成個爐，你就知道佢幾咁大隻，先燒好兩邊然之後再將佢企好微燒多一陣，全隻就會剛剛好地熟啊！香味十足，惹味非常！而且肉質彈牙，啖啖肉！水冷麵 每次來都會強烈推介呢個水冷麵冰涼舒適，口感彈牙，而且用料十足，配上酸蘿蔔李子等等更加清新！很高質素嘅水冷麵！份量亦都唔少四五個人分都絕對冇問題！今次因為係減肥狀態冇食到佢哋嘅炸雞同埋海鮮煎餅，呢度嘅炸雞同海鮮煎餅嘅水準都好高架！而且價格十分之抵，相比喺韓國街嗰邊食嘅話呢會平左一大截啊！梨滿園韓國料理 (旺角)旺角通菜街1A-1L號威達商業大廈Deli2 1樓…查看更多

每逢與朋友去旺角食飯, 及佢地想食韓國食品的時候我就會即刻推介e間 食物質素有水準, 又可以叫熟食又可以自己燒真係諗唔到另一選擇E間既餐前小菜都整得好好,每次小菜一上到枱,好快就會比人清左清新, 爽口, 味美E度既牛都非常好味,特別係牛肋骨每次來到都會叫特選牛肋骨(有醃及冇醃)淨食或加埋生菜包成生菜包都非常好味今日餐廳仲推介我食紅燜牛肋骨 竟然咁好味紅燜牛肋骨內有牛肋骨、紅蘿蔔和洋蔥三種食材都燜得非常入味, 軟腍 ,  海鮮類都非常美味鮮大蝦及鮮帶子都非常大隻口感甚佳, 每口都啖啖肉,食左咁多野, 叫左之農酒容易入口, 味道微甜石頭鍋飯都非常出名,價錢只需 $68牛肉質素一流, 香氣四溢人參雞湯 ,味道唔太濃, 雞肉又多, 食完整個人都好温暖哦…查看更多

又黎到女朋友既最愛韓國菜，點解可以食極唔厭lol。好啦，總之我又要變身做oppa啦……為左展示我既gentleman,緊係要幫佢燒下野食，拿，唔係燒野比佢食呀！點左個特選牛肋肉，牛脷同帶子黎燒。個牛肋肉好入味又唔會太難噍，牛脷香但唔肥膩，帶子好大粒好甜 齋食肉就唔多夠飽，就叫左個炒粉絲，不過突然又見到個醬油蟹心思思想食，就順手叫埋 粉絲炒得幾好食，唔太韌夠大碟夠入味。不過個醬油蟹真係有啲太鹹，想食既話就真係要叫多個飯尼夾埋齊食…查看更多

新年前都各有各忙，卒之，趁新一年伊始，同幾位老友聚一聚，談談近況之餘，更暢談美食之事，是夜聚脚地就晌女人街內嘅梨滿園，少蒲旺角嘅友人覺得餐廳有少少難搵。店內以沉實嘅啡色為主系，配上石磚牆，再加上仿木窗嘅配襯，讓環境帶出點點傳統韓國色彩，平實簡約；然而，梳化椅選用紅色、黃色，令人覺得唔會過於死板，有種跳脫嘅活力。小弟是晚遲到，所以，一切食物都由友人們發辦，嚟到就有得食，唔使操心。然而，餐牌內除咗分門別類，更圖文並茂，非常清晰。類別方面，有烤肉（共6大版34樣選擇）、廚師精選、煎類、魚類、鍋類、湯類、麵類、飯類、配菜、飲品和酒類，單講食物，大大話話近百款，認真選擇多多。此外，午市特價餐、下午茶特價餐、以及二、四、六人嘅超值晚市套餐，都喺慳錢之選，就好似超值晚市套餐，為起嚟都喺百鬆啲蚊一個人，經濟實惠，好附合蒲開旺角嘅年青人清消費水平。晚上嚟到，如果本身唔好烤肉，但又想食韓國嘢，大可考慮佢哋嘅特價晚餐，配埋白飯、兩款配菜、例湯，最平$42就都有交易，抵到爛呀。