龍糖坊 (寶漢大廈)

營業中

休息中

一碗招牌「大滿足」有齊芋圓、香芋、蓮子、桃膠、仙草、紅豆、西米、椰奶...咁多款配料，色彩繽紛，再按個人喜好倒入椰奶拌勻，超滿足近排大熱嘅開心果露 ，陣陣堅果香濃，真材實料，開心果味超級突出，相當令人回味香芋芋圓奶凍西米露，小料每日手工新鮮烹調，芋頭味濃，西米粒粒爽口彈牙，好正店內外有好多姜濤既相同金句，環境感覺好有文青風, 除了室內之外，外面都有面向街景嘅有feel位

呢日食完晚飯，仲想食多個甜品先返屋企，所以嚟咗呢間糖水舖 。餐廳有傳統糖水、手工芋圓、新派中式同滋補椰皇，梗有一款啱心水啊🤩芒果河粉呢個芒果河粉整得好精緻，一邊用上椰奶配河粉，另一邊用上酸甜嘅芒果汁，加埋面頭有啲芒果粒粒，口感十足🥭 將椰奶同埋芒果汁攪勻，配埋河粉真係一流。開心果巴斯克芝士蛋糕開心果味道濃郁，巴斯克芝士蛋糕質感順滑🍰 仲有啲開心果碎，夾埋一齊食味道唔會好膩。香芋芋圓奶凍西米露呢個新派嘅甜品勁豐富，一份有齊椰奶、芋圓、香芋、西米同埋奶凍🥰 幾鍾意佢個奶凍，入口滑捋捋🥛 呢個西米露夠晒足料，都幾飽肚😝呢間糖水舖仲有慶祝姜濤生日嘅打卡裝飾，fans們一定要幫襯啦🥳

銅鑼灣新開糖水舖，身為街坊嘅我當然要試一試。試咗兩次都係外賣。第一次試，見到個份量其實都都幾失望。$40嘅芋圓西米奶凍，細過我手掌嘅小飯碗size。味道算OK。第二次試，年初三晚上，人流一般，未算超忙，不過有別於第一次，今次職員叫我掃QR code落order，然後到門口外邊等叫號。我就出去門口外面，掃QR code落order。網頁只有一個選項係到店付款，我就一心諗住等職員叫好就入店內付款。等咗好一陣，見都冇職員叫號，就諗住入店問。入到去，發現我嘅order已經入好袋擺咗喺度。原來係要自己先入去俾完錢，職員先至會到門口叫號取。我先向職員表達佢哋冇事先講清楚呢個運作流程，以致我已經在門外無知咁等候，同一時間亦有另一位客人表達同樣意見（證明真係佢哋嘅職員冇講得好清楚）。但係最令人失望，係佢哋毫無反應，一句「唔好意思」都冇講…… 雖然，我唔期望糖水舖有幾好嘅服務，但係如斯態度，真係令人卻步！喺而家飲食業咁艱難嘅時候，請到啲咁嘅員工，我只能同佢老闆講聲「自求多福」。要我再去，免了。