頭啖湯

營業中

休息中

位於天后的「頭啖湯」的裝潢係典型地道style，環境闊落，座位坐得都幾舒服。除了四人枱，亦有五六人大枱，適合一班人聚餐打邊爐👍呢間火鍋店只做晚市，愈夜愈多人呀✨️我較早前已經預訂座位，店家會於下午Whatsapp是日新鮮海鮮餐單比我，如果揀啱海鮮，可以通知店家預留海鮮😋我都預留左2款，迷你貴妃蚌及虎皮蜆😊招牌椰子雞煲 (半隻) $178椰子雞湯係以印尼椰子🥥和嫩雞🐥細火熬煮而成，一送來時，陣陣椰子香味芬芳撲鼻，味道清甜而且層次分明。開始打邊爐前，建議先品嚐一碗椰子雞濃湯👍即使食到咁上下，要添加湯頭，店家都係加番椰子湯架❤️越南迷你貴妃蚌 $28/隻迷你貴妃蚌其實都唔迷你的，肉質爽彈，味道鮮甜味美又juicy😍越南虎皮蜆 (2人份) $88虎皮蜆啖啖肉，味道鮮甜滑嫰又無沙，蜆肉肉厚脹卜卜，打邊爐一流👍手切牛肩胛 (小) $108由於肩膊經常郁動，令肉質嚼勁十足，油脂分佈平均，整體嫩滑有咬口。炸午餐肉 $42即叫即做的‼️上桌時還是熱辣辣的，炸到外脆內軟，可以即食或者放到鍋裡打邊爐咁食。韭菜餃 拼 魚皮餃 $48韭菜餃用上半肥瘦豬肉，口感豐富多汁；魚皮餃粒粒飽滿實在，口感豐富。魚腐 $22魚腐色

靚女舞伴見小肥近日精神緊張，週四晚舞前就相約於附近一家有靚湯飲o既「頭啖湯」輕食晚膳。火鍋店面積唔算好大，左邊為合拼式多人散座。二至四人組合大多都會先被安排入座右手邊較寬闊o既卡位，不過遇上繁忙時間都要搭枱。全店o既餐桌都內置咗部電子爐。餐具及紙巾則為自助式。喺等待女伴裝身時，早到o既XO仔當然係要先啤一啤佢啦：「Skol！」好奇地上網查核，方才得知「獅威」個名「Skol」源自瑞典文乾杯時所用o既「skål」，意思係「為你健康飲勝」，中文譯名改為「獅威」可能係翻譯之人覺得獅子o既威吼最能代表一個人o既健康吧？！細佬一個人o既時候就係愛動動腦筋。。。舞友一到步，即熟巧地點選「珍味百菌鍋」、「牛肩胛」、「三拼丸物」、及兩款蔬菜。落好單，超級友善o既哥哥仔先送上免費o既四式混醬加豉油。亦迅即呈上火鍋湯底。珍味百菌鍋（$158）：如相所示，雜菌鍋真係好足料，滾前滾後模樣都差唔多。無添加o既雜菌湯底清而不膩；大大隻冬菇厚身得黎芳香軟腍；秀珍菇亦清香帶脆；就連啲雲耳都煮極都咁爽脆。個人最意外就係食到藥用價值好高，而且鮮嫩幼滑o既黑皮雞樅菌。飲完幾口頭啖湯後，見啲湯咁滾，兩口子就先煮咗半碟三拼小丸子

話說之前我係荃灣試過一檔椰子雞煲的火鍋好鬼正，從此就好鐘意椰子雞煲呢個配搭。早排有同事提過天后有檔火鍋有椰子雞，我搵左一日星期五放工同班 fd 一齊過去試下啦 !呢間唔係一間放題嘅火鍋，佢係逐碟叫。四個鍋底都好特別，但因為我好鍾意椰子雞煲所以我就決定叫佢啦!個鍋同埋餐牌張相真係一樣顏色好鮮。佢嘅雞肉同配料全部都係生放落去煲，保持最鮮既味道。個湯底好鮮甜，我飲左兩碗湯，再叫配料。值得一讚係，間店加湯都係加鮮椰子雞湯架，而唔係加水。配料上枱嘅同時我哋就開始食個雞煲。值得一讚係，店員加湯唔係加水，而係加椰子雞湯 ! 個湯真係好好味我哋要半隻雞咁就可以留返多啲位煮埋配料啦 雞肉同椰子呢個配搭真係無得輸，香鮮甜喺同一窩。配料我哋叫咗雜菜，雜菇，響鈴，炸魚皮，鮮脆鯇， 白魚蛋，墨魚滑等等嘅配料。當然仲有好美味嘅拼盤雙蚌。店長之後仲同我地介紹羽衣甘蘭，話同椰子雞好配 ! 我地就叫左一份，有菜濯味，又有種湯鮮味，正正正煮完之後個湯底吸收完上高配料食材嘅鮮味之後，我自己又再飲多兩碗，捧住個肚走好圓滿的一餐 !整體來講如果你鍾意飲湯底的話可以黎試吓呢間真心推介!