盈館

營業中

休息中

放工後，同屋企人相約在油麻地的創興廣場一間中式酒樓共聚晚市，因晚市新推出不少特價優惠菜式，屋企人也是中菜的愛好者，就選擇了這間中菜館。🥬🐟🫖🥢✨ 沙巴龍躉（$48），濃郁鮮甜的沙巴龍躉，魚肉鮮嫩，利用簡單的薑葱清蒸煮法，完全保留了游水魚的原汁原味，老少咸宜的美味菜式，這個價錢簡直是物超所值。🐟🍃💨光顧晚市，2人起可以優惠價選擇晚市超特價精選系列（脆皮吊燒雞或沙巴龍躉）。🐥🐟🌟✨ 冰鎮咕嚕肉（$138），用上一大盤冰鎮住，令賣相看起來更矜貴，是餐廳的鎮店之作。經典咕嚕肉加上創新的冰鎮手法，外酥內嫩，甜酸汁又唔會太多，得恰到好處，很入味。冰涼的口感提升了整道菜的清新層次，讓人一試難忘！❄🐷️🍖🍋✨ 香芒脆蝦球（$168），大蝦的外皮炸得金黃酥脆，蝦肉大隻爽口彈牙，塗上芒果沙律醬，還可伴上沙律菜一起食。🦐🥭✨✨ 啫啫肉碎芥蘭煲（$98），打開蓋時香氣四溢，芥蘭幼嫩，入口無渣，肉碎令芥蘭的味道更加鹹香濃厚，煲仔還帶有陣陣的焦香味！🍲🥬🔥好客的經理叔叔最後還請我地食紅棗桂花糕，清香冰爽涼快，正！😋🫶🏼

平時我同朋友都喺創興中心做gym，創興中心入面有好多餐廳，其中中菜代表有盈館。今日我同幾位朋友做完gym決定落去盈館食個晚飯。盈館係一間傳統酒樓，裝潢同我想像中差唔多。大圓枱、地氈同魚缸係傳統酒樓必備元素🤩- 北京片皮鴨配料有蔥白絲、青瓜、甜醬。師傅切出嚟嘅片皮鴨既肉幾厚，而且切得唔係太工整。雖然刀工麻麻，不過份量好多，而且只係$168，所以其實好抵食👍🏻- 冰鎮咕嚕肉咕嚕肉被一堆冰塊包住，食落外皮冰凍同少少脆口，入面肉質鬆軟，不過略嫌太過濕潤，無咗外冷內熱嘅口感🤔- 香芒脆蝦球職員建議連埋生菜一齊食，但我地以為只係裝飾所以無食到🤣。蝦球酥脆，配上少少芒果肉同沙律醬，味道甜而不膩。- 甜麵醬黑豚肉炒花生芽我認為最有驚喜既一道菜式，估唔到花生芽如此甘脆爽嫩，口感同一般芽菜截然不同。黑豚肉炒得香口，配上甜麵醬更香濃惹味。- 黑白爽身慢煎龍躉扒因為慢煎關係，龍躉扒係壓軸出場🥳。龍躉扒幾鮮甜，而且煎得幾香口，旁邊有爽口既黑木耳。以上菜式平均$150，份量好大，味道以甜麵醬黑豚肉炒花生芽同香芒脆蝦球最出色👍🏻

好不容易等到晚市堂食放寬，可以坐低慢慢食，記得朋友介紹過呢間中菜，話有時間一定要試吓！喺旺角交通超方便，上到去地方都幾舒適，間隔唔會太迫，都幾多食客開動緊！“私房蜜椒豬肋骨”有蜜糖嘅甜味加上黑椒嘅微辣，真係好特別，而且豬肋骨肉質唔硬，夠淋夠入味，仲有幾件饅頭，點煉奶食更食唔停口！“客家酸菜海鱸魚片”最喜歡食酸菜魚，通常去食店見到有都會點，呢度做得唔錯，魚片好滑，大小適中，配有芽菜芫荽豆卜，幾乎成個清哂！“香芒脆蝦球”蝦球爽，炸得剛好，配上芒果肉，用片生菜包住食，超級好味，推介必試！“鹹魚茸肉碎茄子煲”最好送飯嘅一道餸，連一個唔食茄子嘅太座都食，可想而知味道唔差，有D地方整得過鹹，呢度味道剛好，本來諗住唔食飯嘅我都為咗佢食咗碗，哈哈！因為實在好味，下次都會再去試吓其他菜式！