Maison Beirut

朋友介紹過嚟呢度試吓黎巴嫩菜 喺呢個將軍澳海旁搵到一間咁有特色嘅餐廳🫢 裝修風格仲好舒適 有啲靚靚嘅土耳其燈 真係好吸引眼球☺️ 香烤羊肉腸先嗌咗一份小食 一上碟羊味已經飄出🐏 羊肉腸嘅size適中 食得幾方便 而且羊味香濃 鍾意食羊肉嘅朋友一定會好喜歡😉 側邊配上特調嘅香料醬汁同埋乳酪 令到羊肉腸更有風味黎巴嫩烤魚呢個烤魚好有特色 先將魚柳煎香 在淋上特製嘅醬汁🤩 醬汁味道甜甜地 而且有一些松子仁 洋蔥 燈籠椒絲等嘅配料 魚肉都幾嫩滑🐟 底下就有一啲煎香咗嘅脆薯粒 呢一個份量都啱晒同友人share香滑雞乳酪拌飯乳酪拌飯真係第一次食 底下嘅飯本身撈咗一啲自家製脆片 鷹嘴豆同埋大量雞肉🍗 雞肉係冇皮嗰種雞食落唔會咁肥膩 面頭就有乳酪同埋松子仁 將所有配料撈埋一齊食之後飯嘅質地會較稠杰🍚 但係味道都幾特別 因為主要食到個乳酪嘅酸味為主 呢次係我第一次試黎巴嫩菜 口味新鮮 但係都幾容易接受 所以都幾值得試😝

要chill就要去西貢⋯隔離嘅將軍澳，作為海邊嘅地區，餐廳越開越chill其中呢間黎巴嫩餐廳對正跨灣大橋，望住變色嘅橋食好嘢的確係爽嚟得食黎巴嫩菜，鷹嘴豆醬配彼得包一定走唔甩想食齊咁多款醬，嗌拼盤會抵食啲一set有松露鷹嘴豆蓉、蒜香乳酪、烤紅椒核桃蓉同烤茄子蓉仲配有一籃彼得包同nachos，加咗優質黎巴嫩橄欖油，款款都勁好食就算唔夠加多籃包都只係$15，抵過過海食原來黎巴嫩都有特色芝士，叫哈羅米芝士，成塊好似扒咁烤，然後放上大量蕃茄、紅石榴粒、開心果碎同香草同芝士淡淡嘅香氣非常之夾，滿足過鋸扒呢度嘅拌飯又唔似印度嘅飯粒，又唔係risotto咁，介乎中間，可能呢啲先係中東飯用乳酪撈雞肉，仲有啲松子同自家製脆片，再加啲醋調味，中和拌飯嘅膩感，味道豐富又極具層次最後嚟個黎巴嫩甜唔，呢度嘅米布甸比坊間大兜好多質感似粥，甜甜地又唔會太過，好有米香同奶香，好creamy，好快就扒清光