馬泰

約左朋友仔係銅鑼灣行街，行到攰想食泰國嘢，又想坐得舒舒服服，經過「馬泰」比門面外既食物圖吸引左入去試試。入到去岩岩好係下午茶時段14:00-18:00。我叫了一個下午茶套餐馬來無骨海南雞喇沙 $62。首先無骨海南雞既雞肉很嫩，肥瘦適中，配上特製燒汁和薑蓉，個人較喜歡薑蓉汁。至於喇沙麵則用了兩種麵，分別有米粉和油麵，兩種麵令整個口感多了幾種層次，而喇沙湯底味道濃郁。估唔到下午茶嘅份量都可以咁多。👍🏻👍🏻朋友叫了馬來咖哩牛腩配飯 $66，咖喱味道濃郁，帶有少少辣。牛腩炆得很淋，很入味。馬來咖央多士 （斑蘭味）$32，斑蘭味道很濃，而且麵包烤得很脆，不會烤得很濃。最後還叫了一份甜品，馬泰香芒糯米飯 +$28升級。同出邊食既有少少分別，把它製作成壽司。可能已經過了芒果的季節，所以不會很甜。飲品方面叫了一杯馬來特色手拉茶 +$8，果然冇令我失望，茶很滑，很香濃。朋友叫了一杯泰式檸檬茶 凍飲+$3，可能係泰式茶嘅關係，冇左一種苦澀味，反而有一種清爽嘅味道。餐廳內部有很多插畫和以前用嘅廚具擺設。…Read More

除咗銅鑼灣中心地帶多食肆，鵝頸橋一帶其實都有好多嘢食。下午茶時間行經見到新開主打東南亞菜嘅「馬泰」，一於試吓先。下午茶套餐都有幾多選擇，有喇沙、咖哩、撈濛等，價錢五、六十蚊不等；仲可以優惠價加配小食，有泰式春卷、酸辣鳳爪沙律、杏仁蝦餅、豬頸肉等。=========================【馬來無骨海南雞喇沙】$62一個套餐可以食到海南雞同埋喇沙！海南雞肉質嫩滑，可惜去骨後雞肉偏薄。喇沙好大碗，並無因為下午茶時段而減少份量麵底係摻摻，即係油麵加米粉，配有半隻蛋、豆卜，湯底帶椰香濃稠，多飲幾啖偏膩。【馬來咖哩牛腩配飯】$66估唔到咖喱幾辣，香料香氣偏淡；可惜牛腩偏硬，炆耐啲時間相信會更入味；份量大方，白飯太大碗食唔晒。【秘製馬來肉骨茶配飯】$58配料有豆卜、枝竹、冬菇、油炸鬼，排骨十分腍；湯底有杞子圓肉，入口幾甜，藥材味偏淡易接受。【馬來杏仁蝦餅】+$28杏仁帶出脆脆口感，蝦餅偏薄令彈牙蝦肉嘅感覺冇咁明顯。=========================馬泰📍銅鑼灣駱克道408號地舖…Read More

