意粉狂熱 (皇室堡)

同男朋友慶祝生日，知佢鍾意食意粉，特登揀咗呢間專食意大利粉嘅餐廳同佢一齊享受一個浪漫之夜☺️香草烤雞雜菌羅勒忌廉意粉~青醬意粉味道濃郁，配合羅勒令香味提升，雞肉同雜菌份量控制得宜，每一啖都食到滿滿嘅餸料，非常滿足~日本魷魚雜菌明太子忌廉意粉~係帶有日式風味嘅意粉，日本魷魚夠爽口，分量足夠，配合明太子忌廉味道好夾，鮮味十足，加入紫菜等等做配料令味道更有驚喜~照燒雞蛋黃醬披蕯~第一次見依個配搭，pizza啱啱出爐，批底非常脆身，雖然係比較薄，但可以食到滿滿嘅材料更加滿足，而且蛋黃醬味道同雞肉好夾，係唔錯嘅配搭~豪華5式拼盤(焗珍寶大啡菇釀帶子，海蝦牛油果法包多士，意式炸魷魚圈配他他汁，帕爾馬火腿，蒜香芝士雞翼)我最喜愛嘅拼盤，不似平時嘅小食拼盤，每一個配搭都好特別~珍寶大啡菇非常驚喜，肉質非常juicy，切開時菇香四溢，配埋帶子口感更加有層次🤤牛油果法包多士味道啱啱好，牛油果嘅香味深透係法包內，咬落去帶點清新，鹹鹹地幾好食😋炸魷魚圈配他他像係經典小食，魷魚圈肉質肥厚，咬落去啖啖肉夠彈牙🤗Fresh  kiwi  mojito  (NA)~用新鮮嘅奇異果切粒配上不同嘅香料製成嘅mojito味道非常清新，加入梳打少少有氣嘅味道令味蕾更刺激🤩仲有少少香葉令整個味道更加特別~Sangria~自從西班牙旅行返嚟之後好耐冇飲過sangria，紅酒嘅味道配上不同生果，味精帶點清甜，而且有得飲有得食，係西班牙嘅味道😍…查看更多

話說去銅鑼灣已經去到唔係好知有咩好食。 同男朋友一心諗住去皇室堡是但搵啲嘢食。經過2樓就見到呢間餐廳好搶眼嘅招牌，咁啱男朋友係一個意粉狂迷 ，所以我哋就決定試下呢間餐廳啦！打開menu 有啲驚訝! 好多款食物都定價係100蚊以下！ 以呢間餐廳坐落喺銅鑼灣皇室堡嚟講，價位真係唔高！由於唔太肚餓嘅關係，我哋決定淨係叫一個香草烤雞雜菌羅勒忌廉意粉同埋瑪格麗特薄餅。上菜啦！ 驟眼睇，意粉嘅份量都好足夠，而且有好多舊雞！ 要讚下佢個烤雞冇烤到好乾，加分！ 由於佢個名叫做羅勒忌廉意粉，我都冇抱食pesto嘅期望去食，要知道pesto係有蒜泥同松子加basil組成。 結果又唔差喎 creamy得嚟又有basil同olive oil嘅味道！ 再鹹少少就好啦! 不過整體嚟講呢個味道絕對得起佢個價錢！薄餅方面，基於我同男朋友只係嗌兩樣嘢食，所以我地叫咗個regular (10吋)嚟share。 想食多啲嘢但係又想食pizza嘅朋友可以考慮嗌個small。 呢間餐廳做嘅薄餅，水平都係我地意料範圍之外！而且只係盛惠$88!瑪格麗特薄餅都算係pizza界嘅代表同基本款。 佢係由羅勒葉，mozzarella cheese同埋蕃茄醬組成。 我同男朋友都好滿意呢個pizza，因為非常夠多芝士！份量亦啱啱好夠兩個人食！如果餅身再脆少少就完美啦！另外，餐廳係開放式嘅。 裝橫同設計都幾特別，幾有氣氛架！ 總括而言，呢間餐廳嘅cp值非常高！如果喺銅鑼灣諗唔到有咩想食，可以試下佢架!…查看更多

今天放工後來到銅鑼灣皇室堡的一帶行街，晚飯時間路過這間看似是意粉的專門店，食客人數沒有座到一半，心想不用怎麼等便試試看吧！不過，接待的侍應還是給我們一個輪候號碼，說裡面的空桌全都是留座的。雖然我們是第一個二人位的輪候號碼，但我們也等了20分鐘才入座。(其實有點後悔，若早知道第一個輪候號碼也要等20分鐘之久，我會選擇吃別的算了，而且那一半所謂”留座”的空位在這20分鐘都沒有安排過任何人進去….)等待的時候，我們早就決定了要點甚麼。不過安排座位的侍應勿勿離開後，我們也花了點時間才找到個可以停下來的侍應下單。好不容易，侍應終於上菜了，但侍應出錯，用<<香草烤雞雜菌羅勒忌廉意粉>>代替了<<海蝦牛油果羅勒忌廉意粉>>，結果又要再等……..只能說我們今天晚餐有點不太順利。餐廳真要正視一下人手不足的問題啊！食物方面還算可以的，但不要期望太高。…查看更多