前菜韓式嘅前菜小碟已經喺一餐韓菜不可或缺嘅部分。薯仔絲、豆角、白蘿蔔絲、大豆芽、南瓜同泡菜，各有特色，各領風騷，個人較喜歡粉綿嘅南瓜，以及爽脆嘅薯仔絲。濟洲島黑毛豬五花腩 $138 / 150g食友嘅極力推介，話佢油香十足，加上無醃過，所以有肉味。睇睇賣相，比想像中少脂肪，不過，烤熟後果真甘香油潤，但又唔覺話好肥膩，肉味濃之餘，口感充滿嚼勁 。想食得清新少少，可以夾生菜食，想惹味少少，又可以夾辣菜絲，悉隨後尊便。鮮帶子 $128是晚喺燒烤之夜，所以，再嚟喺燒吓鮮帶子，帶子既大粒，睇落都好新鮮，一客有8大隻。簡單鹽同黑椒調味，烤好即食，份外鮮甜，口感彈牙，以咁嘅質素，賣咁嘅價錢，實在抵食。順帶一提，店內嘅烤爐採用下抽風式，所以，煙霧唔大。鮮大蝦 $128 / 4隻越南虎蝦成隻手掌咁大，夠晒有睇頭，全部半開邊，方便易啲烤熟。啖啖蝦肉放入口，雖然唔喺話爽到彈起，但質感不俗，烤完之後唔會死死實實，又無話霉霉爛爛，蝦味都唔差；此外，蝦頭亦唔好嘥，店員話再燒耐少少，有唔少甘腴嘅蝦膏。百零蚊有成4大隻，另一抵食之選。水冷麵 $70食咁多烤肉，嚟一客凍涼嘅水冷麵會唔會覺得好爽呢？水冷麵嘅賣相頗精緻，麵條本身已經夠晒爽口，加埋酸酸爽爽嘅白蘿蔔片，「韓」氣透心，真喺涼快醒神。海藻湯 $68加多一客海藻湯，緩和一下太冷涼嘅感覺，諗落又喺咪好有趣呢！海藻湯以韓式瓦缽盛載，非常滾熱辣，而且份量不少，撈一撈，發覺湯料十足，有海藻、大蔥、細蜆及牛肉，湯頭挺清香而帶鮮味，比預期嘅好！雖然有好多真露、燒酌、啤酒……等等，不過，同枱老友對酒都無興趣，而其他啱心水嘅嘢飲都喺啲汽水，所以，就唔多講。梨滿園食物嘅質素比預期中好，但收費卻幾大眾化，真喺幾啱一大班後生仔嚟韓燒吓。…查看更多

一排無去食韓燒，所以上星期約食飯時就提議去梨滿園食晚飯.店內的裝修以簡約為主.坐下便奉上六款前菜，當中包括泡菜，四季豆，蘿蔔絲，芽菜，我最愛食的魚仔和菠菜.我地先點兩款牛，包括烤牛肉和特選牛肋骨(醃) .我自己鍾意燒醃左的材料，這樣燒完後，不用點任何醬汁已經夠味道.牛肋骨的肉夠腍身，牛味也算濃郁.烤牛肉同樣也醃好左，有點似一條條牛柳，可以以炒的方式整熟，好快就食得.牛肉同樣夠腍身，醃的咸度適中.食左兩款牛肉，我地另點了海鮮，包括鮮帶子和鮮大蝦.鮮帶子好雪白又夠大隻.入口夠鮮甜，燒完完全不覺得乾身，仲幾彈口.鮮大蝦, 一碟有四隻.一早已切成雙飛，不但較易燒和熟，食的時候也好方便, 一切就成條肉起.蝦肉爽口，又夠鮮味.最後，點了一個細的紅燜牛肋骨.這是用石鍋上檯.我自己鍾意食腍身的肉，而這個牛肋骨對於我來講有些咬口, 但味道不錯.鍋內的配料也不要錯過, 當中最鍾意食紅蘿白, 因為吸收晒牛肋骨和材料的精華, 非常甜口.…查看更多

