邁爵斯 (福華街)

呢間餐廳嘅意粉出名大份夾抵食一直都好想試下 今次終於有機會啦🤩餐廳位置唔算好方便太子站或者深水埗站出都要行8分鐘先到不過都無阻要去試嘅決心！名不虛傳咁大碟！蜆肉份量都唔少份量係一個人食會好飽 但兩個人食就差少少🙈芝士粉本身都落左好多 唔夠都可以去自助區再加～但醬汁略嫌唔太夠 始終麵量好多😛意粉夠爽口彈牙 味道有居家嘅感覺🤣呢個價錢同質素其實cp價相當高！一份有5條 性價比相對較低主要係一條魚糕入面有芝士餡 但唔好期望係拉絲個種😂整體味道不過不失👌🏻————————————————————————總結餐牌選擇相當多 除左意粉仲有捲餅 牛角酥等同朋友黎可以嗌多幾款share試😋主食同意粉係幾抵食嘅 宜家中環都有分店！都可以去試下😉…查看更多

#wetdodo_深水埗 #wetdodo_中環 #wetdodo_太子呢間簡直係窮丁既食堂黎🤩成座山咁大既意粉夠晒二人share只係$3x有時真係懷疑係咪搞手只求打個和！仲要幾年前食而時至今日價位都冇咩點變🤪原來係中環仲開埋新分店😂⚠️地址雖然寫係深水埗但太子行去都ok—————————————————————🍝香蒜白酒蜆肉炒意粉 $35😋：7/10老實講呢個價錢有雙人份量咁多！對味道上係冇咁執著而實際上味道都唔差😛都有淡淡既蒜香味蜆肉份量多到可能有過百粒呢啲急凍蜆肉就唔洗期待好有鮮味😂整體味道係唔濃既但都可以再自助落啲黑椒調整下～🥐吞拿魚芝士牛角酥套餐(配薯角+茶)$46😋：8.5/10呢個我真係強烈推薦😍牛角酥好香口 仲有陣陣既蜜糖味而吞拿魚同芝士既份量都好充足單買唔跟薯角飲品就$26薯角份量都好多 亦都算香脆個底有蜜糖甜甜地～茶通常都會漏左遲黎 同埋啲茶水會好熱最好早啲提佢上番杯茶😂同埋之前食過墨西哥卷都唔錯😛但二揀一都係忍唔住揀番牛角包🤣—————————————————————🥐🍝🫔🥗🧀邁爵斯 M.Y Majesty💸：人均～$40 (dinner)📍：深水埗福華街15號地舖🔗其他分店：中環嘉咸街49號地下C號舖✨免加一…查看更多

呢間野大碟到出曬名，但一路都未親身見識過，所以專登拖個friend一齊試試佢🔥先唔講份量，呢個價錢已經無得輸😂我地兩個本身都幾大食，果日行左好耐又肚餓，所以除左意粉，仲叫多左兩個小食，結果後悔了😂1️⃣香蒜白酒蜆肉炒意粉意粉真係高到嚇死人，呢張相係未能真實反映佢嘅份量👽我地一路食嘅反應係，點解食極都仲係咁高嘅😂😂窮L必食✅講返味道，佢唔會話特別好食，但唔差囉，正常香蒜肉絲意粉味，$35仲想點😎🤣2️⃣香烤雞肉墨西哥捲餅餅皮稍微韌左啲，整體一般🤔如果$35可以食到唔錯嘅意粉，呢個$28嘅性價比就比較低啦🔆3️⃣脆炸薯條M記薯條放大版，同friend一路吹水一路咬下都唔錯嘅😎整體嚟講，兩個人埋單$80幾蚊兼食物質素正常，真係超級抵食同開心🤣但有兩樣野要改善‼️我行去收銀處落單果陣，見到收銀對出個天花板定冷氣位不停滴水，留意返，係不停‼️雖然位置唔係廚房/客人坐嘅地方，但呢樣野真係會令人有啲擔心衛生情況，如果可以儘早解決，一定可以更上一層樓💪🏼另外，建議可以再請多兩個人手，事關我果日企係收銀處頗長一段時間先有同事幫手‼️(亦都係因為咁先會特別留意到滴水嘅情況😹)…查看更多

講到食意粉最抵食既地方，呢間一定係名單之內。食左兩次，每次都撐爆左個胃。所以建議大家黎準備好個胃，或者叫多幾個朋友黎，食得晒先好嗌，食唔曬可以拎外賣盒裝走，唔好做大嘥鬼啦！呢度出名有座意粉山，份量很驚人，但係都只係三十至四十幾蚊，所以呢間名氣不少，都多人排隊，夜晚黎就預好時間啦。今次意粉點了香蒜白酒蜆肉炒意粉同海苔芥茉蝦沙律牛角酥。碟意粉漏左我單，等左好耐，不過同完店員講之後就好快上到。蒜味太重，食完成身有蒜味。不過三十幾蚊黎講，意粉同蜆肉份量都多，係抵食既。比較意粉，個人較推薦牛角酥套餐，因為較香脆，味道較佳。同樣地，份量也很多，仲配大量薯角。…查看更多

