明記潮館 (砵蘭180+商場)

營業中

休息中

今日帶左兩老去打冷, 佢地好鍾意, 呢間位於旺角的明記潮館, 好大間, 平日都差不多滿座. 我父母食完大讚好味，要我下次再帶佢地去食😂我們點了孖寶A餐, 見到滿$300可以優惠價$8食到韭菜豬紅, 真係太懷念呢款食物, 正!🔸潮州凍馬友: 好大條馬友, 魚肉好嫩滑, 味道好鮮甜.🔸客家黃酒雞煲(半隻): 好足料, 飲呢湯好滋補, 湯味濃郁, 我們清到底，雞件都好多而且肉質滑.🔸韭菜豬紅: 真係好驚喜, $8竟然有大大碗, 好多豬紅, 底下舖滿韭菜, 豬紅真係好入味!

晚飯在旺角「明記潮館」，扶手電梯直達，潮館分邊左邊是漁人碼頭，右邊是大堂。潮館慶祝邁向六週年向顧客派優惠，惠顧任何食品滿$300，可優惠價$8選購:A滷水雜錦拼盤或B韭菜豬紅，我上次已經嘗過滷水雜錦拼盤，所以今次楝韭菜豬紅。滿滿一大碟的滷水雜錦拼盤或今晚滿滿的一大碗豬紅，雖然是優惠價，但份量足、味道好，很討客人歡心。我看到另一款極客人歡心是約1L份量得意熊仔冰、凍檸茶$42 ，另加熊仔冰每隻8蚊，我因為保護喉嚨，今晚不想凍飲，因此要留待下次。燒汁脆牛腩~我先嘗肉質鬆化的脆牛腩和外層的香酥薄脆漿，原味口感十分好，之後脆牛腩蘸醬汁吃，味道又帶到另一個層次；更要稱讚刀功，薄切後再圍圈擺放在藤碟，視覺極之吸引。花竹蝦上湯焗煎米粉底~正當我和家人商量，潮洲煎麵或是海蝦伊麵？！侍應姐姐給我們這一個極合心意推介，鮮甜爽脆又有蝦膏的花竹蝦一吃難忘，花竹蝦是每隻$48，可隨意選擇份量再加$30配煎米粉，外脆內軟煎米粉掛上湯吃更滋味！金銀花蛋浸豆苗~豆苗很嫩口份量也多，豆苗在市場有價，這裏價$138不貴。人均消費$192的晚飯。

傳統嘅潮州菜館買少見少，朋友帶路今晚去咗旺角「明記潮館」，一般中菜和潮州打冷嘅菜式一應俱全。地方都幾闊落，有一種室內大排檔feel。另一邊有大魚缸，同時供應生猛海鮮👍🏻餐廳有茶芥，炸花生夠香脆，鹹酸菜好爽甜，唔會太酸或咸。餐牌選擇好多，唔少廣東手工名菜都有，最吸引嘅當然係各款抵食孖寶😍亦有一系列抵食孖寶😍豉汁蒸大白鱔配金牌滷水鵝 （優惠價$368）金牌滷水鵝件件都好四正，鵝肉夠嫩仲有近脾位置啖啖肉。滷水味道正宗芳香又唔會好鹹，鵝肉下面仲鋪有豆腐和花生，但唔影響鵝肉份量㗎~👍🏻豉汁蒸白鱔同樣新鮮😋雖然條鱔就唔算粗，不過肉質彈牙結實，肥美夠鮮。蒜蓉豉汁當然都係精粹，好惹味，同時令白鱔更加鮮味！推廣優惠消費滿$300可以加$8送其中一款。好耐冇食過韭菜豬紅😍咁一於就點這款估唔到係咁大碗豬紅！份量好多，這個秘製醬汁有沙嗲味，微微辣，相當惹味，而且完全入晒豬紅裏面，個底仲有極多韭菜～非常豐富！

