Mini Friday (銅鑼灣廣場二期)

之前同男朋友黎過呢間，食完大家都覺得唔錯。最近發現轉左menu，所以呢次約朋友黎再試下😋。🔅蜜糖蒜片炸雞 ($98)大推炸雞😍！炸雞外層炸得好香脆，雞肉質好嫩滑🥺。將炸雞沾滿蜜糖加上蒜片好香脆又唔會好膩。螞蟻人表示唔算好甜😝。🔅咸蛋黃薯角 ($88)呢個上次食完覺得好正所以encore💛。薯角炸到熱辣辣，鹹蛋黃味濃。不過2個人食就份量太多🤣。🔅椒麻雞肉意粉 ($98)鐘意椒麻味既朋友仔唔可以錯過🥺。意粉軟硬適中，食落夠麻！朋友怕辣就頂唔順😂，不過我覺得辣同麻都好夠，不過食食下要食返啲炸雞平衡下😝，唔係會麻到無味覺🤣。🔅龍蝦蝦肉包配薯條 ($168)薯條份量超多！包外脆內軟，醬都夠濃味。💬Menu雖然轉左但選擇都好多，有齊西餐、日式便當、pizza、burger、甜品等等，加上環境真係唔錯，推薦同朋友gathering黎試下👍🏻。…查看更多

之前上網見呢間既paella幾吸引，所以放工同鐘意食西餐🍽既男朋友去試下銅鑼灣分店。由於一放工就過去，可能因為時間尚早所以有卡位坐，非常闊落坐得好舒服😚。🔅餐前小食薄脆好香口，脆卜卜😍。🔅龍蝦西班牙海鮮飯 ($278)Paella一拎黎已經聞到好香😍，海鮮鋪到滿晒，超足料又新鮮。有龍蝦、魚柳、蝦、蜆同魷魚，仲有少少海鮮料，超滿足🥺！呢個鍋比一般既paella平底鍋深，所以其實份量極多😱，同男朋友大胃王都食唔晒要拎走🤣，呢個量可能都夠4人食…同朋友黎食真係必叫！同埋個鍋保溫好掂😂，影完一輪相慢慢食，食到後面都仲keep到暖👍🏻。🔅芝士牛肉漢堡 ($168)牛肉厚實但肉質頗嫩，芝士味唔算超濃，無搶到牛味。配埋新鮮洋蔥🧅同生菜，食落有口感👍🏻。粗薯剛炸起好脆熱辣辣，茄汁偏甜啱晒我😚。雖然望落無特別😂，但每樣都交到功課無咩扣分位👍🏻。🔅咸蛋黃薯角 ($78)薯角炸到香脆熱辣辣，鹹蛋黃撈得好勻，每舊都有鹹蛋黃味好正🤤！同埋唔好睇少其實份量好多，食薯角都食飽🤣。💬原本只係為左試下paella先黎，結果有意外收獲😎。2個人連加一$500鬆啲食到咁飽，仲要拎成盒飯返屋企食🤣，性價比好高。食物同環境都好滿意，staff都好nice，好適合約三五知己黎聚會既西餐廳💛。…查看更多

朋友選擇在銅鑼灣晚飯🥣原因是飯後想去附近食刨冰🍧三人行又是一個閑話家常、暢所欲言的晚上🗣應該是用雲吞皮炸成的薄脆，幾香口👌沙律菜尚算新鮮，沙律醬是另上，說是自家製，但沒什麼特別，不見出色。火腿質素一般，只加了$28算是合理了👌完全沒有咸蛋黃味道，只是一份很普通的炸雞翼🙁忘記將龍蝦反轉影張相，這張相龍蝦🦞看似很美味，但龍蝦肉極度乾身又無味道，雪得太久了吧！反而大蝦需要也沒什麼鮮味，但很爽口☹️點這個是因為被牛脷吸引了，但牛脷粒偏淋，份量也少，不過芝士味濃，配搭薯粒也是最佳拍檔🧀👌整體食物質素有點強差人意😔但座位舒適，也不算很嘈雜，和朋友傾偈食飯是一個不錯的環境👌價錢也合理👌服務態度也很好👍這是我給🆗分數的原因。…查看更多

自從銅鑼灣開咗分店，就介紹港島區嘅朋友嚟試，食到飽飽，朋友表示滿意😉餐前小食，我叫佢做薄脆皇牌威靈頓牛柳 $298之前試過觀塘店，覺得唔錯，今次再試新店嘅出品；鬆脆酥皮包著磨菇丶煙肉醬汁，有少少松露味，牛柳粉嫩，保留到肉汁，充滿牛味！果然係皇牌！明太子忌廉帶子手捲粉 $148手捲粉橫切面呈S型，中間嘅坑紋正正留住醬汁，令到每條手捲粉掛滿忌廉汁，啖啖明太子；帶子微微煎香，中間呈半透明狀態，口感鮮嫩！凍檸茶 $28本來夜晚盡量唔飲凍飲，但突然想飲返杯茶幫助消化，每次嚟我都會介紹呢度嘅凍檸茶，檸檬夠新鮮，要讚一讚水吧，仍然保持到水準👍🏻 …查看更多