KiKi麵店 (國際金融中心商場)

上星期六小女子約咗親戚去中環行街，順便食埋晚餐，所以就揀咗呢間KiKi麵店全日套餐 $148前菜煙燻無骨鳳爪鳳爪都幾爽口， 鹹鹹哋得黎又有少少辣，上面有白芝麻，食落更香口，下面又有青瓜絲襯托，估唔到呢個配搭都幾有驚喜🤤主食鮑魚花膠濃湯雞灌麵(要加$10)碗麵有兩隻鮑魚，兩塊花膠，鮑魚俾比我想像中大隻，花膠雖然唔算大塊，不過幾腍，而個湯底都幾濃郁，同個麵幾夾，小女子都忍唔住飲多幾啖湯🤭飲品白桃烏龍(熱)可能揀咗熱飲嘅關係，感覺比較甜，茶味唔太突出🙊整體嚟講，呢間餐廳價錢唔算平，但係食物質素都幾好，仲可以叫埋台式飲品添😆…查看更多

今天天氣有點潮濕，因此我決定去附近的中環金融中心的「KiKi麵」品嚐一碗美味的麵食，並且享受一些飲品和甜點。正好在中午12點用餐，排隊的人還不多，所以我迅速入座，用手機點了餐。我選擇了午餐1）「鮑魚花膠濃湯雞灌麵」，飲品2）「凍紫薯雪絨芋圓白桃烏龍」，以及甜點3）「楊枝甘露冰粉」。整體而言，令我驚喜的是鮑魚的份量比我之前外賣的時候大了一個size。小棠菜呈翠綠色，湯底稍微有點鹹，但還是可以接受的程度！碗麵的份量尚算大碗，賣相okay 啦！而凍紫薯雪絨芋圓白桃烏龍的口感，淡淡的白桃和烏龍茶的香氣結合，相當有趣。至於楊枝甘露冰粉，爆珠的口感很好，甜度不算太高，讓人感覺清新怡人。唯一的缺點是服務員常常催促我付款，所以我只能在餐廳內用餐45分鐘。以下是我點的菜單和評價：- 鮑魚花膠濃湯雞灌麵 $138 ⭐️⭐️⭐️⭐️鮑魚比外賣大一個size，碗麵🍜份量十足，略嫌花膠細，湯底有些少鹹🐥但我見兩個女仔🧍‍♀️都點這個饕，算受歡迎👏🏻- 凍紫薯雪絨芋圓白桃烏龍 $38 ⭐️⭐️味道夾，芋泥同烏龍香- 楊枝甘露冰粉 $48 ⭐️⭐️⭐️芒果爆珠有趣餐廳資訊：KiKi麵地址：中環港景街1號國際金融中心商場2樓2017號舖…查看更多

前排去IFC處理完事務後便隨意到Kiki 麵家用膳。手機下單十分方便，我選了個全日套餐 ($148)，包括小食＋主食+飲品各一款。**小食: 涼拌鯛魚皮魚皮鮮嫩且彈牙，醬汁中帶有微微的辣味，惹味開胃。**主食: 鮑魚花膠濃湯雞灌麵 (+$10)雞湯濃郁鮮甜，麵條口感Q彈有勁。共兩隻鮑魚和三片花膠，彈牙滑嫩，真材實料。順帶一提，kiki自家制辣椒醬也很出色，送麵一流。**飲品: 白桃烏龍(冰)白桃果味搭配烏龍茶香，非常清爽解渴。…查看更多