今晚同媽媽係旺角行完街，帶左媽媽去食拒最中意既潮州打冷打冷唔單止適合一班朋友聚會，更適合帶長輩去食！一黎有好多熱食，老人家唔太喜歡生冷野嘛二黎比傳統中菜有特色，算係老少咸宜既餐廳餐牌有好幾版，選擇甚為豐富而且餐廳好貼心推出左唔同套餐，例如一配二，就可享有優惠價食打冷點可以無韮菜豬紅！呢到既豬紅，單睇賣相已經知道好入味，色澤深紅，豬紅全部大件，不會碎碎小小而且韭菜亦非常嫩口，咬落去無渣值90分本人好中意食海鮮，尤其是炒蜆基本上餐廳有炒蜆，我都一定會叫明記炒蜆份量多，每隻蜆都真材實料，蜆肉厚身，唔似得其他餐廳咁多空殼～再來味道幾有鍋氣，但又可以控制到d蜆唔會太老，師傅手勢幾唔錯！兩個女人加左細既蠔仔粥，侍應好貼心，一上檯就幫我地每人裝一碗，完全唔洗自己郁手，服務一流因為侍應姐姐太快手啦，所以呢張相係【相機食後】蠔仔非常新鮮，隻隻都夠曬飽滿，配料有芫西，香味提升左好多！估唔到仲有魚方，令個粥更有咬口！呢個係免費送架～～消費滿$300就有免費鹵水拼盤送，有齊墨魚、紅腸、鵝腸、豬頭肉等等完全比足料媽媽大讚鵝腸好肥美，但又夠曬彈牙，係屋企真系煮唔到呢個水準年紀大左，出街食飯總要叫返個菜感覺上健康d

同朋友gathering，黎試下超多好評既明記潮館每張台都放左個前菜，係乾魚仔同辣蘿蔔乾魚仔冇味既，辣蘿蔔幾辣，普通質素。埋單果陣先知原來要收$20，完全唔值見隔離台比返個前菜個侍應，如果要去試建議比返佢啦！total叫左五樣野，逐樣講下啦韭菜豬紅都幾大份，豬紅份量都算多，同埋碗底有大量韭菜。味道方面，算正常，豬紅調味唔會太鹹。質感適中，唔會厚實或者一夾就散。韭菜正常。不過，太油啦！睇相見到面頭浮住一層辣油，依家回憶返，係一啲都唔辣嫁！得個油字整體質素，普通！啫啫滑雞煲份量唔多，得零星幾件細件既雞件，仲要超多皮同骨，肉勁少所以完全試唔到雞滑唔滑，亦無味道可言配料方面，有五件以內既豬潤、冬菇同大量洋蔥。豬澗大片但唔厚身，唔算太老既煮得都冬菇夠淋，正常野同樣地，都係好油好似好大個煲，但可以食既野勁少，性價比超級無敵低，真係唔洗試「滷水鵝」$128鵝肉好多皮同脂肪，可以食到既瘦鵝肉得幾舊，份量唔多味道方面，唔算太入味，似就咁整熟隻鵝多啲碟底有花生同滷豆腐花生軟身，都算入味豆腐唔鬆散唔滑，冇咩味整體而言，有負所望，潮州菜必叫既菜式竟然味道一般最多兩星半「小炒皇」$108所謂小炒皇，就係炒韭菜花

友人提議吃潮州菜，我也喜歡，但普遍到潮州打冷菜館都是坐得不舒服。難得有時間跟朋友相聚，不想吃完食物便怱怱散去。朋友說放心吧！說帶我去坐得舒服，食物質素好而且價錢相宜的明記。卥水鵝片潮州打冷份量十足，有鑊氣，夠火喉，河粉順滑，薄而帶少許煙韌，不沾作一團。配料還有蝦及鮮魷，加點辣醬吃就惹味！我最喜愛吃的就是鵝片！份量都幾充足，而且厚肉大片，不是一人一兩片就沒了。卥水入味有鵝肉羶香，肉不鞋而肥肉比例剛好，有鵝油香郤不油膩。底層有卥水豆腐亦很入味，豆香與卥水十分配合。花生是香脆的。 ｜韭菜豬紅份量充足，豬紅軟滑彈實無腥味，韭菜爽嫩。 ！拼盤這個拼盤是點菜滿$300送的。雖然是送，但一點也不馬虎。份量多之餘而且款式齊全，有豬大腸，墨魚，鵝腸，腎，紅腸及芽菜等。全部入味，墨魚爽彈，豬大腸軟淋，腎彈牙。乾炒潮州河 $88份量十足，有鑊氣，夠火喉，河粉順滑，薄而帶少許煙韌，不沾作一團。配料還有蝦，鮮魷及芽菜，加點辣醬吃就惹味！

