泰潮 (嘉咸街)

過開中環做嘢、收工突然間想食泰國菜。上網一search、原來中環都唔少泰國菜。眾多嘅泰國菜當中，我就最揀咗泰潮。一嚟泰潮好評眾多，二嚟睇到餐牌價格都好相宜。未去到餐廳、我就已經揀好咗，要點晚市2人套餐B。晚市2人套餐B，有一個湯、兩個小食、兩個菜、一個例牌海南雞、兩個飯、同埋兩件甜品。 咁多嘢食都只係$298，確係好抵。同埋份量其實三個人食都足夠。冬蔭功湯湯有豬肉丸、大蝦同雜菌、都算係幾足料。湯嘅味道好好，但如果可以再辣少少就更好喇。酸辣鳳爪食酸辣鳳爪，我最驚就係太過辣。泰潮嘅酸辣鳳爪就剛剛好。而且鳳爪就住每一隻趾位剪開咗，一口一條，唔會話多咗幾隻趾會食到成咀都係。泰潮海南雞泰潮嘅皇牌菜，雞好滑好香，又唔見有脂肪。連埋雞皮入口完全無罪惡感。點埋海南雞用嘅醬汁，提升海南雞嘅味道。再配埋雞油香飯一齊食先係皇道。雞油香飯有得揀香油雞飯，當然會叫依個啦。粒粒飯都係金黃色，充滿住雞油嘅香味。可惜嘅係唔記得咗個2人套餐有招牌咖喱。早之應該叫一個雞油香飯、另一人叫絲苗白飯。泰式炸蝦餅拼春卷雖然單碟嚟睇份量唔算太多，但以整個2人套餐嚟講，其實就好足夠喇。蝦餅彈牙有蝦味。春卷就係齋春卷嚟，變咗唔會食太多肉，相對比較健康。招牌咖喱招牌咖喱可以點配牛筋腩、豬頸肉、或者雜菜。我哋點咗配豬頸肉。咖喱非常之香、同豬頸肉都好夾。豬頸肉好鮮嫩。唯一可惜嘅係我哋兩個飯都點咗雞油香飯，早知應該一個雞油香飯、一個絲苗白飯，咁就唔會浪費咗咁香咁好味嘅咖喱喇。泰式蒜蓉炒雜菜蒜蓉味好夠，係依一餐嘅蔬菜主要來源，整份菜都好好味道。泰式甜品甜品係兩件細細嘅椰汁糕、清甜好味。幫依一餐劃上完美嘅句號。…Read More

位於中環皇后大道中，側邊一條窄窄地既斜坡。晚巿二人套餐，個份量夠哂3個成人食。偏向港人味道，菜式冇乜辣味，亦唔濃味。泰菜黎講唔算非常出色，但勝在夠抵食。.🔷晚巿二人套餐B ($298):🔸冬蔭功湯味道不錯，少少辣，落左菇，豬肉丸煮。.🔸泰式青木瓜絲沙律唔辣，爽口，味道較淡，微酸。有青木瓜，蘿蔔絲，腰果，車厘茄。.🔸泰式炸蝦餅拼春卷熱辣辣，外面炸得好脆，配泰式辣醬。.🔸泰潮海南雞(例牌)不錯，雞唔鞋，點左辣汁食，好惹味。.🔸招牌咖喱豬頸肉咖喱都係非常少辣味，啱送飯，豬頸肉唔韌，亦有好多紅椒，黃椒，洋蔥。.🔸泰式蒜茸炒雜菜難得泰菜店炒既菜，竟然會淡味，唔會太鹹。.🔸雞油香飯 可另選白飯，揀呢個貪佢就咁食飯都有味。.🔸泰式甜品係椰汁糕，口感較實。…Read More

