Greenhouse

營業中

休息中

用咗咁耐第一次寫食評，皆因今日老竇生日，老竇話要去銅鑼灣依間餐廳食生日飯，咁我見啲評價都唔錯，咁OK啦，阿媽book枱今晚去食。餐廳環境有啲暗，裝修靚唔靚就唔係好睇得到，咁我哋就被安排喺近門口嘅位置，侍應話冇咁嘈，我哋都覺得OK嘅。咁我哋就嗌嘢食啦，嗌咗兩碟串燒，一個彩虹藜麥沙律配蝦，一個羅勒芝士蕃茄pizza，一塊1三文魚扒，仲有個香蕉火焰焦糖燉蛋，咁串燒沙律同埋三文魚扒呢就冇影到相，串燒都正正常常，個沙律阿媽就好鍾意食，因為有生果，三文魚扒就鞋咗啲，又有啲乾，香蕉火焰焦糖燉蛋都幾好味，但係份量就有啲細。最抵死係嗰個Pizza，啲羅勒葉竟然可以小到有一塊pizza完全冇，另外個廚師唔知係咪唔記得咗落蕃茄醬，完全冇蕃茄味，冇羅勒葉同蕃茄醬我唔介意佢話我知，但都唔係咁樣玩鬼我，總之間野性價低，唔會再去。

話說我哋有幾張時代廣場嘅優惠卷，又諗唔到食咩好，最後就揀咗Greenhouse～主要食fusion菜，而且食物選擇都好多，店內環境比較黑同浪漫，都幾啱情侶一齊嚟👫.<烤美國頂級肉眼扒 $328>推薦‼️好貼心上枱時已經切咗一塊塊🥰，牛扒大概5成熟（可以自己選擇熟度），面撒咗小量黑椒，食落幾淋同好有牛味😋仲要每一小塊都有小小脂肪好好食🤤旁邊配上鹽粒、蒜，同埋帶甜甜地嘅醬比你調味，仲有啲沙律伴碟比你解膩🥰<秘製燒烤醬煙燻鴨肉青蔥薄餅 $138>推薦‼️好特別，係中西合璧嘅烤鴨pizza😳，未食嘅時候諗呢個配搭會唔會好奇怪呢🤔，但原來唔係喎！佢個餅底好薄好脆，加左芝士同京蔥，切開左每一塊都有鴨肉喺面😍，食落又真係幾夾，唯一挑剔鴨肉鞋左小小🤭，但整體上呢個配搭係幾特別。<炸薯條配黑松露蛋黃醬 $58>薯條炸到每條都好脆😱，真係唔同平時食嘅薯條，係超脆超有咬口，但食落就唔太重薯仔味～醬料方面，有好多黑松露撈咗喺蛋黃醬到🤤，我哋都勁鍾意食最後要點晒嗰醬唔好嘥😝。<香蕉火焰焦糖燉蛋 $88>推薦‼️嚟到嘅時候店員會進行點火儀式先🤪，大概幾秒就