Wanna Eat

營業中

休息中

今日再次encore呢間Wanna Eat，因為上次食完真係好wanna eat again！不過今次試新野！講左小食先！香辣雞翼即焗出黎熱辣辣，配埋佢隻辣汁堅係辣，唔但辣得好過癮，食唔停口。黑松露薯條，新鮮即炸出黎脆卜卜，隻黑松露蛋白醬好出色，絕對係一份完美既小食。到主食喇，拔絲咕嚕肉定食，一個字：不得了！點解？你睇相就知，堅拔絲！D肉外脆內軟又滑，真係唔係講笑，勁好食！最後一份就係柚子雞定食，其實上次都食過，不過因為我鐘意柚子類既食物所以encore，依然冇失望！住家菜既感覺，唔會太油膩，柚子既清香你人胃口大開！食完飽到癲埋單都唔洗＄400，真係值得一試再試！

今日嚟到呢間黃店食飯價錢都係80至100左右我同男朋友兩個人決定叫一個主食兩個小食 可以試多啲嘢/香辣雞翼/ $42啲雞翼size 都ok 大隻 絕對抵食 味道有啲似麥當勞啲脆辣雞翼 雞翼本身有少少辣 我配埋佢提供嘅醬 都好夾 我男朋友用薯條比嘅黑松露醬去點黎食 佢覺得咁樣夾啲/黑松露薯條/ $48係粗薯條而且上枱啱啱熱辣辣嘅 配埋黑松露醬食一流 不得不提佢份量真係好多 可以三四個人一齊食/拔絲咕嚕肉定食/ $92一個定食有兩個前菜一個白飯一個主菜分量真係超級多好彩我同男朋友淨係叫咗一個主食 咕嚕肉有10粒 每粒都好大粒 真係可以拉絲 表面係甜入邊係咸 外層好脆唔會太淋或者太硬 前菜都係有啲酸辣 非常開胃如果我一個人食肯定食唔晒/富士山/ $30我哋叫咗杯特飲係期間限定成個富士山咁 味道唔係好特別 好似乳酸飲品咁 但係拎嚟打卡都幾好 咁嘅價錢都係抵嘅成餐飯嘅過程 個男侍應都好有禮貌 不斷會幫我哋加水 我見到佢都全程留意住啲客人 我覺得服務態度都幾好 同埋可能加上我嗰日唔使等位 大約七點去食 再遲啲可能就要等位

男朋友係新蒲崗返工，所以成日都會係附近一齊食晚飯。上OpenRice睇大部分都係茶記，難得有一間係cafe就決定去試下。.餐廳門面係木材設計，同旁邊嘅舊樓截然不同，行入去繼續係簡約嘅設計，令人覺得非常舒適。.餐廳提供多國菜Menu，有中/台式飯、意粉等等，我地最後揀左個雞翼、海鮮意大利飯同紐西蘭西冷扒。.香辣雞翼比我想像中辣，但係炸得好香，而且唔係好油膩。紐西蘭西冷扒味道唔錯，粗薯條都幾香口。海鮮意大利飯個調味好好，海鮮都多，性價比高，唯獨係個意大利飯唔夠綿同軟身。整體黎講，環境同食物都唔錯，如果價錢再平多少少會成日幫襯

呢間一路都好想試，但成日lunch time 都無位，今日見男友無飯開就收工黎食。呢度環境都幾骨子舒服，咁啱對住個位仲有隻熊貓，連d 吊燈都好靚🤩。✨晚餐價錢都唔貴，加$20 可以配餐湯/沙律，特飲有半價。野食除左西式仲有中式野㨂，見pizza 都幾多人叫，聽佢講個皮係即場搓。✨黎呢度最想叫呢個富士山特飲，不過就無半價lu~~ 佢個顏色好靚，漸變既藍色好透心涼，啱晒咁熱既天氣。面頭係好滑既奶泡，飲左一啖之後，d 泡開始慢慢湧出嚟🤣好似火山爆發咁。因為入面有爆炸糖，成個意境出晒黎好得意。✨入面係波子汽水既味道，一開始覺得唔夠甜，原來係未攪混，攪混左之後飲好飲好多，呢杯加創意分。✨明太子意粉（$102): 佢個汁好香忌廉同奶味，可惜明太子唔夠多，食唔到微辣既感覺。不過個意粉韌度啱啱好仲好掛汁，帆立貝有四粒都幾鮮味，如果多d 明太子既話會更好食💪✨柚子雞定食（$88): 佢個前菜幾好食，蓮藕個汁酸酸地好開胃，木耳都幾辣因為我唔食得辣🤣但係醒神既。✨平時多數食柚子雞翼，原來用雞聊炒都唔錯，甜甜地配埋紅黃椒幾清新，而且份量都幾多。✨香辣雞翼（$38): 我地唔食辣所以辣油另上，點左少少都幾辣。個

