緣聚鮮鍋

寶哥火鍋緣聚鮮鍋環境以灰色牆身配上彩色鐵椅子.每張枱都很大張.灰黑色石枱.工業風裝修格調最近新出了惹味雞煲.我們選了中辣, 雞肉又香又滑,雞皮焦焦地完全不肥膩.香辣和芫荽味道好出眾。當中底部有蔥頭, 洋蔥, 蒜頭,辣椒爆過, 特別香吃完雞煲可以加豬骨湯食火鍋, 出去自取區, 記得戴口罩先出去.選擇很多, 圓形地形, 直去好多不同食物飲品.....自取區雪櫃好凍，差D凍死我. 食物保持得好低溫好安全,有霜狀態特別肉類位置，肥牛,黑豚肉,豬腩片都應有盡有！喜歡這些肉片可以自己選. 邊份靓取那份比較特別有粉絲, 韓式麵試了粉絲, 好幼好滑, 同平時不同墨魚滑不容錯過.口感彈牙好吃, 自己片落湯.海鮮有蝦，蠔，扁貝，水尤魚. 花甲...落單送來花甲和蝦是新鮮, 蠔和扁貝冰鮮的炸物區有火鍋的 響鈴.魚皮.生根,薯角, 煎埋,咖哩角.. 保持到脆卜卜. 可能燈的照下, 保持熱脆.響鈴和魚皮落火鍋湯.快速一浸一起即吃.外濕內脆特別過癮!最怕軟身不脆的,漏氣感覺.蔬菜方面有些少見新鮮蟲草花.皇帝菜.水耕菜苗取了新鮮蟲草花,冬菇, 粟米,油麥菜,白菜..涼拌小吃：手拍青瓜.酸辣雲耳.泰式無骨鳳爪 餐前開胃菜不錯.辣辣酸酸好清新熱葷都吸引：豉汁蒸倉魚. 口水雞. 香矛豬朳 蒸倉魚幾鮮味, 口水雞麻辣味不錯, 感覺今餐食了很多雞.....飲品：最出色是酒類.啤酒.梅酒.清酒.韓式日式都有.數10款不同款的酒. 支裝，罐裝應有盡有......很適合喝酒朋友來聚！個人覺得兒童區, 因為有橡皮糖夾 甜品: 大板牛乳雪糕, 樂天雪條, 甜筒, 啫喱, 奶凍...中式糖水不能盡錄..基本無可能樣樣都食, 勝在選擇多, 份量足, 環境大衛生, 最適合一班人相聚吃!…查看更多

又去咗大鴻輝打邊爐， 一入到地下，就見到兩條長長嘅人龍， 好彩今次我去呢間喺3樓， 用扶手電梯就可以去到， 唔使嘥時間排隊等𨋢，朋友食過呢間嘅雞煲話好正， 今日特登嚟就係為咗幫襯佢個雞煲，揀咗小辣， 同朋友一坐低，就一個負責q r code落order，一個負責出去睇下有啲咩飲品，同埋熟食、甜品、餐前小食……先講非酒精飲品，有好多選擇，唔同種類嘅汽水，或者檸檬茶，利賓納或者無糖茶都有， 最值得一讚嘅係呢排天氣凍， 仲有一個熱櫃放野飲。我同朋友冇揀到啤酒任飲， 不過都見到雪櫃裏面，好多唔同款式，唔同種類嘅支裝啤酒任揀， 如果鍾意飲啤酒嘅，嚟呢度任飲樽裝啤酒應該好開心。跟住仲有啲熟食同埋餐前小食任揀，試過幾款，味道都唔錯。甜品有啫喱、布甸、豆腐花同雪糕，雪糕有5隻味道揀。講下個重頭戲雞煲先， 好大煲好多肉， 好香好足料， 啖啖肉好惹味，而且啲雞肉亦都好嫩滑。我哋食完個雞煲之後，侍應就幫我哋加湯變打邊爐，我哋即刻試呢個美國特級封門柳， 好有肉味， 而且呢個雞煲湯底滾兩滾， 就算唔點調味料都好食。仲有試過海蝦、沙白、蠔肉同極上黑豚肉，幾好食，海蝦夠新鮮，鮮甜，沙白又新鮮無沙。而且佢仲會送一客點心拼盤， 有紅棗糕同蝦餃，有茶樓水準。夜晚食到勁飽，勁滿足， 呢間真係幾多嘢食揀，幾多飲品選擇， 而且個雞煲好食， 啲侍應招呼亦都唔錯。…查看更多

