鳳雛燉雞

營業中

休息中

🍽️鳳雛燉雞 (旺角)📍旺角彌敦道726號10樓1. 韓式涼拌一上咗嘅時候已經有嘅韓式涼拌，內容有韓式泡菜，涼拌青瓜同涼拌芽菜。個人都係特別喜愛韓式泡菜，味道酸酸，口感爽脆，令人開胃。2. 韓式醬油蟹 （配飯）五大名菜之一既醬油蟹真係必食！佢唔單止肥大肉厚，而且十分鮮甜！蟹膏既份量都好多，加埋佢地自家調配既醬油，配飯真係一流。3. 韓國人蔘雞湯（+飯焦）人蔘雞湯真係我既最愛，雞肉煮到好軟嫩，雞湯內既人蔘味都好出，裏面仲有糯米飯，吸收曬湯裏面既精華。我地仲另外叫左飯焦，飯焦上面有紫菜同泡菜，食落去更有口感。4. 飲料 （藍檬梳打，百香果梳打）佢地既飲品賣相都好靚，打卡一流，特別係藍檬梳打，上面係透明下面就藍色，飲落去有淡淡既檸檬味，甜甜地。百香果梳打都好清新，好多百香果，最適合夏天飲用。

食傳統韓國菜非燉雞莫屬今次去左旺角726大廈入去職員全部都係韓國人簡單裝修好似去左韓國咁連小菜都有三款👍🏻加分🐥芝士燉雞…………$278大大碟 一上台嚇親適合2-3人食芝士滿滿 拉絲🥰芝士控一定鍾意有三種選擇唔辣 小辣 中辣店員好細心 叫我哋可以選左唔辣先 之後再加辣又得有好多唔同既配菜薯仔青瓜紅蘿蔔洋蔥仲有冬粉值得一提冬粉有驚喜吸晒啲湯 煙煙韌韌好入味🐥飯焦………………..$38識食一定食飯焦香脆可口加埋啲湯忍唔住食晒🤭十級推薦

聽說此店本身在韓國有店，喜愛韓國的朋友都說在當地食過，好像都幾受歡迎。沒有在韓國食過燉雞的經驗，今次就來試試韓式燉雞究竟是甚麼一回事。在彌敦道726號這棟大廈基本上全部都是食肆，經常在旺角找吃的我卻是第一次來。𨋢細細，但上樓後別有洞天。每一層的舖頭面積不大，一眼都差不多可以望完，但直至我上到十樓，都見到中間停頓的樓層的食肆坐滿了人，在餐廳有限的空間裡談天更顯得熱鬧，所以大家記得訂檯喔。牛肉紫菜包飯($78)，賣相不錯，但質地較散夾起很容易跌。味道方面有突出的麻油味，但不講都不覺得裡面有牛肉，少又碎得可憐，只食到清新的蔬菜，不值。一場來到當然要試試她們的主打燉雞。鳳雛燉雞(無骨)($248)，裡面有些蔬菜，底部還有一人份量的冬粉。雞的份量都有不少，不過雞肉的肉質普通，某些部位較嚡，雞味也比較淡。蔬菜有洋蔥、紅蘿蔔、薯仔、青瓜，不至於太單調。我認為整碟燉雞最吸引的是底下的冬粉，吸收了本身十分濃味的醬汁，黑椒味重，口感煙韌，我們額外點了一個飯焦($38)，是要跟燉雞一齊食的。我們的食法就是直接把飯焦放進燉雞裡，然後弄到一塊塊的。由於燉雞都有幾多汁，所以把飯焦向下壓就能夠吸收到醬汁，味道甚至比

韓式燉雞係香港其實都好少見，原來喺韓國係一道都幾出名嘅菜式，同埋呢間舖頭係韓國都有唔少嘅分店！去到見到枱枱基本上都會叫一碟燉雞，如果鍾意食芝士嘅話就可以叫芝士燉雞，想試下傳統風味嘅話就一定要叫鳳雛燉雞啦！🐥**********<鳳雛燉雞> $248<加飯焦> $38個燉雞可以揀有骨或者無骨，辣度都可以選擇嫁🌶碟雞嘅份量其實都夠兩至三個人食，雞嘅肉質都幾嫩滑，雖然舊舊都好大件但都唔會覺得好濟😋如果唔要辣嘅話，個汁係甜甜地嘅，同啲雞都幾match！除咗雞之外，仲會有紅蘿蔔、薯仔、青瓜等配料，重點係個底會有冬粉，個冬粉嘅質地係煙煙韌韌，好似幼版嘅薯粉咁，配埋個汁真係好好食😍如果要再加配料嘅話，個人會推介加飯焦，個飯焦好似平時啲煲仔飯個底咁，外脆內軟，同樣加落啲汁度撈埋一齊食，都無得頂啊！🤩

今日同男朋友出旺角，見好多客人讚這間韓式地道燉雞，就黎試試。地方明亮簡約的設計，以木色為主，讓客人感覺舒服順眼，座位軟又大，舒適享受美食！更有大電視播放韓國MV，好像身在韓國一樣服務態度友善，老闆是韓國人，以英文溝通，勤快熱心又乾淨！落單準確；好快送上前菜（泡菜/蒜香芽菜/酸蘿蔔青瓜片，開胃惹味又爽口點了出名的鳳雛燉雞（有骨少辣）大大鍋香噴噴送上，好吸引好香的味道，雞件好入味好彈牙，一點也不肥膩，雞肉好香；配了彈牙煙韌又吸汁的幼身冬粉，好好味好喜歡；更有豐富足料配菜，入味軟腍甜洋蔥、軟腍健康紅蘿蔔片、爽脆清新青瓜片、入味香滑薯仔片，健康又有口感；醬汁是秘製的，微辣惹味飯焦這個好多客人讚，必點推薦；因為真的脆卜卜，金黃飯焦吸了醬汁，再加上泡菜及紫菜，真的好美味、口感又超好，男朋友喜歡將醬汁少少地加入飯焦，我喜歡泡入醬汁吸了醬汁精華，2種食法蘋果特製調酒好有型，男朋友一直想試，酒味不會太濃太高，這個好適合女士飲，蘋果味濃郁，甜甜又不會太過，配合剛好

朋友去完韓國返黎之後對韓國既燉雞念念不忘！竟然俾我哋搵到喺香港都有得食梗係要去試吓先啦！我哋喺平日晚上到訪，客人唔太多，我哋四位店員都安排左卡位俾我哋！落地大玻璃望到出邊嘅景色（黑漆漆嘅商廈🤣一坐低就叫左份燉雞先！我哋叫咗小辣，不過對於唔食得辣嘅我哋嚟講都算有啲辣🥺入邊好足料，除咗主角燉雞之外仲有配菜薯仔紅蘿蔔咁仲有一份冬粉係入邊～冬粉太彈牙啦，彈到我哋成身都係汁🤪🤪見到上網唔少人話要加飯焦，於是嗌左一份，本身唔係好期待點知一食難忘！同個燉雞汁好夾！之後再加左份芝士雞蛋卷同埋芝士紫菜包飯！超好食！轉個頭就一掃而空～見到隔離枱飲緊水果米酒好似幾得意咁就嗌咗一個套餐黎試下～甜甜嘅水果味蓋過米酒嘅味🤣一不小心就可能會醉啦！店內有韓國人👍👍服務都唔錯～值得我再次到訪😺😺