已隔了乀段時間沒有食韓國菜, 近排連韓燒都少吃了, 難得友人相約, 一於應邀出席, 順便聚下舊。由於之前已來過同一大廈用膳, 所以不用又開着GPS找路, 輕鬆得多。一出升降機門已看到色彩繽紛的招牌, 還有多塊大型餐牌。甫進店內, 全店以啡色為主, 裝潢富傳統的韓國色彩, 簡樸平實, 並不花巧。餐店分了兩邊用餐區, 地方寬敞, 設有多數四人卡座, 亦有大型長枱, 大部分都是軟墊梳化椅, 坐得挺舒適。安坐後, 馬上商討點那些菜式, 其實套餐非常抵食, 但大家都對散點菜式各有心頭好, 那一於散點吧! 餐簿圖文並茂, 分門別類, 既清晰亦吸引, 分別有烤肉類、廚師精選、煎類、鍋類、魚類、湯類、麵類、飯類、配菜和飲品, 選擇眾多, 幸好大家各有喜好, 不用太傷腦筋。******************************點好菜後便馬上動筷品嚐六小碟前菜, 包括有醃白蘿蔔絲、南瓜、土豆絲、大豆芽、四季豆 和泡菜。款款各有特色, 味道不錯, 個人較喜愛帶微爽的土豆絲, 還有粉綿入味的南瓜, 而酸咪咪的醃白蘿蔔絲 亦很吸引, 絶對有助打開胃子迎接陸續而來的菜式。******************************各菜式陸續出場, 先是燒烤環節, 點了兩款海鮮。一碟四隻鮮大蝦 ($128/4隻), 隻隻巨大, 差不多有我手掌般長, 已預先在蝦背開雙飛, 易於燒烤及進食, 挺細心１ 肉質色澤亮麗, 蝦身比蝦頭易熟, 先品嚐, 雖鮮味一般, 但啖啖爽彈的蝦肉亦令人吃得滋味，而蝦頭亦藏有不少鮮香的蝦膏, 以$E6��定價來說挺不錯！******************************接着就是鮮帶子 ($128)一碟共有七粒, 粒粒潔白亮澤, 只灑上黑胡椒 作簡單的調味。待燒烤至兩面金黃便可品嚐, 肉質雖不夠爽彈, 但粒粒肉厚肥美, 而且挺鮮甜, 不用蘸上任何醬料更能吃出鮮味, 以此定價有如此質性, 的確抵食之選。******************************燒烤過後, 是時候一嚐店子的韓式料理。友人推介紅燜牛肋骨 ($ 98/細), 一於點客細試試。熱辣辣上枱, 一鍋共有兩大件牛肋骨, 還有數件紅蘿蔔 和白蘿蔔, 亦加入鮮香的蔥段 和爽甜的洋蔥 一同烹調。品嚐前, 店員會為客人把牛肋骨剪分小件, 方便進食, 服務不錯。牛肋骨 雖燜得不夠腍嫩, 但相當入味, 味道亦不錯, 而肉質夾雜不少煙煙韌韌的筋膜, 最討我歡喜, 還有燜得入味的蘿蔔, 嫩口多汁, 非常美味, 最好再來一碗白飯撈汁, 正! ******************************本打算叫一客鮮雜菜拼盤, 但擔心被我們烤至“乾憎憎”, 還是來一碟炒鮮菌雜菜($68)穩陣得多。嘩! 估不到如此大碟, 份量十足, 絕不欺場, 又一抵食之選。數數看, 所選用的款式亦不少, 瓜菜類有青瓜、翠玉瓜、黃芽白、紅蘿蔔、洋蔥, 而菇菌則有金菇 和雞脾菇, 烹調時間合宜, 全部皆保持爽嫩, 新鮮帶清甜, 而且並沒有泛油光, 只稍稍調味, 不油膩亦不重味, 挺清新健康, 很合我口味, 結果差不多由我一人包辦大半碟, 哈!