放假陪同我位長者行太古城中心及康怡廣場，行到傍晚，兩位長者都想早啲食晚餐，但係又唔想食太多嘢，原本想食拉麵，但係又唔想再行去太古城中心，於是就係康怡廣場內揀咗間食粥麵嘅「靠得住」食晚餐，門外排咗10分鐘隊，就有位啦。睇咗餐牌，就叫咗兩碗及第粥$65/碗、鮮炸油條$28、一碗雲吞麵$50、一碗豬軟骨湯麵$50。最快嚟了嘅係鮮炸油條，炸得啱啱好，好香又有口感。之後就係豬軟骨湯麵，豬軟骨份量都比預期多，碗麵份量就唔算多，之後就嚟埋雲吞麵，同樣份量都唔算多，至於兩碗粥就等得比較耐，大約等咗15分鐘，但係份量就真係比預期中多，而且好足料，粥底好好味。總結：食物水準高，環境舒適乾淨，職員服務態度好好，難怪行到咁入嘅位置，都有好多人排隊等候入店。…查看更多