約咗朋友去荃灣食飯傾偈，我想食雞煲，朋友話佢想火鍋或刺身，於是我就訂緣聚去聚吓😉個雞煲我揀咗小辣，有一大撮芫荽喺面勁正😌😌芫荽嘅朋友表示真係好爽😍😍我哋鍾意芫荽嘅程度已經去到轉火鍋嘅時候都要揀芫荽皮蛋湯，見到成煲都係芫荽真係好興奮😆個感覺仲興奮過屯馬開通🤪🤪🤣🤣呢度有好多款蔬菜類嘅食物，無論火鍋定係沙律都一定揀到啱食。最鍾意佢蔬菜類唔係剩係得生菜娃娃菜，仲有萵筍鮮淮山皇帝菜等等😍😍👍🏾👍🏾每次去食火鍋都好鍾意有好多調味料揀，混醬我就最啱㗎啦😅😅😂😂朋友攞咗好多轉刺身，佢話啲刺身都新鮮，如果選擇可以再多啲會更興奮。竟然發現到有涼粉區，黑白配男仔女仔配🤣🤣🤣食放題啊點可以唔食雪糕呢，雖然唔係哈根但係質素都唔算太差😉😉但係貪心嘅我哋就覺得如果係哈根就更好了😍😍成餐飯最令我哋興奮嘅地方就係酒類飲品多選擇到我每樣飲一支應該都會醉🤣🤣😌😌…查看更多

今日放工同家人黎到放題。入座前先選好湯底，選了日式豬骨濃湯。個湯底味道濃度岩岩好，適合打邊爐夾肉同菜。出面都有好多種類可以拎，有冷盤，打邊爐食品，麵食，熟物，飲品櫃，雪糕櫃。冷盤有八爪魚仔，螺仔都幾好食。打邊爐丸類，腸都多選擇。麵食除左出前一丁仲有不同粉麵，烏冬可以選擇。熟物有炸薯角，炸餃子，炸蝦，雞翼，豬手等等。飲品櫃有好多選擇，有可樂系列，韓式飲品，清酒，自助花茶，仲有熱維他奶。刺身有赤蝦，帶子，吞拿魚，三文魚，榮螺片。赤蝦好鮮甜好味道，帶子口感同鮮味十足。另外，可以用入座qr code輸入落單。西班牙豚肉肉質良好，口感一流。雪花牛油脂分佈平均，入口即溶。響鈴，山根，炸魚皮都係配合打邊爐最佳。雪糕櫃都好多選擇。…查看更多

最近見到緣聚鮮鍋有特價優惠，就來試試火鍋放題任飲任食。任食自助餐加火鍋放題限時120分鐘，今次我就選了包刺身、特級牛肩胛肉眼的D時段 $208，最近更有全日第二位半價優惠，折後連加一每位只是 $177。餐廳面積廣闊，座位排得頗寬敞。火鍋湯底有八款選擇。除了湯底之外，其實火鍋的醬料也決定了味覺，醬料區亦可方便人客自行混醬，混出最適合自己的口味。掃描QR code後就可用手機點菜，不用Download App，環保方便又有效率，order的食物全都一目了然，全程亦沒有漏單。湯底選了海鹽昆布，味道偏向清淡。融合日式刺身、Buffet Bar、沙律 Bar、炸物、蔬菜Bar、甜品Bar，真的有點像在酒店吃自助餐。刺身都是即叫即切，每次可選三款。魚生刺身夠鮮美，而且切得頗厚肉。壽司及沙律Bar 同樣種類繁多。任食火鍋吃得更盡興，結果點到一枱都是食物。D時段附送一客頂級牛板腱，色澤嫩紅，油脂分佈細緻平均。頂級牛板腱肉質鬆軟富油香，肥瘦勻稱。另一款特級牛肩胛肉眼仍有一定的質素，肉質細嫩。海鮮都有好幾款，半殼肩貝肉質爽彈。丸類、餃類亦有極多款式，而且比較有創意。芋香鴛鴦薯就以QQ的外皮，包著軟糯的芋頭餡。火鍋麻糬則像在吃芝麻湯丸般，一咬開滿溢芝麻流心。想不到打邊爐都有小籠包，雖然外皮較厚，不過裡面載滿湯汁。熱葷就有炸魚皮、炸雞粒、炸餃子、春卷、薯條、薯角、薯餅等香口炸物。天婦羅就有南瓜、茄子和大蝦三款，炸漿雖然較厚，但就未至於太油膩。一口一個的葡撻外皮層次分明又鬆脆，中間燉蛋口感軟滑。甜品以啫喱奶凍類為主，還有新鮮生果。任食雪糕更是邪惡誘惑，有乳酪味和士多啤梨味。自助雪糕櫃內有多達八種口味。飲品都是自取，海量款式尤其壯觀。最驚喜的是有支裝熱維他奶，不禁勾起童年回憶。…查看更多