星期六阿媽陪我去中環診所覆診完，時間已經係黃昏，所以一於搵地方食埋晚飯先走。每個星期嘅難題又出現了，好彩係Openrice搵搵，見到「泰潮」，我之前喺深水埗食過午餐都OK👌。喺出面望，係睇唔到舖頭入面原來都幾大，環境算乾淨企理，牆身仲畫咗以香港中環為主題嘅壁畫🖼。店員們好友善，向我哋推介晚市2人套餐，有A同B款，主要分別係多碟前菜，其餘內容大致一樣，價錢爭$30而已😊。胃食嘅我哋要咗Set B，個套餐真係勁勁勁多嘢食，好誇張啊擺到成枱都係。計埋甜品總共有8樣食物，全部菜式嘅賣相都好吸引，唔會求求其其👍。湯品有得揀冬陰功湯或者扎肉肉碎湯，我哋要咗前者，惹味啲嘛🤤。店員就算好忙，都不忘幫我哋分埋湯，好細心呢。冬蔭公湯唔會太辣🌶，因為有椰香作調和；另外湯料好足，有4隻蝦、4粒豬肉丸同大量菇菇。前菜可以揀泰式青木瓜絲沙律或者酸辣鳳爪，我哋要咗鳳爪，味道微酸，幾開胃，而且份量好多，成10隻都有！不過最緊要係鳳爪無骨🦴，咁先食得開心。泰式炸蝦餅拼春卷，每人每款一件份量剛剛好。雖然炸物係好好食，但食太多會膩同滯住。🍤炸蝦餅大大件，口感又夠彈牙，好食；春卷就正正常常，無乜特別。泰潮海南雞🐓(例牌)，一望碟雞我就知道我會鍾意食，因為海南雞整整齊齊乾乾淨淨上碟，而且亦係去骨㗎！啖啖肉食真係好正，加上雞肉好滑呢，點埋個辣醬食無得輸😋，果然係招牌菜，無令人失望。泰式蒜蓉炒雜菜🥦，蒜香口味恰到好處，唔會太淡或太濃。因為係炒雜菜，菜嘅種類真係好多，包括西蘭花、芥蘭、蘿蔔、粟米仔同木耳等等。阿媽食咗大半碟😂。招牌咖喱🥘可揀配牛筋腩／豬頸肉或者雜菜，阿媽唔食牛，所以要咗豬頸肉。🐷豬頸肉份量都多，不過就比較細粒；脂肪不會太多，口感亦不柴，唔錯。至於咖哩係唔辣的，帶有椰香，伴菜係紅黃綠燈椒，如果轉薯仔會更正，不過都食唔哂🙈。米飯🍚方面，有得揀泰國絲苗白飯或者雞油香飯，依個真係諗都唔洗諗，屋企日日都食白飯，出到嚟就梗係要油飯啦！油飯每粒都黃色的，好均勻，食落亦不會油，而且米飯好軟熟，一啲都唔乾。最後，就係跟餐泰式甜品2件，椰青大菜糕口感爽爽的，有少許椰肉🥥，不太甜，幾清新！但好搞笑地甜品個Size對比主菜係非常細，哈哈。總括嚟講，我對依餐除咗滿意之外，就係好滿足😍。泰潮晚市套餐性價比真係極高，8樣食物每人$150都仲有找，而且真心每樣都好好食！唯一美中不足就係套餐唔包飲品🥤，要另外加錢，不過其實每杯特飲都係加$10啫，相當抵，我要咗青檸梳打，同樣出色💯。…Read More

泰潮 #中環❗️連續十年獲得米芝蓮推介嘅泰國菜❗️呢間泰國菜連續10年獲得米芝蓮推介✨非常利害。雖然今次去嘅係位於中環嘅分店，而唔係獲獎嘅深水埗本店，但味道的確唔錯，大件夾抵食。二人餐B👭🏻$298呢個二人餐多到可以夠四個女人食🤯無加一每人賣單都唔使$150🤩有齊晒湯、沙律、小食、獲獎嘅海南雞、咖喱、甜品，抵到爛。1️⃣冬陰公湯🍲酸酸地唔係好辣，有大量蝦肉、豬肉丸2️⃣泰式青木瓜絲沙律🥙同大部份青木瓜沙律一樣，都係用上泰式酸甜魚露調味，青木瓜爽口份量多。3️⃣泰式炸蝦餅拼春卷🍤超大粒炸蝦餅，春卷包住蔬菜絲，炸得非常香脆。4️⃣泰潮海南雞🐔呢個絕對係佢哋嘅招牌菜式，事先起晒骨，雞肉嫩滑，面頭仲有啲雞油，配上辣椒醬同埋油翻夠晒好味。5️⃣招牌咖喱牛筋腩🐮咖喱椰香味重，甜甜地唔會太辣。特別欣賞佢啲牛筋真係超級淋，感覺超強骨膠原，好似食緊花膠咁。6️⃣泰式蒜蓉炒雜菜🥬貌似普通嘅炒雜菜，但蒜香味幾重，有茶餐廳嘅鑊氣。7️⃣雞油香飯或者白飯🍚不得不提佢嘅雞油飯真係好香，算係我食過咁多間海南雞飯之中最濃！而且根本有成兩碗飯咁大，女仔根本冇可能食得晒。8️⃣泰式甜品🍰最後送上一個椰汁大菜糕，清清甜甜。❣️整體來講❣️呢間泰國菜嘅性價比真係冇得輸，兩個女仔食冇可能食得晒😳見有唔少上班一族放工咁嗌個飯都夠。雖然菜色唔算特別，但獲得米芝蓮推介，水準的確唔錯，平平哋值得一試✨。泰潮 (中環)🚩中環嘉咸街7號地舖…Read More