星期六我同呀媽去銅鑼灣買嘢過年，四周圍都好多人，我哋行咗去鵝頸橋嗰邊食晏。「馬泰」🇲🇾🇹🇭係一間值得推介嘅小店，之前食過覺得可以用平靚正形容。餐廳兩點鐘就已經開始做下午茶時段，週末亦唔例外，所以我哋都等咗陣先有位，人氣超高👏。小店環境唔失禮，有牆畫亦有用粉筆畫嘅食物圖。同時，呢度衛生唔錯，餐具同餐枱都乾淨。下午茶套餐有相當多選擇，定價介乎$52至$66不等，包主菜同飲品，另外仲可以加錢搭配小食。後尾我發現其實午餐都只係每款貴$10左右，喺呢區算幾抵食👍。馬來無骨海南雞喇沙($62)，呢個組合簡直係一次過滿足兩個願望✌🏻。海南雞同喇沙分開上，份量絕對無因為係茶市而減少。先講海南雞🐓，去骨確係方便食用，味道唔錯兼肉嫩，並附有兩款醬汁同花生蘿蔔絲一齊食，夠正宗。但有少少可惜係雞肉偏薄，雞皮同雞肉嘅比例係1:2。喇沙好足料🍜，有豆卜、辣椒醬、蝦皮、半隻蛋以及芽菜等。麵底原來預設係參參，即係油麵拼米粉，不過如果有得揀淨米粉就更啱我。湯頭帶點椰香味，但辣度都唔弱。泰式青咖哩飯($62)，🥘咖哩有得揀牛肉或者雞肉，因為呀媽唔食牛，所以都係揀咗雞，估唔到雞肉係用上大塊煎雞扒，大到可以切成八件，而且外皮仲係脆㗎。雞肉以外，仲有唔少茄子添🍆。青咖哩如我所料辣味唔野少，但同時亦好重香料味，整體係幾正。咖哩只能夠配飯🍚，但我更加想佢賣埋薄餅。白飯好大碗，一定夠飽。馬來杏仁蝦餅(+$28)，我相信呢度嘅蝦餅係自家製🍤，而唔係入貨嗰種水泡蝦餅，感覺好有誠意。蝦膠層夠厚，雖然唔算超彈牙；外皮以杏仁片取代麵包糠，食落無後者咁脆，但亦都無咁熱氣。芭堤雅炭燒豬頸肉(+$28)，豬頸肉有好多片，仲要每片都好長身。🐷豬頸肉經微微炭燒過，肉質軟稔多汁，又唔會油淋淋，好好味。伴旁個汁辣辣哋似加咗魚露，亦同豬頸肉好夾。飲品方面，凍飲都要加$3，咁就不如加$8轉特飲仲好，我哋要咗新鮮青檸梳打同斑蘭椰汁冰。前者嘅青檸份量正常🍋，唔會太少。後者嘅斑蘭冰就勁有驚喜，佢係進化版嘅椰汁珍多冰，除咗有椰子香🥥，更加有濃濃嘅班蘭味，飲落好滑，亦唔會太甜。總括嚟講，小店嘅出品真係好高質😋，就連我媽都好滿意。其實好食就係咁簡單，無需浮誇嘅擺盤或刻意用上奢華嘅食材。食物以外，店員們態度都好好，有禮貌又會同客人吹水，服務亦貼心，會提供口罩紙袋。推介🌟！…Read More

疫情下成日留喺屋企太悶，不如一家三口週末出去銅鑼灣行下，見到呢間新開嘅馬來 x 泰國餐廳，一於試下！由於二人一枱嘅關係，分開咗兩張枱坐。 餐廳準備咗口罩袋供客人使用，非常細心。器皿有心思，有特色碗碟，印有公司名稱。 餐廳環境舒適，牆架放滿馬來及泰國嘅調味料，櫃門印上類似粉筆畫嘅美食，別有一番風味。 由於星期日訓飽飽先出門口，我地兩點半先入座，已經去到下午茶時段。下午茶餐選擇非常豐富，有喇沙湯粉、泰式撈檬、肉骨茶、海南雞飯及咖哩飯等等，加廿幾蚊仲可以加埋蝦餅同春卷等小食！ =========================馬來咖喱牛腩飯 $66咖喱辣到勁度十足，怕辣人士慎入，可惜嘅係牛腩有少少偏硬，薯仔夠哂腍，融入咖哩嘅辣，好過癮 馬來無骨海南雞喇沙 $62阿媽教落，雞有層啫喱代表新鮮，份量見體；肉質嫩滑，雞皮爽；白飯好大碗😅幾乎食唔哂 喇沙係摻摻底，即係油麵加米粉，雙重口感，份量好多，配料有豆卜、銀牙、蛋，湯底濃郁，配有喇沙辣醬喺中間，怕辣嘅可以自己調節辣度秘製馬來肉骨茶配飯 $58肉骨茶偏甜易入口，有杞子圓肉，自己偏好藥材味重一啲嘅，整體味道都唔錯！三件大大件嘅排骨，豆卜支竹份量十足，排骨煮得夠淋，裏面嘅軟骨脆脆咬得開 馬來杏仁蝦餅 $28外層鋪上杏仁片，蝦餅香口，略嫌稍薄，厚啲會更有口感 泰式鮮蝦米紙卷 $20米紙包住蝦、生菜、米粉，加入薄荷葉幾清新 凍泰式檸檬茶 (跟餐+$3)用泰式茶底做嘅凍檸茶，味道都唔錯 Ma Thai魔法梳打（跟餐+$8）餐廳有心思地俾客人將檸檬汁倒入蝶豆花梳打，酸酸地夠哂醒胃！ 馬泰📍銅鑼灣駱克道408號地舖…Read More