有聽聞M.Y Majesty出名大件夾抵食，今日黎到深水埗就去試下食lunch.睇完menu, 叫左兩個意粉。香蒜白酒蜆肉炒意粉，成座山甘高，兩個人share 絕對綽綽有餘，蜆肉份量亦都唔少，好濃味。$35黎講真係平到笑。香辣海鮮意粉，原來都係勁多蜆肉，加少少魷魚，蝦，有d重覆左，早知叫其他野。結果好努力甘食晒兩碟意粉。…查看更多

《香蒜白酒蜆肉炒意粉》🍝 $35《脆炸魚手指》🐟 $23《粉紅番石榴西柚梳打》🍹$28《水蜜桃荔枝梳打》🍹 $28月尾開始長期糧尾又出現🤑，上網就搵到一間係太子超抵食嘅餐廳，估唔到晏晝四點鐘都要排隊，鋪頭入面係自助形式，坐低揀好食咩出去落左單之後就自己拎餐具🍽，眼見每張枱上嘅意粉都超大碟，足夠兩個人食有餘🙀-所以我只係叫咗一碟《香蒜白酒蜆肉炒意粉》同《脆炸魚手指》另外叫咗兩杯梳打飲品🍹，意粉份量超驚人😳，女仔一定會食唔晒，蜆肉比蒜頭同香草炒過超濃味，重口味一定最愛💓，意粉亦都唔會炒得過淋，蒜頭愛好者必叫🤤重點係價錢只係$35，呢個價錢來講絕對冇得輸‼️但魚手指就唔推薦啦，炸得唔夠脆普通雪藏貨可以唔叫也擺🌚，另外兩杯梳打一杯超甜，甜到我頂唔順，另一杯藥水味好濃🤢，睇嚟呢度都係啱食意粉🍝，其他質素真係好麻麻，不過呢個價錢來講CP值絕對算高！意粉絕對可以回頭再戰試埋其他味道👅。…查看更多

佢呢到嘅意粉大大碟 香蒜白酒蜆肉炒意粉（$38）好香蒜蓉味 超多蜆 carbonara（$38）雖然唔係正中做法 但食落口幾creamy 仲有個碎蛋沙律牛角酥🥐（$36）都好jeng 好大個 蛋沙律好新鮮 薯角仲經過蜜糖烤焗 連伴碟冇得挑剔 絕對絕對對得住個價錢❤️大家bookmark左味啊？🔖tag你個窮L朋友一齊去食啦🤪提示：老土講句 食得哂先好嗌😂-The portion of pasta is very large! (Maybe two ppl can share one) The pasta is above the standard. The pasta is served with a lot of clams with fragrances of garlic. Even though both pasta are not very outstanding, they taste good and their CP values are high. Personally, I love the croissant 🥐 so much as the egg salad inside is fresh and the croissant is crispy. The side-dishes honey baked potato wedges have a little sweet taste and the mashed potato inside are smooth 🍯Have u bookmarked yet?🔖Reminder⚠️：order food wisely, don’t order to much as its portion is large-性價比：🤤🤤🤤🤤🤤（小編想比多n個🤤）飽肚：🤤🤤🤤🤤🤤味道：🤤🤤🤤🤤⚪️環境：🤤🤤⚪️⚪️⚪️服務：🤤🤤🤤⚪️⚪️Score：95/100…查看更多

2018年12月21日下午二時半左右到Majesty，因為網上推介所以就專登到來試出名大碟抵食夾大件的意大利🇮🇹麵。因為早有準備（做定功課知道份量之大），所以我們二人只點了一客香蒜白酒蜆肉炒意大利🇮🇹粉🍝＄35,另外點了一杯特飲凍薄荷朱古力$27，及一杯熱檸🍋水$25。先説説主角意粉一點也沒有讓我們失望，很多的蒜蓉很香，而且很多蜆肉有甜味，份量很多滿足到兩人食慾。但是薄荷巧克力🍫很甜而且無乜薄荷味，可以不點，另外一杯熱檸🍋水$25份量是大杯的，但是如果以$25價錢建議應該可試試其他特飲。…查看更多

離太子站約10分鐘路程，在寧靜的福華街頭，唯獨有一家店門外有著熱鬧人龍，就是這家。十號籌號，約等候了40分後入座。畢竟只是小店，店員屈指可數，也是無可厚非。點了人氣的香蒜白酒蜆肉炒意粉及香辣海鮮意粉，上菜後各嚐一口，不論是味道還是份量都相當出色。白酒蜆肉意味道豐富，但意粉略嫌有點乾身。辣海鮮意辣道適中，蒜香濃郁，各種海鮮毫不吝嗇地填滿意粉的空間。最後附送紅茶一杯，簡單而完滿。後記：若食法以一客意粉主菜，配上自己喜愛的小吃，飲品隨意，那應能更全面地品嚐這家自家小店吧！擇日再來！…查看更多

