炑八韓烤親子餐廳

營業中

休息中

今日難得老公放假👨‍👩‍👧‍👦，但岀面又落兩，好彩俾我搵倒間韓燒親子餐廳，可以滿足我老公既韓燒癮，又可以幫我兩個女室內盡情放電。👭一入去，我覺得自己去左playhouse多過餐廳😂餐廳內播放既係個個小朋友都耳熟能詳嘅英文兒歌，我兩個女見倒個波波池勁開心！🥩肉類方面，我哋分別order咗蔥蒜牛五花🐮、韓牛前胸肉🐮、炑八秘製豬肉盤🐷同埋韓國鰻魚半份🐟，各款都食得岀係靚肉，我自己就最鍾意蔥蒜牛五花同埋韓國鰻魚。另外，值得大讚嘅係佢哋嘅兒童餐:👧🏻👧🏻🐝蜜蜂嗡嗡小跑車🐝我兩個女都勁鐘意果兩大件蜜蜂造型嘅壽司😆，爭住食，小跑車上，仲有新鮮沙律菜，薯條，同埋三件炸雞🐔，雞切到一口size，小朋友食得好方便👍🏻👑幸福的公主城堡套餐👑用滑蛋整左條韓國公主裙，細女離遠見倒已經雙眼發光✨🤩，滑蛋下係有飯，旁邊就有甘筍同埋薯仔，咁俾小朋友食之前，父母當然會試吓味先啦，我食過，唔會落好多調味，份量剛剛好👍🏻餐飲方面，我哋order左青檸梳打🍹、藍橙奶昔🍹、甜蜜士多啤梨香蕉奶昔🍹（跟公主城堡餐），兩杯奶昔都飲到啖啖果肉，甜度剛好，而青榨梳打係有原粒青檸響入面，食韓燒食到㷫烚烚，飲一啖真係爽爆！❤️真心推介呢間親子

親子餐廳，有play area，小朋友每位$130，玩3小時，包一個兒童餐，大人每位$120 minimum charge，可以叫食物抵銷，其實一啲都唔唔貴。仲可以免費借韓服，然後影相。免費嘅兒童餐包括：腸仔，車厘茄，紅蘿蔔，紫菜蛋卷，炸紫薯餅，都算豐富，可惜非常難食，小朋友掂都冇掂，我哋一齊食燒烤。前菜嘅kimchi, 蜜糖蒜片，海帶都非常非常出色。燒烤我哋叫咗韓牛胸肉，厚切豬腩肉，蒜油蜜汁雞腿肉，韓牛反而一般，雞腿肉同埋豬腩肉非常非常好味，佢跟埋生菜同麵豉醬，撈埋一齊食好香口。我覺得佢哋嘅燒烤食物做得非常好，值得一試。可惜呢間親子餐廳，洗手間唔太清潔，四歲小女孩唔肯去，搞到我哋離開嘅時候要急住咁周圍搵廁所，呢度扣分👎🏻

今日同行有小朋友， 所以決定去親子餐廳， 最後揾左呢間坐落於觀塘碼頭旁邊嘅韓國燒烤有play room，又有韓式服裝替換，十分好玩。釜山海之旅行套餐，$862。 係一款包羅萬有嘅燒烤套餐， 基本嘅豬牛雞海鮮蔬菜樣樣都齊， 而且質量仲十分高！釜山八爪魚絕對係 呢個set嘅主角， 原隻八爪魚用經典韓式醬料醃製之後非常惹味。燒好咗嘅八爪魚多汁彈牙！去個釜山嘅都知道釜山嘅鰻魚十分出名， 呢度嘅鰻魚經過燒烤之後皮脆多汁， 咬落啖啖油香。醬油五花肉同韓牛前胸肉係另一大亮點， 燒好之後加蒜片同燒烤醬汁配搭生菜食非常好味。有爐邊蛋同埋芝士粟米 都係呢度燒烤嘅一大特色。蔬菜南瓜車十分應節， 造型十足又好味。