******************************愛喝湯的我, 本打算點一客燴黑鱈魚辣湯, 可惜是日沒有鱈魚, 嗚嗚嗚……只好改要一客海藻湯 ($68)。熱辣辣上枱, 一鍋份量不少, 湯料亦十足, 再一抵食之選。先呷一口熱湯, 湯身清澈, 並沒有泛油光, 味道清新鮮味, 很順喉。舀起湯料, 內有不少爽口兼富獨有草青味的海藻、清新的大蔥、鮮嫩的小蜆, 還有多不勝數的牛肉, 部份連帶牛筋, 挺有咬口。整體而言, 也算不錯。------------------------------數數看, 用了不少 “抵食之選” 的字句, 事實並沒有用多, 再細閱各餐牌, 發現二至六人套餐($248-$688)亦相當抵食, 還有多款特價晚餐介乎$42-$88, 已包白飯、特式配菜兩款和例湯, 的確是抵食之選, 下次有機會再相約朋友來餐聚。…查看更多

朋友們對韓流中毒太深，飯聚不是提議韓燒、就是醬油蟹、部隊鍋、炸雞等等....一個月總吃上數次韓國菜....而這次來到旺角的梨滿園，總算是可以滿足它們的願望...蛋拌生牛肉絲 - $128其實我對生牛肉會有點抗拒...很怕腥怕血淋淋但試完竟覺得不錯、拌入梨絲及蛋後，肉質嫩滑爽口。韓式生醃醬油蟹 $138這隻醬油蟹是用上大閘蟹醃製的，肉質像啫喱般黏滑的，還有很多蟹膏，而且蟹夠新鮮，醬油不太鹹還帶出鮮味！(....比起我之前食我好好多!!)特選牛肋骨(無醃) - $168/350g牛肪骨在無醃情況下，可以食到原來的牛香，而且肉質不過靭，沾一點帶鹽醬油，咸咸的很好食呀！鮮帶子 - $128好大粒的鮮帶子～上有胡椒調味，厚切帶子啖啖肉，好滿足呀！鮮大蝦(4隻) - $128大蝦size不惹少，差不多跟手掌一樣長，貼心地開少少邊以方便挑腸亦更易熟。肉質結實、新鮮，不會太淋太散像死蝦。海鮮牛肉八爪魚鍋 - $268最後這個鍋夠大堆頭，牛肉、八瓜魚、豆腐、翠肉瓜、粉絲、年糕等等....味道有少辣，但不太食辣的都可以接受。另外，年糕的軟硬度適中，牛肉都沒有over cook!…查看更多

又黎食韓燒啦~~~最近跟三五知己都好喜歡食韓燒!!!今次就揀左係旺角 Deli 2 既【梨滿園韓國料理】這裡裝潢係傳統韓式設計~~~入坐後侍應便端上韓式八小碟：白菜仔‧芽菜‧醃泡菜‧醃魚仔‧甜薯仔‧豆角‧南瓜‧醃白蘿蔔絲作為前菜款式及數量都蠻多呢!!!如果想 REFILL 的話就要加錢, 每款價錢不同呢''*首先點了蛋拌生牛肉絲 (HK$128)很多人都不夠膽吃生牛肉的, 當拌上生蛋, 梨絲, 芝麻及麻油；能帶出生牛肉的鮮甜味, 個人覺得還未及得上韓國正宗的好吃, 但也不錯了!!現在食韓菜必點既一定是韓式生醃醬油蟹 (HK$138)這裡的醬油蟹是用上大閘蟹再配上韓式醬汁來醃製~~肉質同樣是黏黏滑滑的, 但蟹膏不夠多, 味道少鹹且帶少少甜味!!!