I had to work on Saturday. I was so hungry after work and decided to have dinner in Central. I remembered there was a Michelin recommended chicken rice Thai restaurant nearby which I had wanted to try for so long. It was a bit hard to find as it was masked by the many small wet market stores. Yet it was bright and clean inside with sufficient room among tables.I was too tired so did not want to think and just ordered their 晚市2人套餐B. There were still a lot of choices within the set dinner!晚市2人套餐B at $298晚市2人套餐B included a soup, an appetiser, a salad, a regular Hainanese chicken, a bowl of curry, a veggies dish, two bowls of rice and two desserts. No drink was included though. Almost each item had a choice from more than one item. Very flexible!All the food was served to us very very soon.冬蔭功湯The soup was served in a very nice pot and smelt so appetising throughout our meal. It was mostly sour and just slightly spicy, obviously catering for HK people's preferences. It was not too oily with loads of ingredients, including 8 small shrimps, 3 pork balls and many 草菇 & 秀珍菇.酸辣鳳爪They were quite sour and spicy but even I could accept it. They were crispy and I particularly liked how even all the bones were edible. Even the side which was the spring onion heads was tasty.泰式炸蝦餅拼春卷Both were freshly deep fried and almost burnt my mouth even after being left cold for a while. The prawn cake crust was super thin and was crispy! The spring roll was crispy too. I particularly liked the sweet and sour sauce on the side which made the deep fried food taste so good!泰潮海南雞(例牌)It seemed that the chicken dish was recommended by Michelin. Half of it was chicken leg and another half was chicken breast - catering for the preferences of both camps of chicken lovers. Even the chicken breasts were so tender. The accompanying sauce was so sweet and highly enhanced the flavour of the chicken!招牌咖喱牛筋腩There were numerous pieces of tendon and 4 beef briskets. All of them were super tender especially the tendon, probably the most tender I had ever tried. Accompanying sides were sweet peppers of different colours and onions. The curry sauce was sweet which pleased me so much! It went great with rice even with the yellow rice. No wonder their signature curry!泰式蒜茸炒雜菜It was so healthy and not oily at all! Portion was quite big as part of a dinner set with many varieties of veggies like cabbages, 芥蘭,雲耳,carrots. 雞油香飯The yellow rice was not bad. Portion was great and it was not overly oily.Thai dessertsThe Thai dessert was either 大菜糕or椰汁糕. We chose the latter which was refreshing and not overly sweet at all. Although it was quite mini, it was quite a good end of the big feast.There were a lot of dishes included in the set and yet it just cost $298 for two without additional service charge. Quite a good value for money indeed! Service was so warm as the server asked what we thought about the food and offered us additional water after we had finished ours. Definitely a place to come back from time to time for a good meal in Central. One thing worth mentioning was that the Thai food was generally less spicy and sweeter - probably to cater for HK people's preferences. …Read More

連續十年獲米芝蓮推介不客易，難得的是價錢相宜小店位於中環街市附近，位於兩小巷交界，招牌尤其顯眼，門外有一泰國Tuk Tuk青蘋果色的座位予人光猛衛生的感覺晚市二人套餐只須$268，超值扎肉肉碎湯連鍋上，可一直保持著溫度泰式炸魚餅炸至金黃，拼春卷皮脆餡香，醮一些酸甜醬很滋味招牌菜泰潮海南雞肉質爽滑，雞味濃郁，醬汁香濃微辣招牌咖喱蝦球爽口彈牙，很有椰香味泰式蒜蓉炒雜菜夠大碟菜類多吃海南雞當然要配雞油香飯！飯有咬口，吸盡雞油至金黃色，煙韌甘香 泰式甜品為椰青蓉大菜糕每一口都可以享受到椰子水和椰子肉的清甜還要免加一，性價比奇高…Read More

