鹵家

營業中

休息中

偶然想食燒味，我都諗住去鹵家，小店經營，裝修簡潔，由五星級師傅鹵爸👨‍🍳主理滷味同燒味，晚飯時間座無虛席 🈵🥢蜜汁叉燒王$79🐷蜜汁叉燒，肥瘦適中，仲有燶邊😍，咬落juicy軟淋，果然係招牌菜。🥢頭抽豉油雞$74🐔豉油雞肉質嫩滑，頭抽豉油唔會過咸，雞皮都好滑😆🥢滷水大腸頭$56大腸頭滷得入味，滷水豆腐簡直係賣飛佛😍套餐跟絲苗白飯🍚可以免費轉米線 / 米粉 🍜住家老火湯🫕或者熱飲☕️老火湯超足料🫕蟲草花．粟米．南瓜．豬骨，飲落好鮮甜，絕無味精。

超有住家味道嘅餐廳！耐唔耐就黎食，但我居然無寫過，啲職員都好nice(無記錯係一家人)。話梅涼瓜片 $42涼瓜甘香配話梅酸酸甜甜感覺好舒服。蜜汁叉燒王 $79(晚市套餐)晚市套餐都跟白飯/麵及住家老火湯/熱飲。老火湯足料，叉燒以瘦叉為主，但肉質嫩口一啲都唔柴，蜜汁甜度亦適中。頭抽豉油雞 $72 (晚市套餐)頭抽豉油雞係雞脾位！皮下帶黃油脂，但肥得來唔係成口油果種，頭抽豉油味道唔會太鹹，醃得入味，送飯/麵都一流。

👦🏻👧🏻好想飲老火湯，但出面好多都係味精湯，所以我地好鐘意嚟鹵家到食晚飯，個老火湯好好飲之餘，叉燒、豉油雞等燒味類都係高質好食😋～晚市套餐跟餐送白飯/米線，奉送住家老火湯或者熱飲，凍飲加$3。是日住家老火湯-蟲草花紅蘿蔔南瓜湯🎃無味精老火湯真係飲完都唔會口渴，湯入面好足料，有豬肉、豬骨、南瓜、粟米、蜜棗、紅蘿蔔等等，清甜滋潤☺️💕！蜜汁叉燒王 $78叉燒切得厚薄適中，唔肥但肉質軟腍🐷，加埋甜甜地濃稠入味嘅醬汁，同邊位有焦香脆邊，好好食阿💖！叉燒汁撈白飯食真係一流阿🤤！頭抽豉油雞 $68雞皮潤澤油亮，雞肉好嫩，頭油甘甜入味😋！酒仙醉雞捲 $52賣相精美，每件雞卷上面都有一粒杞子做點綴💕。醉雞捲入味十足，雞皮爽彈，雞肉嫩滑帶花雕酒香味🍶。凍檸茶📍 鹵家 (元朗)元朗教育路68號兆豐樓地下10及14號舖

[#元朗燒味] || 小店高品質燒味@元朗‧鹵家 / 講女搵食團  = = = = = = = = = = = = = = =總括💬：小店經營高質素燒味，分量大碟抵食環境：★★★★☆ | 味道：★★★★★服務：★★★★★ | 抵食：★★★★★ ———————————————— 住元朗有個好處就係多野食，除左一般連鎖店，都有好多唔同菜式既小店 今日懶煮飯，又想坐得舒舒服服食個燒味飯，就去左成日都經過既「鹵家」 . 小店模式坐位之間唔算太迫，坐得舒服 雖然是小店家庭式經營，主打由經驗豐富前五星級酒店師傳主理 標榜每日新鮮製作 主要提供鹵味，燒味 加上無味精住家老火湯 同親愛的一人個一人餐 經濟又實惠 . 套餐可選老火湯或飲品 老火湯標榜無味精 飲落完全無味精 每日既湯款唔同 大大碗，又有好多湯料 ———————————————— ˚‧⁺ ･ ˖ · 酒仙醉雞卷 ･ ˖ ·⁺‧˚ 每片醉雞卷加上杞子點綴，賣相吸引 雞皮軟薄滑身，入口唔油膩 雞肉去骨，一啖放入口，肉嫩啖啖肉 帶有清香酒味不苦澀 . ˚‧⁺ ･ ˖ · 頭抽豉油雞 ･ ˖ ·⁺‧˚ 雞肉嫩滑唔嚡口 頭抽豉油鹹甜適中 味道很有層次

入元朗行街，避開千篇一律嘅商場，就在幾條大街覓食。食肆林立，唔想食連鎖店，唔想食酸麻辣，只想食港式中菜。被這間店的「五星級酒店老師傅」吸引入去。結果非常滿意，簡單直接的鹵水汁和老火湯，無味精，無花巧，同時感受到大師傅的功架和住家的口味。點了兩個午市套餐和一個小食。套餐可選老火湯或飲品。老火湯標榜無味精，今日是粉葛赤小豆扁豆豬骨湯。大大碗，夠熱又夠料，飲完好舒服。秘汁鹵家鴨（$54）配米粉上枱好靚仔，份量亦足。鴨肉腍，鴨皮滑而薄，鹵水汁香而不鹹，用來撈飯食完也不覺口渴。特別讚賞米粉是用銀絲米粉，如果是東莞米粉一定會被扣分。頭抽豉油雞（$54）配白飯雞非常嫩滑，我相信師傅是用了浸雞方法。頭抽豉油鹹甜適中，帶點焦香味，比普通豉油或什麼瑞士汁都更雋永。不要少看簡單的豉油雞，不是間間餐廳做得好。薑汁松花皮蛋（$32）流心皮蛋扇形排開，淋上薑蒜汁，下面鋪酸薑和青瓜絲，茶餐廳的價錢，卻有高級酒店中菜廳的風範。整體都好食，係酸薑酸咗少少。