騷

今日同M佬去諾士佛臺嘅騷Soul食飯，台上嘅演出者選擇咗呢首歌：……從眉梢中感覺到，從眼角看不到，彷彿已是最直接的裸露……我A姐真係好鍾意哥哥，每次聽到佢啲歌都會好有感觸……幸運嘅係，我識咗M佬，可以同佢分享每首歌嘅感動！而今晚呢位演出者所唱嘅歌又幾啱我哋嘅口味，邊食邊聽真係一個好好嘅享受。Hong Kong Whistle – Apple Cider：嚟到諾士佛臺，有Live Music又點可以無酒呢，但太strong嘅酒唔啱我，太普通嘅酒又唔襯我！所以呢間餐廳嘅店主就介紹我呢杯 Apple Cider。吓！咩話！APPLE CIDER？但原來呢杯Apple cider都大有來頭，係由油麻地果欄買入嘅新鮮蘋果搾汁而成，所以飲落口係有好清新嘅蘋果香味，估唔到啤酒同果汁都可以咁Match！柚子蝶豆花茶：M佬今日竟然唔飲酒，因為佢話想試吓呢度嘅柚子蝶豆花茶，仲可以自己加檸檬汁調配最適合你嘅口味，真係好似做實驗咁呀！而店員預先將柚子製成冰，所以就算冰溶咗，味道都唔會變淡！味道好有層次，驚喜在於柚子味好香濃，飲完又夠晒解渴！炸魷魚圈：炸到金黃色，脆卜卜呀！配合埋個蛋黃醬，真係好夾呀！用嚟佐酒真係一流呀！不過份量唔多，M佬唔好食晒呀，留番畀我！香煎帶子伴芒果沙沙：煎到半生熟嘅帶子，除咗保留咗刺身嘅彈牙口感之外，估唔到外層又夠香脆喎！配埋芒果沙沙，真係好Fresh，作為開胃小食真係一個唔錯嘅選擇。All Day Breakfast：我係唔會空肚食早餐，所以我今日就食All Day Breakfast啦！上台一刻已經被好香嘅黑松露味吸引住，個蛋炒得好滑添，仲有濃郁肉味嘅紐倫堡腸添！不過，呢度就無煙肉，取而代之係健康嘅啡菇、沙律，真係啱晒On diet嘅我呀！當然仲有唔少得嘅薯餅、茄汁豆同牛角包！呢份早餐真係好豐富呀！黑松露大啡菇意粉：松露味配埋大大隻啡菇，真係好Juicy呀！意粉軟硬度適中，唔會好油膩，真係夠晒清淡健康呀！…查看更多

呢間騷嘅裝修同陳設同一般嘅酒吧有啲分別，反而更加似樓上咖啡店，對於唔係成日去酒吧嘅人嚟講感覺會自在一啲。最入仲有個小舞台，係俾唔同嘅本地獨立音樂人舉行Live Music表演用嘅。呢晚試咗幾樣嘢，事前晌網上睇咗其他人嘅相，對柚子蝶豆花茶非常有興趣，見其他人啲冰塊入面有柚子碎，睇落又靚又吸引，但係我嗰杯啲冰塊就無。雖然係咁，蝶豆花茶用咗三角錐型玻璃量杯載住，確係玩味十足。倒咗蝶豆花茶入去之後，再加埋檸檬汁，睇住兩樣嘢產生天然嘅化學作用，由紫藍色慢慢變成紫紅色，既好玩又可以重拾求學時期上實驗堂嘅感覺。花茶加咗薄荷葉同檸檬汁，飲落清新，柚子味就稍輕，整體嚟講幾順喉舒服。香煎帶子伴芒果沙沙，帶子燒得表面焦脆，肉質彈牙，上面嘅芒果沙沙香甜解膩。Mini Burgers，漢堡扒係用豬肉手打而成，再配埋芝士、番茄、生菜等等。當中嘅醬汁酸酸甜甜，加埋一齊幾惹味。size細細，大約兩三啖就食完，對女仔嚟講幾方便。當晚仲有悅耳嘅Live Music表演，演唱咗唔少耳熟能詳嘅歌曲，例如係盧巧音嘅喜歡戀愛同張國榮嘅有心人等等，增添咗唔少氣氛。…查看更多