餐廳：KiKi麵店地點：國際金融中心商場菜式：台灣菜餐牌：多款湯麵，拌麵，多款飯類，開胃小碟，台式小碟，滷味，水餃時蔬，甜品。都有全日套餐，包小食，主食（麵或飯），同飲品，價錢$148。可加錢升級小食或者飲品。飲品有創意特調，冬瓜系列，原茶，珍珠特調，滋養特調，鮮奶系列，鮮果汁系列，可加配料，選甜度同冰量。不過入到去用手機落單，又唔見可以選甜度。今晚一行四人，叫左四個套餐同兩款小食。紅燒牛肋條拌麵紅燒牛肋條可以由飯轉拌麵，面頭有牛肋條兩條，牛味濃不過好韌，事後牛肉嚴重痴牙喇。牛筋兩條，就炆得夠淋，伴有小棠菜兩條同紅蘿蔔兩件，同埋有蔥花。麵條係白色幼身麵，質感幾有咬口，個湯味道都幾好，味道微辣。呢個麵都幾好食。川味牛肉湯麵 川味牛肉湯麵 有牛展四片，唔會太薄片，都算淋。伴有三條小棠菜同蔥花。個湯都幾辣。鮑魚花膠濃湯雞灌麵 加$10鮑魚花膠濃湯雞灌麵有原隻鮑魚兩隻，花膠兩片，伴有三條小棠菜。個湯真係好有雞味，正。麵可以揀淋或者加錢加底。麻辣肉片紅白麵 麻辣肉片紅白麵相對係比較多料，有鴨血四件，肥豬肉兩厚片，唔少豆腐，半隻滷水蛋同小棠菜兩條。面頭灑上蔥花。個湯當然係辣，不過唔覺麻。麵可以揀淋或者加錢加底。煙燻無骨鳳爪 跟餐四個餐我地都叫呢個小食，份量有時多有時少，鳳爪都好淋，味道可以，唔會太鹹，有少少辣。下底墊有青瓜絲，面頭灑上白芝麻粒。另外叫左兩款小食。鹽酥雞 $38鹽酥雞一客8件，細細件，炸得皮脆肉滑，有少少鹹，下底墊有青瓜絲。牛筋 $48牛筋份量好多，抵食，炆得淋而味道剛好。有芽菜墊底。黑糖珍珠鮮奶 跟餐加$23黑糖珍珠鮮奶叫左走冰，強烈建議一定要走，已經夠凍。鮮奶好滑。黑糖味道適中，令鮮奶甜度剛好，珍珠煙韌有咬口。呢杯size係大，飲完好飽。熱豆乳雪絨仙草紅豆茶 跟餐加$18熱飲都用膠杯。紅豆茶好苦。楊枝甘露 跟餐加$48原來呢個飲品正價都係$48，覺得比人搵左笨。呢個係大杯size，原來入面有好多楊枝甘露爆珠喺鮮奶，好好飲呀。總括而言，麵既味道口感都幾好，價錢喺國金黎講算係咁啦，不過$148底價加下加下都要人均$200當然係貴！…查看更多

因為落大雨，就朋友方便，都係留返喺附近商場食嘢。臨時決定去食Kiki麵。好彩我哋早到，唔使等就有位。我哋叫咗兩個麵set: 有齊前菜、主食同飲品。🦀蟹黃油拌麵 + 蒜片台式腸 + 凍白桃烏龍 （$148）- 蟹黃油拌麵可自行加入蟹黃、蟹油及醋，我試咗一啖原味之後就落曬所有配料，撈埋一齊食。加咗醋令蟹肉鮮味大大提升，鍾意食蟹嘅人一定喜歡呢個拌麵。- 台式香腸甜甜地，唔會太油，味道唔錯。- 凍白桃烏龍茶，頗大杯，有桃香味，烏龍茶可解除油膩感。🥣鮑魚花膠濃湯雞灌麵 + 涼拌皮蛋 + 熱冬瓜茶 （$148）- 鮑魚花膠雞湯麵嘅雞湯味道濃郁，無加味精，飲完唔會口乾。兩隻鮑魚同兩片花膠都好淋滑，以呢個價錢嚟講都算有驚喜。- 涼拌皮蛋，味道普普通通，可以唔試。- 熱冬瓜茶，味道清香，唔會太甜。…查看更多

