皇府 (已結業)

原來傳說中既食神叉燒飯係真架，今日朋友係又一城食左碟。坐位都幾闊落，冇咩壓迫感。食神叉燒飯，$74，除左有叉燒同飯，仲有雞蛋同菜。雞蛋有得揀太陽蛋或者煎蛋，我揀左太陽蛋，因為可以蛋汁撈飯。菜係普通菜心。主角呢？叉燒都係above average 既，唔太肥唔太瘦，還可以啦。食完過後，只能説可以有更好既食神叉燒飯，但我食個一碟，係一碟有保證既太陽蛋叉燒飯。總結：都會再試既，期待下一次係更好味既食神叉燒飯。…查看更多

今日下午我們喺觀塘做完嘢之後，我們去咗已經有好一段時間無去嘅九龍塘又一城行街，之後我們去咗「皇府」食晚飯！喺諗緊叫咩食嗰陣，我們問店員有咩招牌食物推介？:)店員就推介咗鮮蝦帶子雲吞麵同食神叉燒飯！:)鮮蝦帶子雲吞麵嘅麵質好爽口彈牙，而且都幾幼身，雲吞嘅皮好薄身嫩滑，蝦肉亦幾鮮味彈牙！而食神叉燒飯就係我們最期待嘅，叉燒嘅肉質非常鬆化軟滑，唔會有好硬實嘅感覺，蜜汁嘅味道亦好香甜，而鷄蛋就喺落單嗰陣店員會問我們想要太陽蛋或熟蛋？我們就揀咗太陽蛋，煎出嚟嘅效果好似熟咗啲啲，但就好香口！另外我們再單點咗老火例湯：木瓜花生豬骨湯煲得好夠火候，湯底嘅味道相當香甜濃郁！豉椒鷄絲炒河嘅河粉質感都幾煙煙韌韌，鷄絲嘅肉質好軟滑！去骨海南鷄飯嘅肉質好嫩滑，而油飯就有一股「油益味」，我們同店員講話有啲「油益味」，店員亦好有禮咁換咗一碗白飯畀我們，值得一讚！鮮鯇魚腩粥嘅粥底煲得好綿，味道好香甜，鯇魚腩嘅肉質相當鮮甜嫩滑！…查看更多

今天到又一城睇戲，順便食埋個lunch, 最後揀左呢間中式餐飲，叫左佢個招牌食神叉燒飯同埋鹵水豬仔腳，叉燒飯賣相都不錯，只碟仲印埋自己logo , 都幾有心思，講番個飯，D叉燒仲係熱辣辣，都幾夠味，不過應該稍甜，但女士們應該喜歡，再黎個豬腳仔，應該用左麻油來做，細細舊，好好味啊，食完都吾夠喉，津津有味！ 想叫多一個。總括來說間野D食物同環境不錯，但價錢較貴，要加服務費，不過下次還會試試其他！…查看更多

九龍城太多野食選擇困難症海龜同學堅持要食中餐咁咪情急之下揀左呢間皇府嘅餐廳可能因為望入去環境幾好 裝修都好靚所以等候嘅時間都有啲長（亦都衰在我地人數太多）呢碟飯其實好簡單得五樣元素雞蛋 條菜心 叉燒 白飯 燒汁老老實實 成兜野我覺得真喺得啲叉燒好食肉呢 唔會太硬都唔會太林 啱啱好蜜汁唔會浸過龍搶走本身嘅肉味薄薄一層甜而不膩幾正而且外皮都幾酥不過隻蛋 ://////個人認為有啲overcooked 菜心就不過不失燒汁自己攞嚟衰唔小心淋太多最後變成鹹得制 白飯唔夠硬身 太林啦吸左太多水氣啦…查看更多

啱啱睇衝上雲霄尼套爛片，諗住食番餐好，點知尼左尼間黑店，佢叫食神叉燒飯既皇府，等左10分鐘，先尼左壼茶，係凍既，上面仲有好多油，叫左野食，等多15分鐘左右，個馳名既食神叉燒飯終於送到，一睇落去不得了，隻碟係爛既，隻蛋都係爛嘅，D飯系凍嘅，叉燒係硬嘅，簡直對唔住食神尼個名，同時亦對唔住星爺，簡直係失望至極！…查看更多

