南越南咖啡廳

營業中

休息中

好有特色嘅樓上越南餐廳🌟🌟裝修別有一番風味✨✨首先講吓佢嘅香蕉薄餅，兩條香蕉面頭加一啲朱古力醬真係見到都覺得好邪惡😂😂😂，食落去完全係脆卜卜加甜到不得了！！！如果你係食開好甜嘅人建議你可以試吓！😉😉佢嘅米紙薄餅我覺得都好好食！炸得超脆之餘仲好薄，整體食起上嚟嘅口感都係好好！加埋佢面頭嘅醬汁同埋一啲肉嘅配料食落去個感覺幾新鮮✨✨招牌金邊粉方面用料十足！！無論係牛丸嘅咬口定係金邊粉嘅軟硬度都非常適中，配埋其他材料一碗金邊粉一定夠你飽肚👍🏻👍🏻👍🏻仲有仲有！！唔可以唔提佢嘅斑蘭咖啡奶蓋啤酒，咁創新嘅飲品我都係第一次試！！整體嘅感覺其實冇話特別驚訝，但係口感確實唔錯，如果可以將兩種味道融為一體就更加好啦👍🏻👍🏻

（2023-07）又到左星期六既午飯兩點時間，空位唔多，岩岩好座滿。惹火上身咸檸豬頸肉--職員會係你面前點火，要影相既朋友記得開定相機豬頸肉軟淋，個醬又微微酸辣，菠蘿甜度可能係落左糖去燒？差不多一呎長蝦--啲芋絲炸到好香口，配埋又係酸酸辣辣既醬，個蝦肉我覺得一般，價錢可能略貴，$13x感覺唔夠喉。火龍芒芒蝦仁脆蝦片--涼涼地既芒果同蝦仁，配上洋蔥碎，紫色賣相幾吸引，哩度菜無酸的，只有甜同鮮同脆。飲品要左杯 荔枝雲朵咖啡--好少飲哩啲咖啡，配上荔枝同玫瑰，口感特別。另一杯係Deep sea fantasy--職員好難先hold到個波波唔爆飲既時候，杯口有鹽粒，冰涼既梳打口感，甘而唔苦既味道，係深海既感覺椰子奶凍--又有仙氣可以打卡，哩個椰子味道好濃好滑，杯底既好似楊枝甘露，芒果唔算好甜，食完唔覺漏。香蕉薄餅--味道都係預期之內，只係覺得個餅略有啲硬，比泰式既香蕉班戟輸左少少。埋單$526，咁多野玩可以一試。

南越冬瓜茶🤍🤍冬瓜味道比較淡，不過飲落整體都係香嘅，只係淡咗啲班蘭龍眼茶🤍🤍🤍🤍相對而言，呢個茶好好飲，班蘭同龍眼各自嘅味都好明顯，但又可以融合得好好，同埋唔會太甜！苗族椰汁淡咖喱雞肉湯米線🤍🤍🤍呢個食落好似食緊喇沙，不過睇返喇沙嘅原材料就係椰汁同咖喱，哈哈！不過就算佢似喇沙，佢都係個好食嘅喇沙！椰汁同咖喱嘅味道好balance，唔會邊隻味太淡或太濃！金邊粉（牛肉、牛肉丸）🤍🤍🤍比普通街食嘅牛河嘅湯底濃啲，而麵底用金邊粉好少見，係一個幾有趣嘅配搭！順化麻辣鴨血金邊粉🤍🤍🤍辣度同四川麻辣嗰啲當然無得比，但係食落其實都夠辣，而個麻辣嘅感覺都係唔同嘅，而鴨血都俾得好足，整體嚟講好食嘅！香蕉薄餅🤍🤍🤍🤍我本身以為係好似班戟嘅薄餅，點知原來係脆嘅酥皮薄餅，呢個配搭幾有趣！不過我覺得酥皮嘅味道有啲搶咗香蕉嘅存在，又或者係啲香蕉唔夠甜，但整體都值得一試！富國島之椰子奶凍🤍🤍🤍🤍一登場用乾冰坐住，really make a scene！一朵雲嘅係椰子奶凍，而天空係蝶豆花嘅mousse，個底就係楊枝甘露，三種口味加埋一齊唔會突兀，好食！shake shake雞軟骨 🤍🤍🤍🤍🤍💙超級超級超級好食！作為雞軟

Nan Viet Nam Cafe 係搞鬼新派越式菜🇻🇳 🇻🇳 🇻🇳，餐廳環境有心思，算賞心悅目。阿薯覺得嫲嫲南越湯招牌金邊粉幾抵食，唔駛$90有齊牛肉片/牛面珠/牛尾/牛筋/牛肉丸，好抵食下，味道都ok。越南蛋咖啡純粹係覺得好特別而叫，初初飲覺得好好飲，因為焦糖甜甜地，又有蛋香，加埋咖啡香，幾夾。但飲飲下覺得個蛋有啲腥😂😂😂，應該係個人口味唔啱。豬頸肉味道ok，不過$68嚟講份量有啲少；香蕉薄餅不過不失。Overall嚟講都ok，環境靚，座位舒適，價錢唔算太貴味道可以，雖然唔算特別出色。📷📷📷📷☕️越南蛋咖啡(熱)$38🐷惹火上身鹹檸豬頸肉$68🍲(嫲嫲南越湯)招牌金邊粉$88🍌香蕉薄餅$48