Kiki麵在台灣街知巷聞，來到香港也大受歡迎，鍾意周圍食嘢的我當然不會錯過啦！據我所知，每間麵店都各自有特別的麵，ifc 就是鮑魚花膠濃湯雞灌麵和蒼蠅頭拌麵。鮑魚花膠濃湯雞灌麵，湯頭非常濃郁且帶有膠質，女士滋補養顏，鮑魚軟腍，不需要用力咬開，麵條浸久了仍保持Q彈。蒼蠅頭拌麵，所謂蒼蠅頭其實是豆豉碎，遠看有點似蒼蠅而得名。拌勻所有材料後吃，有少少辣，連肉碎、韮菜花、辣椒碎一齊吃很惹味。椰果愛玉冬瓜茶，底部有些椰果、愛玉，口感好似啫哩，配冬瓜茶去濕又清甜。愛文芒果雪絨椰果白桃烏龍，表面有一層奶蓋，像忌廉一樣軟滑，烏龍又帶着香甜白桃，不會太甜，感覺上亦健康一點。伯爵戚風蛋糕配黑糖珍珠，伯爵茶蛋糕真是非常吸引，蛋糕鬆軟得左搖右擺，配黑糖珍珠，Q彈有嚼口。栗子蒙布朗，就是一個栗子撻，底部很鬆脆，而栗子蓉挺多的，不會太甜，十分綿滑。值得一提的是，餐廳的飲品都用了紙飲筒，不會軟掉之餘又環保得多啦！…查看更多

Kiki拌麵大家在家吃得多，記得一開初未引入香港市場時還要朋友幫忙在台灣外帶，現在已經賣得成行成市，甚至還在尖沙咀和中環新開了實體店，熱潮絕不減退。我是比較懶惰的人，在家弄拌麵的話要先用熱水煮麵、過冷河、倒走水，才拌入醬料，比湯麵較繁複，而且倒水時總生怕會連麵也倒走了，顯得有點雞手鴨腳。 開了實體店的話，就有個藉口可以試試廚師弄的正宗拌麵是怎樣的味道了（明明是怕自己弄得不好）。平日七時到來，已經有等候人潮。幸好流轉快，也不用等太久便可入座。裝潢開陽，以淺色木材為主調，坐位是noodle bar的吧枱形式，能夠透過櫥窗看到廚師在忙。枱上有USB充電口，椅子下也有布袋放置袋子，位置不多，卻也能為客人提供舒適。餐牌的選擇比想像中多，粥粉麵飯（粉是腸粉），還有小碟和甜品可選。$148套餐包括小碟、主食和茶飲，相對地較花算。不過我們對這裡的甜品很有興趣，所以便選擇了散叫。IFC店限定的有愛文芒果雪絨椰果白桃烏龍和椰果愛玉冬瓜茶，都是金鐘的KiKi茶分店沒有的。雪絨是用忌廉打成輕盈泡沫的奶蓋，口感香滑；而且加入愛文芒果，味道香甜。 烏龍茶有白桃的清甜味道，討人喜愛，加上清新的椰果咬口，是一杯十分成功的配搭。這裡的冬瓜茶非常正宗，有真材實料的清新冬瓜味道，而非死甜。愛玉跟椰果的口感不一樣，前者軟腍如啫喱，後者有咬口，非常豐富。由米芝蓮三星主廚設計的兩款IFC店限定麵食，一個是湯麵，另一個是拌麵。KiKi麵主打乾拌麵，配六粒抄手，分量十分慷慨。雲吞皮不太厚，包裹著滿滿的菜肉餡料，自身調味已經足夠。拌麵的蔥油醬是主打，炸香了的乾蔥碎加上醬油和麻油，惹味香濃但不辣。醬汁掛在彈牙的麵條上，真的不愧是風靡一時的拌麵呢。如果較為重口味的話，枱面還有招牌醬料可以自己加，也可自行加辣。湯麵用上名貴材料，有兩隻原隻乾鮑和一堆花膠絲。鮑魚炆至腍滑彈牙，燴得入味；反而花膠絲味道較淡，幸好口感十分軟腍有膠質。整碗的靈魂是奶白色的雞湯，鮮雞的味道濃郁，一點也不覺油膩。麵條放湯後雖然沒有發漲，但少了煙韌彈牙的口感，不能夠突出KiKi麵的長處，比起拌麵稍嫌失色。這裡只有兩款甜品，但感覺都是精心挑選過的，當然要試勻兩款。Mont Blanc是經典甜品，看上去十分精緻，賣相整潔而花功夫。最頂放了一粒完熟栗子作點綴，外層是栗子蓉，裡面的鮮奶油有質感且很有忌廉的香濃味道，十分好吃。 底下的牛油餅再加外層包住撻皮，香脆可口。想不到一件小小的甜品能有這麼多質感，很是考究。戚風蛋糕相對地較大件，其只用蛋白做成空氣感，非常少油，蛋糕鬆軟不油膩，是用叉子按下去會回彈的那種質感。 伯爵茶味濃郁，帶其signature的香氣，無論是在蛋糕裡還是在奶茶醬裡也能吃得到。我喜歡奶茶醬的稠杰度，口感細滑，奶味香濃，與純茶味的蛋糕有層次上的分別。 黑糖珍珠煮至煙韌，沒有內心不熟的情況。其實一人吃罷一碗麵已經夠飽有餘，雖然價錢稍貴，但份量很足夠。特別為了茶和甜品是可以多來的，配搭新穎也有心思。…查看更多

