平昌

之前好似喺網上見過人哋介紹呢間韓國燒烤，不過碌過左冇特別去睇～之後搵唔返個名😂😂 約咗朋友夜晚喺旺角區食飯，朋友咁啱就係搵咗呢間燒烤店想食，一上到嚟望到個環境我就記得起啦！🤣 一入到嚟呢度嘅裝修好有韓國烤肉餐館嘅感覺🇰🇷（係鐵桶座椅啊！🤣）雖然仲未有假期去到旅行🥹 咁就食住韓烤先啦！😋因為同行朋友唔食牛肉，所以對肉類冇乜要求 我哋就揀咗最平嘅大君御膳🧑🏻‍🍳 (如果係食肉獸嘅朋友仲有世子御膳 同 國王御膳👑 食物選擇會多好多!!）而我哋嘅大君御膳平日夜晚成人$228/位 任食任飲120分鐘!!!! 如果想簡簡單單同Friend燒吓肉傾吓計，其實性價比好高好抵食😋呢度嘅任飲飲品係自己喺雪櫃自取嘅，主要係罐裝汽水為主☺️ 有韓國樂天七星汽水、忌廉溝鮮奶🥛、可樂等等⋯🥤呢度點嘅肉類大部份都有得揀辣同唔辣，調味汁醬已經醃好，味道啱啱好唔覺得太鹹👍🏻 特別推介辣調味烤牛肉🥩😍 可以用枱面嘅生菜同泡菜夾住嚟食🌮🥬 好夾又唔會咁漏🤤除咗肉類之外，其實呢度嘅韓式料理係更加值得點！！韓式炒粉絲、炒年糕、水冷麵🍜 呢啲我平時食韓國嘢都好鍾意叫❤️ 呢到可以無限食實在太好啦🥹🥹 食放題嘅好處就係！唔係樣樣嘢同朋友都一齊啱食，都可以自己點自己鍾意嘅嘢食！😌🙌🏻仲有特別想講吓個牛肉海帶湯！！超級好飲🥹🥹 鍾意佢個湯好香蒜味，海帶超多 而且仲有啲牛肉粒，好足料😋…查看更多

自從晚市堂食放寬之後，終於可以食餐好，特別係韓燒之類，始終堂食最好，外賣難以比較。今日去到旺角一間韓燒放題，店鋪設計已經充滿韓風，完全好似韓國燒肉店既氣氛。有兩個Set,最後一致決定叫世子set , $298/人好想食肉，由其係靚牛，兩小時任飲飲食，正，同行朋友好鐘意食牛，我地馬上叫了牛前胸腹肉T骨牛排牛肉眼幾款都超好食。燒一燒沾醬。當然，仲有就係原始韓式風味，生菜包住食，超有風味。另外，亦包了任食海鮮，真係超抵食。虎蝦，青口，蜆及扇貝。真係好正。燒海鮮真係好正，沾少少鹽已有好夠，好鐘意佢原隻扇貝，仲要係可以任叫，食少少已有回本。韓式料理方面，辣絆冷麵，炒粉絲，韓式海鮮湯，煎餅，炸雞都有得食。其實都好好食，一系列韓式料理。粉絲好有風味。海鮮湯超熱超香，辣辣地又好開胃。辣冷麵都好正。 韓式辣醬令個麵好出色。加上韓式麵條。十分好味…查看更多

約了朋友晚飯聚舊，她向我推薦任飲任食韓燒餐廳---平昌，地點就在旺角兆萬中心內，十分方便。電梯門一開，陣陣燒烤香氣撲鼻而來，很是誘人。店員送上韓式前菜，有豆芽和泡菜，泡菜新鮮而且不會太辣，很開胃。餐牌內除了不同部位的豬牛羊外，還有韓式炒年糕，石鍋拌飯，韓式海鮮煎餅和水冷麵等～～更令人驚喜的是竟然還有海鮮選擇，很棒！！我喜歡把生蠔，帶子和海蝦去殼，然後放在爐邊蛋內一起煮熟，食用方便，而且蛋內充滿海鮮的鮮味，哈哈。靖魚油脂豐富， 烤熟後也很是肥美。一邊聽著輕快的韓文歌曲，一邊食著剛燒好，熱氣騰騰的食物， 輕鬆愉快的渡過一個美好的晚上。…查看更多

