神虎麺商店

營業中

休息中

今晚去咗灣仔食四小龍搵麵，心血來潮擇一間啦，神虎，i chose you！入到去間鋪都算闊落，仲竟然唔使等位，正。2個人叫咗一個神虎拉麵，一個黑虎拉麵，一碟餃子。神虎拉麵嘅豬骨湯十分正！同佢隻拉麵又夾，放耐咗都唔會脹。飲晒個湯。叉燒又夠大塊。一碗啱啱好。黑虎都好，黑蒜味重啲咁，喜歡的人會很喜歡。知餃子夠大隻，但味道一般，冇突出色。整體係香港嘅拉麵之中算好的一層。最特別係佢啲濕巾，有紅色同藍色，未見晒，made in japan㗎。

灣仔必食拉麵🍜要咗餃子🥟，餃子係點醋，今次有埋黑椒、胡椒，所以令到餃子更加野味拉麵- 本身麵質中等，有咬口，不是平時軟林林的拉麵，讚👍🏻黑毛豬-其實食唔出係黑毛豬，都係普通豬肉味，比較喜歡麵質同湯底湯底- 要咗神虎湯底，濃厚豬骨湯味，好重骨膠原，最緊要係拉麵本身有掛湯，成件事好夾！總結：兩個人要$200多，兩個拉麵一個餃子，性價比算正常，不過食物質素係讚，絕對可以回頭！

食過幾次都覺得幾正餐廳環境環境乾淨整齊，好光猛食物拉麵今次都係食返元虎，最簡單嗰款。碗麵有兩大塊豚肉、兩粒雞肉丸、木耳、紅洋蔥同蔥。佢湯底濃郁好香，但唔咸，就咁飲都得。你會飲得出佢真係熬湯底熬咗好耐。平時食一碗麵，通常到最後就會凍咗，或者係暖，但呢到嘅拉麵就算慢慢食，食到最後都仲係偏熱嘅暖，好佩服佢嘅技巧。豚肉好tender，一啲都唔乾雞肉丸雖然樣貌唔太討好，但佢彈牙好食豚肉同雞肉丸應該係每日新鮮整。你會喺佢嘅bar枱邊見到一袋二袋醃緊嘅豚肉，雞肉丸係粒粒少許唔一樣嘅形狀。餃子應該係自家制，皮好薄，餡好足料，次次都熱辣辣

如果喺香港食拉麵喺我心目中第一位應該都係佢，神虎麵商店！由第一次食過嘅海虎拉麵之後每次嚟都冇變過，次次都淨係食海虎拉麵，不過就一定要食精選，因為精選會有一條豬腩肉，就係因為呢條豬腩肉，我愛上左呢間拉麵店，所以其實係我心目中第一位嘅應該係呢間店嘅豬腩肉，哈哈！如果講到個湯底海虎其實就係蝦湯，蝦味非常濃郁，好夠味，不過我就冇辦法飲晒佢，因為飲晒你會覺得好鹹，伴拉麵一齊食就啱啱好。至於拉麵嘅質地，我一直都覺得麻麻哋，唔知點解佢嘅拉麵嘅質地係冇一種滑嘅感覺，不過條豬藍玉真係無敵！完全可以蓋過任何缺點，哈哈！呢度嘅餃子係用西班牙嘅豬肉做，每次食親佢哋嘅餃子，都一定噴汁！

見到大阪有分店就黎食下。食左 menu 介紹嘅神虎精選，味道都似喺日本食嘅，湯底濃，偏咸。湯始終唔夠喺日本食嘅熱。但唔太好肉嘅真係唔好叫。又豬肉丸又叉燒又腩肉⋯其實啲肉入味又好林，係好味，但太多喇。$124都算抵，唔係某某拉麵成舊水只得一兩塊薄叉燒。第一次食咁多料嘅拉麵🤣 飽到夜晚都唔駛點食餃子唔錯，皮薄，尤其係個汁。剛好經過灣仔（唔駛排隊嘅話）可以一試。weekday lunch time 都真係要排下隊。

今日放工就想去食野，一個人而且屋企人無煮飯：咁就諗要食啲咩嘢。突然之間好耐無食拉麵，所以去搵下有咩拉麵店未食過。上網見到有間鋪頭係關西嘅拉麵，咁就決定去呢間餐廳。餐牌我望下個餐牌，見到有6 款主打拉麵。本身我想叫赤虎，之後我問一問個待應姐姐：係咪好辣？.....佢話大約係中辣程度，所以轉食海老虎拉麵。食物海老虎拉麵上菜嘅時侯,係有煙出。都幾熱。眼睇有嘅材料有櫻花蝦、肉丸、木耳、紅洋蔥，當然有主角叉燒啦。湯底顏色都幾濃燈色，我第一啖食肉丸，好彈牙而且好豬肉本身嘅肉味。叉燒好大塊而且無咩脂肪,食落去好淋，麵質比較圓身，而且都幾掛汁。湯就豬肉味濃，但飲落去不油膩。櫻花蝦有鮮香味而不腥。餃子餃子一份五件。外皮好薄，好似用牛油紙包住：肉眼就咁睇都睇到裏面嘅餡料。食落去時候餃子裏面有好香豬肉味，而且好多肉汁。服務本人都係諸多要求，先問個侍應赤虎係咪好辣？當然個侍應都答得。臨走嘅時候，個日本師傅同其他嘅侍應都會講「ありがとうございます😊」可見佢地客人嘅服務態度係好好。所以我亦回態一句「おおきに！」呢句大阪回應。