將蟹膏拌白飯一齊食真係好好味架''*女生對肉類不太好, 所以只揀選了兩款：特選醃製牛肋骨 (HK$168/350g) 及 濟州島黑毛豬五花腩 (HK$138/150g)醃製好的牛肋骨味道夠濃, 肉質嫩滑, 充分牛味；而黑毛豬五花腩肥瘦分明又不油膩, 係每次韓燒必點之選!!!海鮮也是不能錯過的選擇, 鮮帶子 (HK$128) 粒粒都好大粒~~加上黑胡椒作調味, 鮮嫩又肥美, 一啖放入口真係正!!鮮大蝦 (HK$128 / 4隻) 也很抵食, 每隻都有成隻手掌咁長架!!!肉質爽彈, 不用調味也吃得出其鮮味喔~~而這個秘製豬手 (HK$238) 是店員推薦的菜式''*一碟的份量非常多, 豬手切成細細件咁方便進食；豬手皮, 脂肪跟肉的分佈很平衡, 食落肉質軟腍, 豬皮很爽彈!!!同時會配有生菜及醬料~~用生菜包起豬手一啖食落去, 多了一份咀嚼感!!!而且沒有油膩的感覺, 果然是好的推介''*最後就來個海鮮牛肉八爪魚鍋 (HK$268) 作結~~紅紅的湯底不算太辣, 入面有豆腐, 泡菜, 牛肉, 八爪魚, 蔬菜等材料, 非常豐富!!!飲返個湯暖一暖胃, 即刻飽哂''*…查看更多

再次又是重來韓食時間，對上一次食傳統些少的韓菜，大概已是個多月前。並非沒有韓式食物就沒法子生存，單純是吃慣了，僅只如此。對於一個錢已無的窮學生而言，還是踏踏實實食平野，不追求什麼名氣之選。　　就在友人住處的同一條街，落樓行幾行便可到達。內街小巷確實不是我的拿手覓食處，幸好這是Deli2，之前來過食放題。老老實實五六十蚊一個主菜，作為晚餐而言為常價，中至中低價。不過場內人流不算多，以旺角油麻地這些人煙稠密之地來看就更甚了。　　前菜一上桌就有八款，八色八味，豐富得很。還記得在韓國的時候有時店方有空就會不斷幫你免費任添配菜。但在香港的話，除非去任食韓燒，否則又會有幾多間餐廳肯花這些成本？去青菠菜、甜綿南瓜、鹹脆魚乾、酸辣泡菜；清甜豆角、爽口豆芽、酸甜蘿蔔及甜鹹薯仔，各有各賣點。多款式的好處就是可以每樣都試，點到即止。秘製豬手（跟生菜）　$238　　回想起在韓國的時候，餐廳總是兩人份起，自己一個去旅行的話真是處處碰壁。即使是我多番向店方表明我可以吃光餐點，仍是無從入手。還是回到香港才有獨食機會，上次雖非單槍匹馬，但份量上其實毫無難度。　　這邊的豬手也是大大份，切片後攤放得整整齊齊，再灑白芝麻點睛。滷得鹹中帶甜香的豬皮軟嫩富膠質嚼勁，沒有半點脂肪的油膩感。豬手肉厚薄適中，加上未算煮得過於老柴，調味溫和不重口味。同時會送上一碟調辣的生菜蔥段，再以爽脆又完整一塊塊生菜包起，食落夠香口。美中不足的話說不得不說那醬汁，沒有我最愛的쌈장啊……烤牛脷　$88／150g　　薄身均勻的牛舌片片置得雅觀，不是細細碎碎又凌亂的。此時不禁想起以往吃某家日本餐廳時的不滿意遭遇，對比有夠大。這次在場的朋友都不是牛舌反感者，勢必掀起一場激烈爭奪戰。是日午餐及下午茶都吃得飽飽的，滿足了，我就費事加入戰團了。　　牛舌烤過後未會縮水縮太多，就是邊位捲曲之後的模樣，不離譜。