朋友話想食韓國燒烤，我又想有其他韓國食物！俾我搵到哩間店，又有得燒肉有得食其他韓國小食仲可以免費任飲包唔會覺得好口渴！有好多海鮮選擇，試咗蝦、生蠔、帶子、扇貝等等！啲海鮮都算新鮮，燒完都唔會好乾👍🏾👍🏾👍🏾肉類都算多特別款式，有鴨胸、牛舌、仲有好多豬同牛同雞，未能盡錄👍🏾👍🏾👍🏾我最開心係佢可以有韓國粉絲，煎蔥餅，湯品，炒年糕😍😍😍平時韓燒就係得燒肉，有埋其他食物好開心好滿足😌😌😌😌係稍嫌環境較煙，可能抽氣不足😅😅…查看更多

好彩我地早去到，唔多人，半小時後已經人山人海，所以早少少去會好d。雖然燈光唔算光猛，但係四周好有韓國烤肉餐廳嘅感覺，牆身畫左d香港以前生活嘅畫，都幾特別。每張枱已經放好左一碟新鮮生菜，一碟芽菜，一碟泡菜。而店員會主動教我地點樣落單，幫我地開爐，然後喺爐邊加左啲蛋漿。呢度除左燒肉，仲有大君料理，即係熟食。煎海鮮蔥餅，非常香口鬆脆，海鮮份量足，味道唔會太鹹，我地再encore左一次。炸蝦小食外皮炸到卜卜脆，蝦肉質地爽口。韓式炒粉絲，豬鍾意嗰味道甜甜地，唔算太油膩。而粉絲質地亦煙韌彈牙。海帶湯入口少少鹹，雖然清清地，但有海帶味道。燒肉方面，肉嫩多汁，肉類醃得夠入味，可以先試下唔點醬汁試下，試下味道。如果想加醬汁亦冇問題，本身已經提供左一碟調味醬，另外可以用生菜包住黎食，食落冇咁膩。海鮮方面，order左帆立貝及燒鰻魚，推薦燒鰻魚，燒熱就可以食，非常香。記得要食爐邊蛋，本來豬就麻麻地想食，但老公叫我試下，果然有驚喜，蛋好嫩滑，亦已經調味，忍唔住再食多幾啖。飲品種類有汽水，韓國飲品同茶任飲，但如果係飲酒之人，可以試下傻豬任你溝，加錢任飲soju,makgeolli。走嘅時候發現原來可以問店員拎即棄圍裙用，哎呀～發現得太遲，下次再黎一定要問下先…查看更多

今晚帶阿媽去兆萬的平昌食韓燒，這間餐廳都是朋友帶我過來，試過之後覺得不錯，所以就帶阿媽來食。餐廳設有任飲包括韓國飲品及啤酒，跟外面的放題差不多。任食的包括基本的韓式燒肉及傳統的韓國食品。價錢都是$188另外再加一。燒板不算太大，放的食物不算多，但旁邊可以放些蛋及蕃薯仔慢慢燒。牛舌是我至愛，切成薄薄一片，肉質彈牙。雞翼本身已經醃過，燒好後食非常入味，不過要剪開兩截燒則比較易熟。海鮮有生蠔、帶子、蝦等，生蠔比較細隻，但是任食項目，所以都無咁要求，海鮮尚算新鮮，其中蝦肉比較好味。加錢另外點的芝士蝦充滿芝士，蝦肉彈牙，不過芝士在燒的過程中溶掉大半。鮑魚已離殼，所以先燒鮑魚肉，鮑魚殼的芝士放在旁燒讓其溶化後火再放上鮑魚一起吃，味道一絕。韓式炒粉絲細細碟，不怕吃不完，粉絲爽口彈牙，是我最愛的韓食之一。最後，食埋餐廳送的甜品，非常滿足的一餐。店員服務細心，而且上菜很快，完全無漏單，兩個小時其實足夠有餘。…查看更多