平時我對越南菜既印象都係撈檬，生牛肉河之類，所以平時唔會簡越南菜食😂直到我發現左呢間越南越餐廳，見到佢既相已經好想試下，happy Friday 係OpenRice book19:00，上到去唔係太多人，店舖唔太大，但都坐滿晒，裝修好有特式😂坐低左手機自己落單～❤️Shake shake 雞軟骨 $52上菜時好似M記啲薯條咁，倒啲辣粉落去shake ~Shake完倒返碟上面，份量都好多，大大粒，味道唔錯～❤️南越蟹肉醬配脆球餅 $68我鐘意呢個啊😍將啲蟹肉塞落個波波到食，好似印度其中一個菜式😂好新奇又好味，加埋青瓜，好清新🤤❤️烤雞肉串$35呢個就冇咩特別，但個醬就好好味😂點晒啲醬黎食🤤❤️烤牛肉串 $42❤️火龍芒芒蝦仁配脆蝦片 $58食完唔係好記得個味道😂唔太出眾，但個蝦片好脆，上菜要即刻食，唔係好快林左😂❤️越南惹味粟米條 $48我既最愛😍好好食啊，唔好睇佢好似得粟米好似好單調，其實佢脆脆地，又酸酸甜甜，唔知佢用左咩醬呢🤔自己食多碟都仲得😂❤️Tear of Mermaid $48(無酒精） 有酒精+$10由藍柑橘，荔枝，梳打調配而成既tear of mermaid,個名好似好靚咁，仲有個波波

有一日，同朋友傾開計話好難搵一間越南餐廳煮得有當年係加拿大讀書時嘅味道… 之後咁岩朋友嘅生日又就到，咁我又上Open Rice搵下啲越南餐廳啦。搵下搵下就搵到呢一間「南越南餐廳」啦！餐廳環境好舒服，設計又特別！食物方面，我哋叫咗六款食物，兩款飲品：1. 素春卷2. 蝦片3. 粟米條4. 招牌金邊粉5. 豬肉棒撈檬6. 香蕉薄餅7. 凍滴漏咖啡8. 凍荔枝咖啡每一樣都好好味！尤其，招牌金邊粉，湯底夠濃。所以，呢間餐廳可以再encore!

餐廳唔算太大 座位一望見晒 位與位之間都近不過勝在食物環境都有創意 驚喜重重😋越菜食牛肉PHO、檬粉、雞翼、春卷已經太普通喇🔖 南越蟹肉醬配脆球餅小編推介✨ 唔單止單卡OK 食落都好OK!蟹肉醬除咗主材料蟹肉之外 仲有蘿蔔同青瓜絲就咁食好似有啲單調 配蝦片又有啲沉悶但配脆球餅又真係未試過喎🤩將蟹肉醬放入薄薄嘅脆球餅 啖啖滿滿嘅口感🔖 SHAKE SHAKE 雞軟骨好正 有得食又有得玩 味道仲自己調配添🙆‍♀️將香脆雞軟骨加入秘製粉放入綠色袋SHAKE混令到雞軟骨360度都沾滿辣辣惹味辣粉比平時得面層灑粉更好～值得一讚❤️🔖 香蕉薄餅轉成四塊整體酥脆嘅薄餅 唯獨邊皮略嫌有啲硬如果要形容 小編覺得食落口感似脆版嘅蔥油餅面層舖滿切片香蕉、朱古力醬、煉奶、堅果碎粒食落多種口感 不過有啲掛住食開嘅香蕉班戟◡̉̈🔖 牛肉牛肉丸金邊粉本身諗住最穩陣菜式 點知麻麻地湯底由牛骨、牛尾、牛腱、牛筋和牛腩等材料經過長達二十小時熬製而成 比平時更鮮甜 正嘅牛肉丸正常發揮 都彈牙嘅 但牛肉食落有啲臊味🔖 蒜炒通菜絲係特別嘅 唔係炒通菜而係炒通菜絲🔖 南越蛋咖啡其實最初就係為咗呢杯嘢飲而去呢間餐廳不過都不枉此行 因為真係

越南新派菜式，張墊枱紙都新派過人🤣一定要試越南蛋咖啡，好似有層脆脆哋嘅焦糖喺面頭，下面果層係又甜又滑嘅蛋，底層就係咖啡，可以逐層試再撈埋一齊飲。之前喺其他地方試過法式焦糖燉蛋咖啡，一試愛上，估唔到越南式都咁好飲🤩蛋同咖啡好夾招牌金邊粉同春卷就不過不失最後嗌咗個甜品：香蕉薄餅，佢個皮整到好似酥皮咁，香蕉唔係包喺薄餅入面，而係鋪喺薄餅上面，咬落好脆口都幾好食，不過我都係鐘意食越南街邊最傳統果隻香蕉薄餅多啲。