SuperNormal (淘大商場2期)

營業中

休息中

平日既6點鐘Walk-in 可以直接入座，環境唔錯，好有西部牛仔風格，座位有分高枱同平時既座位。我地3人既選擇左高枱。今晚揀左極力推介既柚子麥啤浸脆皮德國鹹豬手有淡淡既柚子味，但脆脆既豬手皮更為吸引，咬落既聲音可以錄ASMR. 香煎鵝肝露筍牛肝菌意大利飯鵝肝煎得好香，好易入口，以Risotto黎講係好食，略為飯粒可以再有咬口啲。再配番個小食 煙肉雙色芝士焗薯條上到枱係熱辣辣架，平時去餐廳食既薯條都唔係好熱，正常溫感，但呢度既薯條係焗過，所以熱辣辣好好食，配埋芝士同蕃茄醬，正！ 我最滿意既菜式。飯品飲左丁香肉桂檸蜜，好香肉桂味，加埋檸蜜好潤喉。

好耐無黎過九龍灣啦，雖然呢度唔係好近公司但以前好鐘意黎行街，貪呢區多商場又多野食揀淘大商場都有好多美食，今日同男朋友一齊黎行街，見呢間餐廳環境暗暗地好似幾有氣氛咁就入左黎試一人揀左一個小食同一個主食香脆原味薯條好脆好香，食到停唔到口，秒速KO左成碟經典煙肉卡邦尼扁意粉好多煙肉同埋菇，醬汁唔太乾，麵質夠彈牙香煎鵝肝露筍牛肝菌意大利飯份量多，鵝肝入口即溶，意大利飯夠曬入味青芥雞翼面醬開胃，雞翼超大隻超脆，配埋沙律菜食中和返炸物嘅油膩感餐廳裝修幾靚，食物質素都唔差，質素同價錢成正比可以坐耐啲慢慢食，岩情侶都岩幾個朋友一齊黎

如果問我九龍灣區邊間西餐廳好食，我會第一時間想起佢，好味又經濟而且環境有格調，絕對適合二口子來浪漫食過dinner 的不二之選。法式鮮蠔湯 $52蠔湯飲落有驚喜，湯味香濃蠔味十足，湯中好多蠔碎增添口感味道。配埋法包塗滿蒜蓉牛油好入味，包皮咬落超級鬆脆。藍芝士水牛城雞翼 $72雞翼5隻沾滿醬汁，味道有點辣相當惹味，沾上奶香藍芝士醬食得更芝味。香煎鵝肝露筍牛肝菌意大利飯 $128意大利飯味道濃郁，飯粒外軟內微硬煮法正宗，鵝肝厚切入口即溶，加了露筍和牛肝菌粒，口感味道豐富，整體非常好味。經典煙肉卡邦尼扁意粉 $98扁意粉口感彈牙相當掛汁，卡邦尼醬汁味道濃郁，好creamy有芝士蛋香，食落美味可口食唔停口，加上咸香的煙肉和彈牙的蘑菇，更是錦上添花，意粉的確有水準。

一直知道淘大有這家餐廳，但不知道竟是如此美味。蒜片紅椒蟹肉扁意粉，意粉煮的剛剛好，不太軟又不太硬，蟹肉細碎但份量都頗多，與醬汁完美融合在一起。香煎鵝肝露筍牛肝菌意大利飯，重口味之選，濕潤的意大利飯充滿著牛肝菌的香氣，鵝肝香糯，讓人一口接著一口。柚子麥啤浸脆皮德國鹹豬手，招牌中的招牌，推薦中的推薦，外皮脆口，但肉質仍能保持柔軟不乾柴，也不會過鹹，口味和口感都一流，而且上桌時已經“骨肉分離”，方便食用。為了記錄美味打開OPENRICE才發現，原來這家餐廳竟然零負評，也太厲害了，可算是我在九龍灣吃過的最有意外之喜的西餐廳。

