Quattro's Kitchen (已搬遷) 新店位置

星期一晚同老公去AEON超市掃貨，掃貨前係AEON一間西餐廳食晚飯先。菠菜蟹肉忌廉湯第一次飲菠菜湯，好重波菜味，加左蟹肉同忌廉令到個湯無草青味，幾特別，唔錯。龍蝦湯入面有隻蝦，味道濃郁，好飲。餐包鬆軟香甜，我鍾意食。黑松露黑毛豬骨係新出品，黑松露味好香，黑毛豬骨炸到卜卜脆，好香口，美味可口。卡邦尼意粉煙肉、菇、洋蔥既份量好多，亦十分creamy，每條意粉都掛到忌廉汁。扒紐西蘭肉眼扒牛(10 oz)叫左五成熟，有牛味而且保持到肉汁，配菜有菠菜、薯仔、車厘茄。最後飲埋精選咖啡同意大利朱古力，兩者都香濃幼滑。

太古呢間西餐，我成日行完Aeon都會黎幫襯，鍾意佢個set dinner幾高質又唔太貴。.呢幾日Aeon 減價買完一袋二袋又黎食dinner 🤣 叫左2個set dinner , 1個salad, 同2杯野飲，3個人share食都好夠飽👍🏻 .🍴芒果蟹肉沙律$98沙律用左新鮮蟹肉、鮮芒果肉同沙律菜製作而成， 面層有淋上香甜嘅芒果汁， 加上蟹肉以有簡單調過味， 沙律新鮮惹味，幾開胃！.🍴 龍蝦湯晚餐本身跟左餐湯，升級龍蝦湯+28，成個湯既鮮味好煮出，湯底質感濃稠、口感豐富、啖啖充滿鮮甜，仲會有隻蝦配埋，另外佢地配既麵包有烘熱，脆脆地好好味。.🍴西京燒銀雪魚$248西京燒呢個汁真係無人唔鍾意㗎！配埋魚油豐富同皮香肉嫩嘅銀鱈魚，真係無得輸呀！而配菜都唔馬虎，賣相已經好有心思，色彩繽紛，睇得出大廚真係好用心。.🍴扒春雞配鵝肝汁$188擺盤好有心思，春雞燒得夠香脆，肉味食得出用少少鹽簡單醃製過，點埋個鵝肝汁好惹味好食。.🍴Sunrise trip & Tropical 餐廳花茶我最推介，有好多款式，全部都好靚又好好味，花香同果香味好重，好夾食完西餐慢慢品嗜👏🏻

今日老公放早，特登過尼鰂魚涌接我放工，順便去食晚飯。在openrice見到這間位於太古康怡的西餐廳，有幾多好評，似乎不錯，所以兩個人慢慢散步過去。踏入十月中，開始進入我最愛的秋季，秋意綿綿，六點鐘已經開始天黑，加上陣陣涼風，竟然覺得有點冷。我們約七點到達，餐廳已經有大半滿座。整間餐廳主要以木色為主，空間都幾寬敞。我們先點了兩杯飲品，分別是Sunrise Trip及Mocha 。另外還點了一個前菜，兩個主菜及一個甜品。如點主菜另加$45可以有埋餐湯或沙律及飲品。Sunrise Trip是由橙皮、香茅等配料做成的花茶，有濃郁的橙香，味道帶點酸，加了蜜糖更好味。Mocha奶香濃郁，反而咖啡味不夠濃，但甜度適中。前菜是煙三文魚凱撒沙律，有差不多5-6片的煙三文魚，煙熏味濃郁，還夾雜點香草味道，三文魚鮮甜，羅馬生菜新鮮爽脆，配上香脆的煙肉碎、焗得脆口的麵包粒，及巴馬芝士碎，整體清新開胃。餐湯選了法式干邑龍蝦湯，湯是用炒過的蝦殻煲成，充滿蝦香，味道濃郁，另外加了點忌廉落去，令湯底更幼滑，蝦肉結實爽口，配上焗得香脆鬆軟的麵包，已經半飽。主菜是三文魚伴帶子野菌鮮蝦野米飯，三文魚大件，表面煎至呈金黃色，