甜記餃子

營業中

休息中

今日心血來潮，突然間想食餃子，行過旺角就試下呢間甜記餃子😛😛身為餃子控嘅我， 點左一份湯餃同煎餃， 一碗麵同涼拌魚皮😝😝😝😝湯餃同麵仲可以揀雞湯同茄湯，今次試下個茄湯🤤1. 香芹芫荽豬肉餃子好香既芹菜味，都幾足芹菜，係入面，所以豬肉同芹菜比例，似係一半半， 但都唔影響味道，都有肉汁又夠香，鍾意芹菜同想健康既朋友可以一試🤪茄湯 都充滿蕃茄味同有蔥花都幾甜，同餃子都好甲😚2. 煎京蔥羊肉餃子呢款煎餃子3面都有香煎過， 好脆口， 皮唔想厚都唔粉，煎過都仲有肉汁， 而且都幾足料😛 好食！3. 涼拌魚皮係四川酸辣風味個款， 麻辣既味道，但都唔算好辣，魚皮爽口，份量都幾多墊底嘅青瓜都幾多，味道都好食！ 推介🤪🤪

平時行過經常都見好多人排隊，所以要叫外賣。今日難得見吾洗排隊，就入去堂食，但食完出到黎，又見到人龍了🤣。▫️8隻湯餃$42，可選2隻味▫️湯可選雞湯或蕃茄湯☑️自家製辣菜脯一大樽擺喺枱面任食，菜脯唔會話切到好細粒，所以都幾有咬口，吾會話好辣，但都辣得好過癮。中意嘅可以成樽買返去$38。☑️ 8隻 湯餃 （蕃茄湯）湯底清甜，有d碎蕃茄肉係湯，另外仲有蔥花，同少少薯蓉。☑️香芹芫荽豬肉餃+南瓜忌廉雞肉餃餃子同長沙灣店一樣甘大隻，皮薄餡多，芫荽芹菜2隻配料都濃味，但又兩隻味都食到，正！至於南瓜餃，南瓜蓉做得好幼滑，滿滿南瓜味，而雞肉就令到餃子好有口感，雞味都濃，但呢款餃應該煎嘅會好食啲。

今日係平日Dinner, 7pm黎到舖頭都幾多人排隊，大約等半個鐘就入去食到了。餐廳係電話掃qr code落單。 湯底係蕃茄薯仔湯！好好飲！雖然無薯仔餸，但超濃薯仔味！湯餃/煎餃 8隻$42, 10隻 $46。嗌左粟米芝士雞肉餃 & 南瓜忌廉雞肉餃 雙拼10隻：呢兩款係今晚最好食的！ 我個人好中意南瓜忌廉雞肉餃, 第一次食到這樣的配搭，無諗過可以咁夾咁好食，一試難忘 而且料包得好足好飽滿,皮也不厚,惟可惜的是有一兩隻皮穿左少少, 不過都尚可接受！男朋友嗌左餃子麵,餃子揀左九菜豬肉餃。我覺得呢度嘅九菜餃正正常常, 本身自己都中意食九菜 上海麵都大碗！如果一個人黎食, 我唔prefer 食麵呀！始終呢度都係餃子店嘛最後上碟的是煎餃 雙拼了香芹芫荽豬肉餃同白菜豬肉餃。 本身我哋兩個都麻麻地煎餃,不過見咁多人嗌 就即管試下！ 與其話煎餃, 不如講「炸餃」比較適合多些！碟上無油, 咬落去時餃子皮是炸得，脆卜卜，中唔中意咁食呢 就見人見智喇～ 我哋就好一般囉😁 另外，無事無干都唔會再嗌香芹芫荽豬肉餃食！ 真係…好難頂芫荽浸味！😂😂開頭誤會了是芫茜才點了…哈哈😅

有位餃子控朋友介紹而間店俾我😙皮薄餡靚, 每一粒都漲卜卜, 勁足料🥟 大件夾抵食呀😝🥟湯餃 8隻 $42 / 10隻 $46: 可選2種口味🔶南瓜忌廉雞肉餃👍🏻: 勁推‼️甜甜地, 夠香滑😋🔶香葉豆角豬肉餃: 有d似生菜包既肉碎, 又香又有口感😝🔶香芹芫荽豬肉餃: 多左芹菜, 比平時既芫荽餃fresh😚🔶粟米芝士雞肉餃: 芝士味重, 配埋粟米, 絕配😝湯底可選雞湯或蕃茄薯仔湯🥫雞湯清甜, 不過識叫一定係叫蕃茄薯仔湯😋絕對唔係罐頭湯, 清甜無味精, 好有家既味道😉🥟煎餃 8隻 $46 / 10隻 $50: 可選2種口味煎餃熱辣辣上碟, 好脆, 而且唔會好油😋🔶韭菜豬肉餃: 超濃韭菜味, 係草既感覺🤤🔶洋蔥薯仔牛肉餃👍🏻: 洋蔥偏爽, 牛味濃, 調味同口感都唔錯😚🐖醉豬手 $50: 醉汁唔夠醉😂 同埋豬手有dd腥🙈🥬蝦籺蠔油菜芯 $22: 煮得幾淋, 正常😂小食就一般般, 但係餃子真係大件夾抵食😍 湯底又唔油, 回頭率💯評分: 🍀🍀🍀🍀🍀

比起長沙灣總店，旺角分店嘅裝修清新啲現代感啲，冇咁似old school餃子店，連侍應都好似年輕啲。平日6點已經滿座，7點去到要等30分鐘，可想而知甜記幾好食。*南瓜忌廉雞肉餃+粟米芝士雞肉餃 蕃茄薯仔魚湯 $42蕃茄薯仔魚湯可以話係最多人揀，中湯清淡為主，魚味極淡，蕃茄味濃。蕃茄煮到軟腍，有幾塊飄浮緊。薯仔已經煮到變蓉，比例較蕃茄少，所以冇薯仔湯嗰種沙沙口感。香芹芫荽豬肉餃+洋蔥牛肉餃 雞湯 $42雞湯失色啲，唔夠香之餘，雞味過淡，有種唔自然嘅感覺，但絕對冇味精。南瓜忌廉雞肉餃每一粒湯餃都好大隻，而且皮薄餡靚，非常足料。南瓜蓉非常腍，但甜度比蕃茄湯蓋過咗，忌廉奶味淡，雞肉份量唔多，但肉質新鮮。餡料比較散，唔太維持唔到餃子形狀。粟米芝士雞肉餃一咬開卜卜聲，係飽滿嘅粟米喺口入面爆開，甜粟米加埋新鮮雞肉嘅鮮甜，整體無論口感定味道都好豐富。芝士份量唔多，我覺得芝士奶淡先可以食至呢個餃子嘅鮮甜。香芹芫荽豬肉餃芹菜比芫荽濃郁好多倍，基本上食唔到芫荽味，芹菜味道非常特出但有啲啲渣，豬肉新鮮冇腥味，但肉味同樣俾芹菜味蓋過左，可惜。