約左閨蜜食飯😛上網搵到依間好多人推介依間專門食意粉既餐廳，餐廳裝修好有心思，除左到處放左酒樽，連燈都係由酒樽組成，非常精緻香草烤雞雜菌羅勒忌廉意粉$78青醬係我的最愛， 加上大量olive oil, 拌起上黎香上加香！而烤雞好嫩滑絕對唔dry溫泉蛋蒜香蘑菇鮮製意​​粉$68呢個要特別一提，意粉係餐廳新鮮製作，竟然係呢到食，真意想不到😋意粉身較粗身多左一份彈牙嚼口。 蒜香味重加上大量菇，好岩我口味。雙重辣味煙肉蒜香魔鬼意粉$68最後唔夠飽，原來加$10可以將意粉加大！ 味道香辣！ 鐘意口感刺激既朋友仔下次可以試下，個陣辣唔係麻辣，辣味會停留係脷，好過引👅香蕉朱古力披薩$48最後食埋甜品，濃郁既朱古力雪糕配上香蕉，一口落去加埋熱辣辣脆卜卜既披薩，認真滋味😍…查看更多

話明係Pastaholic 當然係食Pasta 為主啦, 岩哂我呢個Pastaholic座位比較多, 星期日晚上都唔洗等位意粉款式有好多, 分左唔同系列, 有蕃茄系列, 忌廉系列, 和風系列, 羅勒系列等等等, 另外仲有Pizza, 焗飯, 甜品小食等等等….. 野食選擇多, 只怕有選擇困難依家仲有芝士火鍋套餐, 200幾蚊一個SET, 下次可以試下Order 左一個意粉, 一個pizza香草烤雞雜菌羅勒忌廉意粉, 份量唔算好多, 可能有忌廉醬, 食完都有少少濟, 但意粉係好食既!Pizza 要左明太子海鮮Pizza (一人前), Size 比想像中小….. 是長方形咁, 個明太子味幾重, 正!除左份量細左少少外, 其他方面都滿意! 味道好!…查看更多

「意粉狂熱」是一間新開的西餐廳，顧名思義，餐廳以意粉作招牌菜，另有其他薄餅小吃供應。 一行六大兩小，點了兩客二人餐，另散點數款頭盤小吃共享。「特濃南瓜粟米忌廉湯」粟米味重，南瓜味不太突出。「法式芝士洋蔥湯」面上放了一件大大的多士，芝士半溶在上，包心吸滿湯汁，下方則墊滿甜香的洋蔥絲。從「帕爾馬火腿」的外觀色澤看來，火腿仍屬年輕，少了一份經過熟成歷練的鹹香風味。 「意式炸魷魚圈配他他汁」炸漿外層略厚及油膩。 「海蝦牛油果法包多士」的味道失重心，不太欣賞。大啡菇一向為小編所愛，所以「焗珍寶大啡菇嚷帶子」這客菜餚評分怎算也不會差。不過，礙於帶子用料普通，未能為大啡菇錦上添花，實屬可惜。「香草烤雞凱撒沙律」出品合預期，但未見驚喜。小編對餐廳的意粉有一定期望，但希望越大失望越大。這客「蒜香白酒汁海蜆意粉」醬汁調味過鹹，海蜆瘦小部份含沙，有頗大進步空間。相比之下，「香草烤雞雜菌羅勒忌廉意粉」的評價明顯更為正面，尤其喜愛原條雜菌及羅勒忌廉汁的味道。薄餅方面，分別試了「瑪格麗特薄餅」及「脆皮腸肉醬大啡菇薄餅」。「瑪格麗特薄餅」的主要配料只有茄醬及水牛芝士，十分清簡，營造出一個集中品評餅底用料的好機會。有別於坊間的薄餅，這兒的薄餅中心部份很薄，但不見脆；邊位圓潤厚身，口感煙韌。純以個人口味而言，不脆的薄身薄餅實在有欠吸引力。至於「脆皮腸肉醬大啡菇薄餅」，因用料相對濃味能分散對餅底的注意力。建議追加脆皮腸及大啡菇的份量，尤其是大啡菇，確實芳蹤難見。「手作牛奶布甸」及「手作朱古力布甸」屬跟餐甜品，面上的忌廉略甜。「凍水果茶」內含豐富新鮮果肉，味道清新，讚！整體而言，小編給予「意粉狂熱」中等評價。因店名提起大家對意粉的期望，最終未能突圍反而失分更多，有點可惜。 …查看更多