新蒲崗是其中一個人妻🐷與老公🍋回家的中途站🚎，原來除了一眾我倆常去的打冷及火鍋店外🍲，也有這家裝潢清新的日式小店🇯🇵。木系的裝修加上柔和的燈光💡，讓人馬上放鬆下來😌。餐單上除了一般西式料理的意粉及薄餅外🍽，更有台式的定食等🥢。🔹紅油抄手🌶嚐辣的人妻🐷當然不會錯過任何辣的小食😎，雲吞的皮蠻薄的🥟，加上了點點微辣的醬汁💦，醒胃非常👍🏽。🔹香辣雞翼🐣酥脆的外皮配上肥美的雞肉😋，配上了加入黑醋的沙律🥗，入口油而不膩💖。🔹辣肉腸手工薄餅🍕濃郁的芝士🧀與香辣的辣肉腸🌭簡直是絕配💞，上菜時的溫度是蠻高的🌡，要小心不要被燙到喔😉。🔹黑松露蘑菇忌廉意粉🍝香滑的醬汁緊緊包裹著每條意粉🤤，每一口都帶有濃厚的香氣🤩，味道層次豐富😋。🔹蜜桃紅茶🍑整體甜度適中👌🏽，加上淡淡的茶香🍵，飯後解膩的首選💯。🔹綠茶牛奶🍼清新的綠茶配上香滑的口感😌，為這晚畫上了完美的句號🥰。總結💭舒適的環境與美食🍴，缺一不可⚠️，加上整體價錢十分相宜💸，性格比高呀🥳！

每次走過新蒲崗寧遠街都沒有發現這間西餐廳，直到要約朋友吃飯，在open rice中發現新蒲崗這間西餐廳—Wanna Eat👏🏻👏🏻不跟著地圖走也想不到那裡有間門面簡約的餐廳，旁邊的藥房進行裝修，所以餐廳變得更不起眼，幸好到晚上附近的店鋪都差不多關門，只有此處燈火通明💡已在open rice訂了星期五晚上七點的我，一進店就有位置，可能星期五晚上七點還未算多人。店內只有四十多個位，只有小貓三四隻。店內用柔和色調，坐下來，感覺好舒服😌我們先點了澳洲安格斯西冷扒.沙律及薯條，辣肉腸手工薄餅，再追加香辣雞翼，甜品是雲尼拿雪糕窩夫。點餐后都需要等15-20分鐘，所以趕時間的客人要注意⚠️澳洲安格斯西冷扒.沙律及薯條我們點了五成熟，一放枱上就覺得份量有點少，如果一個人吃都可能要再點其他小食。沙律用了黑醋汁，胃口大開。薯條是剛炸好的，還是熱辣辣的👍🏻到主角出場，一切下去，牛扒嫩滑，非常容易切開，通常牛扒邊都會有脂肪，而廚師把脂肪煎至脆口，好像食燒腩肉的皮一般脆！😍 牛扒用餐碟上，比較能控制牛扒的熟度！廚師煎得很好，五成熟沒有血水，牛扒保持粉紅色，值得一試🥰辣肉腸手工薄餅🍕食薄餅都喜歡薄餅底的，因為餅底是

之前已經嚟過Wanna Eat食午餐，上次試完覺得環境舒適、食物又高質就再嚟多一次晚餐比起午餐嘅時候食得冇咁怱忙，可以好好享受Wanna Eat舒適嘅環境同服務！喺新蒲崗晚上搵舒服嘅餐廳同朋友傾吓計？就絕對要嚟呢度試試。二人同行叫咗兩份晚餐同一個小食，分別係黑松露蘑菇忌廉意粉 ($82)、澳洲安格斯西冷扒·沙律及薯條 ($152)同香辣雞翼 ($38)。二個人食份量啱啱好！意粉份量都唔少，有好多蘑菇，忌廉汁好滑好香。牛扒我哋就叫咗5成熟，入面啖啖肉汁、好香肉味，再加上新鮮炸起嘅薯條，非常滿足！雞翼亦係炸得恰到好處，唔會過份地油、亦唔會太乾身！之後都一定會持續嚟幫嚫！

甚少黎新蒲崗呢頭做野。做完野就求其搵左間餐廳食飯，都係個句，亂入通常有驚喜。叫左兩杯野飲，都幾好味，重點係唔貴，性價比超高。西餐廳有紅油炒手確實係非常特別，反映廚師真係對自己呢度菜好有信心，叫左黎試，餃身夠實淨，汁微辣，值得一試。雞翼夠熱無雪味，外皮香脆，好味牛扒無汁跟，肉質軟韌適中，可以再rare啲，無特別多調味，但勝在牛味夠，食到本身塊扒既味度。呢個明太子意粉係幾好食，個汁好好味，同個麵同餸都好夾。另外叫左個pizza。自制餅底，焗至薄脆。整晚間餐廳性價比係好高，而且所有菜式都唔會落太多調味，祟尚自然，煮出食物本身味道，唔錯唔錯。