探完朋友同bb喺附近食埋晚飯，上網搵到呢間評價極好嘅餐廳，隱藏係淘大商場對出嘅角落，位置唔太顯眼，行近就見到轉角有大大個霓虹燈logo，非常容易辨認。手打鮮蠔湯鮮味濃郁，蠔味突出之餘仲有好香嘅菇茸作為餘韻，口感順滑，每一啖都係享受，好有驚喜！黑松露薯條幾乎係我哋每次食西餐必點，松露落得好大方，香味濃郁，混入少許芝士，極度邪惡。食厭咗牛肉漢堡，今晚特意點咗炸魚漢堡，魚柳大大件，即叫即炸，入口外脆內嫩，配上健康嘅牛油果、蕃茄、生菜同清新嘅他他醬汁，係完美嘅配搭！牛肝菌意大利飯水準亦好高，米粒熟而不爛，帶些少咬口，濃稠嘅醬汁帶嚟黏稠順滑嘅口感，混入露筍令成個risotto更加清新，減低膩滯感。香煎鵝肝兩面煎成金黃色，香氣四溢，入口係滿滿嘅邪惡滋味，令人齒頰留香。酷愛mojito嘅先生點咗一杯無酒精嘅薄荷青檸梳打，加入青瓜感覺格外清新。今晚點嘅每一道食物都令人非常滿意，特別係手打鮮蠔湯，令人印象特別深刻，餐廳食物水準極高，而且價錢合理，難怪一直好評如潮。

之前經過淘大見到supernormal有豬手食已經好想試，所以就趁佢外賣85折試下😛食得太多普通外賣，有時夜晚真係要叫個別緻啲嘅外賣🌟柚子豬手：面頭有金箔，賣相特別之餘非常高質素，新鮮製作，皮好脆而且不會好鹹（個人好怕鹹鹹的豬手），肉質亦都好嫩，而且食落去會有淡淡柚子香味，餐廳配埋末醬好好食。🌟香煎鵝肝露筍牛肝菌意大利飯：平民價錢，食到高質素鵝肝😋鵝肝除左煎得好香之餘，仲非常香。個義大利飯就好creamy好多菇，仲有洋蔥，好足料～🌟雞軟骨：串燒好好食，粒粒軟骨得來不會有好多肥肉。（早知道的話就點多幾個串燒食）餐廳頗有心思做好食物的質素和外觀，而且還有「抗疫價」，下次去要試埋其他西式食物！

都有一排冇去食西餐，今日揀咗一間比較有氣氛嘅西餐廳，位於九龍灣淘大，因為有朋友食過覺得唔錯，推介我去試，就帶另一半去。環境門口有個户外位，望落餐廳幾有外國feel，推門入去，就見到餐廳以磚牆做設計，有英倫風格，bar枱旁邊嘅牆仲有燈管樣貌嘅燈，好特別。日本阿波酢橘雞尾 $34(2串)首先嘆咗2款串燒先，第一款試咗比較特別嘅雞尾，外形同質感都有啲似雞軟骨，當然冇軟骨嘅咬口，但都彈牙，有啲似食肥膏咁，但又唔會覺得膩。燒安格斯牛肉 $44想食下牛肉就叫咗串安格斯牛肉，都幾大串，口感不韌，牛味足，仲帶點肉汁。麵包卜卜蜆鍋 $138呢款係西餐廳比較少見，份量都幾多，仲有魷魚、西蘭花，估計有加少少酒去煮，湯底清甜，卜卜蜆每隻都好肥美，亦滲到清湯，美中不足係有部份有蜆有啲沙。香煎鵝肝露筍牛肝菌意大利飯 $128自己都幾鐘意食Risotto，貪佢有咬口而且都比較濃味適合我。鵝肝好大塊，煎得幾香身，外層微焦脆，內裡近乎入口即化，唔太膩，Risotto 加入牛肝菌提升香氣及整體口感。青瓜薄荷青檸梳打 $38對青瓜製成嘅食物同飲品都好有興趣，我覺得青瓜飲品好清新，入落去好舒服，呢杯都唔例外，推薦！配晚飯一流

