The Right Place (舊墟直街)

第一次嚟 The Right Place，等咗陣就有位不過因為坐近門口，有啲熱同埋有蚊😂香煎鵝肝多士伴無花果鵝肝從來都係我嘅摯愛，個多士亦都好香脆，配埋香甜嘅無花果真係無得輸🥰魷魚西班牙辣肉腸燒南瓜法邊豆鹹蛋黃意大利飯伴輕煎北海道鮮帶子估唔到佢嘅 snack 仲大碟過 main dish😂anyway，味道唔錯又唔會膩， @oliviawch 都要添飯🤫墨西哥菠菜芝士卷反而呢個有啲失望，芝士卷唔係我認知嘅一回事，而且卷裡面生菜仲多過菠菜 (不過個芒果醬好好食🤪)低溫慢煮燒西班牙黑毛豬五花腩伴芥末籽蜜糖青蘋嗌佢係因為我對錯相，不過又有驚喜喎五花腩好嫩滑，而青蘋果又可以減去油膩感👍🏻至於飲品就嗌咗 國粹無雙 同 大埔司令飲咗啖國粹，我第一個感覺係：泰國渡假嘅番梘味😂😂😂其實我係幾鍾意，因為佢個香味好清新而司令就味道豐富啲下次先試甜品🥴…查看更多

趁呢日去大埔做嘢，相約住响附近嘅閨密C聚聚，幾個閨密夾咗好耐都未夾到，擇日不如撞日，一於搵埋另外兩個閨密一齊啦，難得佢哋又唔介意收工入嚟，終於齊曬腳喇。閨密C係大埔地膽，揀咗前身係酒吧嘅 The Right Place，話佢啲野好食，好適合聚會傾謁，位置又方便，响明星側邊行入去就見到。坐响窗邊睇住外面，由毛毛細雨變成傾盆大雨，好悠閒又寫意，視野同感覺都好正。蟹肉木瓜香芒藜麥沙律新鮮沙律菜夾埋蟹肉、藜麥、芒果粒、木瓜粒，口感複雜，味道酸酸甜甜，好開胃，感覺又健康香煎鵝肝多士伴無花果鵝肝肥美，煎得外脆內軟，入口即溶，口感柔滑，加一片甜中帶酸嘅無花果，夾埋香脆多士...好夾、好味又唔膩閨密J高呼好好味啊魷魚、西班牙辣肉腸、燒南瓜、法邊豆、鹹蛋黃、意大利飯伴輕煎北海道鮮帶子好長好長嘅名字，已經睇晒有咩食材响裡面，淨係記得帶子好正！啲飯又香又滑，好味！又有正宗意大利飯嘅口感海鹽烤焗原條去骨盲鰽呢個魚值得推介魚上面個件係混咗蛋白嘅粗鹽，唔好攞嚟食呀！盲鰽原條去骨，魚肚內放入蔥頭、辣椒、黑椒等，魚面放鹽焗熟，大部分都係啖啖肉，嫩滑無骨，完全無腥味，鮮甜味美近魚鰓位還有幾條小骨，要小心。低溫慢煮燒法國春雞釀鮑魚栗子及薩丁尼亞珍珠麵伴薯條雞胸腔內釀滿薩丁麵、栗子粒和鮑魚粒，味道鮮香豐富，口感又綿又糯又煙韌，好複雜啊。美國馬尼拉鮮蜆嫩菠菜車厘茄白酒汁薩丁尼亞珍珠麵伴黑松露菌醬烤海鱸魚柳及海虎大蝦隻蜆好大啊！大過隻飯匙，又鮮甜又多汁餐湯口味清新，不錯啊烤美國安格斯西冷牛扒配黑椒忌廉燒汁跟意粉眾閨密對佢讚不絕口，說火喉掌握得好，肉汁豐腴喎綠茶心太軟伴自家製士多啤梨雪糕綠茶好香，自家雪糕果然真材實料。DR. KITTY對個人嚟講比較甜，不是我杯茶。閨密話OK唔錯FLOWER FIZZ 幾個閏密一直傾傾講講樂不思蜀，最後傾到要搭U仔返歸…查看更多

太和翠怡附近一帶都有好多唔同既食肆, 正好搵到個地方可以同朋友飲野傾偈之餘仲可以食埋飯.門面好似酒吧, 仲有室外座位.朋友叫左杯Scream and Sour.我就叫左Dr. Kitty, 好香荔枝同芒果味, 幾甜好好飲.叫左份松露油薯條做小食, 上面有好多芝士絲, 濃烈既芝士當中帶有少許松露既香味.頭盆就要左烤香腸拼盤, 唔乾之餘仲有好多肉汁，又唔會太咸.主菜就係鹹蛋黃意大利飯, 飯有種粉粉既南瓜味, 而啲西班牙辣肉腸帶到咸蛋黃既香味出黎, 帶子因為只係稍微煎下, 所以有鮮味得黎又少少彈牙.另一樣就叫左火腿菠蘿比薩, 芝士絲係到左之後即刻刨落去, 所以唔會溶哂, 而佢係用薄薄既西班牙黑毛豬火腿, 所以咸得黎質地好滑.…查看更多