kikusan (已結業)

咁難得放假，又想食中式上海點心、又想食日本嘢，真係好難選擇! 咁啱搵到一間兩樣都有，放工就即刻嚟希慎試下~嚟到嘅時候都大約3點幾，要搵一間下午茶時段唔會休息嘅中式餐廳真係好難，呢到 會開放一半俾客人，空間闊落坐得好舒服，開放式廚房，可以聽到點心師傅整小籠包～Kikusan卷 $68我都係俾呢個卷物，吸引咗嚟呢間餐廳， 上面佈滿澎湃嘅海膽、吞拿魚蓉同魚子粒，下面就係青瓜卷，雖然飯得嘅口感差少少，但呢個價錢嚟講，都唔差!雞肉小籠包$46見佢雞肉整嘅小龍包幾特別就係試下啦~肉汁都好多，如果可以係餡料方面增加啲口感，會更加好。花生黑芝麻驢打滾$38/6件比平時食嘅特別，呢到會煎封底面兩邊至金黃， 外脆內軟更加煙韌，裡面有滿滿嘅花生醬，外面佈滿椰絲同芝麻花生粒，食到停唔到口!我哋兩個人，食咗4款食物2杯飲品，平均$ 150/位，食少少坐下都幾好，試下啲新派小食。

團年飯，年年都係食中菜冇咩特別，今晚要行花市，所以就係銅鑼灣搵食！諗起Kikusan食日本野又有D fusion 菜食夠特別，一於帶家人去試下先！鮮芒果紅菜頭米紙卷味道好清新，芒果味好Fresh，口感好爽脆，配上越式醬汁有少少辣，幾開胃。素餃煎到脆卜卜，咬落去好多汁，味道好濃好香，但係食落唔會覺得油膩。皮非常薄，可以見到湯汁好飽滿。一咬落去好香雞湯味，味道相比起豚肉的小籠包冇甘油膩，但係雞湯的濃味都好吸引好正食完之後雞湯的味道維持到好耐，好滿足凍烏冬入面有炸豆腐，熱辣辣好香又滑，而且豆腐吸哂湯汁的味道，好好味。野菜天婦羅餅非常好食，脆卜卜，好香野菜的味道，而且同個醬汁好夾，而且大大塊，用黎送個烏冬超正！煎得好香的豚肉，配上珍珠米，口感唔錯，但係味道比較油得黎而且唔算好有味道。建議加番少許的醬油會更好！大約是5層的豬肉片夾住去炸，口感幾鬆軟，炸得幾香口，而且吸哂D湯汁，味道唔錯。但擔擔麵就冇咩特別，麵煮得比較腍身，湯汁都是正正常常的味道。

很久沒有好好拍拖，本週兩口子趁簽約前在銅鑼灣 Kikusan 拍拖兼預慶一下～會來這裡是受到食友$68 Kikusan卷的引誘，其實上這裡消費真心好抵，食物又有特色，在銅鑼灣旺區來計非常吃得過。餐廳位於希慎廣場13樓，大家可上一樓再搭特快專Lift到12樓再上一層，是為最快方法。我們不夠6時就入座了，可以拍下店內清靜的一面；由照片可見，日本清酒加上中式的點心籠，這裡沒錯是主打中日混合菜，餐牌也分為：點心、小肴 (Japas)、壽司刺身、卷物、飯麵及甜品幾大項。 老公嗜酒，一來就點了杯紅酒，只$48挺便宜，不過不算很大杯。我就喝烏龍茶好了，冷熱都是$5/位，可以補添，無論拌中餐或日餐都合適。 一來就點了 Kikusan 卷 ($68)，由海膽、三文魚籽、免治拖羅、蔥及青瓜卷組成既豪華又龐大的陣容，以這定價實在太超值，每人一份應該都飽了！而味道也實在鮮甜美妙，必點推介！ 老公非常餓，又點了魚生飯 Assorted Sashimi with Rice ($138)，用的刺身較細碎，但味道同樣鮮甜好吃，最喜歡是飯中加了不少脆粒，吃來更有口感，也不錯！但與 Kikusan 卷相比肯定前者較抵