新蒲崗的Wanna Eat 在彩虹道, 縱使是在未有mtr 到的舊區, 但仍然都幾易搵, 因為餐廳就係伍華書院對面。加上好多巴士都經附近的mikiki, 其實都幾方便到。 香辣雞翼雞翼香辣夠味, 辣度適中, 出來剛剛熟, 肉嫩多汁, 唔會炸到太乾一真想連骨都食埋, 份外惹味。伴碟有少少沙律菜, 都幾新鮮。看得出餐廳的誠意。 澳洲安格斯西冷, 配沙律及薯條西冷取自牛隻的上腰部, 肉質鮮嫩厚實, 西冷較一般牛隻其他部位濃郁, 肉質與脂肪比例平均，不會過於肥膩, 而幼嫩中帶少許咬口。而且也有沙律菜, 新鮮沙律菜伴上黑醋, 有助中和肥膩感。另外最想一提的是, 這裡的薯條是另外分開上, 不是送在西冷的底下, 薯條不會吸晒西冷的油份, 可以保持乾脆, 非常窩心。咖啡芭菲杯我都幾特別鐘情芭菲杯，貪層次夠之餘, 影相夠靚。黎到wanna eat 因為晚上的關係, 想叫coffee 飲但又怕訓唔著, 叫呢杯咖啡芭菲杯就最好不過。這款芭菲底層是朱古力海綿蛋糕, 忌廉絲樣順滑, 上頭的朱古力雪糕濃郁, 而且也有拖肥趣趣, 最正係仲有expresso , 一杯咖啡芭菲杯, 除了口感上有脆有軟, 味道上也有朱古

成日好怕去文青cafe, 啲嘢食好細份，會食唔飽但今日嚟到依間，食到捧住個肚走今日嚟到新蒲崗搵朋友，好日都唔會嚟一次，所以都唔知有咩好食係路邊見到依間裝潢好似幾有心思，就揀左依間依間cafe竟然有中式既嘢食，真係好特別，就叫左嚟試下原本怕份量會細，所以兩個人嗌左兩個main之後再嗌多左兩個小食明太子意粉($102)旁邊仲有5粒帆立貝醬汁味道唔會過濃，幾creamy，每條意粉都有汁包住，heavy既感覺，但啱晒我口味柚子雞定食($88)因為媽媽係屋企都會整柚子雞，所以一見到就有種好熟悉既感覺左上兩個小食都無敷衍，豆腐配上柚子汁，酸酸甜甜好開胃木耳好爽甜，但對我嚟講就辣左少少，朋友鐘意食辣就大讚雞件有好多舊，幾嫩滑，配埋好清新既柚子汁，送飯一流香辣雞翼($38)味道偏辣，我都接受到唔會炸到好乾，調味都唔錯，係一個唔錯既小食芝士酸忌廉肉醬薯條($45)一上枱既時候真係嚇親，佢既份量絕對唔係普通cafe小食份量嚟好大份，好多薯條淋上濃郁既肉醬，加埋芝士，真係無得輸既組合食食下配埋酸忌廉又可以中和下繼續食價錢唔貴，份量好多，可以食得飽又可以比我做偽文青

新蒲崗小清新cafe🌱雖然住得近 但好少去新蒲崗explore下🤭今日約左小師妹傾下計 分享下工作上嘅心得所以決定到一間新開cafe - Wanna Eat💓一入去就見到廚師們炮製緊美食 好吸引喔🙈想試多一點小食 所以嗌左一個main share食🔺 想食。明太子意粉 $102有想食字眼姐係廚師推介 無理由唔試下架😏嗌一個main係明智嘅 因為超大份😂有五隻帆立貝 紫菜碎 仲有大量明太子掛起意粉上🤩醬汁好creamy 明太子味道好岀 果然好推介呀意粉也煮得剛剛好 有咬口呀👍🏻🔺 香辣雞翼 $38雞翼頗大隻 最初以為係點香辣醬原來醃嘅時候已經加了辣醬 微辣的 好惹味☺️🔺 紅油抄手 $35抄手超大粒呀 🤩 辣油滿佈 呢個真的有點辣喔 太喜歡了竟然起cafe會有好吃嘅抄手💓仲有青瓜舖底 好清新🔺 雲拿呢雪糕窩夫 $52朋友堅持要嗌個甜品 唯有食埋啦🤣窩夫牛油味好濃好香 口感酥軟 仲有咖啡味啫喱仔 同 棉花糖 好豐富呀🔹 富士山特飲 $30檸檬味嘅特飲 上面有爆炸糖幾特別喎💓🍽 Wanna Eat (新蒲崗)新蒲崗彩虹道16號地下

