家家戶戶

營業中

休息中

想食韓國菜必定會想到尖沙咀著名嘅韓國街（金巴利街），呢度有間家庭式韓國料理，餐廳裝修環境幾Warm，有置身於傳統韓國家庭裝潢享受韓國家庭美食嘅感覺。餐廳主打多款配搭嘅套餐組合，大家平時睇韓劇見到佢哋喺屋企食飯咁，主食之外配搭幾款韓式小菜同埋湯飲，有某啲套餐仲會有煎餃子。🐮韓式牛肉石頭鍋飯 $108/set、$99/單點🐓韓式雞肉石頭鍋飯 $108/set、$99/單點❥我哋叫咗兩款石頭鍋飯套餐，每個套餐都包含四款韓式小菜、海帶湯同埋益力多甜品。❥石頭鍋夠熱，上檯嘅時候咋咋聲，等多陣再撈勻配菜同拌醬，飯底已經燒到變成飯焦🤤❥4款韓式醃菜都好好味，海帶湯亦好似韓國飲倒嘅味道。❥套餐嘅甜品係韓國牌子益力多。💵每人一個餐加一後人均約$120

金巴利街俗稱🇰🇷韓國街，有唔少韓國人住，開咗唔少韓國雜貨店同韓國料理餐廳。今次搵到一間韓式小店，套餐好多一百蚊左右。晚飯時間要排隊入座。餐廳傳統韓國家庭裝潢，家庭式料理，環境舒適，坐滿食客享受正宗韓國美食。🐮韓式牛肉石頭飯$109呢個石頭鍋飯上嚟時係熱騰騰，將生蛋黃配料撈埋一齊，鍋底有D飯焦，香脆可口。牛肉切得薄薄，醃得好入味，配上新鮮嘅蔬菜和雞蛋，口感層次豐富。🦑韓式海鮮炸醬撈麵 $119呢碟炸醬撈麵睇落就好似上海粗炒，濃郁嘅炸醬，色澤較深，味道濃厚，麵條彈牙，食到有蝦仔、蜆肉同埋墨魚圈，口感保持得不錯。多款套餐組合，有前菜泡菜、海帶湯、仲有支韓國益力多做甜品。