Seoulmate (MONTEREY Place)

營業中

休息中

今晚去將軍澳探朋友，佢話一直想食呢間餐廳，於是我俾佢揸主意，我哋今晚叫咗呢幾様：😌主菜：香煎鵝肝同韓燒牛肉碎拌飯鵝肝原塊上有驚喜！鵝肝撈飯之後，仍然保留嗰種油煎甘香，肥美而不油膩！份量啱啱好！主菜鵝肝都整得幾好，朋友讚好。小食：泡菜煙三文魚他他 配 酥炸脆球三文魚他他就欣賞佢放喺酥炸脆入邊，令到成個小食可以用手拎，而且食物賣相上有提升！飲品：藍蝶花冰極熊柑桔梳打 （左）；洛神花冰極熊西柚白桃梳打 （右）飲品嘅話，主要喺個熊仔冰上面，個造型特別。飲品酸甜恰到好處😃！甜品：焦糖鳥龍茶珍珠奶蓋瀑布戚風蛋糕🍰烏龍茶蛋糕就有少少心太軟嘅感覺。甜品唔會太甜，兩個人share 份量啱啱好！☺️餐廳空間感好大，氣氛同埋整體感覺都係幾好，令人放鬆既一個晚上之後！就咁睇都好多食物選擇，食物圖片睇到賣相唔錯！

😚Happy Friday 同朋友去將軍澳近海濱個頭食飯，順便行下Donki同海濱🌙 黎到呢間係Monterey Place地下呢間韓國菜cafe，菜式行可愛打卡路線，小食到主菜，甜品同飲品都可以打卡影靚相，而且味道唔錯架！ 點左個期間限定主菜同小食：🥘🦢香煎鵝肝同韓燒牛肉碎拌飯🐮（$168）-用鐵鍋上既拌飯，上面鋪得滿滿的，有3塊煎到香噴噴同好有油香既鵝肝，炒香左既牛肉碎，新鮮蘿蔔絲🥕，香甜既洋蔥絲🧅，菠菜同太陽鶉蛋🍳。下面既飯底已經有醬汁，撈埋一齊食味道唔會好咸，醬汁適中，口感好豐富，幾正架～ 🥚韓式麻藥蒜香溏心蛋（$58）-用韓式醬油及麻油煮成既醬油浸製而成既溏心蛋，半熟流心，上面仲有啲炸碎蒜同番紅花絲，令成個蛋更香同惹味。 🍨韓國雜莓奶蓋瀑布奶油蛋糕（$108）-黎到個個都必叫個甜品，小編同朋友就想試下雜莓味，淺紫色既芝士奶蓋，配上士多啤梨🍓同藍莓🫐好靚，好少女，一拉高個透明膠片，奶蓋就瀑布咁四散流哂落黎，哈哈！雜莓少少酸味，配上重奶油香既厚身蛋糕， 蛋糕係鬆軟有口感，但係唔會覺得好漏，再配上士多啤梨雪糕🍦忌廉同脆脆，味道唔會好甜，有口感，份量亦剛好。 🍸藍柑桔百香果梳打（$4

今次過隔離Monterey食韓國Fusion菜-Seoulmate平時每次經過都見到唔少人喺門口排隊，見餐廳入面環境都幾舒適，一直都想試下，哩晚我哋一家終於去食喇去到果然要排隊，好在只係等咗15分鐘就入得去，店員竟然安排咗有千鞦椅嘅座位俾我哋，真係surprised!坐上去輕輕搖下搖下真係幾寫意不過身形矮小嘅話會坐得比較低，例如我…店內座位同餐枱都好寬敞，環境和諧輕鬆，食物亦好味抵讚，真係值得再幫襯！