自從幾年前KiKi拌麵在港推出，香港隨即掀起台式拌麵熱潮，剛於今夏正式進駐香港中環國際金融中心，開設「KiKi麵店」實體店。店面面積不大，加上是人氣話題店，這晚放工來到時都已經全場滿座。餐廳室內裝潢簡潔，樸實的木色更滲出淡淡的簡約襌味，氣氛和諧溫暖。餐牌款式不多，主打無添加的 KiKi手工日曬乾拌麵，為隆重慶祝香港旗艦店的揭幕，品牌特別邀請香港米芝蓮三星中廚歐國強師傅，精心設計兩款ifc新店限定的KiKi麵食菜式，包括KiKi抄手拌麵及鮑魚花膠濃湯雞灌麵。除了堂食之外，也可在這裡外賣台式飲品返office慢慢歎。KiKi抄手拌麵 $98將六隻台式紅油抄手配搭KiKi乾拌麵，層層疊疊的葱油椒麻韻味相當醒胃，微辣而不嗆口。拌以歐師傅自家秘製的香葱醬，香濃惹味不膩口，為簡單樸實的拌麵帶來不平凡的美味。抄手皮滑透薄，包裹著扎實多汁的內餡，菜肉比例得宜，一口咬下，肉汁與醬汁瞬間融為一體。鮑魚花膠濃湯雞灌麵 $138以傳統中式燉湯技巧炮製，由豬骨、雞肉熬煮而成，配上鮑魚及已切絲的花膠，用料矜貴。鮑魚口感緊緻，將其鮮味保存及封鎖，加上花膠養顏聖品，富含豐富的膠原蛋白，滋補又養顏。湯頭清澈不過濃，麵條口感純樸，保持Q彈有勁，即使浸久了也不會過軟。KiKi麵店的甜品以茶入饌，為我這些愛茶之人送上非凡的茶滋味。伯爵戚風蛋糕配黑糖珍珠 $68我本身是珍珠控，一見到這件鋪滿粒粒珍珠的蛋糕已經口水直流 XD戚風蛋糕如雪朵般口感輕柔綿密，散發含蓄英式伯爵茶香，再配以法國忌廉打成細膩的伯爵茶味忌廉和粉糯QQ的台灣黑糖珍珠，兩種口感迸出新式滋味。栗子蒙布朗 $38Mont Blanc是經典的法式甜點，造型精緻，均勻輕撒的白色糖粉，就如同法國有名的白朗峰上的皚皚白雪。栗子泥香醇綿密的口感，滿口充滿濃厚栗香，裡面藏有滑順細膩的忌廉，於味蕾綻放隱含深處的層次感。愛文芒果雪絨椰果白桃烏龍 $39同樣都是ifc新店限定的全新茶品創作，以清新果香對抗今年夏季叫人熱氣難擋的高溫。以台灣著名的新鮮愛文芒果製作出雪絨奶蓋，入口綿密順滑，增添了一絲夏日的清爽，甜而不膩。裡面還有粒粒晶瑩剔透的椰果，輕盈爽滑，甚有QQ咬口。金鑽鳳梨青茶 $38滿是鳳梨的果香卻沒有鳳梨的酸澀，完美融合酸甜果味，餘韻感到茶香慢慢擴散，層次豐富，難怪是人氣熱賣皇牌。另加$5則有迷你芋圓，下得夠足料，本身帶有粉糯甜香，口感Q彈，滑溜煙韌。…查看更多