滷水鵝片滷得入味， 肉質夠軟， 但我自己偏向喜歡肥啲，這裏的鵝片算是瘦的。韭菜豬紅這個是我最喜愛菜式之一胡椒味特出， 非常夠味， 少少辣，超級正叫餸夠300蚊送的鹵水雜錦拼盤有紅腸，墨魚，豬腸，豬腩肉，豬耳雖然是送的，但分量不少。凍烏頭肉質鮮味， 點麵豉醬提升魚的鹹香羊腩煲肉質炆得不夠淋，但這裏很貼心枱的中間原來有個平面爐不用把手舉得太高來夾菜蛋白海鮮炒飯味道很好，吃得出小柱的鮮味燒汁脆皮牛腩炸得不錯，外脆內軟點埋個燒汁 送酒一流

今次第一次光顧這間湖州菜館。我一直光顧的潮州茶館多數是比較平民的。價錢都比較平民，但因為今次唔係我決定，所以我都無咩做功課。這個商場人流唔多。大部分上樓的人都係去這間食店多。以下是我們的點的食物：其實還有一、兩款小食的。這一餐我們散點，所以其實都唔識點多少款才足夠。此中第一次光顧，其實我們都差不多食曬那些食物，食物份量唔算大，本身的潮式菜，一點驚喜都沒有。老實說我唔會再去。除了因爲食物無驚喜、價錢唔平、最大問題係坐的地方好唔舒服。出入根本一點都唔方便。好像坐茶餐廳一樣窄。

工作了一天必須好好慰勞自己，同事們提議來這間新開的潮州菜....在香港食潮州菜太貴了 要食我也會回內地品嚐這間明記新開乾淨，在晚上12時的員工也滿多，有包廂每間來也有職員招待，非常適合看足球人士來內裝修精緻，有不同的風格，但這晚實在太攰了也沒有參觀過這店 希望下次來可盡情拍照餐牌方面菜名也貌似潮州菜名很多是香港普遍潮州菜館做不到的它也有在售賣朋友一早建議不要order炸品，這裡的比較熱氣，有分別的嗎？有宵夜小食 28元起 很抵食 來配啤酒一流食滿200元便送鹵水拼盤 基本3樣一定過了蠔仔粥 內有炸米，食落脆脆的不會太dry 非常多的蠔 啖啖都食到 也很鮮甜 細的已分到4-5碗 韭菜豬紅 不要以為宵夜小食份量會小 原來也很大份 有少少辣辣的 但比較油椒鹽九肚魚 外脆內軟 不會食到有骨的 滿好 秘制螄蚶 第一次食未開口的螄蚶 有專屬的鉗來開口 入邊的蚶非常之肥美紅燒乳鴿 肉質比較乾身 食完也覺得非常熱氣啦鹵水拼盤+鹵水鵝腎 拼盤是送的份量非常大 足夠3-5人份量有紅腸 豬大腸 豬耳 腎 墨魚 全部都入灑鹵汁的味道呢到什麼都好 唯獨王老吉一罐收取18蚊一罐非常貴也收取小食花生費用20蚊味

旺角呢個商場前身係南華戲院，但係自從改裝左成為商場之後一直都好少人流。直到最近我見到佢開咗呢間係荃灣過嚟開分店嘅明記潮州菜館，當然要想去試新野啦。我去嘅時候佢哋仲係試業，所以連紅紙都未拆一上到去地方好闊落，見到有好多圓枱、大枱，仲有好多大房，真係一個好適合一大班朋友食飯吹水嘅地方。而且睇得出佢哋嘅裝修好香港地，好揼本架！講返個餐牌，佢哋唔止有潮州打冷嘢食，其實仲有好多中菜小炒。食品嘅種類都好多，正！今次叫咗幾款打冷食物，分別係雜錦拼盤，叫多一份墨魚併鵝腸，因為我真係好鍾意食墨魚架😍本身以為雜錦滷水拼盤會有埋鵝片，點知只有大腸、鵝腸同墨魚，不過勝在勁大碟。味道來講可以嘅👍🏼因為大腸同鵝腸都冇臭腥味，洗得都算乾淨。墨魚就堅係整得好好食，本身材料係新鮮嘅，所以入口會唔會有一啲好霉嘅感覺。反而鵝片我就覺得麻麻，因為有陣鵝穌味😢不過加返辣椒油，味道又會變得好翻啲。伴碟嘅豆腐有好香豆味，有炊煙味，好用心去做每一個細緻位食打冷野梗係要食豬紅啦！佢呢個韭菜豬紅都幾好食架👍🏼好滑我哋叫咗兩個即煮嘅煲，雞腳煮得好入味，好味道。但係令一個鹹菜門鱔，我就覺得咸咗啲。雖然只係一啲馬拉盞炒通菜，但係佢真係好夠鑊氣