朋友十分喜歡打邊二人就喜歡日式放題，所以我們今日三五知己特登到缘聚鮮鍋棎究一下。由於自助餐進場時間是7點15分，我們大约7點到達，那時候已經看見人山人海排隊等候進場。餐廳内裡的裝修特別，地方寬闊。一進入去就見到一排排裝着汽水及啤洒的雪櫃，其他食物也放得整整齊齊。交通算是方便，從荃灣地鐵站走過來要大约十分鐘，從荃灣西鐵站走過去也要十分鐘。這也應用了新的科技，所以打邊爐的食物是可以經過掃QR code後在自己的手機落單，十分新穎同埋方便。日式放题的食物種類繁多，有三文魚刺身，金倉鱼刺身，希靈魚刺身，有大大隻甜蝦及帶子刺身等等，全部都很新鮮，尤其是甜蝦及帶子，十分鮮甜🥰🥰，我食了3次😛。除了刺身外，還有熟帶子壽司，熟虾壽司以及三文魚壽司，壽司飯軟硬適中，醋的比例剛剛好👍。至於打邊爐，我們選擇了芫莤皮旦及海鹽昆布湯底,清清地最合我們的味道。我們坐下待應就送上特級牛肉，灼一灼，牛肉味濃，肉質軟淋😋。其餘打邊爐的食物種類也多，有魚旦，牛丸， 腸仔, 有肥牛，牛柏葉, 腸仔 ，蝦丸等等。樣樣都新鲜，食落滋朱味無窮。疏菜方面就有金菇菜， 唐生菜，生菜，冬菇等等，大部分常吃的疏菜都有。 金菇菜食落清香新甜，冬菇也好淋及清香。至於麵方面，有出前一丁公仔麵，上海麵及烏冬等。此外，熟的小食有春卷，炸薯條，麥樂雞， 魷魚等等。樣樣都新鲜，春卷炸得金黃而脆，麥樂雞好入味，鱿魚也新鲜可口。除了食物外，還有各式各樣的汽水和啤洒。當然有我喜愛的沙士可樂及楊業成飲品。食飽後，還可以品賞甜品。甜品的種類也繁多，有各式各款的雪糕，軟雪糕等。除了雪糕外，也有啫喱及布甸類，當然也有我至愛西瓜生果。整體而言，這食物及飲料繁多，食材新鮮，地方寬敞，地方交通方便，價錢合宜，服務员服務周到，真是難得的放题地方。…查看更多

有驚喜的火鍋放題，朋友生日，聽人講呢間餐廳有得即場切原條吞拿魚，聽落幾正！於是就嚟咗試吓⚠️食物：有刺身區、熟食區、沙律區、甜品區、火鍋區等等係蔬菜區上面，布滿左唔同嘅figure 幾特別！令人眼前一亮，甜品區除咗基本嘅十多種雪糕，仲有朱古力噴泉、糖果bar飲品區的種類多不勝數，酒類更加唔使加錢，包括梅酒、清酒同啤酒等雖然熟食區種類都唔少，但因為實在太飽，個胃都冇咩位食😆😆火鍋區應有盡有，向位置度用QR code落單，落單後餸菜都齊，冇乜漏單情況。鐘聲響起時，便是大廚示範即場切開吞拿魚，師傅手法純熟，三兩下就切完，錢之後可以響刺身區享用。向任食火鍋餐廳來講算幾特別嘅環節。☺️⚠️環境：卡位形式居多，空間感都OK唔會話黐住隔離⚠️價錢：$208/位 合理抵食…查看更多

為了慶祝人月兩團圓的中秋節，早一個星期前已經訂好位和家人食中秋大餐。選定於荃灣大鴻輝中心內的緣聚鮮鍋，廣告上說是荃灣最大型的火鍋＋自助餐放題,令人非常期待。場內真是超級大，而且取食物的空間很寬闊，人多時也不會覺得擠迫，有壽司， 刺身，火鍋配料，沙律，熟食，炸物，雪糕，甜品，飲品區等.... 大得我迷路了幾次。最先看到的是一整排的雪櫃，有罐裝汽水，麥精，酒類等，最得我心的是餐廳有不同花茶， 柑桔，話梅給客人沖茶飲，很貼心。熟食區域有番茄炒蛋，薯仔炆牛柳粒，肉醬意粉等... 經常轉換，味道都唔錯，還有不同炸物和雞翼，食完再打邊爐。壽司區有燒三文魚，帶子， 鰻魚，大蝦壽司等，細細粒容易食，其中燒三文魚壽司燒得很香，進口充滿油脂。師傅也會即埸整手卷～～最喜歡這裏的火鍋配料超級多選擇，蔬菜種類齊全，非常吸引。坐下我就用手機掃描餐廳給的條碼點了生蠔，帶子，牛頸脊，梅花豬肉，羊肉，沙白，蠔和天婦羅等等。最特別是餐廳準備了很多給生日壽星拍照的道具牌，雖然我們沒有人生日，但也借了來給爸媽拍照， 渡過了很歡樂美味的晚上，很讚。…查看更多