為了不要烤得過熟至乾身，還帶點點粉嫩透紅的時候就起爐。中心位依然軟嫩可口，頗為稔滑，外邊比較熟的就會爽口些少。不過就沒有什麼燒得帶焦帶脆的位置，也不得一想二了。特選牛肋骨（醃）　$168／350g　　吃燒牛肋骨時，比起食燜牛肋骨，總多了層顧慮。到底要吃原味無添加的，還是要吃醃得入味香口的呢？我的朋友圈中，支持後者的佔多數，大家都重口味，喜歡惹味食物。以調好的獨家醃料醃過，就是我們熟悉的帶啡色，肉面界過就更加入味了。　　長長一卷牛肋骨肉在爐面攤開，看著油花漸漸消散，我們明白動筷之時愈近。友人說醃過的話烤久一點比較好，反正不是我動手，點話點好。肉片薄身，稔身但不是霉霉爛爛那種，肉質嚼感猶在。要說我不喜歡韓式醃肉的一點，就必然是甜得讓人無言。鹹味的肉品才對我胃口，更甭提原汁原味的肉香會有多濃。鮮帶子　$128　　一碟八粒帶子可沒有相中看到的細小，實物大概直徑都有四五厘米吧。而且頗為厚身，如果片得薄薄的話再燒……兩下子焦掉痴底非奇事。先已灑上點點黑椒，看表面也有少許蒜碎及蔥花，事先已醃過但未算太濃味重口的。　　友人發功，烤得剛好是金黃色就分給我們，豐滿的帶子不會縮水縮得過份。外面微焦的香氣，加上烤得較熟的外層，包裹好內部的水分。咬下去頗是爽甜彈牙，不會乾韌得過火，傳熱至中心位，不會外熱內冰。紅燜牛肋骨（細）　$98　　又是我們去十次有七次都會點的牛肋骨，因為想多選幾款食物，還是小份就好。滾燙起泡的牛肋骨小鍋送上，不過看來用料都不少啊。單看放在面頭，飽飽滿滿的冬菇，煮得入味，色水完完全全滲透菇身。比起紥實的冬菇，鬆身少許並有肉紋的牛肋骨大概也會入味得很。　　牛肋骨肉大多已燜煮到稔身離骨，牛肉煮熟後多少都會縮水。一旦入口就會明白有多入味，甜香過人，果然是友人喜歡的韓式牛肋骨。當中帶著少許筋位，晶瑩之餘有彈性有咬口，略嫌牛肉肉香未盡顯現。不說牛肋骨，驟嚐其他的食材均是非常夠味，白蘿蔔固然是不得不提的一款。要說吸收得最盡，除了白蘿蔔之外，就莫過於冬菇了。海鮮煎香葱餅（細）　$58　　有點兒懷念起當時一個一個城市中穿梭，認識了一些朋友可以一起吃飯飲酒的時光。有時晚上想去食宵夜，去點個煎餅，一壺米酒，又可以談天說地。那時候吃到的海鮮蔥餅大概是一百港幣，可是每一口都是滿滿的食材。不禁跟友人說在香港的反差，然後她跟我說：「那麼你在這邊就要多吃點了！」　　五十幾蚊，只是外頭平均價的一半再多少許，就算點大份　$88都未到香港均價。餅皮煎得略為帶焦，尤其是邊位，吃落香脆得很，也不覺太油膩。海鮮部分又是少少八爪魚什麼的，還是將重點放在煙韌餅皮上罷了。說到蔥，由細細個買魚會免費送，到現在要幾蚊先有一紥，差別頗大了。因為不是無價，也非超低價，好多餐廳整蔥餅就只有數點蔥花濫竽充數。好在今次我可以食到長長蔥段，清香微甜，確是對版的煎餅。海鮮石頭鍋飯　$78　　提到韓國菜，石頭鍋飯應該算是深入民心的一道。心思徘徊在海鮮、牛肉、豬肉及雞肉之間，來回不定，還有芝士泡菜口味。