北海道牛乳蛋糕 (莊士倫敦廣場)

經過餐廳已經有陣陣蛋香味，店內放滿每日新鮮出爐既蛋糕，仲有多款甜、鹹撻等，選擇花多眼亂。叫左特濃芝士蛋糕($110)，靜岡抹茶忌廉紅豆撻($25)，玫瑰伯爵芝士撻($25)，廣島檸檬撻($22)。芝士蛋糕圓碌碌，一打開就好香蛋味，仲有濃濃芝士味。蛋糕用左三重芝士，混合3.6牛乳製作，所以味道更濃郁。一大個好抵食，切成8件，每件既size都大過切餅左右添。蛋糕按一按好軟綿，仲會升起，好fluffy。而且橫切一件，見到半熔芝士，而成個蛋糕都混合埋芝士製作，口感更勝一籌。另外仲有好多非常靚既甜撻，新出既抹茶忌廉紅豆撻d cream好澎湃，擠花成一個小山丘，灑上抹茶粉點綴。忌廉超濃抹茶味，奶香中和左抹茶既苦澀味，成個撻好creamy。而個撻皮曲奇脆身既feel，凍食一流。價錢仲要親民添，食完好有飽足感。尼款既忌廉加入玫瑰、伯爵茶，玫瑰味較伯爵茶味突出，所以好有花香感覺。而伯爵茶就改變左忌廉既顏色。值得一讚既係，每件撻上面既cream食完都唔會覺得膩，反而好幼滑，係甜而不膩。而忌廉底層仲有芝士層，芝士帶少少鹹香味，配合撻皮食，有多一重享受。鍾意檸檬既朋友就唔可以錯過，因為檸檬既酸甜味非常突出，檸檬汁混入忌廉，第一啖就已經食到檸檬酸溜溜既味道。尼個撻好清新，食完成個人精神哂。整體，每件蛋糕、甜品、撻，都係即日製作，賣相至味道都好出色，仲要比同類店鋪食物既價錢較經濟實惠，讚。除左可以買屋企慢慢歎，店內仲有唔少座位可以堂食添。…查看更多

下班時剛好遇上了新鮮岀爐的時間，還是限定款的黃金芝士蛋糕，就帶了一個回家。這裡還有蛋糕捲、吉士泡芙、甜品撻、杯子蛋糕和一些鹹批，除了外帶之外，亦可以在店內堂食，點杯飲品慢慢品嚐。這裡的包裝值得一讚，細心的用盒和袋包好，攜帶的時候也不會撞歪，回到家的時候還是完好無缺～🔸黃金咸蛋芝士蛋糕🍰即場岀爐，當然要盡快新鮮吃。這店主打用北海道3.6牛奶製作甜品，蛋糕真的充滿蛋香和奶香～ 打開來看蛋糕超膨超鬆軟的！面層舖了咸蛋碎，芝士蛋糕口感軟熟，質感細膩，帶點濕潤度，加熱後有芝士拉絲的效果，底層的黃金咸蛋鹹香豐富，吃起來香氣十足。甜度不高的關係，多吃兩口也不會覺得膩呢，滿滿綿密的好滋味🔹玫瑰伯爵芝士撻🌹忌廉超級輕盈，淡雅的伯爵茶香和淡淡的玫瑰幽香一起在嘴裡化開，中和了芝士的膩感🔸靜岡抹茶忌廉紅豆撻🍵店家新品，賣相超療癒的！茶味濃郁，嚐岀抹茶的微微甘澀，內餡細心加入軟糯QQ的麻糬，令口感更有層次感。🔹廣島檸檬撻🍋檸檬撻酸甜清新，有著明亮的韻味，味道恰到好處…查看更多

見到佐敦呢間開咗冇耐嘅餅店，裏面的食物也是由日本原材料製造，賣相都幾精美，價錢都合理，我哋就買咗個蛋糕同埋幾件凍餅返屋企同屋企人一齊食。店舖外有個黑板，會寫住蛋糕嘅出爐時間我哋先決定買一個濃朱古力蛋糕味道都唔錯，唔會太甜，適合做早餐或者茶點朱古力味道十分香濃，亦帶有橙嘅香味，橙同朱古力嘅味道配合得非常之好。靜岡抹茶忌廉味道都幾重，配合埋軟綿綿嘅紅豆粒，都幾好味。呢個比朱古力撻會清新一點。喜歡食沖繩紫薯的話，這個係很好嘅選擇。紫薯嘅份量好多好足料，甜度適中。店舖內其實仲有坐低食嘅位置，感覺都幾舒適，環境都幾寫意。另外，收銀處旁邊亦都有新鮮出爐嘅蛋糕試食。顧客可以品嚐下自己鍾唔鍾意買一個口味嘅蛋糕再決定購買。本身今次都想食下鮮奶撻㗎, 不過好似已買得太多🤣留待下次再嚟幫襯啦…查看更多

行過聞到新鮮出爐嘅蛋糕香味，真係無法抗拒🤤🤤抬頭一望原來係旺角都有分店嘅北海道牛乳蛋糕。行到熱熱地，呢間有得堂食就啱晒啦😆🎈沖繩紫薯撻 $22呢個紫薯撻好有紫薯味(真心唔係講廢話)因為平日食好多紫薯製品，有時個味都真係太假🥲我幾鍾意個紫薯上面有一層cream，令到個紫薯口感更加滑👍🏻下面嘅芝士撻味道亦都好好，因為好新鮮，個撻皮都仲係好脆👍🏻🎈靜岡抹茶忌廉紅豆撻 $25睇落去唔算深綠色，以為抹茶味唔會好濃，點知食落都幾夠味👍🏻👍🏻中間仲有一舊麻糬，煙煙un un 好好味，成個撻嘅口感層次都好豐富👍🏻👍🏻🎈玫瑰伯爵芝士撻 $25伯爵茶味香濃，不過就唔係好覺得有玫瑰味。呢個底亦都係芝士撻底，成個味都幾夾。🎈椰汁斑蘭蛋糕 $100自己食完好野，當然係買返個蛋糕返去孝敬阿媽啦🤓咁啱新鮮出爐就係椰汁斑蘭蛋糕，聞到都流晒口水。返到屋企食落口好香椰汁同斑蘭味，佢比平日出面買既斑蘭蛋糕仲多咗一份牛奶味😋😋軟綿綿得黎又唔會好似食緊陣風咁樣👍🏻👍🏻…查看更多