Chatterbox Café (K11 Musea)

一向中意食海南雞既我知道K11 Musea呢到有由新加坡著名嘅五星級文華酒店海南雞飯，緊係要黎試試啦！餐廳以棕色同深綠色為主調，配上牆上既壁畫、玻璃吊燈，相當有南洋風情。而且每張檯既空間都非常闊落，坐得好舒服。✨文華海南雞飯黎到緊係要叫個招牌菜～海南雞既份量非常多，除左雞髀位外仲會有雞胸既部分，全部都已經去骨，方便享用。雞肉就連雞胸都嫩滑可口，皮薄爽滑。雞味濃郁，仲有淡淡既花雕酒香。油飯中雞油既份量啱啱好，食落香口之餘唔會油膩，唔會喧賓奪主。至於雞湯亦鮮甜清新，最底仲有一塊仔豆腐添！✨白胡椒肉骨茶第一次試新加坡既肉骨茶，新加坡顏色較淺、胡椒味較重、冇咩濃郁既藥材味，感覺比馬拉既肉骨茶更清新。肉方面就用左排骨，肉質唔會乾硬，點少少辣椒豉油食都非常美味！一定要提既係個湯有豆卜同新鮮炸起既油炸鬼，索哂啲湯咁食真係好正～✨馬來特色香煎辣魚餅離遠已經聞到咸香既味道！呢個魚餅係由魚泥混合各種香料，好似辣椒、香茅、蔥蒜、椰漿等組合而成，並放左係蕉葉上面烤，味道鮮甜帶微微辛辣，認真品嘗仲食到淡淡既蕉蕉香，配上方包食味道冇咁濃烈，係相當唔錯既小食～✨斑蘭蛋糕配椰子雪糕斑蘭蛋糕超級soft，有少少濕潤，斑蘭既味道好出。椰子雪糕有濃郁既椰子味，質感唔算creamy，反而有少少sorbet 既感覺，入面仲收埋左海底椰肉。雪糕本身唔太甜，淋上焦糖醬之後，變成好似食緊椰子糖咁，非常特別！…查看更多

今日去到k11食飯最近好想食海南雞飯，一份好味既海南雞飯幾時都咁吸引。香港越來越多過江龍黎到開店。真係幾正架文華海南雞飯今日叫既海南雞飯，雞件超級滑。而且好有雞味，先試吾沾醬，都食到佢個雞味。沾上醬汁，又有另一風味。而且佢每件雞都好滑。油飯本身已經好香，食落真係好香。加埋海南雞飯必配既湯。白胡椒肉骨茶配白飯個湯好香胡椒味，最近天氣開始凍，食佢十分適合。個肉骨茶好香，肉骨本身好入味，當然亦冇油， 超好味道。馬來特色香煎辣魚餅魚餅超香。啖啖香辣味，配小麵包夾著一齊食仲正，岩岩好招牌椰子雪糕這個真係必食，先用一個椰子起左椰肉，然後放入椰子雪糕。而個椰子殼仲有碼少椰肉係邊邊，等你可以一邊食住椰肉一邊嘆雪糕。個椰子雪糕，本身裡面係相當足料有椰肉粒係裡面的。而再加左兩粒荔枝及菠蘿，係超有風味。…查看更多

放工拖着疲累的身軀，到K11Musea 搵食。咁啱屋企人想食肉骨茶，諗起來自新加坡嘅「Chatterbox Café」招牌大蝦🦐喇沙$168濃郁的喇沙湯底絕對係精粹，椰香和蝦味融為一體。米線質地較稔身，吸了不少湯汁。大蝦已剝殼，肉質結實彈牙夠新鮮，幾塊魚片爽口彈牙，豆腐卜同樣吸滿湯汁。白胡椒肉骨茶配白飯🍚$112喜歡新加坡嘅肉骨茶，胡椒味特別重特別香，亦冇馬來西亞咁重藥材味，幾件一字骨都熬煮到好稔好入味。沾上辣椒甜醬油風味十足！配置嘅油炸鬼又香又脆。😋馬來特色香煎辣魚餅$58薄薄一塊煎魚餅竟然辣勁十足，唔怪得餐牌上面有辣椒🌶️標記😅白方包可以夾着魚餅，中和返味道，好有驚喜嘅一道小食。凍美祿恐龍$38招牌嘅特飲一定要試！濃郁嘅美祿凍飲，冰塊啱啱好飲到最後都唔會冇晒味。大量美祿球夠晒脆口，再加埋美祿粉份量十足十，應該算係飲過最美味的~…查看更多