最後，似乎海鮮的會比較沒那麼膩口，畢竟去到尾聲，只是想要過過口癮。邊食邊等，直至嘶嘶的燒紅聲音傳來，不用多望都知道是石頭鍋飯的到來。　　上桌時蛋黃已經是有點熟的樣子，也許是下得太早了吧。要不另外盛在碗中，讓客人自行放入生蛋也是一個方法。食材佈得滿密不見飯底，菜絲之餘，海鮮料比起坊間不少韓國餐廳更下得足。注入點點甜辣醬後趁熱拌勻，此時雞蛋已成了蛋碎，還是留著鍋邊位不動為妙。飯粒不水爛，拌勻之後不怕似糊仔，帶著點點鍋氣焦香，熱辣辣，不怕失色。食到底，當然就最期待脆香吸糾的飯焦，這亦沒有讓我失望。褐色的飯焦脆身不油膩，香口得不沾醬都夠味，同時不會燶黑得離譜就是了。　　食過一頓飽飯，寒喧當熱身，吹水抽水就是主要活動。在一家性價比合格的餐廳內不會擔心太多，一個勁兒地吃著喜歡的食物。不是有這樣那樣的規限，不用面對陌生尷尬的情景，吃飯不就是要這麼放鬆自在的嗎？…查看更多

朋友知我鍾意燒野食，但係又怕熱，於是趁我生日請我食有冷氣涼既韓燒，一於燒番夠本。今次她帶我黎旺角女人街附近的梨滿園韓國料理食大餐，真係好開心。舖頭面積比較大，座位很多，每一張都是梳化椅，而且相當闊落，坐得好舒服。我們叫左野食無耐，侍應就送上六款小食，每碟都好好食，尤其鍾意稔稔地的甜薯和少少辣的泡菜。我們每人都各自有兩碟調味：醬油和鹽味，醬油味甜甜地，鹽味微微鹹而不是死鹹，真的恰到好處。仲黎多一盆韓國生菜、生菜是免費任添，左邊的面豉醬鹹鹹地，用來點燒肉都幾好味。我們兩個唔係食得好多，於是叫了這碟烤肉什錦拼盤，因為已經包含雞肉、牛肋骨、牛肋骨肉、牛脷、五花腩肉等，夠晒豐富。牛肋骨肉都算厚肉，並且預先醃好味，燒完之後肉質仲係非常軟稔又 juicy，即使無點醬汁都覺得好鮮甜。五花腩肉，雖然無牛肉咁濃味，不過燒過之後，五花腩都無咁肥，柔軟的肉質加埋面頭的油份，味道較淡但一點都唔鞋口，點鹽味汁就更加好味。牛肋骨好似手臂咁長，影相就好壯觀。不過要剪開兩份至可以放晒在爐上面。燒好之後至再剪開幾份後才吃，亦都相當厚肉，件件肉質鮮嫩、軟稔又 juicy，事先醃好在肉裡的醬汁都相當美味，即使不點醬汁都已經夠美味。生菜是用黎包住燒肉一起吃，生菜都幾新鮮，食咁多肉，可以食番 d 菜都會健康些。朋友一來到便指定要鮮帶子，果然無介紹錯。每隻帶子大大隻夠厚肉，肉質軟稔又 juicy，仲有少少黑椒令味道更香口，燒佢一陣岩岩熟就最好味。之前食韓燒食過醬油蟹，食過翻尋味，今次又再叫一次。呢隻韓式生醃醬油蟹(豉油)，見到啖啖蟹膏真係好開心。雖然呢度的醬油蟹稍為細隻，不過都好新鮮，蟹肉滑潺潺的亦都很 juicy，醬汁味道係甜甜地，我個人就更加鍾意呢種味道。蟹膏甜甜的，滑潺潺的，用來拌白飯真係好滋味。本來我們仲諗住食水冷麵，只可惜我們食左咁多肉，已經食到好飽，咁就唯有下次先啦。呢餐原來都幾貴架，兩個人夾埋都食左 $807，即係每人都要四百蚊左右。不過因為我生日，所以成張單由朋友俾錢，多謝晒！ …查看更多