又為了迎接泰國之旅，再次在港食泰菜，今次自己搵到間米芝連級數的泰菜我知仲要喺中環，價錢來講仲好平民添青木瓜沙律-感覺好正宗，而且酸酸甜甜非常開胃春卷-外皮很脆，內裏嘅餡亦很多蝦餅-非常彈牙鮮味招牌咖喱豬頸肉-咖喱汁很濃，而豬頸肉很爽很有質感，兩者配合相得益彰海南雞飯-雞肉鮮嫩香滑，而且有雞味，去買海南雞醬食，味道更有層次，更豐富雞油飯- 勁好味，淨食個飯，唔食餸都可以食哂全個椰子果凍-埋單前還有甜品送，清甜而且有粒粒椰果肉…Read More

抵食米之蓮餐廳二人餐星期六去咗中環做facial，天氣熱特別想食越式泰式嘅嘢食，同左男朋友去左街市呢間食晚餐，之前我哋喺深水埗都食過，就試吓呢間中環分店質素係咪一樣好。中環嘅分店裝修特別啲，雖然唔算大間，枱都多，叫做坐得都舒服嘅。我哋叫咗個二人餐，嘢食咁多應該飽啦！啱晒男朋友呢個大胃王。冬陰公湯呢個冬陰公都幾足料，入邊有成五隻蝦，三粒細牛丸，菇類，番茄同埋其他配料。味道都幾啱我哋，酸酸地，有小小辣，椰汁味都好重，好有泰式嘅味道。泰式青木瓜絲沙律呢個青木瓜是沙律又係酸酸尾尾，少少咁多啦，好開胃。泰式炸蝦餅拼春卷蝦餅同春卷各兩舊，男朋友話炸得好食，啲油唔係萬年油。我覺得個蝦餅足料，彈牙蝦味重好食。泰式蒜茸炒雜菜多菜選擇，有木耳，椰菜花，西蘭花，菜心，粟米仔，紅蘿蔔，用蒜茸炒，吾齋。招牌牛筋腩咖喱牛筋同牛腩都吾小，加埋小小辣，用黎餸飯有一流，我碟飯都俾埋男友食～泰潮海南雞果然係米芝蓮推介，雞柔嫩，香滑，就算雞胸位都嫩，有鮮雞味🤣，好食。仲有兩碟飯。2人餐$298冇加一，前菜沙律，小食，湯，三個餸連飯連甜品⋯⋯抵！…Read More

呢間泰國菜，之前之前佢係米芝蓮餐廳，所以係澳門食過，今之揀左係中環呢間分店食，算係係中環區搵到間平平地既餐廳食下。餐廳位於排檔中間，門口有個好似泰國「篤篤車」既裝飾，內裡裝修就飲置身泰國街頭一樣。晚上時間有一人、二人同四人餐，亦有散叫的，見二人餐幾平，只需$268，而且又有呢度出名既海南雞，所以便點了一份！冬蔭功湯，這裡的冬蔭功湯湯底夠酸辣，帶有少少椰汁味，材料方面有勁多菇類，仲有蝦，岩哂中意食菇既我！海南雞係呢間餐廳最出名既菜式，雞肉嫩滑唔肥，仲配有個袐製醬汁可以點！雞油香飯，冇諗過係會咁大碟飯的，唔駛怕唔夠飽！個飯好香雞油味，但又唔會好肥！泰式青咖哩豬頸肉，咖哩唔會係好水既，辣度岩岩好，冇諗過豬頸肉同青咖哩咁夾！咖哩入面仲有泰式茄子同埋豆角！一啲蔬菜食下真係唔錯！泰式蒜蓉炒雜菜，呢度雜菜個味道岩岩好，唔會太淡，雜菜包括了椰菜、芽菜、紅蘿蔔、菜心、椰菜花等，岩哂唔想食咁多肉既女士！泰式炸魚餅拼春卷，魚餅唔算好油，春卷好脆！泰式甜品係椰青水做既糕點，非常清甜，食完濃味野可以清清！總括黎講，係中環區可以食到一個價錢唔貴又飽既泰國菜實在難得，而且店員服務也很好，有機會要再黎食！…Read More