嘆撈

營業中

休息中

屯門嘅虹橋一向出名多美食！今次就嚟到呢間叫做嘆撈嘅小店，主打撈麵、涼菜、小食同埋糖水！而且啲天氣咁熱，食返碗涼麵同埋糖水都唔錯喎～✨雞嘆撈配料有手撕雞同埋麻辣雞軟骨，手撕雞肉質唔會柴，麻辣雞軟骨大粒而且入味！做法有兩種，今次就簡咗嘆撈，配料仲有青瓜絲、炸黃豆、炸花生同芝麻等等，令到成個麵嘅口感更加多元化！麵食就簡咗涼皮，口感嫩滑，掛汁能力都好高，凍凍地咁食感覺好清爽～✨自選湯麵簡咗手撕雞帆立貝鴨胸雞湯米線，好足料，本身麵嘅配料都有蒿苣同肉碎！雞湯亦鮮甜美味，味道有驚喜～✨白桃烏龍茶(無糖)烏龍茶有微微嘅回甘，同淡淡嘅白桃果香好夾～✨椰汁西米露好濃嘅椰汁香味，甜度剛剛好！而且超多西米，口感十足～餐廳嘅食物質素高，價錢亦好親民，下次來虹橋一定會再幫襯～

一開始係朋友介紹食，食過一次就形成左個習慣，每次入去虹橋食完晚飯都一定買一兜番屋企，其實完全唔係住屯門嗰頭😂但真係好正！！🤤🤤不過今日紅日晚市時間入去竟然一個客都冇 真係覺得好心up呀真係內心不禁感嘆宜家香港市道差左好多各行各業都好難捱，特別係小店😮‍💨所以決定將自己人生openrice第一個食評獻比嘆撈～真係好好食，夏天食一流，又用心整，每次去店員都好有禮貌，每次都係好快就有得攞～嗌左雞嘆撈，之前都係食開牛嘆撈都一樣好食，特別鍾意佢個雞軟骨，調味好足配料都多，不枉山長水遠攞番去食🥹👍🏻👍🏻呀仲有+$10既白桃烏龍都係好香！

《嘆撈》📍屯門站💜雞🐔嘆撈(唔辣)🥢 💰$48涼皮幾有咬口，質感再加啲唔辣嘅芝麻醬汁就更加滋味爽口o(^▽^)o入邊仲有雞絲同微辣嘅雞軟骨，食落一啲都唔靭，而且係本身已經調咗味，有少少似食海南雞嘅嗰種口感，雞軟骨咬落好爽口，脆脆的感覺🤤伴菜仲有大量嘅青瓜絲、花生粒同埋芫荽，成個配搭都好清新好適合夏天嘅時候食!🔅幸福指數：😻😻😻😻/5💜桃膠雪燕西米露(冷)🥢 💰$43依一個甜品簡直就係女生的滋潤美顏之選!🤭一𢳂起就望到有兩大粒桃膠，另外旁邊仲望到有三份一咁多嘅雪燕，再配埋大量的椰汁西米露，真係又滋潤補身，又滿足到大家的甜品胃(^-^)幸福指數：😻😻😻😻😻/5*不需另加一服務費Yumyum舔舔脷指數：🧸🧸🧸🧸🧸/6環境指數：🧸🧸🧸🧸/6服務指數：🧸🧸🧸🧸🧸/6性價比指數：🧸🧸🧸🧸🧸/6回頭指數：🧸🧸🧸🧸🧸/6(滿分為🧸🧸🧸🧸🧸🧸)以上屬小編主觀(非專業)食評，所有意見只供參考( ´▽｀)📍嘆撈🗺 屯門井財街15號金銘大廈地下4號舖

屯門地道撈麵小店.7月星期日去到屯門井財街嘅嘆撈食晚餐，由屯門站再轉輕鐵到景峰站落行5分鐘就到，6點到達啱啱好避過左晚餐時間，唔洗等就入得座～餐廳裝修簡單，其間見到唔少外賣生意，似乎都幾受附近街坊支持🫶🏻.餐廳以四川撈涼麵為主，另外仲有啲小食同甜品。今次我地就叫左兩個撈麵同一份燒賣.◽️雞嘆撈(手撕雞+辣雞軟骨) $43涼拌撈麵配菜唔少，有芫茜、花生、青瓜同炸黃豆粒；醬汁方面叫左BB辣，麻辣得黎又辣度啱啱好，啱曬想試下辣嘅朋友😋麵質幾彈牙，掛汁而且開胃，手撕雞同雞軟骨方面份量都唔少，幾啱夏天食！.◽️自選撈(涼麵+唔辣+豬頸肉) $38麵質彈牙，醬料揀左唔辣，但其實都有種麻辣嘅香味！豬頸肉有6塊，味道都唔錯.◽️燒賣 $10我地另外仲叫左份燒賣，係好食嘅燒賣❤️另外佢地仲有個獨家調制豉油同辣油，加埋食唔錯.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b