餐廳裝潢明亮活潑，主調是綠色和橙色，充滿活力。牆上的黑板上彩繪了各種菜式，並介紹了這些菜式的歷史和特色，很有心思。下午茶餐主菜配飲品只要數十元，還可以特價加小菜。⭐️馬來無骨海南雞喇沙$62海南雞足足有一大碟，非常足料。雞肉入口嫩滑，肉質不會過份鬆軟。湯頭順口，不過不失。喇沙一半是粗麵，一半是米粉，還有幾塊豆卜，豆卜吸滿了醬汁，味道不俗。⭐️蒜茸牛油雞翼$20雞翼外脆內熱，不錯。⭐️馬泰香芒糯米飯$28芒果十分香甜，配上軟綿綿的糯米飯，全盤都給我吃光。⭐️馬來雞絲喇沙雞絲$56裏面是雞絲、大蝦、豆卜喇沙，同樣是一半粗麵一半粉絲，同時滿足你兩個願望。有兩隻大蝦，入口爽脆好味道。⭐️鹹柑桔水鹹柑桔水可以解油膩。⭐️熱檸水…Read More

如果想用非常抵既價錢食馬來西亞、泰國菜，我非常推薦黎馬泰食！而家都仲回味緊！😋😋😋我地4點黎到，可以食下午茶，價錢平d之餘，份量依然大份！😬😬馬來無骨海南雞喇沙：喇沙味道正宗，麵底係參參！😋 海南雞肉好滑，完全無骨！雞皮下仲有啫喱（即係膠原蛋白）！😋😋😋餐飲點左一杯熱柑桔水，足味！😋泰式軟殼蟹撈檬粉：呢個價錢竟然有一大隻軟殼蟹，仲有花生、足料配菜，我地倒左好多汁撈檬粉，檬粉都好爽口，好味！餐飲加錢叫左杯特飲泰式豆奶紫米冰，豆奶好飲！加埋紫米香仲正！😬我地仲加錢叫小食泰式酸辣鳳爪沙律同泰式鮮蝦米紙卷😋最後甜品我地叫左份馬泰香芒糯米飯，好特別，係壽司造型的！😬😬😬咁樣食法埋單都只係$208咋！😝😝😝另外，餐廳環境好光猛，亦都好乾淨！呢間餐廳絕對可以encore!!!…Read More

今日出去銅鑼灣想食埋嘢先返屋企，就諗住食碗麵🍜，記得之前睇過有間新開東南亞餐廳想試，咁食碗喇沙就啱啱好。去到門口見到佢有下午茶，個配搭又好吸引，朋友都ok就入去試吓啦！因為新開，成間舖頭感覺都好新淨，再加埋我去嘅時間唔多人，所以坐得好舒服。下午茶都叫有好多選擇，我就叫咗馬來無骨海南雞喇沙，朋友就叫咗秘製馬來肉骨茶配飯，跟住再加咗$28升級加個芭堤雅炭燒豬頸肉，飲品就每人加$8叫咗個斑斕椰汁冰同馬來特色手奶茶。每樣嘢食個賣相都好好😍，個份量應該同正餐一樣咁大份，用下午茶價錢，食平時散嗌份量，仲要包埋嘢飲，真係好抵食！影完相就要試味啦！我叫嗰個海南雞雞味唔夠，但都算滑，喇沙可以👌🏻，不過個人比較鍾意椰香味重少少。朋友個肉骨茶反而比較出色，雖然唔太聞到陣肉骨茶味，但食落就好夠味😋。個炭燒豬頸肉切到好薄，但就燒到脆卜卜，好香口。兩杯嘢飲睇落都好靚，朋友杯斑斕椰汁冰睇落好吸引，不過我冇試到😅，我杯手拉茶就好夠茶味，冇我想像中咁甜👍🏻👍🏻。整體都滿意😌，$164埋單…Read More