老公今日生日，佢鍾意食韓燒，所以上openrice 睇下旺角有乜韓燒好食，見到旺角平昌韓國燒烤放題，睇相唔錯，所以book位去食餐廳位於兆萬13樓全層，都幾多枱，我之前book左19:30，所以即刻有位～坐底後，見到隔離枱有韓國人食緊韓燒，心諗：韓國人都黎食，應該質素都唔差望望點菜紙，都有好多肉、海鮮選擇，亦有韓式小食order～我地叫左d烤肉及小食韓式炒粉絲，好正宗～好似去左韓國食一樣咁好味海鮮蔥餅，上枱時用鐵板上，熱辣辣，蔥餅邊位脆卜卜，入面海鮮料足，有生蠔、蝦、帆立貝任燒亦有鰻魚、菇類任燒有唔同款既肉類，有梅頭、五花腩、豬頸肉⋯⋯厚切梅頭，唔靭，肉新鮮款款肉類都好食，我比較鍾意食雞肉，又入味又滑最後當然要食個辛辣麵滿足下，濃湯原來凡訂位都有甜品送，甜品質素都唔錯最緊要老公都讚…查看更多

我同老公都係極度鍾意食韓燒、韓式料理..幾個月前係機緣巧合之下知道呢間韓燒有任食放題，當時好少韓燒有放題架，所以就上黎試試喇⋯食過一次之後覺得任食既食物都有呢個質素、價錢唔貴 而且服務質素又好（起碼自動波換鐵板），就連啲熟食都整得好OK!（海鮮煎餅、炒粉絲、大醬湯 呢3樣係必點既）漸漸呢度就變左我地想食韓燒既時候，就會即刻諗起既地方（絕對無誇張）～今晚去左食宵夜時段（22:00後?!），會再平啲 唔使$200/位.. 但食物種類、質素不變，唔會好似某啲餐廳咁 唔同時段 唔同價錢 就連食物種類都唔同或者會*賣晒*大家最好記得訂位，Openrice 訂會有特別優惠、電話app 訂就得～ 勁方便，岩晒我呢啲怕打電話既人…查看更多

今晚夜收工，同事兼朋友靈機一觸，帶我去兆萬中心食韓式宵夜放題，用抵食價醫肚兼放鬆吹水~一如以往的韓式餐廳，會先奉上泡菜及芽菜小食作前菜。特級牛肉拼盤，賣相吸引， 韓牛油花分佈均勻，肉質軟嫩，牛味濃郁，吃得滿嘴油香，蘸上特製的韓式芝麻醬油更令人回味!烤海鮮，全都鮮味十足，其中最值得推介是烤生蠔，隻隻大而肥美，口感細膩，蠔味濃郁帶海水味，蘸少許醬油更突顯鮮味，重點是任點任吃，值回票價! 另一推介是烤蝦，蝦肉彈牙多汁，鮮甜味美~烤肉類，全都烤得香口惹味，個人比較喜歡雞肉，肉質嫩滑可口，切成一小片不會飽滯。韓式炒粉絲，粉絲爽口帶 韓式醬油鹹香及芝麻香，加上蔥及蔬菜，令整體油而不膩。海鮮純豆腐辣湯，用料豐富，香辣滋味~樂天忌廉鮮奶，這裏的非酒精飲品選擇不多， 反而真露/含酒精成份的飲品選擇多，幸好有我喜歡的樂天忌廉鮮奶及朋友喜歡的蘆薈汁飲~通常烤肉店都是按碟計，這間韓式烤肉自助放題可任食韓牛及海鮮，我們都覺得好味又抵食! 不過，如非酒精類飲品的選擇可加多一點就更perfect!…查看更多