此店為區內稀見的高質酒吧餐廳，隱藏於淘大商場內街，位置並不顯眼要特登屈入街內才見，慶幸咁高質嘅餐廳無咩人發現，去到唔駛點等位。餐廳裝潢甚為講究，紅磚牆、鐵罩吊燈、牆上掛滿舊水牌，處處洋溢美式工業風復古味濃，環境相當有格調。另一位置有日式牆畫以呼應店內所提供的日式美食亦有不少掛畫相當有趣柔和燈光下播放著浪漫情歌氣氛唔錯，枱與枱間距大私人空間充足，餐廳每個角落都有其獨特處，好坐位置選擇甚多總有自己喜歡的。戶外位置感覺似包廂私人空間十足角位深處無侍應穿梭可以自成一國此位置高枱吊腳坐得舒服二人套餐相對抵食，但朋友見MENU上有其他更吸引想食，所以決定散叫。原味德國豬手見侍應傳菜都幾大碟下，而且豬手拆埋肉食起來方便，可惜無點到，等下次再來食下。法式鮮蠔湯 $52MENU上有推介相當有驚喜，湯味濃郁好creamy，而且碗湯有大量蠔碎粒，每一啖都食到，蠔碎令整碗湯口感和味道提昇不少，蠔味十足誠意之作，來一碗二人分享真的不錯，一飲難忘。白酒忌廉煮法國藍青口 $108細細隻的藍青口有廿隻之多，肉味鮮甜又唔腥，仲有兩塊蒜蓉多士跟埋，兩者同樣沾了白酒忌廉汁非常美味。香煎海鱸魚配意大利雲呑 $138魚扒兩塊魚

經過一日辛勞嘅工作，最嘆就係同朋友放工去Happy Hour鬆一鬆！如果響觀塘、九龍灣返工，又唔想搭車出去油尖旺咁遠，可以近近地嚟SuperNormal！呢度係一間酒吧餐廳，裝修格調都唔錯，幾好feel～ 食品種類都幾多，意大利菜、日式串燒、美式漢堡、德國豬手等等多國菜都有！重點係佢地嘅酒類飲品，有特色手工啤酒，仲有靚到哇哇聲嘅Cocktail，啱曬靚女們影相打咭😂Chinese Hua Diao $58睇倒圖片我已經無理到係咩口味就決定叫呢杯Cocktail😂 因為賣相實在太太太靚太特別喇！其實佢係花彫酒、蘋果汁、肉桂、Gin酒四樣嘢特調而成～飲落去微甜，酒味中等唔算太濃烈，亦飲倒花彫酒嘅香味～ North Coast Old Rasputin Russian Imperial Stout（人氣黑啤）$62呢隻係美國黑啤，飲落去口感幾豐富，伴有微微嘅咖啡同朱古力味。值得一提嘅係個酒杯，好型格～ 飲酒都飲得有feel啲～ 巴馬火腿紅菜頭沙律 $78沙律菜夠新鮮，紅菜頭好清甜，parma ham唔會太咸，伴沙律一齊食好正。香煎鵝肝露筍牛肝菌意大利飯 $128鵝肝煎到半熟，外脆內軟啱啱好

SuperNormal 喺九龍灣淘大商場M記後面，裝修新淨，似乎是新開張不久。有大量的手工啤可以選揀，仲有個非常易明嘅Rating方便我哋去選出心水嘅手工啤，設計夠晒貼心！菠蘿荔枝梳打 $38甜甜酸酸的，頗為清新！Green Latte $36綠茶味突出，而且入口順滑，不錯！香煎鵝肝露筍牛肝菌意大利飯 $128上菜時傳來一陣又一陣的菇菌香味，意大利飯上方的鵝肝煎至香脆。用匙羹把鵝肝輕輕壓碎，鵝肝肥美的油份會滲入意大利飯中，令意大利飯變得極為甘香可口，正到停唔到手！經典安格斯牛肉漢堡 $86很有份量的漢堡，伴炸至香黃香脆的厚切薯條。漢堡疊得好高，上下都有芝士，漢堡肉煎至約七成熟，肉味香濃之餘仲勁多肉汁！漢堡還加入了少量蜜糖芥茉醬，格外惹味！墨魚丸 $18厚切牛舌芯 $42串燒墨丸十分彈牙，而且加入之日式醬汁和少量辣粉一同燒製，超級正，推介！牛舌芯調味恰當，肉質軟腍，幾好！焦糖菠蘿 $34菠蘿加入砂糖和酒，燒至微焦，焦脆甜美的焦糖包著酸酸甜甜的菠蘿，正宗外脆內軟！而且酒燒得夠盡，只有酒的香味，沒有一點嗆喉，呢個當甜品食真係一流呀！