今日同啲朋友開大食會， 就叫左幾盒意粉外賣。款式都幾多，份量夠， 兩個人先可能食得曬一碟。外賣自取都係等左一陣間。除左意粉，仲有burger 肉燥飯蜆肉幾多， 幾香海鮮都唔少粗煙肉都幾多。外賣隔左成個鐘先食， 啲意粉都冇淋， 炒得好香。 味道唔錯， 性價比超高。…查看更多

今日卡肥哥哥嘈住要落街食野，熊大又咁岩放早話過黎揾熊妹，咁就決定試下附近呢間平價街坊cafe。位於太子福榮街頭，左右主要係維修車房，cafe頓時鶴立雞群。3點幾都好多人，已經唔係lunch時段，抵食嘛。意粉一般$35-$45，牛角酥$36-$49，小食$18-$28，價錢真係好吸引，叫意粉或牛角酥仲包熱紅茶一杯，真係好抵。卡肥鐘意蒜蓉，唸都唔唸就睇中左香蒜白酒蜆肉炒意粉，$35。意粉好大碟，真係好大碟，配料都唔少，蒜蓉味好香，蜆肉份量都好多，同蒜蓉好夾，可以僻走腥味。咁大碟意粉，啖啖都有意粉同蜆肉，真係夠哂街坊，讚👍🏻！熊妹就唔係好想食咁大份正餐，所以叫左個吞拿魚蛋沙律牛角酥，$39。牛角酥焗熱左無得輸，牛油的香味加千層酥皮的鬆化，再配上熊妹喜愛的吞拿魚蛋沙律，yummy! 下次可以試下芝士火腿，應該配熱辣辣的牛角酥更加夾。點牛角酥可配沙律或薯角，唔健康的卡肥緊係揀薯角。份量好多，熱辣辣炸出，咬開都會冒出煙來，好有誠意。熊大遠道而來，又未食晏，肚餓透了，即刻點個意粉。卡邦尼亞意粉，$38。慣常的大大碟，好多芝士白汁，配料有煮過的煙肉同磨菇，唔太妑膩，啖啖意粉撈上滿滿的白汁，好夠味。咁平咁抵緊係食盡去，點左兩款小食，炸洋蔥圈，$22，炸魚手指，$23。各有5件，卡肥同熊大都盛讚炸洋蔥圈好正，洋蔥圈唔會好薄，又唔會炸完之後縮左水變淋哂，所以好欣賞。熊妹就唔鐘意洋蔥味，不過係炸得唔錯的，粉唔厚。熊妹反而鐘意魚手指，有5件但size唔係細，無魚腥無雪藏味，連埋他他醬食，經典食法。卡肥同熊大食野一定要點飲品，叫左杯凍香蕉巧克力，$27，熊大就叫至愛的熱焦糖咖啡，$27。全部收貨，大大杯，絕對唔係溝稀！熊妹就飲跟餐紅茶消消濟。cafe有個自助取餐處，其實係一個木架擺滿碟，餐具，茄汁、芝士粉等調味料，自助任攞，不過有温嚮提示用完就放返原位俾其他食客享用。小小cafe，價錢平民，食物高質並唔會將貨就價，難怪客人源源不絕，睇佢似係家族經營，員工似係一家人，真係好窩心喔。…查看更多

晚上接近九點睇過openrice先黎到呢間叫Majesty嘅鋪頭雖然openrice上寫住佢閂九月點但我地照報 去到當然係未閂門啦由於九點先去個道街上嘅店鋪都閂晒門條街都比較少人行去到門口佢個門口又比較暗門口又冇燈 差啲miss咗 好唔起眼嘅門面入到去燈光都唔係太明亮嘅我地揀咗個牆邊二人位坐一坐底就有人拎餐牌比我地佢啲意粉都幾平下晚餐食個三十幾蚊意粉係好抵佢又冇加一 比較自助嘅形式餐具都同水都係自助形式拎原本揀咗個雞柳意粉但佢話雞柳賣晒所以唯有轉其他意粉啦佢先黎嘅係香辣海鮮意粉個海鮮意粉好吸味 好入味個香辣味辣得黎帶點甜 好惹味 個調味好好 所以幾好味呀 意粉係啲平料黎 但佢賣三十幾蚊 平料都係正常 但佢好多蜆肉 真係好多 份量都好大碟 海鮮係得蜆好多 少少魷魚圈 得兩隻蝦仔但佢調味真係好食 甜甜酸酸嘅辣 好惹味跟住黎個香蒜白酒意粉岩岩食完個香辣海鮮意粉 比較濃烈嘅味所以頭個幾啖係完全食唔到個香蒜白酒意粉有咩味佢係比較啖嘅 但之後食下食下 其實佢個蒜味都幾濃食完成個口都留有個陣蒜味同埋海鮮意粉一樣啲蜆好多好多好多真係好多 意粉份量都比較多所以我覺得好抵食味道都唔錯 啲蜆比較唔入個蒜味跟住仲點咗兩杯茶 玫瑰花茶比較好飲甜甜地 少少花香嘅味道蜜桃烏龍茶就似怪味多啲仲有少少酸酸地環境很好 坐得幾舒服味道好味呀都幾滿意…查看更多