去新蒲崗探完親戚後在巴士站附近發現一間新cafe，決定晚餐就一試這區的小店。一入店內，便愛上這裏的設計。除了走簡約風格，半開放式的廚房、在燈具、店內裝飾也花了點心思；細微至特飲餐牌也下了點設計工夫。我們二人點了一份香辣番茄海鮮意粉、西冷扒、香辣雞翼以及期間限定的富士山特飲。香辣番茄海鮮意粉分量算是很多，而且也有不少海鮮，尤其喜歡非常爽口的大蝦。不過似乎沒有辣的感覺，非常易入口。另外叫了五成熟的西冷扒配沙律薯條，價錢雖然有點小貴，但質素不錯，老公說很有牛味，肥瘦適中。另外，薯條沙律份量也很多。最初以為香辣雞翼會是像是水牛城雞翼的做法，怎了原來是我最愛的炸雞翼！新鮮熱辣炸起的雞翼，應是加了辣椒仔汁去炸，少少惹味，味道調較得剛剛好。而且還有些沙律，減少罪惡感。還有點了一個打卡用的富士山特飲，有玻璃杯度藍色的梳打，連老公也讚很漂亮，唯一便是細杯小小。味道方面，像是波子汽水，不過要首先破壞這座富士山，攪拌才有味道。但它的味道剛好，除了有樣之外也有實力。

唔好以為新蒲崗無野食推介，細心啲揾其實有好多唔同好選擇，行過望到間CAFE裝修幾簡約，環境好似幾舒服，就入左呢間♥Wanna Eat♥食野啦～呢間餐廳都幾得意，唔好以為佢淨係食意粉牛扒，佢仲有啲意想不到既中式選擇，例如有紅油抄手，麻婆豆腐定食等等。。。澳洲安格斯西冷扒．沙律及薯條 $152牛扒上到台賣相都不錯，我地叫左7成熟，切開塊牛扒會見到啲肉汁，食落口都係JUICY，一啲都唔乾身，面頭仲有啲黑椒，牛扒配黑椒食落就更加好食～薯條方面係粗薯條，食落口仲係熱熱地，同埋有啲脆的，口感好好，唔算油膩，而且食得出佢唔會落好多鹽，不錯不錯。是日餐湯 +$20今次既餐湯係南瓜湯，初初以為平平無其無咩料到，點知飲落又係另一回事，因為佢好杰，飲到入面有好多南瓜蓉～南瓜辣肉腸意大利飯 $105呢個南瓜飯同個湯一樣，一睇就知佢係比較杰身，味道淡淡地但帶點甜甜的南瓜味，都幾開胃，而且易入口。個飯每食一口都食到啖啖既南瓜肉，而且南瓜粒都幾大舊，除此之外，仲會食到入面加左啲辣肉腸，所以呢個飯唔會淨係食到甜味，仲會食到咸咸地既辣肉腸，令個飯多了一種豐富的感覺。香辣雞翼 $38熱辣辣既雞翼係最好食，明顯食得出佢係即

由於新蒲崗離上班的地方不遠，所以偶爾下班會來吃個便飯，剛好發現這店好像是新開的，就和同事試試看。店內裝潢簡單的來有格調，加上柔和的燈光，很是舒服。題外話，原本我們二人是坐最入的二人台，坐的有點逼，店員有見及此，看到有空位後立刻幫我們調到四人台，十分細心！香辣雞翼 ($38)十分大隻，質感嫩滑，咬下口完全不會覺得「鞋」口，不錯。美中不足的是還可以再辣一些，會更惹味。黑松露薯條 ($45)上菜時已聞到濃濃的芝士和黑松露味，十分吸引。薯條炸得剛剛好，不會太燶，反之，相當脆口，不過對兩個人來說份量實在有點多。夏威夷手工薄餅 ($78)由於即叫即做，所以要等好一陣子的。這個手工薄餅著實不錯，配料講究，餅底十分香脆，正！海鮮意大利飯 ($108)海鮮的份量十足，每隻蝦和青口的相當大隻，十分抵讚！可惜的是，本人較喜歡軟飯，而這裡的意大利飯對我而言偏硬了一些，不過還是可以接受的。香蕉朱古力雪糕窩夫 ($52)朱古力雪糕味道濃郁幼滑，配搭香脆的窩夫和啫喱，口感非常豐富。整體上菜速度很快，服務良好，值得一試！