11月21日, 平時無乜特別事都唔會走嚟又一城食飯… 因為呢度d餐廳一係就係好貴, 一係就唔好食, 淨番d好食嘅又一定大排長龍… 偏偏我地就成日都有機會要嚟呢度睇戲, 食下食下終於比我地發掘到呢間皇府~ 一間味道唔錯又唔洗等位嘅粥粉麵飯店!::: 食神叉燒飯 :: $48睇個名都知擺到明係gimmick野~ 不過叉燒飯加隻太陽蛋, 呢個組合又確係無敵! 精粹中嘅精粹當然係d叉燒! 睇番呢度d食評大部份都話d叉燒偏瘦無肉汁, 其實瘦叉都幾啱怕肥嘅呀菲~ 不過我地分到嘅叉燒應該係由兩舊叉燒分別切出嚟, 一半係齋肉嘅瘦叉, 另一半則是少肥偏瘦. 叉燒唔夠肥缺點就係唔夠嫩, 不過由於佢塊塊都厚切所以都有啖啖肉豐富口感. 太陽蛋係有燶邊嘅, 用嚟撈飯送叉燒實在係錦上添花~不過蛋黃汁唔夠多, 蛋味一般般. 整體不過不失~ 久唔久食一次扮下食神都食得過.::: 鹹蛋叉燒蠔豉粥 ::: $48其實本來唔想兩樣食物都叫晒叉燒… 不過呢個粥除咗叉燒之外仲有吸引嘅鹹蛋同蠔豉… 一嚟到已經覺得呢個粥都幾足料, 無一隻都有大半隻嘅鹹蛋、慷慨嘅叉燒粒、仲有大大隻嘅蠔豉! 加上煲得細密嘅粥底吸收晒d粥料嘅精華~ 鹹香味道加上香甜米味, 飯粒都已經煲到半溶狀態, 入口軟綿綿, 實在覺得無叫錯!其實呢度似高格調酒樓, 枱上亦有茶壺茶杯供你自斟自飲, 盛惠$3茶錢一位, 坐落實在係想嘆番一盅兩件~ 觀乎樓上foodcourt一個求其meal set 都要成四十幾蚊, 呢度坐又坐得舒服d, 服務又好d, 食物水準都唔錯, 又一城嚟講已經算係食得過!…查看更多

睇戲前去食飯, 7:30pm, 去皇府, 我地2個人, 如果”搭枱”就唔洗等位。我推介友人食我的”例牌” 食神叉燒飯。食神叉燒飯：仍然好大碗, 要太陽蛋, 好味。本人鍾愛瘦叉, 所以今次好啱我。:)炸鯪魚球 ($60)：初時睇menu, 覺得$60好似貴咗d, 不過我地都照叫。嘩…勁大粒囉, 好正呀..好香口, 好味:)。Total: $170, 每人$85。…查看更多

今天晚上又來到生產力促進局辦事，約九點半才離開。晚飯當然也是入「城」吃了。有了上星期的經驗，今次找吃也不用處處碰壁，最少知道這段時間什麼食肆尚在營業。上星期吃過Simplylife Bakery Café，的確令人難忘，不過重溫舊味又略嫌太早，今次決定吃些中式食品，「皇府」看似是一個不錯的選擇。其實「皇府」坐落「城」中又有好一段日子，少時總覺有點高不可攀，所以也沒光顧過，今次就襯這機會試一試吧。可能時近十點，人客不多，侍應安排我坐到一處卡位，看著餐牌，燒味，小炒應有盡有，不過時近十點，已不容許我細嚼慢嚥，還是吃燒味飯最快捷方便。看著餐牌，發現有一款名為食神叉燒飯，看餐牌的圖片就是叉燒飯加一只荷包蛋（我沒看過太多周星馳的電影，因此當時還不知道這碟叉燒飯與電影《食神》甚有淵源）只覺叉燒飯加上一只荷包蛋，著實豐富，因此點了一碟。食神叉燒飯貴為「皇府」的推介之一的食神叉燒飯，所用的碟子印有食神叉燒飯的字樣，似是專為這叉燒飯而設計的，看來皇府對其推介花足了心思。賣相方面，荷包蛋配上叉燒外加兩條油菜，紅、黃、綠三色匯聚，儼然交通燈的顏色，狀甚討好。根據交通燈的次序，先吃叉燒，叉燒艷紅油亮，肥瘦相間，是標準的半肥瘦叉燒。吃起來，肉質腍滑，味道濃郁，略帶微甜，加上點點脂肪的油香點綴，吃起來份外甘香。接著是到黃燈的荷包蛋，荷包蛋蛋黃豐盈飽滿，蛋白邊呈金黃色，火喉控制了得，小面灑小幾滴甜醬油以作調味。剔破蛋黃，以黃漿下飯，是小時候常有的吃飯（近來女朋友用上日本雞蛋煎荷包蛋，風味更佳）這裡用的雖然不是日本雞蛋，香味稍遜，但吃著叉燒飯時可以吃一只荷包蛋，感覺特別豐富，自是別有一番風味。最後燒味飯慣例搭上的兩棵油菜，菜蔬嫩綠，吃起來可稍減叉燒的油膩感。整個食神叉燒飯吃起來感覺豐富，味道頗佳。「皇府」裝潢現代得來帶有中式味道，給人一種簡約版新派酒家的感覺，而且卡位頗多，坐起來份多舒適。雖然臨近打烊時段，侍應服務仍舊殷勤。今次只吃了一碟燒味飯，但食物水準令人喜出望多，雖然提供一壼普洱而另收茶錢的做法令人頗感不悅，不過茶錢收費尚屬合理（對於一些非酒家的食肆，藉著提供一些前菜小碟或是一壼似是而非的中式茶而大加收費的做法最為不齒）計及整體價錢，可能比樓上的Food Court只貴上十元八塊，能說不超值嗎？Berlin…查看更多